醉辣鮮 (新田購物城) (已搬遷) 新店位置

今次要推介既餐廳係位於元朗新田村路既新田購物城,呢間鋪主打蒸氣火鍋,蒸氣火鍋香港不常見,所以即使位置有點偏遠,都揸車過黎試下。入到去我地叫左大量既海鮮,有大蝦,扇貝,奄仔蟹,蜆,青口等等。每樣食材在蒸氣爐加熱大約8分鐘就食得。大蝦味道新鮮,有淡淡的海蝦味;蜆肉食落都味美,唔會有沙味;其他海鮮味道都十分鮮美,食到我地都好滿足。之後我地仲點左半隻波士頓龍蝦,龍蝦肉質爽滑,蝦肉味道濃郁,單單那份鮮甜味都值得一試。總結食物質素十分高,以這樣的價錢有這樣的食物質素,算是十分難得。