重慶燒燒烤專門店 (已搬遷) 新店位置

奧運開幕，本來諗住食上海菜，點知間野執左，唯有食過第二間啦。見到呢間野裝修都不錯，又有電視就食啦。點知冇位，去左隔離比較暗間舖，個電視同個位太近，睇到頸痛，兼且有幾條撈偏門的女人煲煙，環境認真麻麻。好彩ｄ野好味，d串燒幾香，咩都燒一餐。我地叫左燒菜心（好創新，有好多香料，正）、燒雞翼（勁多檸檬汁，普通ｄ）、燒羊肉（都唔錯），燒牛脷（最好味，多汁）、燒芝士丸（爆漿）、燒香蕉（好香好滑），同花甲（呢個普通ｄ），仲叫左一枝竹蔗茅根同銀菊露，但係係樽裝飲品，好似係鴻福堂。ｄ燒野樣樣都好味，又平，真係想試埋其他呀。