重房 (已搬遷) 新店位置

以前食開嘅Omakase 龍師傅開左自己嘅壽司店！雖然鋪頭比較細，但師傅十分友善而且所有壽司都十分新鮮😋第一次去嘅時候，師傅仲送左餐前小食同sake比我地！而今次第2次去就試左$590 嘅Omakase Lunch Set! 性價比極高！ 燒鱈魚乾燒得好乾身又脆，師傅知我鐘意食仲係咁加比我地😆  前茶 - 蟹籽沙律生蠔 肉身肥厚，入口Creamy，十分新鮮香甜，而且食落帶點海水味磯煮鮑魚煮得非常入味，帶點咸香味，鮑魚厚肉彈牙左口魚充滿豐富嘅油份深海池魚肉質鮮嫩肥美，脂厚油香，一D都唔腥帆立貝口感順滑鮮甜 鯖魚平時覺得鯖魚好腥，不過師傅特別處理下及部位問題，食落一D都唔腥，而且肉質嫩滑蜜柑鯛依種魚係日本人用蜜柑黎餵魚，食落有淡淡果香味拖羅不用多說了！魚味濃郁，充滿油脂，入口即溶牡丹蝦壽司 依個係我最喜愛的壽司，上面係燒蝦膏加上蝦蓉，味道濃郁十分鮮甜！腦天原來係吞拿魚頭頂嘅肉，一條吞拿魚只得兩片咋！食落口感軟滑，脂肪較多而且魚味比拖羅更濃蝦烏冬湯底十分鮮甜，帶有咸蝦味道提提大家要預早BOOK 位，因為坐位有限，好快就FULL 哂了！

呢間隱世到小🐷同小仙子行過門口都過左🙈lunch黎到位於北角既重房試試佢地既Omakase。店舖唔算大，10幾個位左右，被安排到bar台位置體驗廚師發板😍 牆上掛上是日精選食材。一坐低，見到師傅準備好富士山系列餐具俾你享受Omakase🤩師傅好細心問有無咩魚唔食或要唔要Wasabi😜一開始黎前菜沙律，之後就開始Sushi time喇，師傅係每件壽司表面都掃上薄薄豉油，可以一啖擺入口😋(1) 左口魚壽司-濃郁甘香，入口即溶，第一件已經心心眼😍(2) 深海池魚壽司-呢個時候師傅拎左個百寶出黎，原來係焫焫焫焫焫焫著…池魚個表面🤪好似有煙燻既效果咁，帶點回甘味😛(3) 日本宮城帆立貝壽司-師傅配上柚子汁，好fresh(4) 魷魚BB 壽司-好爽不過有少少黏性，我個人本身麻麻呢款魷魚😅(5) 金箔炙燒銀雪魚壽司-師傅用完火槍燒一燒銀雪魚表面，已經聞到陣陣既油脂香味😚 師傅仲加上金箔，份外矜貴🤣(6) 牡丹蝦壽司-原來加左蝦膏，不過蝦膏太濃味，有少少蓋過牡丹蝦既鮮味(7) 中拖羅壽司- 好好食😍入口即溶，無筋。好濃魚味，真係有種幸福既感覺😎(8) 大拖羅壽司-幸福停不了..再黎大拖羅，油脂更勝中拖

自問自己都去過唔少餐廳 有平有貴令我再次回頭嘅唔係冇 不過唔多但重房真係好好食 而且氣氛好好 最啱同朋友聚一聚👍🏻第一次嚟係八月頭佢哋啱啱開上星期日 同男朋友同四個朋友一行六人再訪重房 壽司師傅龍師傅真係細心到不得了記得我唔食有生菜既沙律 專登改咗呢一個沙律俾我食 好有口感同行嘅朋友都好羨慕我 食完餐飯都要叫一個🤣壽司嘅名我就唔多講啦 睇相最實際十二件壽司都係$400內 同師傅傾偈傾得興起佢哋可能隨時送多幾件俾你食朋友個個都話好好食 特別係腦天😍食完真係會心心眼😍😍 (其實我已經諗緊幾時再返嚟 希望可以食到白子)我就唔係特別認識日本酒 朋友佢哋揀咗幾枝又有特別版 (我淨係識7字個枝😂)飲飲下 兩位師傅又請我地飲枝勁嘅 好特別有香蕉味😂😂 同我幾位對日本酒有研究嘅朋友食飯就係有呢個好處 咩都唔使諗😂我就唔係一個稱職嘅Foodie 年紀大咗已經唔想相機食先 次次都忍唔住放入口如果你已經嚟過幾次 你可以request想食啲乜嘢或者上次已經食過嘅 但我可以講 佢哋嘅壽司真係每一件都好 好 食!!!! 依個價錢真係抵到爛 最緊要容易book位 想幾時食就幾時食🤤因為師傅知道我哋有排坐 專登叫我哋

由於工作關係, 一年總有機會試幾次不同的omakase今次有朋友介紹來到北角新開的重房試試由於用餐當日仍然試業中加上book左, 所以唔需要等就可以即入order左個壽司course+前菜, 試食價 $398我唔敢講自己識食omakase, 但比較之前食過的其他店, 呢間小店質素真心唔錯之後正式開業後都會再來試多次聽師父講正式開張時omakase餐仲配埋燒魚, 平時去食Omakase絕少食到呢類菜色, 值得期待

發現有間叫重房嘅舖頭，個名都幾特別。間舖頭啱啱新開無耐，仲係試業當中。咁就試試佢啦。當日，得我一個客仔，由老闆親自招呼我。老闆好高大，搞到我有啲心心眼😍。其實我有啲怕食魚生，怕有啲怪味同腥味。但老闆拍哂心口咁話，佢啲食材好新鮮，你唔洗驚，一定唔會有怪味或者腥味，只會係好味😋。好～咁就交俾老闆啦！好靚既富士山啊食魚生仲有sake一大享受帆立貝牡丹蝦，上面係蝦膏出色真係好出色超級濃郁好味～網燒深海池魚黎喇黎喇 魚生黎喇一啖擺入口～唔腥無怪味、新鮮加上網燒更有風味同埋好彈牙又易咬油甘魚，上面係柚子胡椒蘿蔔蓉因為對老闆有信心，所以我又好大膽咁一啖放入口～哇，上面個果醬好清新帶出油甘魚既鮮甜超級爽口蜜柑鯛老闆話呢種魚係日本人用蜜柑黎餵魚所以魚有蜜柑味咁神奇～果然，一食落口，又真係有種果味好淺好清新，可能我孤陋寡聞啦，估唔到食餐飯啫，都可以為自己添加一樣知識銀雪魚嗯，全熟嘅銀雪魚就食得多喇半生熟嘅銀雪魚真係第一次食可以用「綿」黎形容好味😋赤身係呢啲喇，我最驚食呢款樣嘅魚生但基於食左幾道嘅信心果然，又係無異味好正嘅魚香原調穴子好長啊，要分2口先食得哂好味～拖羅出色～好嫩滑當然有我最鍾意嘅海膽🎉咁樣自

朋友宴請去的, 第一次估唔到品嘗效果喜出望外!值得推薦大家去試下香港本土廚師用心、專心做出好食壽司和魚生! 有鮑魚、生蠔、蜆都有兩種鮮味無窮、喜之次! 大家一陣看相片就知道! 雖然地方細小但係乾淨企理, 適合一班朋友十個八個一齊歡聚特別有氣氛! 本來我就唔食澱粉質！尤其是粥粉麵飯都唔想食咁多！ 自從在兩個月前開始自己控制在澱粉質啖水化合物方便儘量少食亦不知不覺中已經減了十幾磅, 所以開始時已和師傅道明來意儘量不要食飯糰和壽司，但當睇到師傅攞住一大版北海道馬糞海膽, 嘩！好正! 唯有馬上食壽司啦! 結果不負眾望還食了十幾嚿不同的壽司真喺值得推介的！由於地方細小提議大家最好預約! 清酒收費價錢亦合理！唔會覺得飲完之後荷包赤赤痛！