影片
港铁柯士甸站 A 出口, 步行约4分钟
继续阅读
开饭介绍
特式重庆串烧全港唯一由四川重庆引入之串烧专门店．提供五十多种海鲜（元贝、贵妃蚌、大蚬）以及特式烤肉串烧．配以秘制重庆孜然香料．滋味无穷．浓香扑鼻．更是嗜辣者必尝之选
继续阅读
营业时间
星期一至日
17:00 - 03:00
以上资料只供参考，请与餐厅确认详情
招牌菜
朋友话想食串烧，于是拣左呢间。因为原来舖头招牌名唔一样，揾路个时有啲小迷茫。后尾有位大哥响出面执野，见到我地十下十下，后来叫我地系咪订左位。咁先相认到首先职员比我感觉都几真诚，后勤力收碟。但不忘走单。味道方便，呢啲串烧都系烧完面头撒啲粉。我地刚点完菜，听到有个客人投诉串烧好咸，可能因为个个客人，我地啲串烧咸度适中。其实整体上，最好味都系鹅肝法包，仲要劲大旧鹅肝 而酸辣粉味道较轻，酸辣零，辣油少鸡煲不过不失，调味再重一点串烧不过不失两个人埋单咁就802蚊
继续阅读
好耐冇食呢间，都系冇订位即兴食，每次水准都唔差，最钟意鸡软骨同鱿鱼苏今次试新野，芝士牛丸、猪肉片莴笋仲有烧汤丸，其实都唔记得啲名喇牛丸上枱以为得上面𠮶少少芝士，咬开𠮶下有惊喜，啲芝士流住出黎，味道同质地我都钟意但另外两样就一般般，猪肉片莴笋同期望有落差，卖相同味觉都唔讨喜下次唔叫...唔计呢2样整体都ok，四个人埋单一千左右，饱哂
继续阅读
之前婆婆同舅父黎左依间食，话好食过之前果间；跟住就一直讲话要带我同仔仔一齐去食多次。一直讲，讲左几个月，大家终于夹到时间一齐去食啦。讲真，我同仔仔都有D失望，因舅父同婆婆讲到好好味架嘛，但我同仔都觉得上次果间好食D。而且呢，上次果间既饮品都好好饮，今次依间多数都系支装饮品，见佢有乜果粒果汁就试下啦。哗，难饮到爆。就系依杯野啦，难饮，重要几十蚊，真系唔怪得枱枱都系饮支装饮品啦。真系伏到呕，咁难饮，就唔好写出Menu啦。讲真，野好味，都要有杯好野饮先得架，因为依杯野，我真系觉得冇下次；我去番斜对面果间好过。羊架，系几好味，又唔SO；隔离果只唔记得系乜鱼干，我觉得冇乜特别，但我哥好似几钟意，食完再点多左碟；可能配酒系好味D。牛脷都几好味；但系牛肉粒果就好一般啦，系唔会想再食架啦。依个大多蒜容，食完其实唔知食左乜海鲜；根本就系食紧蒜容龙虾，依个都几好味；值得叫。重有其他食物，冇影相的，都系麻麻地好味。不过依间就抵食过斜对面果间啰；我地4个人食，先系1118，几好意头丫。上次系斜对面果间食左差唔多2千呢。不过上次果间，净系叫几杯饮品都2,3百啰；不过上次果间既饮品系值咁既价既。门面，讲真，依间外在都唔系好吸引，唔系婆婆同舅父极力推介都唔会入去啰。结果，唔...系有D几好味既，但有D都好唔掂；而且饮品完全冇睇头，胜在系平啰。
继续阅读
7个大人1位小朋友唔一定要打边炉, 串烧系一个好好既选择. 就系有返咁上下人数可以叫超多款式既串烧同前菜. 有牛肉, 牛舌, 羊肉, 蒜蓉烤生蚝, 鸡泡鱼干, 烧白鳝, 烧多春鱼, 烧烟肉荔枝, 烧香蕉, 菠萝, 银杏, 田鸡腿, 鸡软骨, 茄子, 日本番薯仔, 金茹, 韭菜, 西兰花, 年糕, 馒头....等等仲有叫左几个前菜: 麻辣猪耳仔, 两款凉伴皮蛋, 有晶莹剔透-金黄色嘅皮蛋和一般食开既黑皮蛋…等等样样食物都真系有返咁上下水准, 全部即叫即烧, 上台时仲热辣辣, 出烟既, 一定好食啦, 有串烧点少得啤酒和饮品呀, 饮品有几款自家清热特饮, 大大杯润喉又下火.啤酒都有好多款枝装选择, 生啤都有几款, 有我爱既 Hoegaarden Rose,啤酒配串烧绝配, 成班朋友开心食讲不停笑不停. 除左串烧, 前菜, 仲有烤鱼同鸡煲, 可惜我地实左太满足啦, 留返下次再来啦!!
继续阅读
以前一想食烧烤就会去呢间重庆烧但系都隔咗几个月冇食过 返黎再食系上星期四嘅事夜晚八点半都唔系好多人等位反而系九点打后先多人呢度嘅冬菇韭菜粟米同埋猪颈肉串烧都好好食我哋叫左小辣都唔算好辣依家仲多咗好多海鲜可以食整体来讲都算系几好食嘅
继续阅读