金東大小廚 (已結業)

明星效應，食垃圾，冇服務，又要收加一，要自己出柜面找數。最過份係一個舖位，有人可以食燒味飯，無須加一，又唔收茶錢，只用冇否枱布來分别。而我想食小菜，有枱布，要收茶錢，加一，用同一個食物環境-魚蛋粉舖環境，一個收四百幾，一個收四十幾，一向講曬，不會再去。

叫碟干炒牛河加可樂，埋單要93蚊茶記品質冇特別，中環價錢收茶位再加一，當正自己大酒樓每月租金才幾萬，什麼地段…… 劏人去遠D做街坊生意伙計態度極差冇禮貌，我感受似來乞食

如果唔係有親戚係外國返黎，我都未必專登去筲箕灣食蜑家菜。我地叫左餐，貪佢唔駛諗，頭盤係冰鎮鮑魚海鮮拼盤，鮑魚都幾大隻同埋唔係鞋烚烚。蝦多士就油左少少，但隻蝦同蝦膠都係大大舊。最好食我就覺得係個手撕雞拼鴨脾，2種肉都好match，鴨脾就登番均雞既鞋烚烚口感。蜑家菜點少得海鮮，我初初以為蒸咸鮮石斑係蒸咸魚，原來係咸味既魚，唔係平日食果種奄咸左既魚。粉絲蟹煲平日就食得多，呢到用腸粉代替粉絲，索盡d蟹汁，正！其實$450位，如果私房菜黎講，未至於好貴，而且係一定夠飽，只係如果坐後巷舖的話，中間條後巷係有點唔開胃的😅

一次写评价，其实并不想做个刻薄的人…餐厅菜式繁多，味道也不错，但是菜量偏少，尤其是冰镇芥蓝，简直少到令人发指！如图所示，$78，目测不过十颗…… 但上来的时候，简直崩溃了。

一碗燒鴨飯，最重要燒到皮香肉嫩。其次個燒汁好重要提升肉味。呢碗飯絕對做到！燒鴨剛好做到芝麻皮，脆口感還有種鴨香味。肉質鮮美，叉燒半肥瘦色澤亮麗，入口即溶，燒汁甜度岩岩好。價錢抵食，值得推介。

朋友是金東大的常客，對這裡的食物讚不絕口。這次我們一行八人來幫襯，可以盡嚐各種不同的美食。首先要推介的是冰鎮鮑魚！新鮮肉厚！海膽炒蛋多士，同樣值得一試！海膽濃香，配上香脆的多士，中和了油膩的感覺！另一款值得推介的是蟹煲！重點不是蟹（我比較懶，沒興趣食蟹！），是伴著蟹的腸粉！吸收了蟹的精華，腸粉有蟹的鮮味！我們還點了手撕雞，蒸石班，蟶子，東風螺和砂窩蜆煲。據說金大東的煲仔飯，一向很受歡迎。米飯香軟，有飯焦而沒有燶，果然有水準。最後在吃得飽飽的時候，再嚐嚐這款特式甜點"小丸子"。

離港数月，久遗了筲箕湾東大街食肆，今早駕車去開東區，特别去那里食晏，最後還是選擇了金東大。 喜出望外的是午飯時段有炭爐煲仔飯供應，於是叫左個潤腸滑鷄煲仔飯，水準保持，鷄肉鮮且滑。叫了個蒸墨魚肉餅，水準平平，無墨魚的鮮甜味。值得一提的是午飯套餐，叫了個蝦醬通菜牛肉，連例湯白飯，只收48元，蝦膏味好濃好香，又有鑊氣，絶對超值。此外還叫了两個㸃心: 鷄脚和鮮竹卷，都唔錯，又唔貴。周一至六午市仲不收加一服務费添，非常放心介紹此店予大家享用!

東大街一向多好野食~ 本來係想去食民聲肉餅飯~ 但佢冇開~ 友人提議到金東大~ 冇問題呀~ 反正都係同一條街~ 就去試下囉~ 去到, 佢2間鋪連住, 店員安排好坐位後, 我地就開始睇menu, 我是第一次黎, 不過友人之前就黎過~ 一望到餐牌, 嘩, 乜貴左咁多既~ D小菜都幾貴~ 所以我地決定叫一個宗飯 - 牛肉煎蛋宗飯, 鵪春蛋燒賣同金銀蛋菜~ 鵪春蛋燒賣, 就是鵪春蛋加燒賣囉~ 不過我是第一次吃, 都OK既~ 聽說這裡的點心不錯~ 皮很薄~ 金銀蛋菜不錯啊~ 很多我最愛的咸蛋黃~ 菜亦炒得剛好, 不會太老, 也不會太淋~ 很多餐廳這道菜都會很淋~ 不過3道菜入面, 我最中意就係牛肉煎蛋宗飯~ 我好中意食宗飯, 因為份量不多~ 而且不知怎的~ 覺得宗飯很有香港地道特色的說~ 牛肉是山竹牛肉, 加隻煎多, 再加了甜豉油, 絕配是也!  

同朋友到筲箕灣食晚餐，因之前聽人講金東大小菜出色，所以去試下。聖子皇較其他餐廳細隻及蒸得過了火，覺得聖子比較硬，加上很少粉絲，一般。砂鍋煮蜆，份量都多，但汁較濃，食唔到蜆的鮮味。雜菇支竹抄菜，味道較淡。鯪魚球都ok ，彈牙。整體一般，冷氣出風都幾大，都幾凍。

今晚放工拍拖食飯, 選了近公司的筲箕灣, 原本打算食另一間泰國菜, 但搵唔到該鋪, 於是改食出名蜑家菜的金東大。由於有一張25周年特價餐牌, 於是點了一個特價菜：帶子炒蛋 ($65)帶子應該都係用急速帶子, 但完全冇雪味, 炒蛋亦嫩滑, 半生熟的, 入面仲有點蛋汁流出, 最鐘意這個狀態的炒蛋! 蛋裡還有放蔥, 食落更加香口。 飯方面點了一個艇家單腳炒飯 ($68), 其實似欖菜炒飯加3隻脆炸大蝦, 大蝦真係炸得好香, 而且啖啖肉, 好味! 炒飯粒粒金香, 乾身且粒粒金黃色, 水準不錯, 以$68來說是超級抵食!另外還點了一個砂鍋生炒蜆 ($88), 一上菜成枱香氣, 砂鍋熱辣辣, 我平時都怕怕地食蜆, 怕有沙及泥味, 但這鍋蜆完全沒有沙, 也沒有泥味! 即使豆豉味很重, 也能吃得出蜆得鮮味! 店員很細心, 叫我們小心鍋熱, 而且不停幫我倆換碟, 至少換了5次! 一見到碟上有幾隻蜆殼又換了, 實在很細心! 男店員亦常常很熱心的幫我們添茶, 順手就會檢查茶壺是否需要加水。這裡的店員又熱心, 又有禮貎, 實在令我們食得很服適!總括這餐以這個價錢有這種食物水準, 加上服務周到, 真的抵抵抵抵抵

中午出去食個午飯, 知道東大街美食選擇多!但我選擇了金東大小廚, 那裡有煲仔飯,特式小菜, 多款點心! 而且環境寬敞, 還有很多明星簽名在牆壁上, 可算是信心的保證! 🎉我跟朋友點了不同點心share, 然後再點了回窩肉, 不會過份辣, 送上白飯, 還有一碗例湯,果然一流!👍 留意一點, 可能天氣開始熱, 點心有點兒變壞, 酸酸地的感覺! 尤其是珍珠雞!

很多人都喜歡炭爐煲仔飯的熱辣辣米飯和飯焦滋味金東大小廚******************近來喜歡出外走走，發掘本地一些未曾到訪的景點，是日到石澳一遊和攝影，萬分滿足，回程時再到筲箕灣的東大街尋找合適食店，路過賣炭爐煲仔飯的金東大小廚 門前便停步了，身為新界人的筆者還是首次踏足這裡，街上兩旁食肆林立，日式、泰式、小炒或甜品等，正值晚飯時段，人車爭路好不熱鬧。煲仔飯除了大路口味，亦有矜貴的海鮮款式，價錢當然也不同凡響，由198-238元不等走進店內，只見店員忙碌地招呼客人，樓底不高導致人客聲浪、炒菜或執搶碗碟等聲音直衝耳際，牆上各處佈滿藝人簽名或明星合照，亦因應他們的步伐趕快點壼壽眉，兩客炭爐煲仔飯和砂鍋炒蜆，除坊間較少有的炭爐煲仔飯，也有蜑家菜供應，坦白說，海鮮價格頗貴呀。原個砂煲呈上的煲仔飯，熱力四射臘腸膶腸煲仔飯及臘腸排骨煲仔飯 各HK$60等候10-15分鐘即叫即製，原個煲仔飯上桌啦! 店員將豉油沿煲蓋滲入煲內，再待了一會，揭開煲蓋，即時傳來陣陣臘腸與米飯香，"生米煮成熟飯"的矜貴滋味，飯粒分明煙韌，混入肥美鬆化的膶腸和甜香惹味的臘腸，油潤香口，伴熱呼呼的煲仔飯和脆脆飯焦，的確是

跟熊大見面的時候已經2點了。連早餐也未吃的兔兔已餓扁。。。見到門口這堆點心，心想：掂曬，即叫即有！可惜，完全推斷錯誤，錯曬。。剛入店內見到環境擠逼，熊大非常醒水地問可否進裏面的大廳。奇蹟地一坐下就見到電視明星苑小姐坐在我對面！！她對這兒的侍應多番吹促，但男侍應還是非常「立囉」。。門口點心陣巨大，以為有多樣選擇，點知叫咩無咩，菠菜餃，無。落左魷魚，又話系統無，點了個大包，熊大還指正他寫錯了雞包，竟然無落單。叫他回頭落單，他突然又說魷魚可以落單了，突然又走來說蒸飯落了單，但賣曬了！！我不知道大家是否明白，這樣的服務真令我感到非常詫異。后面聽到媽媽和bb 的一台客人好幾次狂吹點心情況。埋單前仲話：唉，幫我取消個牛肉球喇，我地趕時間啊。而苑小姐都問叫朋友若覺得唔好食就放棄喇，不知道是否暗示食物有點兒。。。評完awful的服務，再評食物味道。蝦蛟皇，約為連鎖茶樓的1/2 大小，無鮮甜味。。蒸鳳爪，唔香的鳳爪，第一次試。個汁系橙色，好稀。。咖喱魷魚，個咖喱汁是算的，難怪之前食評有人寫怪味點心，得幾件收$22，下？懷舊大包。呢個真心評好食。餡料是冬菇豬肉，有1/3隻雞翼，一粒火腿，一只超迷你鵪鶉蛋。

打電話去訂位，順便問問有乜菜色要預留。對方話豉油雞，就來一隻啦！食完餐飯埋單一睇，差D跌咗落地下 。私房菜--手寫單鼓油雞$680(減價前)。馬上找找菜牌，都無Lee味菜嘅，中伏鳥 店方話係私房菜，無定價...新鮮雞...特別做....總之你係儍佬啦! 自問去酒店食都唔駛Lee個價，以後真要小心! 師兄師姐都要小心!!!經過一輪理論，只減了$100(見附圖)

金東大…聽過唔少人讚好，終於決定去食一次晚飯！我地一行四人約晚上６點到唔使等直入。環境一般，都知係小店形式經營，所以無需多作批評。食物：１) 炭爐豉汁排骨煲仔飯 $60 ｰ 用炭爐咁緊要，梗係要叫個食啦。的確係幾好味，份量夠一位男士食。2) 南乳粗齋煲 $88 ｰ 收$88蚊但份量少得出奇，而且菜嘅比例過多，雲耳…枝竹…豆卜…冬菇…粉絲…份量太少，有啲被欺騙嘅感覺！3) 咕嚕肉 $88 ｰ 份量又係少得可憐，味道正常，無乜好講。4) 清炒菜心苗 $75 ｰ 唉，早知南乳粗齋煲咁多菜就唔叫呢個啦… 總括嚟講，如果食晚飯小菜，我唔會再去金東大，好普通，唔明點解咁多人去食，上過報…有明星食過真係巴閉啲？