重慶燒燒烤專門店 (已搬遷) 新店位置

朋友介紹下黎左呢度食飯,原來佢有兩個鋪位的,我就去左第二個鋪位,前身係cafe,連招牌都未拆,呢個位靜d舒服d!一坐低睇個餐牌,好平喎,真係想食乜就叫,唔駛點諗個價錢,個人喜歡海鮮,所以都叫左好多!等左好耐好耐先有野食,真係好食喎,樣樣都唔錯!燒肥牛 + 燒牛柳: 因為佢一齊上,所以分唔清邊隻打邊隻,但佢醃得幾好味!!燒生蠔: $48有6隻,真係又平又好食!!燒大海蝦: 唔錯!!燒元貝: 呢個好好食呀,個元貝好新鮮!!檸檬黃金雞中亦: 都ok!鐵板蒜茸蜆: $22真係好平,出面炒蜆都起碼四五十,不過呢碟普通左d,我仲食到有一兩隻蜆係臭!芝士牛油焗蝦: 幾好,真係海蝦,d芝士又好食!燒豬扒: 冇乜特別,豬扒一塊!燒大眼雞魚: 估唔到又幾好食喎,平時不太鍾意食魚既我都夾左幾次黎食!!總括黎講,食物質素好,不過好似好難食得飽,唔知有冇白飯叫XD ! 唯一最差既係上菜要等好耐,大約十五至三十分鐘,好彩我未餓死,我見到隔離枱等到發脾氣走左,同埋好似人多會難搵位d,建議最多六個人去好喇!