野郎Stone (已結業)

終於得閒嚟試試呢間餐廳200g 牛柳 ($148)先食沙律，酸酸哋非常開胃。餐廳採用美國安格斯牛，店員會先煮到1成熟再放喺攝氏400度嘅火山石後上菜。見到鋪滿蒜片嘅牛扒，超級開心！聽住啲聲音，再聞到陣陣香氣，口水狂流..... 肉質非常軟腍，肉味好濃！再瘋狂地加生蒜，係要瘋狂瘋狂地倒落火山石上，再加秘製醬汁，再狠狠地撈飯，幾唔食飯嘅都會上鍊地食到一飯不漏。諗返起都肚餓！！！！！真係非常難忘呢度嘅軟腍牛扒，及慷慨嘅生蒜，又想再食過.....

自實施限聚令後, 已經沒有了四人以上飯局, 今晚同好姊妹經過厚福街毫不顯眼既小巷,  有一間主打石燒牛既餐廳, 正好人少少, 一人一個set兩個人食。進店前, 先到門外自助售賣機點餐, "牛"為主打之一, 另有豬同埋羊選擇,自選加$30可轉套餐, 包括有罐裝汽水, 任飲湯、任食沙律、薯蓉/意粉/飯以8達通付款, 取票後再入店交給店員, 安坐座位, 等待店員送餐。我就揀左【牛柳 (300g)】HK$208每款肉都會預先煎熟一成, 再置於熱辣辣石板燒上,為免油濺出, 上檯時都有一張廚房紙蓋上, 等待30秒左右就可以拿掉300g 牛柳果然很有份量, 三件都是厚厚的, 表面已被煎熟, 而內裡還是色澤嫩紅新鮮,肉質林, 而且沒有筋連帶, 熟度可由自己決定,切一小件再加上蒜蓉一齊煎, 夠惹味~ 多夾上蒜片, 更多一份香口。薯蓉沒有額外調味, 只是表面稍為火灸, 令外觀好看些。但配上肉味重既牛柳, 薯蓉可平衡口腔中既重口味。沙律為椰菜絲加左酸甜汁, 口感爽脆。 套餐中之配料可無限添加, 就算胃口更大的, 都可以食得飽。

今次黎試吓尖沙咀分店，同樣都係有得揀150,200,300g嘅肉，加$30就可以有套餐，一個沙律，一個湯，一罐汽水，一個薯蓉/飯/意粉。晚市幾乎個個都係叫套餐㗎啦，因為好抵食，飯、湯、沙律都係可以無限添食嘅，一定夠飽。而我今次就揀咗薯蓉因為怕食得太飽。石板方面溫度係比較熱嘅，好貼心地有一張紙巾蓋住，等客人冇咁容易彈親。主角當然就係塊牛扒啦，呢隻係150g嘅牛翼板，絕對足磅，一般食量嘅人已經夠食。切開等大家睇吓中間有幾生，自己決定要煮幾熟。今次呢塊牛翼板瘦肉比較多，口感紮實不油膩，味道似西冷牛扒但質地比較淰身，口感較嫩滑，其他牛扒店好少食到呢一種肉。之前喺其他分店食嘅時候，有自助嘅調味料同埋黑椒比你自己調教口味，呢間分店就已經由店長幫你調校好，重口味嘅朋友就可以問佢額外拎調味料。

今晚又OT O到八點幾，點都好點都要醫下自己個肚嘅，嗱嗱臨上網睇吓有啲乜嘢正嘢食，喺尖沙咀搵到間石燒牛扒店，地理位置極方便，一出地鐵站行幾分鐘嘅厚福街就到啦。間鋪位於厚福街街尾，所以行到底仲要轉右先到，去到門口見到有一個自助售賣機，完全係日本風情，買完飛我揀咗個300g嘅西冷就入去啦，師傅一慣日本店舖嘅作風，大大聲歡迎你，完全好似去咗日本居酒屋咁呀。唔使等幾耐，師傅就拎咗一個熱石板上面有塊已經整好兩成熟嘅西冷俾我，佢好貼心咁有張廚房紙咁擋住啲油煙先，我好欣賞佢哋嘅細心，食幾熟就悉隨尊便，自己慢慢煎，另外餐枱上已經放咗三種醬汁，我就揀咗蒜蓉同醬油，完全可以調出牛肉嘅鮮味。切開舊西冷，啲肉汁開始流出嚟，我自己鍾意食得好生，所以輕輕煎左幾十秒就開動，牛肉好鮮嫩，而且牛香撲鼻，配埋一個小薯蓉球，300g份量真係啱啱好，加$20就可以有個沙律菜同埋任添薯蓉，不過我冇揀，由入去到食扒半個鐘都唔使，真係快靚正自選。

最近有朋友send左鐵板牛既餐廳比我，發現原來野狼stone系尖沙咀有分店，所以和朋友決定去幫襯一下！！餐廳出面有一部自助落單機，食客可以自行落單，很方便的。見到餐廳有一個小板介紹左牛既吾同部位既口感可選既款式，由於本人中意食較滑既口感，所以點了－翼板。翼板：同樣地份量也可自行選擇－150g/200g/300g，當然價錢是有所不同，今次就揀左300g既翼板。翼板經過燒後，肉質依然可能保持滑口和軟口既口感，牛肉啖啖juicy絕對吾會燒到乾身，牛味香口，就算食完吾覺油膩，個人必推介－翼板。我們加了$30轉為套餐－當中包有一罐汽水，湯，沙律及薯蓉／意粉／飯。我揀的是無限添加意粉，意粉是即叫即煮，這令到意粉吾會變乾變硬；反而食落帶軟又熱熱的，個人中意加入醬汁一同食用，令味道吾會過於單調。湯咸度剛好，沙律爽口。

又到左一年一度食好嘢嘅時候喇，今日心情比較好因為又出咗糧，所以就去決定食好嘢今次嘅地點位於尖沙咀地理位置10分方便地鐵站一出行6分鐘就到達佢嘅叫餐有啲特別係好似日本自助售賣機咁俾錢然後選擇你想用嘅餐之後付款之後有張飛出嚟俾師傅就可以坐低等食。我就揀咗一個肩胛肉眼300g 套餐，佢呢個係有一個飯同一杯嘢飲跟埋嘅佢係用鐵板出產利用鐵板嘅熱力整熟塊牛扒，上餐之後大概等1分鐘就可以食醬汁方面我個人選擇左蒜蓉汁同埋牛扒汁，切一舊仔再加蒜蓉片點少少汁都好岀色。而且塊牛扒脂肪比例好平均大概食30分鐘到就食完，而且加$30可以無限添飯，非常抵食而且上菜嘅速度都非常快，亦都可以按自己喜愛牛肉熟嘅程度而去烹調，非常好玩。

我最近愛上了石板燒, 好喜歡食燒肉, 特別享受那種自己用石板熱燒的情趣.   尖沙咀區, 我仲意, 野郎Stone.店外電子機入單, 快而爽.  只要選擇一款主食, 加 $30 便可以添加飯, 意粉, 沙律, 湯. 飲品一次.開放式廚房, 企理乾淨.看見牆上牛圖, 更吸引.疫症期間, 店家依政府指示, 把座位分隔, 確定客人都 分開座, 大家食得更放心. 落單約 15 分鐘, 店員一盤子食物送到, 牛翼板 在熱石板上, 加有白紙蓋住, 沙律菜, 意粉,  湯, 雪碧汽水,  樣樣齊. 店員有經驗,  又細心, 叫我們小心別碰熱石板, 師傅已把牛肉底面煎封, 鎖住肉汁, 白紙擋住跳躍的油, 店家做得好貼心. 傳來陣陣既牛肉香味........先食沙律熱熱身, 沙律菜食落爽口, 都幾新鮮, 開胃 !!再飲口味噌湯,  開始處理牛翼板.高溫超過200度  將牛肉在熱石板上煎至心水的生熟度,  蒜片在熱石板上也燒得香, 牛肉香味相當突出,軟淋淋, 仲有啲燒烤香味.  鋪滿蒜蓉特別香, 帶起牛肉本身嘅香味, 好出色.喜馬拉雅山岩鹽, 辣椒醬, 豆板醬, 蒜蓉和黑胡椒也可隨意調味.牛翼板 令我滿意

野郎 Stone , 主打潮流石燒, 年青人最愛.   餐廳地方不大, 日式裝修味濃.  入門是開放式廚房.餐廳擺放了多張 二 至 四 人餐桌.我 一個人比較容易有位, 坐低後先叫杯啤酒.接著點餐.  點餐紙內很清晰,  每項也分不同重量, 150 g, 200g, 300g.我點了 200g. 牛肋間隔膜 $108 .    套餐加 $30-,   無限添加:  意粉, 薯蓉, 飯, 沙律, 湯.飲品轉啤酒, 加 $28-.   有無限添加, 真係包食到飽.燒肉未到前, 先看牆上燒烤指示.岩鹽, 黑胡椒, 蒜蓉也齊備.點餐後,  約 15分鐘,  食物盤送到.   店員提醒小心石板熱, 留心聽, 果然燒到  " 吱 吱"  聲幸好有白紙蓋住, 店員話要 等 20~30 秒才好拎開白紙,  先打開湯碗, 飲啖麵豉湯, 吾會太鹹, 正 !椰菜沙律,  加上醬汁, 口感好爽,  又醒胃.牛肋間隔膜,  200g 份量正是我理想, 大大件, 有蒜香片伴著, 先切開看, 油香豐富, 自己可以控制熟度, 吃到最合心意的肉扒, 不會燒成太乾身.肉厚,  油脂唔太多, 燒後超香, 牛肉味頗濃郁, 吃

自從上次食過一次野郎Stone的石燒牛後, 就被她的牛柳深深吸引了,因為武漢肺炎的關係, 有些分店會早一點關門, 所以選擇了在尖沙咀的這間野郎Stone回味一下牛柳,今次尖沙咀分店比起旺角分店更為好坐一點, 因為她是擺了好幾張四方桌, 而不是像旺角般的bar枱, 會坐得更為舒服一點跟之前一樣, 我都是叫了一份400g的牛柳的套餐,過了一會兒, 牛柳套餐就上枱了, 質素跟上次一樣好,沙律一樣的新鮮爽口, 味噌湯一樣的甜, 米飯依然是高質素的秋田米最重要的主菜牛柳依然是多汁嫰滑再加上今次吸收了上一次的經驗, 在控製火喉火面有比上次的進步令到燒牛時更得心應手, 就不會出現浪費嫰滑的牛柳的場面了那當我想食牛柳的時候, 我就可以在任何分店都可以食到同樣美味的牛柳了

試過幾間石燒牛扒唯一係呢間會再encore今次食嘅係200G牛柳女仔嘅話呢個size已經好足夠300g會太飽😂😂😂😂😂.好鍾意呢度嘅燒汁同埋蒜蓉醬兩隻醬汁食落去完全唔同感覺上枱牛扒會用紙巾遮住因為個鐵板實在太熱啲油好容易彈出嚟然後就可以按自己嘅喜好決定生熟程度牛肉味10分濃郁 肉質結實不過食呢塊牛扒切嗰陣要快手啲如果唔係好容易會過熟如果鍾意食四五成熟嘅人最好快快手手 切完返屋企然後將佢從鐵板上拎開咁就唔會驚過熟啦😆😆😆.整體來講呢間性價比好高食第二次依然都覺得好好食👍🏻👍🏻👍🏻👍🏻

和朋友到尖沙咀辦一點事情，辦完過後到了厚福街附近找吃的，看到這一間早前經常有人排隊的餐廳剛好沒人排隊，便決定進去一試餐廳非常細心告訴食用方法，如何在時間上處理得令肉質燒得合適點了這一份店員推薦的牛柳，果然沒有介紹錯，牛柳肉質細緻，肌肉紋理較幼，而且肉味濃厚，就算七成熟亦同樣嫩滑，而且牛柳部位因為油脂較少，吃起來亦是啖啖肉另外不得不讚店員把食物送來時其實以燒至一成熟，令到客人可以隨意按自己心意把牛肉燒到合適的程度

這一間經常排隊的餐廳，對於討厭排隊的我一直無緣，現在尖沙咀人流減少，早兩天經過餐廳門口，看見沒人排隊想也不想就直接進去之前已嘗試過這間餐廳的旺角分店，對於他們的牛肉非常滿意，因為吃得出來貨屬於高上質素，已平均價150的價錢來說絕對性價比高嘗試了這個網上面很多人推薦的牛肋間隔隔膜，果然沒有介紹錯，這個部位的牛肉肉味非常濃郁，另外肉質亦屬於軟身部位，比起肉眼有過之而無不及無肉不歡的我決定再嘗試一個芝士和牛漢堡扒，小食類型但是同樣地以石板上枱，保持熱辣辣的溫度，非常有誠意，另外漢堡扒非常厚身，只講份量絕對不比普通牛扒少，當然比起間隔膜，肉味會相對較低，但是由於漢堡扒經過處理，令到口感非常彈牙，配上一整片芝士，同樣值得推薦

因為上次食過牛柳後十分滿足，所以這次跟朋友去經過尖沙咀分店附近時，決定再去享受一下石燒牛的樂趣。而今次我選擇了西冷，因為我希望試試不同部位會為我帶來不同的感覺首先，西冷跟牛柳最大的分別是西冷是薄切的，不像牛柳般厚切所以只需要將西冷慢慢切開，再輕輕的用熱石烤一下，然後就已經十分之美味比較簡單就可以嘗到鮮嫰的西冷，唯一要小心的就是在進餐中西冷很容易會過熟因為西冷不是厚切（其實不可以叫薄切），如果你切開一件，品嘗過後想繼續燒其他的西冷，那在熱石上的西冷應該已經變了完熟西冷，那時後悔就已經太遲所以我會先將想食的西冷切出來放在熱石上，之後將餘下的西冷遠離熱石，那就可以慢慢品嚐到嫰滑的西冷之餘，亦不會讓餘下的西冷在熱石上烤成全熟還是那一句：米飯是採用日本秋田米，而且還是米飯放題。 我認為大家絕對要一啖牛冷一啖飯試試，日本米飯跟板燒牛冷都是絕配。

每次食飯行經，都會見到人龍排隊等候，難得今日經過未有人龍，所以就試試。落單在門口的點餐機，完成後把賬單給侍應便會安排入座。餐廳座位唔多，所以人多時有需要要搭枱。大概等了10分鐘左右便有。加30元便可轉套餐，有沙律、湯、飯、飲品，而且白飯可encore。牛板腱，今次揀選左牛板腱呢個部分，這個部分沒有太多筋同肥肉。牛肉上枱時只有一成熟，可以自行烹飪至需要的生熟度，有得食又有得煮下飯仔。牛肉juicy，肉質鬆軟，只是用了黑椒調味。每枱也有不同的醬汁可以揀選，黑松露醬配上牛肉的味道不錯。呢間餐廳係快食平價牛之選。

今日瞓晏咗，又無食野上堂，宜家勁肚餓!! 行經厚福街見到「野郎 stone」才知道在尖沙咀都有分店，店外的牛扒相片令我勾起上次食後感，抵食又好味， 所以驅使我決定再次幫襯。我在店外揀選好想要的食物，再用八達通先付款，然後步入店內等食，過程十分方便。今次我點了小食、主食，再加$30轉為套餐。日本煙燻豚肉腸ㄧ客有兩條，外皮脆卜卜，內層豚肉有淡淡的煙燻味，不錯!牛柳(200g)上檯時牛柳放在熱騰騰的火山石板上，發出滋滋聲響，高溫領到牛柳的表面封存，保留油脂和肉汁，店員還用張廚房紙巾覆蓋在牛柳上，好讓客人不會受到肉汁濺到和牛柳亦可受到平均的溫度來烹調，都果真細心。過了片刻我將紙巾揭開，見有幾片炸蒜和牛柳仍在煎著，已垂涎欲滴，馬上切開，見內層仍帶點紅，正合本人想食的熟度。我首先加了些岩鹽作調味，再嚐ㄧ口，食出牛柳肉質細緻，肉汁十分濃厚，真係十分美味! 再來我配了些生蒜和燒汁，味道再上ㄧ層樓。牛柳已外還加$30轉為套餐，有湯、沙律、薯蓉和汽水，領到整餐得到更圓滿的配搭。總括嚟講，我係十分享受，這店利用自我烹調的方式來呈現!事關每人的喜好都不同。藉著個人烹調和口味而享受到美食，真係好滿足。