金東大小廚 (已結業)

一個人到處覓食，行到東大街，見到有點心、小菜同燒臘，款式都幾多，於是入去試一下。見到有招牌口水雞($42)，叫咗一個，份量唔細，底下有一d拍黃瓜，味幾香、幾正宗而唔算太辣，算過關。見到菜牌有蝦仔豬肚/切雞飯($15碗)，見到蝦配肉都幾特別，諗住叫豬肚點知冇，改叫粉腸；d蝦係細細隻個種，但幾新鮮幾甜，粉腸一般ok，飯就最正：粒粒飯唔黏，d豉油帶甜又惹味，雖然一個人已經飲咗二枝大啤一肚水，但都忍唔住食哂成碗飯。臨尾叫咗個燒賣($12)，唔係一般工廠貨式，豬肉幾彈牙，滿意。呢到價錢真係好抵，不過地方就up dun 咗d。