金寶泰國菜館 (已搬遷) 新店位置

三個女仔嚟食,拆餐勁叫左冬蔭功,活蝦剌身,醬爆蝦丸,咸魚芥蘭同菠蘿炒飯!冬蔭功係細size($48),酸辣度啱啱好,越煲越好味,因為煲到起泡既時候大頭蝦既味道出哂嚟,開胃到不得了活蝦剌身($70),一碟九隻,好食,刺激,蝦好新鮮,辣!醬爆蝦丸四粒($60),又係人間美食,我食左一粒,因為搓輸左無得食多粒,入面既蝦膏好香好好味,不過我食嗰粒蝦膏就少左d,所以無爆到,有d唔抵咸魚芥蘭同菠蘿炒飯都ok,埋單$280,無加一,味道一流,一定同屋企人再嚟食!

一早訂左5位同阿媽補番生日食飯8:00pm去到無咩人,坐底見到d 服務員懶懶行咁,個個口黑面黑,問多語都好似唔想答,已經無咩mood點了6樣野1.醬爆蝦丸----唯一一個食得下,但好似炸定再番油,唔夠熱2.咖哩炒蟹----完全食唔到有咖哩味,係無味先o岩,原過兩隻蟹就幾鮮甜3.香葉炒牛肉----應該係炒牛鬆,勁辣,牛鬆又老,完全唔掂!4,咖哩雞跟法包----咖哩雞好明顯係蒸過黎再用咖哩或味水浸住,入口即溶....呢隻咖哩同咖哩炒蟹既咖哩又唔同,呢隻咖哩好重椰汁味....係點法包就好食....5.越南拼盤----還可以,但係D炸野都係唔夠熱6.炒什菜---阿媽話要豬肉鬆炒,但要加$5? 完全唔掂,無獲氣,無味.....阿媽煮果d仲好味!總結:埋單$630,唔算貴,唔明點解出品咁無水準,服務又差,坐得又唔舒服,但仲可以有咁多人去食?我相信我都唔會再有下次

母親節全家人一行十人去食晚飯. 連我媽媽唔多出街食飯, 都知道哩家食館好出名, 大家都好有期望 !!!誰不知, 咖哩炒蟹無咖哩味, 好似蛋漿煮蟹.....醬爆蝦丸唔係想像中咁特別.....冬蔭公烏頭魚d肉好梅. 全部特色食品都好失望. 其中, 都有好的食物. 如 : 越式拼盤, 泰式鳳爪, 生蝦剌身...可惜我媽媽唔食生呢 !!!!

今朝約朋友去尖沙嘴睇傳聖火﹐生得矮兼跑得慢既傻大姐淨係見到聖火尾﹐不過唔失望﹐因為總算見過聖火﹐加上之後plan左到九龍城覓食﹐所以心情興奮。首站到金寶泰國菜館。本來係OpenRice見15號個間有86個笑就想去個間﹐點之日頭無開﹐所以去25號個間(其實有無分別呢﹖) 。點半去到6成滿﹐可接受﹐好過隔離個間完全無人﹐比著我路過都唔敢入。(不過好似係同一間—泰國+越南﹐點解分別咁大﹖)Anyway﹐三個人叫左醬爆蝦球($6x)、越南拼盤($8x)、沙爹(mixed) ($3x) ﹐加兩個椰青($25)﹐因為要留肚食清真牛肉餅。「好好味!!」友人對醬爆蝦球讚不絕口﹐我話要影相其中一個都等唔切、夾起一粒放入口。佢地由加拿大回流返香港得個幾個月﹐未食過醬爆XX﹐所以反應好大﹐至於傻大姐由於成日食、無話驚唔驚喜﹐不過曾經帶過幾批人黎試菜大家都話好食就係真既。拼盤唔錯﹐沙爹有豬牛雞﹐牛雞可以、不過豬好硬。

(有圖) 好唔好食又睇落去225回: 九龍城金寶的炸彈!http://hk.myblog.yahoo.com/goodboy_philip/article?mid=25973一個唔覺意 delete 左 SD card 入面 D 相, 有幾間日本食店相片灰飛煙滅左! 下次小心 d! 不過都好呀! 起碼又可以再食多次! haha...一定有機會再出 blog 既! Family day 同屋企人去九龍城食泰國野? 定越南野? 其實坦白講, 好孩子都分唔出咩野係泰國菜, 咩野係越南菜? 唔好理 lu, 好唔好食? 又睇落去? 金寶泰國菜館地址: 九龍城衙前塱道x號地下醬爆蝦丸: 好似小型桌球咁大粒既蝦丸, 咬落去跟住講左句: "嗚哇...消...易..." (嘩呀! 超熱!)正到爆! d 蝦膠又厚又彈牙, 入面仲有好多蝦膏, 愛死了! 必吃! 生牛肉河: 越南野黎 boh? 湯底平平無奇, 生牛肉雖然係半生, 不過肉質唔太嫩...越南拼盤: 春卷, 蝦卷, 粉包, 蝦餅, 除左粉包之外, 其他都 ok! ok 好抽象, 簡單 D 講, 可以食可以唔食! hehe...蝦餅: 可能個人喜好,

尼到附近....見到佢有咁多個鋪位....連住有差唔多四間野都係佢....咁咪諗住試下啦~~~但係....都係一段段jack叫左菠蘿炒飯+ 串燒拼盤(雞牛豬各二串) + 冬陰公湯+ 炭燒豬頸肉+ 雜果冰+ 珍多冰菠蘿炒飯.....比一段的炒飯差....唔知點解....食落都預左佢會有d 甜....但係佢呢d 菠蘿的甜又令我唔係咁好受....串雞...幾正~~~燒到剛剛熟...唔會un....而且d汁都好正好好味~冬陰公~~~夠晒料....而且有個火坐住....等d 湯唔會凍....不過可能因為太多香矛的關係....好吉口......飲得唔係咁暢順~豬頸肉....完全唔得!!!豬頸肉你知係幾爽嫁啦~~但係佢呢度整到完全唔爽....d 肉又un....搞到好似一舊燒到un晒的豬肉咁....差!!!兩冰野飲都唔係好...因為佢d 雜果同珍多....都有一d 唔知咩的配料....好難食....呢間野....意料之外地差....

<3人行>行到累累哋, 大家都諗住去食下午茶, 行左成條街望來望去都係見倒金寶xx…xx金寶同金寶, 見哩間好多名星食過即管幫襯下~~~一入到去裝修麻麻, 仲好似有陣味…不過牆身真係好多名星簽名!!!不過下午4至5點都算幾多人食, 而d人都係叫小菜, 枱枱落樓都至少幾佰蚊,嘩!!!下午茶唔洗咁豐富ma???沙o爹串燒$5x : 超普通又唔好食, d肉乾真真又鞋口…香茅豬扒凍檬$3x : 一般, 以為我大碗一般, 原來底層全部舖滿生菜,d粉得好少, 生菜好多沙, 酸汁幾ok….泰式炒粉絲$4x : 哩碟好好食, 好食到食唔停口!!紅豆冰: 難飲, 好似奶冰!!不過下次都想試下佢特別o既小菜…

第一次幫襯, 朋友介紹呢度有活蝦刺身, 咁就試下, 因為唔係好多地方有得食。當然, 感覺冇我喺泰國食嘅咁鮮咁正, 呢個都Okay,不過都好辣下, 所以之後再飲嘅冬蔭公湯反而覺得唔辣, 不過冬蔭公嘅料都好足, 好大隻蝦。我地仲叫咗咖哩配飽。D咖哩汁係稀嗰種, 不過如果個飽可以焗脆d就好。總括而言, 價錢都合理, 質素都唔錯, 可以一試。

去到九龍城我都係覺得要食泰國野番兜去食金寶是日食左: 泰式炒通菜,醬爆蝦丸, 青木瓜大蝦沙律,乾炒牛河仲有沙o爹串燒泰式炒通菜,愈食愈咸,同出面街o既冇咩分別醬爆蝦丸,必食,最鍾意D流沙/醬爆野!仲爆到成身都係=_="......好味,蝦夠彈牙,加埋個醬汁酸酸甜甜, 一D都唔漏青木瓜大蝦沙律,麻麻地!如果唔加香葉O係沙律會好D!伴碟蝦片唔脆,唔好食沙o爹串燒,我覺得燒得乾左D乾炒牛河,滴油架@_@" 仲食左粒青辣椒,簡直要噴火@_@!驚死熱氣的我,叫左杯意米龍眼水,有點甜囉不過都清熱去濕講真,唔好期望呢度O既環境會好乾淨!

終於黎左呢度試，兩個人叫左椰青焗飯--好香椰青味，我幾鍾意！豬手煲--呢個我覺得麻麻，始終南乳豬手好食d越式粉卷--好味，有扎肉仲有蝦片咸魚芥蘭--不錯幾惹味埋單每人都係一百蚊，抵！仲好想試佢d甜品

又係呢個組合,maggie,rose,donut同我,今次又係食泰菜,食完之後上rose屋企打番十二圈,人生一大快事!今次食活蝦刺身之外,仲試左串燒雞,牛,豬什錦,越式拚盆,椰青焗飯同埋什錦炒粉絲!串燒雞同牛都好食,豬就乾身,醃料味道幾好,越式拚盆有塊大蝦餅喺中間,蝦卷兩條,粉包同春卷!每一款味道都好好,強烈推介!春卷既饀炒得好好味,蝦卷好清新!大蝦餅啖啖肉,粉包軟熟,粉皮滑,醬汁味道好!椰青焗飯同埋什錦炒粉絲味道都ok,椰青焗飯濕左d,但係椰青味好重,可能落多左椰青水嚟炒,什錦炒粉絲就比較什,有豬肉,蝦,雲耳,椰菜等等,但係唔知點解menu當係菜?整體味道好好,其實只係一個蝦刺身已經值一個笑臉!

復活節假期最主要既活動就係周圍食野,仲要有目標咁食,務求要重五磅,肥左最多做多d gym減番!今次食泰國菜,黃珍珍,金不換,小曼谷,最後一致揀金寶,目的都係食個醬爆蝦丸!四個大女仔入去食,活蝦刺身,蝦丸,明爐生魚,燒牛肉沙律,老闆炒飯,炒通菜!活蝦刺身好好味,一碟九隻,結果叫多左一碟!醬爆蝦丸一碟四粒,一人一粒啱啱好!入面既蝦膏始終贏哂我地既歡心!明爐生魚比較多骨,食得好小心先得,個酸辣湯味道好刺激!燒牛肉沙律炭味勁,不過點牛肉個汁同蝦刺身既一樣,好似重複左,唔抵!老闆炒飯不過不失,炒得比較爛!炒通菜ok貨!食到飽飽,去食甜品!

尋晚落左金寶食晚飯,都ok多人,但係唔使等位!叫左兩碟活蝦刺身,醒一醒個胃,夠辣,正!三個人食兩碟,每人六隻,咁先夠喉!再嚟一煲大冬蔭功,越煲越好味,因為d大頭蝦味出哂嚟,又係好開胃!跟住仲食左一碟咸魚a菜,泰式拼盆同埋菠蘿炒飯,味道ok,當中以拼盆入面個蝦餅最深刻,因為啖啖蝦肉,下次再試吓個豬頸肉,隔離枱嗰碟好香!

想食泰國菜,同事都推介金寶,我早前都食過一次,覺得ok,所以當然無異議啦!當晚食既有活蝦刺身,醬爆蝦餅,咖哩蟹,越式拼盆同埋炒通菜!味道嚟講,最好食係醬爆蝦餅,入面有些蝦膏爆出嚟,好好味,好彩無大力咬!活蝦刺身都做得幾好,個汁好刺激!越式拼盆有一塊大蝦餅喺中間,啖啖鮮蝦肉,粉包點埋個汁好正!凍卷我唔係好接受到陣香葉味,咬左一啖就放棄了,春卷好好食,入面d饀料做得好好!咖哩蟹同炒通菜就一般,不過咖哩蟹個汁點麵包好好食!呢一餐食得好滿意,得閒又嚟食!

今日放假，於是就做孝順仔帶婆婆去食！婆婆唔係太食得辣，於是叫既菜色局限左，叫左個五香豬手煲，一煲云吞煲仔次，一碟燒豬頸肉，一碟咸魚芥蘭，全部都唔辣！婆婆最鍾意食係個豬手煲，因為ｄ豬手炆得好林，佢既假牙唔會痛，仲有佢鍾意食既榨菜同咸菜，一流！煲仔次既次都ｏｋ多，但係個湯濃得滯，婆婆鍾意淡味ｄ既，咸魚芥蘭好好味，ｄ芥蘭就快老了，但係而家仲趕得切食！豬頸肉好爽好香，但係好多泰國餐都做得唔錯，無難度！婆婆幾開心，我都係，因為婆婆年齡已經很大，希望可以帶佢食多ｄ好野，令佢開心ｄ啦！