金寶泰國菜館 (已搬遷) 新店位置

今日遲左起身，３點幾先至去到九龍城食野。唔知係咪閒日定哩道唔太旺，餐廳得我同男友２個。不過都好，靜靜地食下飯。醬爆蝦丸：初頭覺得$60/4 粒有少少唔抵，但食完之後完全唔覺。熱辣辣好新鮮，食落去又未至於會食到周圍都係，入面有少許蝦醬，好好味。菠蘿焗飯：用個菠蘿盛住Ｄ炒飯，好大個，滿到瀉咁滯。炒飯入面有新鮮菠蘿、蝦、火腿、紅腸、肉鬆同雜豆，都幾足料。食落去都好香口，連男朋友哩個嫌尖怪都覺得好好味。真係覺得好好食，不枉專登黎到九龍城。