金寶泰國菜館 (已搬遷) 新店位置

另外一個晚上,食既係泰國菜一家四口八點到,唔係好多人排隊,不過佢地有成五大間舖,咁多張枱,坐得滿都幾勁!我地選了生蝦,冬蔭功,泰式拚盆,炒通菜同芒果糯米飯!生蝦勁正,夠辣夠酸,蝦肉新鮮,唔似食緊生既野!冬蔭功都幾好味,食咁多間泰菜呢煲至得!泰式拚盆除左蝦餅之外,其他都係一般,因為串燒唔係好夠熱.而香葉雞只可以係ok!炒通菜ok,芒果糯米飯好好食,落左好多椰汁,good!

星期六晚去了九龍城晚飯，本來想食o個幾間，都大排場龍，見到呢一間唔駛等，又記得在openrice 都好似幾多人讚，所以去試試。一行二人點了以下菜式燒雞半隻($70)--->好似俾人食過 & 摷過咁，冇乜雞味，如果冇碟泰式醬就直情食唔落牛肉串燒 (6串，好似$38-$48?)-->一串一塊大大塊牛肉，勁"靭"，冇牛肉味，勁難食，芥末醬也是無味!!!蝦醬炒飯--->冇蝦醬味，冇料的炒飯，不過都可以當白飯一樣填飽個肚o既！唔抵食！唔好食！豬肉碎沙律 ($50)--->用生菜包著辣及咸的豬肉碎來食，好咸，好辣，冇乜特別，d 生菜有d 爛，唔好食！冬蔭公 ($38/小size)--->全晚較滿意的，味道不錯，材料都算多，煲滾之後會更加辣及惹味。椰青 ($25)--->全晚至正就是椰青，完全冇問題，清得最快！哈哈哈~

個生蝦剌身超好味...........好辣呀加多個香茅豬扒檬正!!!!

在九龍城讀了五年書，差不多每日午飯時也會到九龍城解決，竟也沒有試過這家金寶泰國菜館，原因其實很簡單：一個貧窮的學生哥看見了餐牌上的價錢當然會耍手擰頭。不過考完會考乜野做，自自然然想搵野食；是日與友人忽然興起，就去金寶食下午茶。甫踏入店門便看見一張張的報導貼滿了整間餐廳，由於是下午四時多，所以只有我和友人兩名客人。早已聽聞金寶的醬爆蝦丸水準不俗，所以立即叫了一客。再加多個老闆炒飯同一杯三色冰。原本想試埋活蝦刺身，不過朋友唔食生野，亦都無理由下午茶食咁多野，所以決定下次再試。首先到的三色冰，椰子味香濃，最愛黃色的綠豆。然後到期待已久的醬爆蝦丸，送到嘴邊時仍然時熱燙燙的，咬了一小口，蝦丸又厚又彈牙，好食!雖未嚐到蝦膏，不過已被飄出來的香氣吸引著。果然沒有令人失望，大頭蝦的蝦膏又香又多，真係有少少「醬爆」。老闆炒飯最主要都係想食椰芯，辣辣地，唔錯。總算了結了其中一個心願。其實價錢唔算平，蝦丸$15粒，不過的確落足料，有錢時午飯時間也可以來這裡Encore。

父親節比較難搵位,訂左枱結果都要等十五分鐘,人山人海...有少少興終於坐低左,張枱其實係四人枱,五個人坐得幾迫,侍應係咁講對唔住,算!嗌左一碟活蝦刺身,炒明星菜,菠蘿飯,冬蔭功(細)同埋一碟芒果燸米飯其實味道唔係樣樣都好好食,明星菜比較咸,可能落得太多醬油炒,有菜舖,豆腐,豆角,由魚,爽係幾爽口,送白飯都ok,就咁食就好咸..冬蔭功唔係好夠酸,不過當煲耐左,蝦高出左味就好飲左好多,菠蘿飯唔錯!活蝦係最好食嘅食物,個酸辣汁超級刺激!一碟九隻蝦唔係好夠喉,結果要叫多碟如果再嚟食,都係因為呢味皇牌!

泰國菜嚟講,金寶我已經幫襯過好多次,以味道計,未必樣樣係最好,但係一道活蝦刺身,已經令我幫襯完一次又一次今次一家人嚟食晚飯,活蝦當然要叫,另外再叫左一碟醬爆蝦丸,一碟酸辣鳳爪,一碟咸魚芥蘭,一煲五香豬手煲同椰青焗飯,再加一個甜品拚盆活蝦唔使多講了,醬爆蝦丸都係好好味,蝦膏四溢,酸辣鳳爪辣到出汁,勁!椰青焗飯原個椰青上,海鮮飯榔汁味豐富,再加上有點椰青肉,食落都好滋味!最想介紹俾大家係個五香豬手煲,有咸菜同榨菜,令到個豬手煲味道更好,因為唔會得個咸字,榨菜同咸菜有少少酸酸地,所以食起上嚟唔會因為豬手比較肥而覺得漏,好味!甜品拚盆有紅豆糕,椰汁糕,芒果糕同千層糕,十二蚊有四件,好好食!

很久以前食過, 不過無乜印象了, 叫了下列食品串燒半打 – 豬牛雞每樣兩串, 不會太燶, 但是沒有燒過的香味, 好像弄熟後才燒一下而已, 沙嗲汁也很一般。青咖喱雞連法包 – 有半條法包(六件), 青咖喱汁好香濃, 不辣, 但雞肉似乎是先烚熟, 後放入咖喱汁內, 由於過熟, 所以雞肉太鞋。不過法包是熱辣辣的, 香脆的, 加上咖喱汁好味。生牛肉河 – 第一道上的食物, 因為我們肚餓, 所以覺得不錯, 不過其實湯稍淡, 但牛肉有五至六塊, 都算多。泰式炒什菜 – 就是炒什菜一碟。棷汁西米糕及紅豆糕 – 紅豆糕太硬了, 西米糕好味。

如果話佢地係泰國,越南既fusion,又好似唔係咁貼切,因為fusion係融合,而金寶係一間有泰國menu同越南menu既餐廳,不過無論點,最緊要係好食就得泰國餐揀左活蝦剌身,咖哩蟹同辣椒牛肉碎炒飯,而越南餐揀左串燒雞肉濱海,生牛肉粉同埋炒通菜活蝦刺身做得好好味,醬汁剌激度很高,酸,辣,甜,咸,配合得到一個相當高既層次,作為招牌菜色,難怪咁多人慕名!咖哩蟹味道都不俗,份量多而肉質實,沒有水蟹既情況,辣椒牛肉碎炒飯炒得好夠鑊氣,飯粒分明,辣椒炒得香噴噴令全碟飯有很野味既感覺越南餐方面,串燒雞肉濱海是用生菜包裹串燒雞肉及米粉塊來吃,味道裊好,因為個越式魚露汁做得好味,生牛肉粉則比較清淡,跟旺角的分店好像有點比不上..炒通菜就沒有任何越南氣色,可能只是提供一些蔬菜給人選擇吧

晚飯...最估唔到..係成身都係蝦膏,俾人暗算...點解?多得老細唔少,事關食佢個醬爆蝦餅(仲要係坐正我對面個老友食),一咬,發覺自己個心口點解無啦啦熱辣辣...原來已經領左野..見佢地幾個笑到收唔到聲,好無奈!不過算啦,粒蝦餅真係幾好食..另外活蝦刺身都係必選菜色!勸大家食既時候要小心!

點左超過十樣野食,炸蝦丸真係必食!!!!!大大粒好多蝦肉造皮唔會覺有粉,咬開中間D蝦膏流哂出黎!正!咖喱蟹同黃珍珍差唔多但平好多;珍多冰D料真係足味, 唔係齋甜而係有生果味.椰汁白糯米飯好食!其他就一般啦.

因為大家都認為食泰國菜,一定要去呢間,我提議既心泰,就被否決了八個人,叫到七彩,蝦刺身兩碟,醬爆蝦丸兩碟,咖哩蟹,明爐烏頭,椰青飯,越式拚盆,燒豬頸肉,香辣炒豬肉河....仲有廿枝泰國啤!!蝦刺身每碟九隻,好爽口,唔似食緊生野,好鮮,汁係一絕!夠醒胃!醬爆蝦丸:之前食過,入面既蝦膏好正,好香!咖哩蟹:肉比較梅,不過汁好味,撈飯食好!明爐烏頭,ok啦,個湯唔夠酸;椰青飯反而唔錯,真係好重椰青味越式拚盆有一塊大蝦餅,四件蝦卷,粉包兩件,春卷四件,都係幾好味,有個菜籃有生菜香葉包嚟食咁,個汁正燒豬頸肉:幾好香辣炒豬肉河,呢個估唔到炒得好好味,夠辣夠味,結果叫多一碟廿枝啤酒:嘩,人生一大快事!

個人認為金寶做得最出色的算是海南雞飯；雞大多是雞肶肉，很嫩滑，雞油飯頗香，醬汁也很開胃。可是總不會只吃海南雞飯，少不免會叫其他食物，可惜對其他菜式就不大滿意。40多元一碗的粉特別毫不特別，充其量只是一碗什錦河粉，湯底尚算濃味。幸好問店員拿了點辣椒醬(類似越南河店舖放在枱上一大支橙紅色那種)伴著吃，味道便提升了。泰式炒雜菜也炒得不夠香口，欠缺鑊氣。最後咖喱牛腩的黃咖喱汁也不是特別出色，欠缺香葉和香料的濃烈味道。沒驚喜的一餐。

一行八人來到慶祝生日，雖要等齊才可入去，但一齊人已經比間房仔我地，有電視睇，但因位置在廁所隔離，所以起碼有五個人以為是廁所而推門撞了進來，無奈．．．一開始放低了蛋糕，店員十分識做，在我們點菜後已主動問我們要不要先砌蛋糕，還另外捧來一些碟，而且不收砌餅費，還笑笑口幫我們影大合照，態度友善！叫了好多個菜，有些都忘記了，印象中比較深刻是活蝦剌身($70)、醬爆蝦丸($60四粒)和菠蘿炒飯，活蝦剌身很新鮮，十分鮮甜，配上秘製醬汁很開胃！醬爆蝦丸雖然有點貴，但卻是絕對推介！蝦膏很香，也炸得很脆，金黃色非常吸引！菠蘿炒飯份量算大份，亦足料，飯不會太淋，不錯！其餘的菜大部份都有很濃的醬汁（就是泰國人很喜歡酸酸甜甜又帶點辣的那種味），我自己不太喜歡，所以很多味菜都錯過了，但總括來說，食物是有水準的，服務態度亦良好！

解依個世界禁多好野食既 好耐冇去九龍城啦，以前覺得黃珍珍好好食，不過d人話差左好多，依家有2間泰國菜特別出名，"小曼谷"同"金寶"，小曼谷上星期六某人已經食左啦，今晚就去金寶食! 2個人點左3樣野: 醬爆蝦丸咖哩雞跟法包泰式炒粉絲講真，好味程度系達到頂點........! 比起以前既黃珍珍，有過之而冇不及，醬爆蝦丸系依到既必食之選，一咬落去由外至內既蝦肉同裡面既汁真系好食到痺，咖哩雞跟法包，咖哩香肉質滑，不過個包厭唔夠香脆。 個炒粉絲甜甜地好入口，wonderful~ 埋單百零蚊，食完已經即刻唸下次幾時可以再黎食過

以前黃珍珍好出名(還是而家都重係？)，但我食泰國菜 ，一定去金寶。當年兩間金寶開對街，無位重要上樓食。而家開晒同一條街重越開越大。十年不變的餐單，冬陰公，香辣乾炒河，炒通菜。以前一家人來食必叫咖哩蟹。現在換男友來食，會叫蝦剌身，再搭少少越南野。十年不變不收加一。其實好多野都未試過，去得都叫個幾味。我果然係個長情的人啊