金朝海南雞 (已結業)

晏晝食完中東菜夜晚同老公兼好姊妹去食雞煲中環轉戰去荃灣雞煲有三款選擇遷就朋友唔食得辣揀左金朝雞煲半隻$138唔好睇佢得半隻份量都好足滾起好香周圍都有客望過嚟😆雞肉嫰滑醬汁惹味有少少辣朋友唔食得辣都可以接受洋蔥索晒d汁真係正到不得了跟住我地開啟餓鬼模式叫左勁多野以下係兩份既：安格斯牛小排兩份$156國肥牛兩份$76極品牛肉粒兩份$136黑豚肉兩份$76跟住到一份：魚皮餃$28粟米餃$28貢丸$28花枝丸$28豆腐丸$28蟹籽粉包丸$28蘿白$18鮮冬菇$28唐生菜$25炸響鈴$28爽口芋絲$28飲品：菠蘿冰3杯$84罐裝忌廉$15罐裝可樂$15罐裝Zero 兩罐$30個人最有驚喜同推介有以下幾款極品牛肉粒超有牛肉味無筋唔會好un咬唔開好食過出面既好多粟米餃皮薄餡多勁多粟米粟米好甜呢個超得豆腐丸一咬開好香豆腐味食多幾粒都無罪惡感菠蘿冰同出面飲既有d出入因為佢係紅色既頭一啖覺得有d似蘋果味後尾問店員原來係石柳汁咁成件事就好合理杯底有好多菠蘿蟹籽粉包丸吸晒湯汁後好好食其他味道正常超飽店員好有禮貌時不時主動收碟同埋加湯下次會嚟試下海南雞見到有好多人食

👧🏻😋👅🍽✨荃灣街坊必食😚🐓 -金朝海南雞🇭🇰 荃灣享和街53號都城大樓地下E1號舖 🇭🇰-🐓舖頭唔大但座位幾舒服, 店員都好主動友善, 有全日飯麵餐好經濟, 夜晚有雞煲🐓廚房出面掛起金黃色脹卜卜嘅海南雞, 見到都胃口大開😍-🐔 🌾 海南雞飯（配三色醬） $59💯無骨海南雞超級嫩滑, 胸髀各佔一半, 雞皮金黃色油香十足薄薄地唔會太膩💯三色醬特別鍾意個薑蓉, 用鮮薑磨成夠香辣又帶油香; 黑豉油質地比一般杰身更易掛汁-🇻🇳 🐷 🍳 越香豬扒飯 $55追加煎蛋 +$5✨心機之作用鮮香茅醃製, 豬扒夠肥, 加埋隻煎蛋有流心蛋黃送飯一流-🍄 🐥 姬松茸雞湯 跟餐💯所有飯餐都配松茸雞湯, 唔係普通茶記例湯質素, 用雞殼同大量松茸熬製好鮮甜-🍢椒鹽炸燒賣 $36✨普通魚肉燒賣質地比較粉, 但欣賞佢椒鹽幾香, 又冇炸到油淋淋-🐂 👅 醬汁牛舌 $38💯牛舌厚身, 表面燒得乾身但入面肉質軟腍

抵食二人晚飯套餐❤️❤️絕對會紅起來的街坊海南雞餐廳🍲松茸菇雞湯店家引以為傲的湯品，金黃色雞湯甘香順滑。若一碗意犹未盡，職員姨姨很樂意再為客人免費再添❤️🍗🐔金朝海南雞招牌海南雞名不虛傳，基本上每一台客人都會點。仔細看看👀黃油色雞皮與雞肉間分泌出來的雞汁，形成薄薄一層精華果凍。在店鋪外，外賣都是點一整隻海南雞，可見其美味程度，是騙不了本地街坊的唷。🐂🌶️蜜椒牛肉粒牛肉份量頂呱呱😍薯粒也炸過，配上三色椒，調味甜甜蜜蜜的，很下飯❤️🥬時菜當日時菜是生菜，用椒絲腐乳汁炒香，怎麼連套餐的蔬菜都這麼惹味？🍢🍡串燒真心的！強烈推薦的這兒的串燒，便宜又好吃😭😭驚喜的烤串都很有水準。焦、香、乾、燙，肉類也有肉汁，可選要不要辣，但原則是趁熱食。

竟然比我喺荃灣搵到一間性價比好高嘅雞煲店，平時食雞煲都要出到旺角，今次呢間真係平靚正又大份，而且味道真係好特別🥰今次我哋叫咗一隻雞煲，但係份量多到覺得可以三至四人食，下次兩個人應該叫半隻就夠，因為佢入邊仲有好多唔同款式嘅配料，仲有好好味嘅串燒同小食😙一隻雞嘅雞煲，真係多到貼住個煲蓋😂今次揀咗金朝雞煲試一試佢哋嘅招牌味道，聞落去嘅味道有啲似咖喱魚蛋，如果鍾意食辣味嘅朋友可以要求佢加辣😍香味撲鼻，加少少辣更加惹味，聞落去似咖喱魚蛋，但食落口又唔係咖喱味😂😂鹹鹹香香，食食吓又會覺得有啲沙嗲味，又有啲紹興酒味😂😂個味道好特別，但係我真係好鍾意，超級開胃😂雞肉大大嚿，每一舊都食到好多肉，所以真係好飽，兩個人分一隻雞就食唔到咁多配料了🥲雞肉非常嫩滑，調味得好好，令到食物更加惹味一定要食佢哋嘅串燒，雖然有少少偏鹹，但係食材唔乾，鎖住了牛舌嘅肉汁，爽口彈牙👍食完雞煲仲可以打邊爐，豆腐串必食，因為會吸入惹味嘅湯汁😍牛肉新鮮，花紋都非常靚，識落油脂分泌均勻，揀材料一定揀可以吸入湯汁嘅食材，大大增加咗食材嘅鮮味🥰🥰🥰嚟到一定要試吓佢哋嘅特色飲品，菠蘿冰同紅豆冰，甜度適中，唔好見到菠蘿冰個顏色好似色素咁，其實

見荃灣廣場附近開左間海南雞專門店，夜晚仲有雞煲可以食，睇睇餐牌價錢好抵食，即管入去試一試😊雞煲份量可揀一隻或半隻，辣或唔辣，我地揀左唔辣半隻$138，份量都好多足夠幾個人食👍🏻 雖然係唔辣醬汁，但一滾起都好香好惹味，即刻食唔停口😄食完雞煲可以點食材加湯打邊爐，驚喜嘅係食材價錢好抵，$28一碟起，連牛肉都只係$78，真係平民之選！推薦大家叫佢地嘅餃類丸類，只係$28一份但有成6粒咁多，性價比好高💪🏻除左打邊爐之外，餐廳仲有各款小食炸物串燒，款式都唔少😀 串燒大部分$20有找，叫2串仲平d添，我地叫左芝士腸雞軟骨同花枝丸，串燒即叫即燒熱辣辣上台，滿足😊

小店位於荃灣廣場後面，家庭式經營，主打海南雞飯，另外亦有小菜、串燒等食物供應，冬天仲有熱辣辣嘅雞煲添！店內環境唔大但座位都有適當距離，坐落都幾舒服，定價親民化，服務態度亦十分友善，絕對會encore😍雞煲有三款，要咗最基本嘅，半隻份量比想像中多，最鍾意帶骨嘅雞，好嫩好滑又唔肥，煮至入味，食完可以加湯打邊爐，蘿蔔清甜無渣，唐生菜同樣新鮮，整體性價比好高，建議多人share！會話呢度嘅套餐都好抵食，包海南雞、小菜、主食同湯，另外再加配飲品！海南雞嫩滑，啖啖肉，雞皮爽彈QQ地，有啫喱口感，唔肥，點住經典嘅三色醬，再配上滿滿油香氣食落又唔膩嘅粒粒油飯，係幸福嘅味道❤️小菜選擇眾多，必點之選有馬來咖喱豬扒，咖喱香濃唔辣，唔油膩，調味適中，適合配白飯、豬扒份量好多，厚身多肉但唔嚡口，仲有好多薯仔！唔想食飯都可以轉米線，同樣好大一碗，軟硬度適中，滑身，湯底清甜可口，十分暖胃～ 雖然已經好飽，但見到啲小食都好吸引，所以要埋炸燒賣同網春捲試試，個人更喜歡燒賣，調味啱啱好，唔會過鹹，燒賣好Q，外皮微微脆，唔覺唔覺都食晒、春卷外層炸至酥脆可口，好似食緊薯片咁，大人小朋友都啱😛

冬天幾乎每日都想打邊爐食雞煲😆係OpenRice search 見到金朝海南雞好想試吓佢個雞煲😌佢個menu 勁豐富，除了主打雞煲，海南雞，仲要好多小食加串燒，勁咁我呢啲樣樣都想試既胃食仔，樣樣都試到，勁滿足😝struggle 左好耐叫麻辣定金朝雞煲，之後都係揀咗麻辣雞煲半隻 $138😜我揀咗小辣，個雞煲勁香，麻同辣都啱啱好，雞肉每舊都啖啖肉好入味，勁野味令人食唔停口，同埋佢放咗勁多薑片，好啱冬天保暖補身。除咗雞煲，仲order 咗其多邊爐料，好鍾意佢個份量，價錢又好抵，情不自禁叫咗好多款嚟試，每樣都味，特別係鮮蝦雲吞$28 及 韮菜餃$28 👍🏻其他食物都好抵食🥰豆腐串$18 一份唐生菜$25 一份炸響鈴 $28 一份蘿白$18 一份我食忍唔住食咗好多款小食同串燒，樣樣都好出色，特別推介牛舌$20，燒到外皮脆脆地，入邊又軟腍腍，勁正👍🏻另外好鍾意無骨鳳爪 $43，非常爽口彈牙，同埋甜酸配搭非常開胃👍🏻仲有食咗麻辣皮蛋青瓜 $38 一份。

聖誕節行荃灣，凍凍地就想食雞煲。經開荃灣中心地帶，見到呢家港式餐廳，就試下他們家的招牌菜，即港式雞煲，以及搭配的火鍋配菜，包括鴨血和新鮮的生菜。首先，港式雞煲的湯底深厚鮮美，充滿了雞肉的濃郁滋味。雞肉燉得剛剛好，肉質細嫩多汁，入口即化。湯裡還添加了經典雞煲香料，使得湯汁更加惹味。這碗雞煲不僅帶給我暖心的感覺，而且滿足了我對於正宗港式滋味的嚮往。此外，店家還提供了鴨血和新鮮生菜，可作為雞煲後的火鍋配菜。鴨血入口彈牙，與湯底的風味融為一體。生菜清爽爽脆，補充了蔬菜的口感。這樣的組合讓整體用餐體驗更加豐富多樣。值得一提的是，店員的服務態度十分有禮貌，不僅熱心介紹每道菜的製作過程，還主動詢問我們的用餐體驗。而且，餐點價格也相當合理，物超所值。總的來說，這家餐廳以其美味的港式雞煲和多樣的火鍋配菜贏得了我們的心。無論是湯底的濃郁，肉質的鮮美，還是服務的親切，都讓這次的用餐體驗難以忘懷。這絕對是一家值得多次光顧的港式餐廳。

荃灣搵到一間抵食嘅餐廳。佢地嘅菜單好多選擇，價錢夠晒貼地平民，雞煲好抵食！首先，叫咗金朝雞煲半隻$138。雞煲熱辣辣，雞嘅肉質好嫩好多汁，微微辣夠晒香！食完雞煲打邊爐部份，安格斯牛小排$78/份，牛肉肥瘦適中又夠嫩。另外仲叫咗魚皮餃、魚片頭、響鈴。三款都係$28/份。魚片頭夠晒爽口。響鈴新鮮即炸，夠晒香脆。生蠔只係$68/4隻，都幾大隻夠哂鮮味。另外仲揀咗一啲串燒。豆腐串$10一串，花枝丸同牛肉串分別$15同$28一串。豆腐大大串，口感唔錯。花枝丸夠彈牙，燒烤得剛剛好，好好味，啱哂share一齊食。

作為多年荃灣人，一聞到區內有好味餐廳新開張一定要去試一試，呢間係新開無耐主打海南雞雞煲嘅小店，而且除咗食雞，佢哋嘅串燒亦值得一試👍🏻。金朝雞煲 一隻雞$238跟據我多年食雞煲經驗，呢煲一眼望落已經知道係足一隻雞絕無欺場。煲蓋一打開已經聞到好香嘅味道，雞肉食落去口感夠嫩滑，每舊雞都浸入晒香濃惹味嘅醬汁，帶有少少辣同花椒八角嘅獨特香味，層次夠晒豐富👍🏻。雞煲食到差唔多就加入上湯開始打邊爐，佢哋嘅火鍋料價錢同樣非常抵食。火鍋料⭐️安格斯牛小排 $78啱晒打邊爐嘅部位，油脂分布平均，肉味同油香味均勻，值得一試。⭐️鮮蝦雲吞 $28每日新鮮手包嘅鮮蝦雲吞，夠晒足料大粒，蝦肉夠晒鮮甜仲要夠彈牙，超抵食。⭐️蘿蔔 $18蘿蔔食得出夠新鮮，食落香甜爽脆完全無渣。⭐️娃娃菜 $25同樣新鮮嘅娃娃菜，配合埋雞煲湯底，浸入晒湯汁後非常好味。除咗雞煲打邊爐，仲有超抵食嘅串燒，今次試咗3款，味道都唔錯。即叫即做串燒⭐️豆腐串 $10豆腐皮串埋一齊燒然後外層灑上調味粉，食落香口惹味。⭐️雞肉串 $15用燒烤汁配搭一齊燒，雞肉依然嫩滑，味道又甜又惹味。⭐️五花腩 $153款中自己個人最鍾意嘅1款，燒得好香口，而且保有豬腩肉嘅油香

#fafafoodblog荃灣 #fafafoodblog火鍋🍴金朝雞煲半隻138 蚊雞煲有 d似奇味雞 有八角香葉洋葱等 帶 d甜香 自己 order時加左少辣 帶少少惹味 雞肉入味彈牙 正🐥🍴無骨鳳爪43 蚊🐥鳳爪好彈牙爽口 甜酸辣汁 都好入味 加 d洋葱中和番鳳爪味🍴香炸網春卷38 蚊呢個春卷炸得好香脆🔥口感爽脆。入面豬肉 juicy正🍴雜菜桶48 蚊🥬🥦有生菜 娃娃菜 菇 金菇 夠新鮮🍴薯粉15 蚊好爽口既薯粉 🍴鮮蝦雲吞 28 蚊雲吞應該自己包 皮夠爽口 蝦同豬肉新鮮🦐🍴粟米餃28 蚊粟米餃好足料 皮夠厚身 入面勁多甜粟米粒 正🌽🍴黑豚肉38 蚊好肥美既黑豚肉🍴美國肥牛38 蚊🐮肥瘦適中既牛肉 盡吸雞煲汁 正#海南雞 #雞煲 #火鍋 #肥牛 #豚肉 #水餃 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#金朝海南雞荃灣享和街53 號都城大廈e1

近日天氣寒冷, 食下雞煲真係成身暖笠笠, 這間小店位於荃灣享和街, 只打雞煲, 串燒家庭小菜。金朝雞煲半隻雞件有雞味, 肉質嫩滑, 加上惹味嘅蒜頭和紅洋蔥, 入味得嚟又唔會太鹹。多款家庭小菜套餐, 送白飯例湯, 呢度嘅老火湯湯好夠火喉, 姬松茸雞湯好濃郁, 湯頭清潤鮮甜。蝦仁炒蛋蝦仁爽脆鮮甜, 炒蛋好滑溜, 加埋啲蔥花就更加惹味。田園咕嚕肉肉粒炸得香脆鬆化, 加上菠蘿甜椒, 酸酸甜甜好醒胃。蜜椒牛肉粒牛肉粒好香滑, 蜜汁掛滿甜椒和薯仔, 充滿焦香甜味。蜜糖雞中翼雞翼皮脆肉滑, 加上蜜糖, 蜜味焦香。醬汁煎豆腐豆腐外皮吸收醬汁, 軟綿又彈牙。雞煲加上加上家常小菜, 暖意溫馨。

荃灣廣場對面幾條街有好多小店，所以成日都會去果邊搵食，今次就去開左冇耐嘅金朝海南雞試下。小店除左主打海南雞啦，仲有碟頭飯、雞煲同串燒，都有幾多唔同種類野食。第一次食緊係要試海南雞啦，仲好豪氣加左十蚊轉髀位，果然雞夠滑夠嫩，加埋三隻醬一齊蘸，覺得唔錯。而油飯亦都好夠味，油份適中唔會太油膩，整體嚟講都係一碟出色嘅海南雞飯。朋友叫咖哩豬扒飯加煎蛋，要讚下件豬扒，好大塊仲好有香茅味，而且肉質鬆軟，估唔到雞以外都有驚喜。兩個飯都送松茸雞湯，好足料，湯亦有好香松茸味，感覺幾滋補。另外仲叫左燒牛舌，配鰻魚汁。飲品有齊港式飲品，叫左奶茶，估唔到幾香滑！呢個價位整體黎講都唔錯，以後食平野又多個選擇啦

放假同老公去咗荃灣行街睇戲拍吓拖，夜晚嚟到呢間主打海南雞嘅小店，但俾佢嘅雞煲吸引咗，估唔到幾有驚喜！👍👍❤️麻辣雞煲(半隻小辣)佢嘅雞煲竟然有冬陰功味選擇😲不過我驚食唔慣所以揀返傳統麻辣😂麻味同辣味恰到好處，食落有層次👍雞肉肉質嫩滑，愈食愈開胃咁😂❤️椒絲腐乳生菜套餐套餐包咗個白飯同姬松茸雞湯，好抵食👏🏻個雞湯好香好濃郁，但飲得出係家常味道唔係味精味👍👍腐乳香口，辣椒絲帶出微微辣味，同爽脆嘅生菜好夾，好惹味😋⭐️椒鹽豬扒套餐椒鹽味唔算出，但勝在夠乾身而且唔油膩👍 豬扒口感腍滑，即叫即炸果然唔同啲！#荃灣美食 #金朝海南雞 #海南雞推介 #麻辣雞煲 #椒絲腐乳生菜 #椒鹽豬扒 #港式小炒

這個聖誕節溫度比較低，最佳的節目，便是吃火鍋。近期發現，這間海南雞飯專門店，居然推出了晚市雞煲，今晚便專程來到這裏。麻辣雞煲半隻$138，雞煲已經炒到七成熟，等待再滾起，便可以享用。雞肉吸收了花椒八角的香氣，鮮嫩可口，醬汁不算太多，以雞煲論雞煲，已經是中上之作。安格斯牛小排$78，牛肉味道香濃，脂肪分布均勻，以這個份量和試過價錢來說，十分超值。羊肉卷$48，沒有帶半點羶味，脂肪和肉質都很美味。黑豚肉$38，肉質比較瘦，豚肉香甜可口。鮮蝦雲吞$28，自家製的雲吞，蝦肉和豬肉比例適中，可以一試。花枝丸$28，花枝丸香味十足，不過麵粉比較多，用來充飢也不錯。唐生菜$25，放在落湯內一會，便已經可以吃到爽甜的生菜了。鹹檸七$28、青島$18。冰凍的飲品一向是雞煲的最佳伴侶。