重慶燒燒烤專門店 (已搬遷) 新店位置

又返黎啦...原來既心水餐廳book 唔到檯...比几個選擇爸爸同媽媽揀, 佢就揀左黎我唔多願意黎既重慶燒...今次食左粟米, 菠蘿, 韮菜, 冬菇, 秋刀魚, 元貝, 鐵板蒜蓉蜆, 牛仔骨, 豬柳, 腎, 牛柳, 肥牛, 豬頸肉, 蝦, 香蕉, 鮮魷大概係咁上下啦....唔係好記得...菠蘿比上次大份...真係好好味...韮菜就覺得比上次差, 唔知係燒得太耐就係本身d 菜老, 好靭又多渣秋刀魚$15大大條...又几好味喎! 尤其個皮, 脆卜卜又夠味元貝亦同上次一樣大大隻夠新鮮...yum yum~~鐵板蜆真係抵到飛起...$22 大大碟...夠晒蒜香, 加d 辣粉, 正! 蝦都好新鮮呀...不過無上次咁多羔但係肉類就真係無咩特別...同埋肥牛串一d 都唔係肥牛...?! =o=鮮魷好靭呀...咬到牙都甩...@_@今次粟米進步左啦, 好快有得食...真係唔該晒...不過又好似無咁甜?服務態度ok, 不過伙記們成日都唔記得拎野飲黎...又成日唔記得寫單入去另一個廚房...因為串燒多數0係出面燒, 但係有部份係0係另一個廚房度整例如, 焗類、鐵板、連殼海鮮、涼菜...所以佢地要另外寫多張

成日食D乜菜乜菜有D悶, 發現這家只SELL 串燒幾特別咪試下LOR出奇,有驚喜, 仲唔貴, 食左好串的一餐佢分肉,海鮮,同菜類, 我地要少辣 (有大中少之分)牛仔骨 - 好入味, 但唔夠大6 D檔仔香........可能只叫少辣........... 可再加悠然粉再香D羊肉串 - 味道OK, 但一樣唔夠香......... 有D後悔無ORDER 中/大辣......... 食得辣可以ORDER勁D, 一定仲正牛脷 - 味道好,夠味, 有咬口大海蝦 - 味道OK但無特別, 唔明點解有水出, 不過都OK新鮮燒元貝 - 好味, 必食 $18/只OK SIZE OK大, 好甜, 仲有大重蒜蓉同葱,好香鐵板蒜蓉蜆 - 都好好味,勁多蒜蓉,無蒜蓉可能會淡白鱔 - 好爽.. 但唔太特別 茄子 - 好好笑, 茄子開邊,成只茄子比D蒜蓉同葱埋住........所以好夠味,幾得意南瓜 - OK , 但無特別尖椒 - 好特別, 好味,離皮, 但仲有汁, 好大只菜心 - 係真係菜心都燒得, JUST好奇一試 $6/3條 OK LA粟米 - 唔係雪野係新家,幾大條, 好甜,口感好特別, 無乜水但好脆菠蘿 -

前幾日男朋友生日 , 去左呢度食野 , 七點幾去到 , 成間舖full 哂 , 冇位 , 好彩有個好nice ge 男職員帶左我地去隔離另一個舖位坐 @@坐低 , 望下餐牌 , d 野食樣樣都好平 , 冇睇價錢 , 就叫左好多野食啦 ~~牛仔骨 >>> 咬左好耐 , but d味道唔錯大蔥　 >>> 第一次食大蔥 , 男友係咁話正 , 攪到我都要試下大海蝦 >>> 我最鍾意食蝦 , 但呢度ge 蝦真係麻麻 , 冇乜鮮味羊肉串 >>> d 羶味都幾勁 , 我就麻麻地鍾意啦牛脷 >>> 有d 太熟ge 感覺 , 一般燒生蠔 >>> " 正 " !我本身唔鍾意食蠔 , 但lee 間d 蠔好新鮮 , 必試 ! !燒元貝 >>> 另一必試之選 ! ! 好大隻 , 好鮮甜 , 連埋佢d 蒜蓉一齊食 , 一流 !燒茄子 >>> 好特別 , 值得一試 , 唔錯唔錯 , 幾好食雞翼 >>&#

睇到之前各位朋友既食評已經好想試...最尾尋晚去左試啦!知道粟米要燒好耐, 所以一去到第一輪就叫定粟米先...仲有韮菜, 菠蘿, 冬菇, 牛柳, 雞亦, 雞腎, 雞皮, 蠔, 元貝韮菜真係好好食! 好正~ 又夠晒特別菠蘿燒完好甜好多汁, 不過個芯同皮都無批到, 麻煩左少少冬菇無乜汁, 可能始終係乾燒唔係汁燒啦牛柳唔知係本身係咁定overcook 左, 有d 靭雞亦好好味...雞腎都好味...雞皮就賣晒lu~ 試唔到元貝好正, 好新鮮, $18/隻都ok...生蠔都係略嫌燒得太熟, 縮到好細隻...第二輪見人地叫牛脷, 所以又加兩串牛脷有d 失望, 因為好明顯唔係生既牛脷燒成佢只係用現成0個d 咸牛脷厚切, 串起, 加d 味粉去燒食晒呢d 野就開始追個粟米, 開頭叫第一個人去追, 佢應完就走左完全唔見佢行去廚房問過...=(第二次搵第二個人去追, 佢話粟米要耐d...我地未夠九點就到啦, 十點先追仲唔夠耐? 你係咪要燒到聽朝九點?跟住見對面搭檯既食客d 燒蝦好靚, 所以我地又加兩隻燒蝦連燒蝦都黎啦...仲未見粟米, 叫人再追...點知廚房0個個人竟然大喝出黎..."等得就等, 唔等得就

朋友介紹下黎左呢度食飯,原來佢有兩個鋪位的,我就去左第二個鋪位,前身係cafe,連招牌都未拆,呢個位靜d舒服d!一坐低睇個餐牌,好平喎,真係想食乜就叫,唔駛點諗個價錢,個人喜歡海鮮,所以都叫左好多!等左好耐好耐先有野食,真係好食喎,樣樣都唔錯!燒肥牛 + 燒牛柳: 因為佢一齊上,所以分唔清邊隻打邊隻,但佢醃得幾好味!!燒生蠔: $48有6隻,真係又平又好食!!燒大海蝦: 唔錯!!燒元貝: 呢個好好食呀,個元貝好新鮮!!檸檬黃金雞中亦: 都ok!鐵板蒜茸蜆: $22真係好平,出面炒蜆都起碼四五十,不過呢碟普通左d,我仲食到有一兩隻蜆係臭!芝士牛油焗蝦: 幾好,真係海蝦,d芝士又好食!燒豬扒: 冇乜特別,豬扒一塊!燒大眼雞魚: 估唔到又幾好食喎,平時不太鍾意食魚既我都夾左幾次黎食!!總括黎講,食物質素好,不過好似好難食得飽,唔知有冇白飯叫XD ! 唯一最差既係上菜要等好耐,大約十五至三十分鐘,好彩我未餓死,我見到隔離枱等到發脾氣走左,同埋好似人多會難搵位d,建議最多六個人去好喇!

又辣又係燒烤當然最啱我啦. 剛巧同事們有時間相聚,就選呢間可以自己帶酒嘅小店.食物千篇一律都係加孜然粉同辣粉,不過實在便宜,所以都唔介意,不斷點食物!!燒大海蝦 $10隻 - 肉質爽甜又有膏,正!串燒牛舌,雞軟骨,羊肉串 $8串 - 牛舌比較薄,燒得略乾. 雞軟骨幾大舊,好爽脆,好味! 羊肉羶味唔夠勁.串燒雞皮,雞腎,圓椒 $8串 - 雞皮燒得脆脆,雞腎爽,圓椒都唔錯.芝士蒜蓉焗西蘭花 $20 - 西蘭花略嫌太腍.燒雞翼 $8串兩隻 - 不過不失. 燒冬菇,燒蕃茄 $7 - 冬菇好多汁,正! 蕃茄亦鮮甜多汁!!燒茄子 $13一份 - 幾好味,因為有好多蔥,蒜,香料.燒白鱔 $20串三件 - 又厚身,又新鮮,肉質爽,一流!! 又要encore!!燒牛柳 $8串 - 夠腍,又encore咗!燒羊架 $48四件 - 一般,都係唔夠羶.燒粟米 $13一條 - 甜勁爽甜,又特別大條,同一般街市買唔同,忍唔住要encore.燒原味蜆 $20 - 十分鮮味,又冇沙,好好食!!燒大蔥 $8串 - 好甜,有少少辣味,正!!燒蒜頭 $6串 - 呢個又係燒得剛好. 唔太腍,仲係爽口,好食呀!!燒扇貝$18隻

前幾日，朋友介紹黎呢間野食串燒，一班人去，差不多就叫晒成張餐牌，因為入到去已經好香，Ｄ串燒又真係勁好食！！燒菜心真係好好食！好特別！連菠蘿／香蕉都有得燒！食過菠蘿真係幾甜，香蕉就冇試！我真係俾１０個正！

奧運開幕，本來諗住食上海菜，點知間野執左，唯有食過第二間啦。見到呢間野裝修都不錯，又有電視就食啦。點知冇位，去左隔離比較暗間舖，個電視同個位太近，睇到頸痛，兼且有幾條撈偏門的女人煲煙，環境認真麻麻。好彩ｄ野好味，d串燒幾香，咩都燒一餐。我地叫左燒菜心（好創新，有好多香料，正）、燒雞翼（勁多檸檬汁，普通ｄ）、燒羊肉（都唔錯），燒牛脷（最好味，多汁）、燒芝士丸（爆漿）、燒香蕉（好香好滑），同花甲（呢個普通ｄ），仲叫左一枝竹蔗茅根同銀菊露，但係係樽裝飲品，好似係鴻福堂。ｄ燒野樣樣都好味，又平，真係想試埋其他呀。

第二次同男友嚟食串燒, 真係好好味. 食咗好多嘢, 包括:燒生蠔6隻 ($48), 羊架半份 ($48), 燒大海蝦2隻 (each $10), 雞肉腸2條, 燒韮菜5串, 燒菜芯, 雞腎, 肥牛, 檸檬雞中翼, 鐵板原味燒蜆, 雞軟骨, 燒原隻茄子, 秋刀魚, 芝士腸... 加支大青島, 烏龍茶及王老吉. 總計: $296 ~~ 嘩...真係好抵!! 總評: 食物新鮮 (蠔超肥美,羊架嫩滑有肉汁), 價錢公道, 絕無將貨就價. ~~本人真心話!! 如食辣可要少辣, 中辣, 大辣... 但其實少辣已經幾辣吓...自己衡量吓啦!! 下次等我影埋相先... BTW, 估唔到韮菜都可以燒, 仲要係超好味, 所以encore完一次又一次!