金寶泰國菜館 (已搬遷) 新店位置

今日同老媽去九龍城掃野食,個main aim 己經係去食泰國菜,本來女朋友講間小曼谷我係想去的,但竟然有落場時間= =最後去了而間野一入到去個環境都唔錯,睇menu老媽想食明爐烏頭好耐,於是叫左條,我就叫多杯紅毛丹冰碟明爐烏頭到左後,真係好大條,下面用火哄住真係好得意,另外俾左杯湯要淋上去,等o的湯滾到咁上下,就開飯了O的魚肉"鞋"就預左了,烏頭不嬲都係鞋,不過有o的湯去吊味都算有少少特別既,酸酸地,但阿媽講30蚊一條烏頭,佢賣120會唔會貴左o的呢,雖然出面而個都係公價另外個杯紅毛丹冰就真係難飲到......阿媽一見到杯野就話係色素唔好飲,我見到既係一杯紅哂加幾粒紅毛丹係底既紅毛丹冰,一飲之下,即刻想嘔出黎,真係色素加落去o的水度咁樣,甜得黎好怪好難飲,飲左幾啖己經忍唔住唔飲了總括的說比預期差了,冇預期中咁好食,一般而已,幸好價錢也不是比出面貴,由其杯紅毛丹冰真係想罵佢=.=

早從電視上,雜志上看到這家餐館的介紹,最近有朋至遠方來,當然介紹這家有特色的餐館和朋友共享.一早訂了位子,六位.結果到了當然是要等,訂了八點,七點九個字到,等到八點半有位.這個不介意,只要真是好味,等一下無所謂的.坐的地方太小,大家都要彎成一團,手袋背包都要全程抱在懷裏.這個也不介意,只要真是好味道,擠一下無所謂.落坐後,點了菜,告知要晚一點起菜,從八點半等到九點才開始起菜.這個沒辦法,想到為了好味道,等一下無所謂.菜終於來了,大家推薦的菜我們幾本上都試過了.有些真是一流,比如蝦剌身,蝦球等等.但最差的是最貴的一樣,咖喱蟹!!!原來是最渴望的,但變成了最失望.咖喱汁我就不評論了,各人口味不同,但是蟹實在是太差了,完全沒有肉,兩只都是水蟹,蟹的質素太差,令人失望.總的來說,這間店的出品中上,但完全沒有服務兩個字可言.這樣的服務,實在令餐館大打折扣.可惜!

嘩...就黎成個月無寫食評,係時候補返晒佢喇~!1.7.2008 (二)國慶日放假,搵d野玩下先...終於都同肥豬去到講左好耐要去的九龍城~食泰國野!!晌九龍塘落車搭小巴25m~好耐好耐都無黎九龍塘了...其實我地都無做research睇下邊間好食,不過一黎到哩條街就見到金寶咁多間分店,唔洗睇啦,入去啦~一場黎到,梗係要試下馳名的醬爆蝦丸啦~~~我地食左:1.醬爆蝦丸4粒($60)--大大粒o既彈牙蝦丸被炸到黃澄澄,色水好漂亮呀~食落口又唔覺成口油喎! 裡面包著大頭蝦的蝦膏,但其實我本身唔係太好蝦膏的,不過都覺得好味道~始終香口野嘛2.咖喱雞--有dddd辣(我好唔食得辣),哩個好像普通了點,沒有令人想一口接一口吃的衝動,不過份量對於兩個人來說是足夠的。雞肉都頗多舊,食極都仲有咁。3.白飯一碗 & 椰青肥豬仲叫左個乜鬼檬架好似....(太耐之前唔記得lu keekee)其實想試埋個蝦刺身,不過費事d人又話貴又盛晌度嘈嘈閉啦,出黎食餐飯都要度住度住,又唔係十萬九千七~~

一同4人到此吃晚飯同朋友慶祝生日,已經定了枱.....但竟安排在門口極陝窄的地方坐下...坐得好似仲衰過大排檔..... 餸又來得慢.服務態度又差....雖然食物尚算可以.....但真的不願再來第2次了,真的食到一肚火...

叫了活蝦刺身，冬陰功，醬爆蝦圓，生牛肉湯河。活蝦刺身- 好多蒜片辣椒，非常辣，不過蝦頗鮮甜冬陰功-好味，有蝦膏油的香味，又夠酸夠辣，吃得大家大汗淋漓醬爆蝦圓- 醬爆效果不錯，但炸圓和汁都很油膩生牛肉湯河- 無甚麼特別，亦不覺正宗，下次來應只會吃泰菜。

和親愛的廿個月紀念日, 親愛的想吃泰國菜所以決定來九龍城"尋金寶"雖然知道九龍城遍地美食, 不過礙於又地鐵又小巴, 所以一直未試過自己來, 今次也要找了一陣先到達一來已見到金寶泰國菜館和越南菜館六點幾時間尚早, 兩間都好多位, 不太明白會被安排到越南菜館感覺上泰國菜館個邊門面都靚d, 如果通用又為何不combine呢?這裡的裝修可以說簡陋, 幸好親愛的不太嫁意這些因為又做過research, 來到翻了翻menu就知要甚麼啦叫了蝦丸, 生蝦, 冬陰公, 菠蘿焗飯和椰青窄窄的二人位左就右遷終於放得下這些 ><咖哩蟹拆肉麻煩, 同埋我倆只是麻麻蟹, 所以放棄了屢獲好評的蝦丸, 傳聞會爆漿, 所以價錢係傳說般貴.$60四粒蝦膠炸得剛剛好, 打得很彈牙, 配上和潮洲野相似的酸梅漿是不錯的雖然size大d, 不過爆漿無從可見, 蝦膏看似放涼了已經失去香滑口感$60四粒, 真係相當地貴, 不過場內不乏捧埸客, 會否一時失手呢?反而$70九隻的活蝦刺身心理上便宜一點, 同埋係香港吃這味比係泰國吃安心得多活蝦配上一大團辣椒胡椒, 哇! 好刺激! 混著吃不小心咬中辣椒胡椒籽真係激辣! 都幾

今晚同朋友五人到了金寶晚飯,全因其中一個朋友嚷要來,話上星期睇電視見蔡潺介紹好自然地,今晚既食物就由嗰位大哥發板!點了活蝦刺身..唔知點形容,極正!個汁酸,甜,辣,咸完美地配合..蝦本身都好新鮮,無生食既感覺,蝦肉爽口到不得了!醬爆蝦丸,都係一味氣作,入面既大頭蝦膏又係好食到...size唔算好大粒,不過真係好好食菠蘿飯,ok啦,又唔係十分好,但係夠熱,飯粒都軟熟..咸魚a菜,太多汁,我本人喜愛有鑊氣又乾身既炒菜!生牛肉河,一般..旺角分店呢味水準高d!只係活蝦刺身同醬爆蝦丸,已經要俾個笑佢!

上星期五，岩岩撞正d 紀念日，當然要同老婆大人去食返餐dinner，由於有成年無去金寶，因此決定就去九龍城行下同食晚飯啦。多年前第一次去金寶，當時得2間鋪，今日已經4定5間了，可想而知金寶有幾受歡迎！當然，一間食店受歡迎，食物一定唔會差既！今餐叫左活蝦刺身、酸辣鳳爪、炸蝦頭、燒豬脛肉、冬蔭公湯同埋泰式炒粉，再叫多一杯大生啤。活蝦刺身既酸辣汁依舊好味，活蝦本身又爽又甜，加上勁辣既汁，好正！不過酸辣鳳爪既汁明顯改左，鳳爪唔入味之餘，感覺偏鹹。第一次叫既炸蝦頭，又幾好味喎，送啤酒一流！燒豬脛肉夠香，不過只係微暖，如果再熱d應該會再香d。冬蔭公湯及泰式炒粉都好味，不過未算超班之作。金寶一向都多人，因此服務方面，唔好期待會有人不時黎睇下你有咩需要(除左趕住收你d碟之外、趕你埋單之勢)。不過今次真的有點不滿，一來今次d 阿姐黑口黑面，之前無咁利害，而且叫哂野食，先講價錢好多都有更改，因此會比餐牌貴幾蚊，但又唔肯講有咩貴左及貴左幾多蚊..... 最後，真的建議3人以上先好去，一來可以食多d 唔同既野，而且d2人枱真的細到暈。而且同隔離枱既距離，不多於5吋，結果隔離枱食蟹時，開蟹時彈左d汁過黎，好彩是

上星期六與中學同學and 老師gathering諗住呢度大受好評不妨一試所以訂左枱都要等一個鐘都無所謂果晚點左以下食物仲有上菜時間蝦刺身(30min) <---------可以接受2份串燒(45min) <---------可以接受冬陰公(45min) <---------好多配料1人1啖咸魚炒戒"難"(1hr) <---------好有口感好好咬雜菜煲(1hr15min)<---------可以接受泰式炒河(1hr) <---------無人知呢碟係咩1咖喱炒蟹(1hr15min)<---------蔡生介紹好正wor又話食左好開胃(不知所謂= =")蝦go炒飯(1hr15min)<---------唔夠味 燒雞(無左) <---------好期待,因為miss order泰式炒飯(無左)<---------因為miss order菠蘿炒飯(2hr15min埋單先黎)<---------朋友話想食,我諗啱啱空運到後補2份串燒(無左) <-------

竽頭飯得幾粒竽頭, 一d竽頭味都冇, 簡直係滾水煮瘦肉飯 生蝦刺身冇冰既, 熱既~ (電視睇同埋我食開間間都有冰)豬脛肉又硬又凍......

一直都想到九龍城吃吃泰國菜, 於是便到OPENRICE查查. 看來金寶都不錯, 一於試試看.因為女朋友愛吃下, 我最近也愛上泰式生蝦, 比日式的多了酸酸辣辣, 更醒胃. 所以這次旅程正是為了生蝦而來的.由於晚上女友大人約了朋友, 於是便下午去吃吧.大約兩時多... 一看, 還未開門?!?! 不是吧??? 老遠走來"摸門釘", 一問下發現原來是一整條"金寶街", 四間鋪在同一街道, 足見生意之好... 下午, 不用等位, 也是一個好處.叫了四個餸:1. 生蝦刺生: 正, 真是最美味的........蝦新鮮... 那個汁酸辣剛好.... 十個好味.2. 炸蝦餅: 看見網上個個推薦, 便試試看... 很大個呢... 好吃是好吃, 但有點像"去飲"吃到的炸蝦丸... 加上六十大元四粒... 有點貴....3. 泰式粉絲: 酸酸甜甜, 還可以吧. 但比較少. 4. 冬蘟公: 我原本真的對冬蘟公一點好感都没有, 那種青檸加上香草的味度我一直都接受不來, 再加上泰國吃過十分難吃的冬蘟公杯麵, 更加留下不能磨滅的陰影. 但女友很喜歡, 而她為了陪我坐小巴坐到作嘔作悶, 於是把心一橫, 試試吧. 但是意

與友人相約九龍城食晏，選擇了雄霸了整條街的金寶泰國菜館，其實無論你揀邊一間鋪頭，食品都是由同一廚房製作的一行五人點了半只海南雞、醬爆蝦丸、烤豬頸肉、泰式 A 菜、越南粉卷、菠蘿焗飯，平均六十元左右，價錢相當大眾化 一直有睇開 openrice 都會知，泰國海南雞是金寶的招牌菜，今日終可試試，雞的賣相及肉質尚算可以，但不算得超水準，只是一般而已；醬爆蝦丸是另一推介，蝦丸相當大粒，外表脆身而內裡卻滿是汁醬，味道不錯呢；烤豬頸肉本以為是普通之作，一食才知大錯特錯，這豬頸肉食落竟有點像义燒，另有重重的黑椒味，非常好；泰式 A 菜的 A 菜是油麥菜，雖說是泰式，但一點也不辣；越南粉卷材料充足，不俗；最後新鮮焗起的菠蘿飯，材料不算豐富，飯質是不錯的，不會太乾身，合格吧!環境方面以泰國菜館來說蠻好，店內播的歌新舊交替，算是這店的特色吧! 蠻想再試這店的咖哩蟹、活蝦刺身等招牌菜的，會再來的

上次嚟都唔係咁多人,都唔知點解星期四要排咁耐,門口有五十人等緊位終於有得坐,同donut食左一碟蝦刺身(例叫),今次試食佢個辣椒炒蟹,唔食咖哩蟹,辣椒炒蟹有點像避風塘味道,野味既辣椒膏,炒得啲蟹香噴噴,係咖哩蟹以外既另一選擇!一百蚊一碟,有一隻size ok既蟹,可以一吃!再叫左一碟老闆炒飯,有咸魚味既飯,啱哂我,飯炒得幾乾身,一粒粒分明,鐘意佢落左薑絲,另外仲有芥蘭粒,幾好食!再加多一碟芒果糯米飯,食到好飽好滿足了!

去到見到1連4間都係金寶，好似好架勢，上次o係旺角食過金寶小食店，今次我們則選擇了金寶泰國餐館，中間2間後面的廚房是打通的，應該沒有分別了，晚上8點都幾旺，找個角落頭坐下環境還不錯，今晚是老婆仔話事點菜，我便不用多想了，專心等吃。最主要的原因是來吃它的咖哩蟹，另外要了醬爆蝦丸($60/4粒)，看來是鎮店之寶之一，另外要了菠蘿焗飯，醬爆蝦丸新鮮滾熱辣炸出離是差點兒辣親個口，厚厚的蝦肉感覺不錯，點著甜醬連埋入面的蝦醬汁1齊食真滋味，確實是鎮店之寶的小食，好好味！菠蘿焗飯賣相不錯，連埋好多肉鬆食落真係好香，菠蘿有少許酸，不過夠晒入味而且份量多，算係幾好！主角咖哩蟹上場了，唔知係咩蟹不過好好肉，蟹鉗真係大大隻，不過兩隻鉗一大一細唔多對稱，咖哩不辣，甜甜的好入味，不過是吃不到蟹的鮮味，完全被覆蓋了，但係汁做得好點著吃很對味！埋單$240不算貴，幾滿意！

今日遲左起身，３點幾先至去到九龍城食野。唔知係咪閒日定哩道唔太旺，餐廳得我同男友２個。不過都好，靜靜地食下飯。醬爆蝦丸：初頭覺得$60/4 粒有少少唔抵，但食完之後完全唔覺。熱辣辣好新鮮，食落去又未至於會食到周圍都係，入面有少許蝦醬，好好味。菠蘿焗飯：用個菠蘿盛住Ｄ炒飯，好大個，滿到瀉咁滯。炒飯入面有新鮮菠蘿、蝦、火腿、紅腸、肉鬆同雜豆，都幾足料。食落去都好香口，連男朋友哩個嫌尖怪都覺得好好味。真係覺得好好食，不枉專登黎到九龍城。