醉辣鮮 (新田購物城) (已搬遷) 新店位置

朋友最近發現一個好地方， 揸車去都有一個免費嘅停車場可以泊車，非常之方便。一入閘，就已經見到呢間最「醉辣鮮」， 招牌非常醒目 ，前面擺放咗餐牌，價錢都好合理！入到去見到好多缸海鮮，全部都係非常生猛。一坐低，就已經有熱湯奉上，非常濃味亦覺得冇加味精。蒸海鮮之前，有南瓜、芋頭同米放喺煲底，到最後會變成粥，非常期待。除咗海鮮之外，仲會有雞，食得出用酒去醃，非常有酒香同入味。另外，會有蔬菜無限量供應， 特別鍾意南瓜，夠曬甜！本身比較鍾情貝類 ，因為食嘅時候非常方便，唔需要剝殼， 而且鮮味不凡 仲有有多個選擇！！蒸完之後嘅size，都非常有睇頭！！會特別highlight鮑魚， 口感非常軟滑， 而且蒸嘅時候仲見佢喐下喐下， 真係極級新鮮！！ 蒸完之後都有一隻匙羹咁大， 一啖絕對咬唔曬！！！蟹，我就懶得剝 ，但係同行嘅朋友表示非常之欣賞， 相信呢一餐都會令到大家好滿意！！

新田購物城，而家有一條食街，有著唔同嘅餐廳 ，當中比較多人討論嘅就係呢間「醉辣鮮」。見到有唔同價錢嘅餐， 裏面所包含都係有唔同大細同種類嘅海鮮， 我見$268 嗰餐都好吸引，所以就選擇咗佢！！「嘩！！！」好大盤海鮮呀！ 蝦、蟹、 貝類都齊曬！ 而且大部分都仲係會喐嘅，真係非常之新鮮！！！逐樣逐樣放去蒸氣鍋嗰度，將佢哋整熟， 而下層仲有一個粥底，可以吸曬海鮮嘅精華，唔洗加鹽都夠曬味！出面仲有任食嘅蔬菜，可以任意refill，食海鮮之餘，都可以食下蔬菜，夠哂原汁原味！！！飲品部分都有好多選擇，不過大部分人都會揸車嚟，司機就唔飲得啤酒啦！！

今日朋友生日，我特登帶左佢尼依間朋友介紹嘅海鮮蒸氣粥底火鍋店。聽朋友話依度雖然係地方偏僻少少，但勝在遠離市區，可以呼吸一下新鮮空氣😌😌依度係新田村，購物廣場入面。上網search過有人話已經執左，但其實仲有不少食店做緊生意，朋友試過之後覺得真係值得入尼玩下，所以介紹俾我步入廣場真係有幾間食店已經坐滿客人，已經沿途仲有一個大型停車場，可以俾自己揸車入尼玩嘅客人park車，仲免費添好岩一家大小過尼玩，而且地方好寬敞，可以踩單，又可以四周行下。講返今日尼食嘅係蒸氣海鮮，餐廳有幾款配搭提供俾客人揀，我地就揀左龍蝦海鮮餐，因為一睇個價錢就知抵食啦不過都要一陣再試清楚新鮮同味道先知嘅海鮮未上枱前，就送上是日燉湯同溫泉蛋做頭盤先，肚仔餓嘅我地，當然二話不說，食左先講啦燉湯好夠火喉，溫泉蛋好滑，冇腥味。飲完湯，就送上左主角海鮮一睇就知新鮮啦，有啲咩大家自己睇相就知啦～店員好有耐性咁教我地點樣蒸，用幾多分鐘，雖然Menu上面都寫得好清楚點蒸，但佢都不厭其煩咁再講多次，真係好服務蒸緊海鮮之際，店員告訴我地可以自己去拎飲料。一睇個雪櫃好正，好多吾同嘅啤酒同好多平時放題店冇嘅飲料，送海鮮真係一流呀最後揀左依2

之前有朋友過黎食過，佢覺得幾好食所以今次帶埋我同其他朋友一齊揸車過黎，因為自己有車，所以就覺得唔會話入黎唔方便，加上有免費park車位置，最岩我地呢d想周圍食好西、又唔想黎黎去去得嗰幾個地方嘅“搵食兵團”。我地order咗個海鮮套餐。個套餐好抵食，有16款菜，大部分以海鮮為主。海鮮係新鮮的，現場捉起身再處理上台。龍蝦，好大隻！成隻手掌咁大！肉質結實又清甜！生蠔同埋蟶子都好正，蒸完之後點醬油食，已經夠晒正，唔需要其他調味料。隔離台食嘅好似係肉蟹放題餐，見佢地好似話可以玩任捉任食肉蟹，見到都好過癮，自己可以去蟹池捉，呢種玩法都好得意！最驚喜嘅係！食蒸海鮮居然可以睇live show！真係俾咗個驚喜我地，好有feel❤ 餐廳亦都有100吋投影播music videos，我估呢間餐廳嘅老細都好熱愛音樂。

今日黎開落馬州就試下依間位於元朗新田購物城既醉辣鮮食蒸氣海鮮鍋🦞店內擺放左幾個魚缸，入面有唔同既新鮮海鮮，可以睇住店員係魚缸入面捉啲海鮮上黎一入到黎就幫你加個粥底同埋有個湯同溫泉蛋，嗰湯係五指毛桃，都幾足料，味道都唔錯，而隻温泉蛋就太熟，嗰蛋黃唔夠流心今次就叫左個人氣龍蝦海鮮餐，個餐每人有十種海鮮，有波士頓龍蝦(半隻)，元貝，蟶子，肉蟹(半隻)，鮑魚，生蠔，海蝦，花甲，沙白，蜆，仲有好多款蔬菜自行選擇。餐牌上有個表可以參考每款蒸海鮮既時間，好貼心呀！！而個蒸氣鍋都好易操作，上面會有得選擇每款海鮮烹調嘅時間，好方便~~點餐後，馬上嚟左個蟲草花蒸雞，啲雞好入味好滑，而且蒸完之後一啲都唔老，係個好好既頭盤😋第一時間就食左貝類先，手掌咁大既元貝花甲，蜆，沙白全部都好新鮮，唔洗點醬料都好鮮甜，而且一啲沙都冇令我最大驚喜係鮑魚同蟹嘅內臟店員都幫你處理埋，依個係好貼心行為，而且肥美鮮甜，真係值得一試！最後到嗰粥底，都係用左粥底火鍋基本兩大美食既材料南瓜同芋頭，粥底惹味之處在於佢用既係水蒸氣蒸煮可以保留到海鮮既鮮甜味道，所以味道更有層次。輪到甜品係紅豆沙，用料十足，剛好可以消消制有機會黎開既朋友仔可以

冇野做揸車去到呢個新地方搵下野食～見到呢間醉辣鮮係食蒸鍋海鮮，價錢又幾平🤑一於入去試下！佢外面坐位都幾舒適，不過當日天氣凍凍地，最後都係坐入面我地今日就食龍蝦海鮮餐，$268食到咁多野！抵到飛起入面有個大水池，如果你想可以自己揀海鮮，都可以叫老闆幫你揀隻隻都生猛大隻嫁！出面仲有個蟹池！佢地有個任食蟹既set，如果中意食蟹既朋友可以揀呢個打頭陣既有老火靚湯～飲得出完全冇味精，仲好夠料添仲有日本溫泉蛋🥚真係日本靚蛋黎！重頭戲黎喇！一共有幾10樣唔同種類既海鮮，全部都係新鮮係水池到拎上黎處理，有部分仲郁緊嫁特別抽幾款黎講先！龍蝦🦞 多膏、肉質爽彈，而且好大隻，一個人食半隻都好滿足生蠔🦪 成隻手掌咁大，厚肉又唔腥😋元貝🐚裙邊好爽口，中間又唔會過熟，都幾鮮👍🏻貝殼類都有4/5款！款款都好好味，鮮甜多汁，又爽口😆溫馨提示！啲細粒蜆可以起肉番埋最後同粥一齊食🍚中間仲有個紅棗杞子蟲草花蒸雞🐔呢個雞都做得好出色，非常入味，同埋好淋，一試難忘！最後緊係唔少得吸收晒所有精華既粥！本身有芋頭同南瓜粒，所以係微甜，但加埋上面既海鮮汁，令成個粥味道更有層次👍🏻順帶一提，呢到個蒸鍋都幾方便，set晒幾個progra

元朗新田購物城，唔講你唔知這裡有一條好正既食街，暫時晚市有4間餐廳，全部是半室內半室外好有氣氛，只要惠顧這裡的餐廳，就可以免費泊車3小時。而且室外位置歡迎帶狗狗哦❤🐶❤最後我們被醉辣鮮的海鮮粥底蒸氣鍋吸引住這裡最大的賣點是海鮮即叫 即撈起 即劏 即蒸極之鮮味!!! 一入餐廳就見倒三個好大既海鮮池。老闆Andy話除左氧氣泵，每個池都是恆溫的，因為不同的海鮮須要存活在不同的水溫中👍👍我地叫左(每位$268)龍蝦海鮮餐因為海鮮是即叫即撈即劏，所以先送上時令老火湯: 五指毛桃海底椰豬骨湯，非常足料濃郁清甜，暖心❤溫泉蛋正👍之後店員幫忙蒸雞先，紅棗杞子蟲草花蒸雞醃得好入味😚雞肉好滑🐔不過一切都唔及海鮮盤放低個一刻~好震撼呀😱有波士頓龍蝦、飽魚、肉蟹、元貝、韓國蠔、蝦、刀貝、北寄貝、花甲、沙白等等💕店主Andy好細心整左張品嘗海鮮最佳時間表，這一點非常重要😎同出面既九層海鮮塔好唔同，因為往往食到最低幾層就有點過熟了。這裡是一層海鮮塔，食咩先自己選擇，按動時間製個爐夠鐘就會自己停，好似開邊龍蝦只須要蒸6分鐘就食得。親眼望住佢地撈起龍蝦，蒸之前仲係新鮮到仲識郁嫁❤❤👍超級多龍蝦膏😋新鮮龍蝦係一拉就成條

Family Day 老豆揸車帶我地來新田食蒸氣海鮮!一入到去就可以見到有幾個大大既魚缸, 將唔同既海鮮分左類!最緊要係全部都係生既! 識游水果隻而間餐廳最特別就係可以親手捉蟹! 最中意係大大隻既龍蝦,仲有膏添~都幾多肉架! 清蒸既海鮮可以食到海鮮既原味,另外仲有蜆肉, 一開蓋就好清甜既味果然新鮮食材整出來 係新鮮d,都放心d~興致勃勃,老豆 叫左枝紅酒, 一家人都食得好開心好耐無一家人出來食飯,無諗過原來有海鮮套餐,食材仲可以咁新鮮!！！！而且價錢都好抵

我嘅家人係元朗人，今日搵一家大細出街食飯，我地成班都好中意食海鮮，特別係細佬，但係佢地好麻煩好怕唔乾淨🤣 所以同佢地食親都好貴，成日去三聖個D地方食飯。今日我地無出去食，係番元朗食，因為表哥番左嚟，佢地都住元朗，最終我地搵左呢間醉辣鮮一入去就見倒水池，養住D海鮮，睇落去好搶眼，好生猛，幾好feel！我地叫左好多野食，當然多數係海鮮啦！望落去都好乾淨嘅，擺盤又靚～ 賣相過關野食到，我地就不停食食食，海鮮真係意外地新鮮！龍蝦肉好彈牙，我肯定佢係有做運動嘅龍蝦🤣！雞肉好好食，好入味。仲有一定要食佢地既生蠔！燒得好靚～！呢度全部嘢都好正！好抵食！細佬屋企人都好滿意！大家一定要去試！

今日公司聚餐來左新田既醉辣鮮, 試下近排好hit既蒸氣火鍋(海鮮)無諗過原來呢間野咁特別,成大碟海鮮就咁送上來,好似唔洗錢咁!真係好抵!!! 好彩我每隻海鮮都有試到味~ 仲有個蟹缸可以自己捉蟹,一捉蟹就會有好多人圍觀一齊睇入面真係有勁多勁多勁多蟹 !店家推薦將蟹整成薑蔥蟹, 夠香之餘仲可以凸顯蟹既鮮味, 蟹鉗大大隻,夠受厚肉 另外仲有蒸生蠔(上面擺左辣椒粒,蔥粒,蒜末) 一擺入口就勁多汁 仲有我最期待既扇貝!!原來就咁食一樣鮮甜, 就擺多左小小蔬菜一齊蒸我自己偏好係食原味, 可以享受到食材既鮮味! 其實都好正架~

無意間留意到係新田有間新開嘅海鮮餐廳，就係呢間醉辣鮮~第一次入黎的時候其實真係覺得交通唔算話非常方便嘅，除非自己有車，咁我。。係前者。。但係入到黎，我覺得都幾正，因為餐廳將海鮮池整咗係中間位置，海鮮就真係係我地隔離，食緊野嗰陣都可以望下佢地游水，都好有趣❤❤❤好特別嘅另外一樣我自己覺得幾特別嘅係“蒸海鮮”嘅食法，我平時好少會食到，哈哈，可能係我孤陋寡聞，但第一次食覺得真心喜歡每張枱都擺定個好大嘅煲。店員首先會將南瓜、芋頭等等嘅配料擺入蒸鍋嘅底部，一邊蒸海鮮一邊煲粥。海鮮種類好多，而且非常新鮮，見住佢地即場係魚缸捉出黎，即時劏跟住拎尚枱。我個海鮮餐有元貝、蟹、鮑魚同埋龍蝦等等成9款海鮮都！每一款都勁鮮甜，果然新鮮嘅海鮮係唔同d嘅！因為係用蒸嘅，所以更加食到嗰種海鮮原汁原味嘅鮮味！除咗海鮮，一定要讚嘅係個粥！南瓜粥濃稠度適中，而且最主要係上面蒸海鮮嘅味道滲曬落黎d粥度，絕對係普通南瓜芋頭粥食唔到嘅甜，食3碗都仲意猶未盡~雖然遠就遠咗d，但呢餐好抵食，268一個人，真係激抵！下次會再黎~讚讚讚！

今次要推介既餐廳係位於元朗新田村路既新田購物城,呢間鋪主打蒸氣火鍋,蒸氣火鍋香港不常見,所以即使位置有點偏遠,都揸車過黎試下。入到去我地叫左大量既海鮮,有大蝦,扇貝,奄仔蟹,蜆,青口等等。每樣食材在蒸氣爐加熱大約8分鐘就食得。大蝦味道新鮮,有淡淡的海蝦味;蜆肉食落都味美,唔會有沙味;其他海鮮味道都十分鮮美,食到我地都好滿足。之後我地仲點左半隻波士頓龍蝦,龍蝦肉質爽滑,蝦肉味道濃郁,單單那份鮮甜味都值得一試。總結食物質素十分高,以這樣的價錢有這樣的食物質素,算是十分難得。

同兩位朋友試食餐廳新推出的人氣龍蝦海鮮餐，好新鮮好飽又好玩。海鮮拼盤都大盤，有10款海鮮：每人半隻龍蝦、半隻肉蟹、一隻大鮑魚、元貝、大生蠔、蟶子，海蝦、大推貝類花甲、沙白同埋蜆。海鮮要自己蒸自己煮，初初都唔知點開始，好彩個蒸鍋易操作，餐廳又有貼心提示海鮮蒸煮時間，我哋三個女子就可以自己選擇食海鮮次序，慢慢煮慢慢食原來都唔錯。最特別係我哋睇住店員係魚缸捉活海鮮即開即上拼盤，店員解釋佢哋專登新裝個大魚缸係餐廳中間，養住所有活海鮮，難怪海鮮真係好新鮮好鮮甜蒸完海鮮嘅精華落哂粥底度，個粥熬左成兩個鐘，又甜又綿。隨餐有住家feel嘅燉湯同埋日式温泉蛋做前菜，仲有紅棗杞子蟲草花蒸雞，最後食埋住家紅豆沙，超滿足