金朝海南雞 (已結業)

天氣突然急跌，邊個話聖誕一定要食西餐，暖笠笠咁整個雞煲都一樣好開心，依晚去左荃灣明記潮館食雞煲，比佢個冬蔭公湯底吸引左入去，而且門口有大量咪錶位，地方容易搵又非常方便！兩個人半隻雞都只係$138 非常超值，冬蔭公湯底唔算好辣，但酸味好夠，非常開胃，本身煲既料都好豐富所以我地只係額外再叫左d邊爐料，比既份量都好多，用料新鮮，蘿白仲要好甜，餐廳集應上菜速度好快而且好細心，不斷有問需唔需要加湯，非常愉快既一餐！

聖誕節個個去食西餐，我地就反傳統去金朝海南雞食中式雞煲先。舖頭空間細細，但光猛企理。仲有兩幅掛畫，令人感覺放鬆。麻辣雞煲：我哋叫咗小辣，一隻全雞。麻，辣，同各式既香料味令到個雞煲好惹味同味道好有層次。全雞份量真係好多。雞件唔會切得太細舊，所以保留到肉汁。安格斯牛小排：雪花分布均勻，牛味濃郁。極品牛肉粒：粒狀同片狀嘅有唔同嘅口感。呢個有咬口啲同有肉汁啲。羊卷肉：鍾意食羊蘇味嘅朋友話呢個好食。鴨血：唔會一夾就散。滑得黎咬落去時有少少彈牙。炸響鈴：響鈴新鮮冇油益味。浸一浸落雞煲度，吸一吸啲湯底好正。水煮魚：魚片爽口。我哋叫咗BB辣，辣度啱啱好。入邊仲有好多芽菜薯粉同埋娃娃菜。好豐富。牛舌串燒：牛舌冇根。牛油味香雞中翼串燒：一串有兩隻。雞翼嫩滑雞軟骨串燒：雞軟骨有咬口，燒得香脆。五花腩串燒：一層肉一層肥嘅五花腩，油脂令腩肉燒得香口韭菜串燒：食咗咁多肉，食返少少蔬菜中和下豆腐串燒：好大嘅一串。豆腐外面燒得脆脆鹹檸梳打：食完咁多熱氣嘢，飲杯鹹檸梳打清下熱，喉嚨好舒服。

荃灣一向多餐廳，這家金朝海南雞平時食海南雞飯很有名，新推出的雞煲就沒試過，今晚一於來吃冬至飯試試。未吃雞煲前來一點串燒，如果平時與朋友把酒談心，吃點串燒飲啤酒的確不錯。燒牛舌$20，調味稍淡，就是不會太鹹，口感不韌，還可以的。燒雞肉串$15，外層燒得乾身，裏面仍然有肉汁，肉質新鮮。燒五花腩$15，燒完後很香口，有肥肉加瘦肉的五花腩，煙韌爽口，趁熱吃就更香，不覺得肥膩 。燒韭菜$8，我們都喜歡吃韭菜，來兩串分著吃，調味粉夠惹味，吃韭菜時爽口多汁，是串燒至愛。點了今朝雞煲半隻$238，雞真的夠大隻，肉嫩多汁，調味和熟度剛好，入味得來不會太鹹，朋友建議加點辣椒，有微辣更惹味，我們用醬汁拌飯吃，超開胃！吃完雞煲加湯打邊爐，點了羊捲肉$48，天氣轉冷，吃點羊肉特別暖胃，羊肉沒有羊羶味，輕灼幾下就夠熟，肉質軟滑，在雞煲的汁煮過後已很夠味道了；黑豚肉$38，見到豚肉顏色仍然鮮紅，吃著豬肉味濃，有彈性，覺得比羊肉更好吃哦！娃娃菜$25，芋絲$28，兩款食物是吃火鍋必備的，因為更能吸收湯味，顯得娃娃菜更鮮甜，芋絲浸著滿滿的湯汁，味道鹹淡適中，真的不需點醬油呢！我喜歡吃酸菜魚，這裏有金朝酸菜魚套餐$128

🤍今次去咗荃灣食雞煲~ 呢間餐廳雖然唔係好大, 但都坐得好舒服👍🏻 座位好大🫶🏻 環境乾乾淨淨~ 而且店員服務態度好好☺️ 仲會主動介紹餐牌~除咗雞煲之外, 佢哋仲有多款串燒🥰 今次都有時都幾款! 而我見其他客人都有叫佢哋嘅晚市二人餐! 有酸菜魚,海南雞或者其他小菜等等~ 真係好多選擇🪧 而且二人餐仲有其他小食, 餐湯同飲品等等🥤 真係好抵食⚖️🤍金朝雞煲 $238/ 1隻雞煲有得揀半隻或者一隻雞~ 另外仲有三款口味👍🏻 分別係金朝, 冬陰功同麻辣🌶 另外兩款都有得揀辣度📈 雖然呢款本身係唔辣, 但我覺得其實調味都會有少少辣味, 但相信唔食得辣嘅朋友都冇問題! 而且仲好惹味🤤 一隻雞真係份量超級多🥹 兩個人係完全食唔晒🫠 真係好足料🫶🏻 而且調味一啲都唔會過鹹😋 而且呢個價錢真係好抵食⚖️另外仲可以加打邊爐配料~ 我就加咗牛肉片同金菇, 生菜🥬 打邊爐嘅時候可以加返湯🍲湯底都係超濃味😋🤍串燒串燒就試咗牛舌, 雞軟骨, 五花腩同冬菇🍄 全部都係ard $15-20🥹 真係好抵食⚖️而且質素真係唔錯☺️ 尤其是牛舌口感好正👍🏻 好推薦大家可以試吓佢哋嘅串燒!! 我揀咗辣味都唔會太辣🌶 調味更加香口

天氣寒冷，當然要食雞煲暖下身。推介呢間餐廳的雞煲，味濃又香，喜歡濃味嘅朋友不可錯過！值得一讚，他們加的不是水，是加湯啊！之後仲可以打邊爐，點了響鈴、牛肉粒、牛小排、鴨血和羊卷肉。特別推介牛小排，有牛味而且滑嫩；鴨血也很滑。見到餐廳還有水煮魚和酸菜魚，忍不住想試一試水煮魚，魚肉彈牙，可以一試。最後，還點了不少串燒，有牛肉串、牛舌、雞翼、雞軟骨、韭菜、豆腐串和五花腩，每款都不錯。更重要是這餐廳的性價比真的很高，叫這麼多食物，捧着我們的肚子，人均只是200多元，而且環境不論是兩小口子還是一大夥人舉杯暢飲，也都適合，絕對是超值推介！

老公來接我放工，近排凍冰冰最想食熱辣辣的雞煲。最近又有得食雞煲的地方就是金潮海南雞。第一次來就選半隻金潮雞煲。香噴噴熱騰騰的雞煲真是令人口水都流。打開蓋，半隻雞份量好足！雞肉肉質緊緻，味道惹味但又不會過咸，一口接一口令人慾擺不能，太好吃了！吃完雞之後，店員親切的加湯，雞煲火鍋通常會比較油膩，但這裡真的沒有過多油份，很讚。點了安格斯牛小排兩份，牛小排肥瘦適中，牛味濃郁。黑豚肉色澤粉嫩，大大一片，果然肉質爽甜，超推介，真的有黑豚的香甜豬肉味，而且只是$38，太超值。蟹柳吃下去真的有海鮮味，意想不到。金菇菜及娃娃菜是吸精華必點，難得的是吸收到雞煲精華之餘又不會有味精咸味，食得舒服不口渴，另外娃娃菜自身亦有甜味。柚子梳打及青檸梳打，解膩又解渴。姬松茸雞湯，非常足料又暖心，冬天一流！總結是這家似是家庭式的小店餐廳，無論是食物不會放味精，份量足料，食材新鮮還是店員的服務態度全部都很有親切感，就像是媽媽想煮美味又健康的食物給你一樣。

行完荃灣廣場就係附近覓食😌想食雞煲，見到呢間有賣海南雞，應該雞煲都唔會差~~除左招牌金朝雞煲，佢仲有冬陰公味，幾特別~~我地叫左金朝雞煲，半隻先138，全隻都係238，都幾抵食。火鍋料平平地唔會太大份，可以叫多幾份👍🏻個雞煲啲香料好香，招牌有極微既辣味，唔食得辣都接受到。個肥牛值得一讚，先38，唔會太肥同埋都幾多片嫁！另外估唔到舖仔細細仲有串燒叫，兩串會抵啲添。望入廚房見到啲海南雞啲皮黃澄澄好靚咁，好似好好味，下次會想試埋~~

呢間海南雞 一個餐有飯有湯HKD$50-60 左右 佢夜晚會有雞煲火鍋 佢啲雞幾好食所以個雞煲都幾吸引👀👨🏻‍🍳🤳🏻招牌海南雞飯 | 轉雞髀肉 +$10 | 三色醬 | 油飯 | 姬松茸雞湯 $59+10❤️個油飯帶有香料味三黃雞髀肉連皮都夠嫩滑 啖啖肉 點三色醬加返啲鹹鹹辣辣嘅風味仲會帶甜😋覺得重口味咗可以飲返碗足料湯清一清個味蕾～👍🏻👨🏻‍🍳🤳🏻蔥油海南雞飯配三色醬 | 轉雞髀肉 +$10 | 三色醬 | 油飯 | 姬松茸雞湯 $59+10個蔥油用蝦米炒過個咸會同平時食開嘅唔同相對上甜味會輕啲👨🏻‍🍳🤳🏻醬汁翠玉瓜 $26❤️醬汁同上面個醬一樣 食落覺得配蔬菜好夾! 而且翠玉瓜份量好多幾抵食🫶🏻👨🏻‍🍳🤳🏻醬汁煎豆腐 $26煎豆腐硬身 味道上偏中式 點辣醬會好味啲

返教會, 之後相約一起晚飯! 得知附近新開了家海南雞專門店, 立刻去試試! 天氣寒冷, 來個熱辣辣雞煲 ~ 金朝雞煲 $138/半隻! 這雞有夠大, 半隻也很多呢! 雞肉沒有雪藏味道, 肉質有彈性, 加上紫洋蔥等同炒, 醬汁味道完全滲入雞肉, 越食越起勁! ! 安格斯牛小排 $78 ~ 食雞煲時為免燶底, 加了點湯! 看著湯就再點了個牛肉, 牛味濃郁, 入口即溶, 份量比想像中多呢! 這裡是海南雞韓門店, 當然要試試海南雞! 味道有: 金朝海南雞、口水海南雞、蔥油海南雞! 先來個原味的! 二人套餐 $198 ~ 白飯/油飯2碗、姬松茸雞湯、時菜 (腐乳生菜) ! 主菜當然選金朝海南雞 (半隻)、因為已經很多肉類, 所以點了個比較清淡的蝦仁炒蛋! 金朝海南雞 ~ 雞皮爽口, 沒有很多肥膏! 去骨雞肉嫩滑富彈性, 配上三色醬油, 味道層次提升! 姬松茸雞湯 ~ 招牌湯! 味道十分濃郁, 味道甜甜的, 健脾胃促氣血, 喝完整個人也是暖暖的!蝦仁炒蛋 ~ 蝦大大隻, 爽口彈牙! 貼心的開邊去腸, 很乾淨! 蛋炒得十分嫩滑, 沒有油膩感, 超讚! 腐乳生菜 ~ 很香的腐乳味, 不會過咸! 生菜新

幾次經過金朝海南雞都趕時間，無機會試，今日趁天氣轉凉，剛好就啱時間去食個雞煲。點了半隻金朝雞煲，上枱無耐已經好香花椒八角味。雖然只有半隻，但份量都幾足。雞肉嫩滑，尤其個雞煲汁底好惹味，所以入面的雞肉吸盡了精華！加上微辣惹味，天氣凍凍地食，剛好合時！點了安格斯牛小排、極品牛肉粒、蔬菜桶、金菇菜等。因為食完雞煲，再加湯底就可打邊爐。呢個雞煲底真係值得一讚，因為加完湯，唔會成鍋都係油，直接加金菇、生菜！牛肉肥美，點雞煲汁牛肉粒則多了分咬口，湯底夠味基本上打邊爐都唔使再點豉油。辣辣地再配杯冰凍梳打剛好！另外呢度仲有串燒食，我地口痕都點了兩串牛舌，味道十分不錯！晚飯時間越夜越多人，海南雞飯好受歡迎，下次真係要再黎，試下個海南雞先得！

【荃灣•金朝海南雞】@cshainanchickenππππππππππππππππππππππππππππππ荃灣招牌海南雞 仲有好抵既特製嘅冬陰公雞煲 可以過一個暖笠笠嘅冬天冬陰功雞煲是一道結合了中國和泰國烹飪風格的料理，口感和味道非常獨特。它主要使用雞肉和各種香料、辣椒、蔬菜烹煮而成，加上椰奶和椰子汁，讓湯頭呈現出濃郁的奶香味。這道菜的特點之一是辛辣的口感，融合了泰國菜的鮮辣和中國菜的蔥姜蒜味，非常適合喜愛辣味的人，入口有一份香辣風味，價錢都相當抵，百零蚊有半隻雞同埋睇得出呢個煲底係用心製作。安格斯牛肉肉質鮮嫩和多汁而非常受歡迎，而且它通常比一般牛肉的風味更豐富。肉質鮮美，口感豐富。羊卷羊肉口感嫩滑，會散發出一種讓人垂涎欲滴的香氣，而且肉質鮮嫩多汁。由於羊肉的風味比較濃厚。串燒牛舌雞軟骨牛舌口感細膩，而且肉質鮮甜，搭配上燒烤的香氣更是美味；雞軟骨則是香脆可口，吃起來非常有嚼勁。這樣的組合，既有了肉質細膩的牛舌，又有了香脆可口的雞軟骨，口感上非常豐富多樣。海南雞這道菜選用了嫩滑的雞肉，肉質鮮嫩，並在烹飪過程中吸收了豐富的香料和調味料。海南雞通常搭配椰香飯和多種醃製的蔬菜，整道菜色彩

今日行完Donki再行Aeon，行到對腳都無力，又勁肚餓，就近近地去左附近食飯。原本係想食海南雞，所以入左呢間金朝海南雞，入到去坐底聞到隔離枱既雞煲味好香，於是轉軚改食雞煲。雞煲半隻都只係138，都幾抵食！估唔到半隻雞分量都好大，雞煲落足香料，味道滿分，之後再打埋邊爐，仲加埋串燒，所以食到勁飽，呢餐實在十分滿足。單係雞煲已經食到飽飽地，但打邊爐仍然推介牛小排，啲牛花勁靚，好香肉味，幾碟配料分量唔少。另外串燒推介牛舌，好香好軟好好味，串燒雞軟骨脆卜卜，又可以打邊爐又可以食串燒，真係好幸福。

荃灣區返工嘅我，一到午餐時間都會出去食飯，而且仲會四圍搵食，呢間係同事食過都推介，好似只開咗幾個月餐廳名叫得金朝海南雞應該都係必食，叫咗個海南雞飯餐，仲配油飯/白飯及姬松茸雞湯，都係$59好抵食一上檯見到好足料，而且賣相都好吸引，油飯足一個飯配，好重油香飯軟硬適中，主角雞件好黃油，食落非常嫩滑又夠入味，仲會跟上三色醬料而跟上嘅姬松茸雞湯呢個超有驚喜，湯煲到好濃見湯色就知，好鮮甜帶雞香，仲有姬松茸獨特味道，呢碗老火湯好正

自從上間餐廳，激到一肚火後，無聊閒逛見到一間做雞肶.的餐廳做海南鷄，於是入去試心態去賞試，入到去人不多，睇餐牌後叫個午餐海南鷄飯，飯來前先来一碗湯，本身對湯不大寄望，飲後發現味道用料十足的老火汤，飯到後味道不錯略為有點乾，鷄肉滑又彈牙，不點醬汁也夠味，不到十分鐘吃完個餐，滿足離場，下次必定幫襯

叫了一個套餐+酸菜魚🐠朝聖海南雞🐔肉質鮮嫩可口油飯🍚美味不油😋，大家要試吓黃油飯🍚👍椒鹽排骨粒不乾身、惹味👍份量足姬松茸雞湯鮮甜😋酸菜魚好好昧😋👍還有跟餐飲🧋🧋