醉辣鮮 (新田購物城) (已搬遷) 新店位置

有一日 我經過新田購物城 想係個邊瘋狂購物 行左要同朋友都有啲攰 就決定搵一個地方醫肚餓 呢間醉辣鮮 見佢裝修整潔 又有好多時令海鮮 我又好鍾意食海鮮 好快就同友人入左呢間店我同朋友叫左個海鮮餐 有好多新鮮嘅海鮮 例如有龍蝦 鮑魚 蜆 帶子 聖子 應有盡有 佢地會比個蒸氣鍋 你處理食材 可以食之餘又可以享受煮嘅過程 再來食物因為都好新鮮 所以點整都好鮮甜 我最推介係龍蝦 口感同味道都非常有質素 因為以經開半所以可以大啖大啖咁享用 簡直係正 鮑魚味道都好足 蒸氣鍋可以令海鮮更加原汁原味咁呈現出來 如果大家都有經過新田購物城 必定要來呢間醉辣鮮 享受下

去元朗探新婚的老友，老友駕車到新田購物城，地方十分大，空氣流通，很清新、舒服的感覺，有商鋪和車行，老友話醉辣鮮蒸氣火鍋材料新鮮，首先上是五指毛桃燉湯，非常清香又鮮甜，日式温泉蛋，服務員首先加米落窩再加不銹鋼板，就蒸蟲草花雞，雞很鮮甜，很有雞味。跟着蒸大蝦🍤大扇貝、大白沙蜆、花甲、本地生蠔、鮑魚、蟶子等。 海鮮全部都很新鮮又美味。米煮成粥都美味。餐廳設有自助蔬菜🥬，可選取。餐後還有腐竹意米糖水，很香甜。餐廳備有一些小玩具👍👍

進入餐廳見到一個大大的海鮮池，有各款各樣的海鮮，點了蒸氣火鍋套餐後，就看到職員直接從海鮮池，直接把海鮮拿出來，數分鐘後一盤新鮮的海鮮就上枱了。旁邊有調味盤可以調味，但個人認為要食到海鮮原味，就不用其他醬汁。菜單上有各種海鮮烹調時間，每次開鍋都係非常期待，因為真的每一款海鮮也十分新鮮，而且價錢不貴啊，非常值得一大班朋友一齊吃。蜆，蝦份量很多，原味已經非常鮮甜，真的不用調味。龍蝦也大大隻，啖啖肉，可以想像的鮮甜。當然還有其他蠔，元貝等等也美味。第一道的雞也非常滑呢旁邊還有雜菜可任食，蒸煱已經很健康又好味呢。非常滿足的一餐，飲品需另外購買的啊

元朗新田購物城朋友介紹晚餐食海鮮蒸氣鍋，開車過來仲可以享有免費泊車優惠。餐廳中央大大的海鮮池，就是今晚重點了，點了龍蝦海鮮餐職員立即從海鮮池拿出食材，幾分鐘後就上枱了。一開始先有溫泉蛋，半生熟，不用蒸已經可以吃，入口滑滑的很好吃是日湯品也味道不錯，滿足一下口腔為海鮮準備。第一款蒸鍋菜是滑雞，開鍋已經香噴噴，入口非常惹味呢。然後每款海鮮都是鮮味十足，最愛是龍蝦，大大隻1開2的，吃的時候，啖啖肉，鮮甜到不得了。元貝也大大粒，平常會加各種調味，蒸鍋完全不用加也非常好吃啊有雜菜可以任食，做到營養均衡呢一次過吃數款海鮮後，最後還有粥底吸收了所有海鮮精華，這麽鮮味的粥也是第一次吃，所以最後吃了2大碗呢還有甜品也顧及，老闆說豆漿是自家製的，配上薏米，甜甜的很不錯。為今晚劃上完美句號

同朋友揸車過嚟，有大量車位，感覺好特別，好另類，非常放鬆自在的感覺！佈置格局看似在特定日子有現場樂隊表演，可惜今天未能碰上，有點可惜😅在店中央有幾個大型海鮮缸，龍蝦、鮑魚、生蠔，多不勝數，旁邊還提供一些桌上遊戲予客人玩樂，非常貼心😍揀選了原價$278的海鮮餐，現在優惠價只是$198，已經有起過十款食品供應，望落去已經覺得幾抵👍🏻温泉蛋、燉湯第一時間送上，足料又暖胃，温泉蛋啱啱好，好有蛋香，唔錯😬店員先把材料放入鍋底內，是為蒸氣火鍋之後的海鮮粥做好準備，材料十分豐富😊十多款新鮮海產送上，即時胃口大開，新鮮嘅海鮮最佳烹調方法就係清蒸，鮮美無比👍🏻份量十足，鮮甜美味，根據店舖提供的蒸煮時間，簡單又易用，非常方便，小朋友都識得操作😬還有蔬菜🥬類是可以無限量追價，健康又好味😋之後嘆埋呢個海鮮粥，滿足到爆，埋單人均二百元左右，平到你唔信，下次有機會一定要再嚟🤗

好多人可能唔知元朗在入，差唔多去到落馬洲邊境有個新地方，新田村路300號新開左一個好特別既新田購物城，入面有賣車，有好多唔同既餐廳，其中我選擇左呢間。呢間係食蒸汽火鍋，因為呢到可以免費泊車，所以我地泊左入黎，呢間餐廳就正正係停車埸入口正中間，入到去大開眼界，餐廳中間放左一個大大大既海鮮缸，放滿唔同既海鮮，有龍蝦，鮑魚，蜆，蝦，生蠔等等，在出去出面仲有個蟹缸，不過因為天氣問題，所以今日冇放蟹，坐低後選擇套餐，有個任食蟹套餐都係$338，好抵呀！不過男朋友唔太鐘意食蟹，所以選擇左另一個$268套餐。先黎個老火雞湯，溫泉蛋，老火湯真係老火湯，非常入味，雞味勁濃郁，溫泉蛋同日本餐廳個Ｄ完全冇分別，真正做到溫泉蛋既味道。之後就黎海鮮套餐，一大盤海鮮，分好種類，每一款都有唔同既蒸用時間，店員非常細心地慢慢介紹，教我地用，首先黎個紅棗杞子蟲草花蒸雞，非常之入味，雞既肉質超級嫩滑，雞油流曬落去，一定好好味姐。跟住就黎唔同既沙白，鮑魚，蟶子，花甲，蜆，海中蝦，本地生蠔，款式多到數唔曬，全部都係新鮮魚缸入面養住，即叫即拎起，一定保證新鮮，食得太多海鮮同肉款，仲可以去出面任拎唔到既蔬菜返黎蒸，又估唔到幾好味

今天去了米埔參觀，晚上餓了便決定到附近的新田購物城找東西吃。雖然最近有很多新聞都說購物城已關閉，但其實那裡仍有不同的餐廳，有些只做晚市生意。我們駛進購物城的入口就見到一間蒸海鮮專門店，叫醉辣鮮。看見入面有游水海鮮，而且套餐價錢相宜，就決定在這裡用膳。今次我倆點了龍蝦海鮮餐。這裡特別之處是蔬菜是任食的，感覺上很健康，因為通常出街吃飯都不夠菜食。而且這裡有種家的感覺，比起平常在另一些店舖standard的海鮮餐多了老火湯和自家甜品，足料又好味道。我們吃完了一round蔬菜和蟲草花蒸雞後，海鮮拼盤就到了！看見這麼多種類的海鮮真的感到大滿足。其中有我最愛的龍蝦、生蠔、肉蟹和元貝等等。這裡的做法是自己動手蒸的，初頭還以為會比較麻煩，因為之前吃過另一間是店員幫忙蒸的。不過試過就發現自己蒸更開心，因為可以自選食物的先後次序，而且可以用自己的速度進食。整個晚餐的食物水準都屬中上，蔬菜鮮甜，海鮮亦夠新鮮。店員亦很友善，還有向我們介紹逢星期六會有樂隊在餐廳演出。真的是一間很有心的餐廳。

鍾意周圍去嘅我哋今次又發現左新嘅地方新田購物城！睇地圖好似好遠咁但係其實元朗揸車10分鐘就到好方便架！餐廳就係車場一入既位置呢到都幾特別好似去咗第二個地方咁又有啲車鋪又可以玩射箭！可惜今晚就無開喇呢度同其他地方唔同海鮮係餐廳嘅中間所以你會見到海鮮新鮮嘅程度同埋大細感覺好新鮮！每種食物需要幾多分鐘到已經設定好晒所以十分之方便！可以把握到食物最佳食用時間！食蒸海鮮當然唔少得粥底啦啲米都幾多！估唔到仲有湯同溫泉蛋玩湯一啲都唔味精仲好重椰子味添第一樣野係蟲草花雞雞肉都幾滑！隻龍蝦都幾大隻架啲肉好鮮甜每人半隻啱啱好海鮮仲有蜆聖子蟹等等淨係食海鮮都夠飽啦所以最後啲粥都唔食唔晒另外仲有唔同蔬菜可以選擇！好抵食！有車嘅朋友不妨過黎玩下！

是日同HONEY去元朗探完朋友後，開車到元朗新田購物城搵食，見到有好多食店，在門口位置，醉辣鮮的蒸氣海鮮吸引到我地，另外門口到，老細也說開OPENRICE，佢地有個優惠卷，原價268蚊一位的套餐，約$238蚊一位就可以食到十款時令海鮮，真的好抵~~所以二話不說，決定去哩間食蒸氣海鮮，我同HONEY點左龍蝦海鮮餐，我地面前，入面有個大水池，見到不同的海鮮，老細貼心地說，如果你想可以自己揀海鮮，都可以叫老闆幫你揀隻，另外老細介紹有埋任食蟹既set，之後職員送上了日本溫泉蛋同埋老火靚湯，真心覺得日本溫泉蛋唔錯，好流心，另外點左飲品之後職員給上了蟲草花雞蒸，雞件真的好入味好滑，期後我地分別蒸左，波士頓龍蝦(半隻)，元貝，蟶子，肉蟹(半隻)，鮑魚，生蠔，海蝦，花甲，沙白，蜆，真的不同的海鮮，也好新鮮，另外夾埋蔬菜一起蒸，真的好FRESH~~蔬菜也有不同的選擇，原來星期六食飯，佢地晚上仲有LIVE BAND邊聽歌邊食蒸氣海鮮，真的唔去市區都可以食好西!!!

聽講新田呢個購物城有幾間海鮮好玩又好食，所以今日就過嚟睇下，最後就揀左呢間醉辣鮮，因為見佢環境幾好，有室內得唱下k，又有室外地方，下次可以帶埋寵物一齊嚟。佢呢度將啲海鮮放左喺餐廳中間，全部都係新鮮撈起就劏俾你。佢總共有十款海鮮，另外仲有湯啦，餐前小食啦，甜品啦。佢呢度嘅蔬菜仲係任食嘅添，真係夠晒抵食。而十種海鮮係以貝類比較多，但最令人期待嘅都係龍蝦同肉蟹仔。呢兩樣都好新鮮好甜。而其他貝類都好鮮甜，最重要係冇砂，個個都爭住食。最後個粥底就吸收晒所有海鮮嘅精華，鮮甜度爆晒燈，每個人都食左兩碗。呢個價錢，咁多咁食，認真性價比高企。

今日同媽媽慶祝生日,知道有間新開既蒸氣火鍋幾出名,就陪媽媽一齊去試下❤️ 呢間鋪位置較偏遠,位於新田村裡的新田購物城。今日都幾多人,基本上座無虛席。我地叫左一大碟扇貝,蜆肉,差不多有兩打到。把食材放進鍋大約五分鐘就可以撈起食得😍扇貝味道爽口,蜆肉都十分新鮮我地仲叫左波士頓龍蝦,龍蝦大大隻淡淡肉,十分鮮美🦞另外,我地仲試左呢到幾有特色既溫泉蛋😉口感滑溜溜,味道都唔錯😜還有提供了一份蔬菜盤,有金茹,生菜,栗米,南瓜等,用來平衡返食左咁多既海鮮,算係唔錯既選擇。

今日難得約齊屋企人出去食飯，當然要食餐好架啦！今日就帶屋企人嚟食粥底蒸海鮮，二百幾蚊一位已經有10樣海鮮俾你嘆，最重要係全部即撈即劏，夠晒新鮮。首先打頭陣嘅係老火五指毛桃海底椰靚湯，佢個湯真係好濃好甜，飲到個個lam lam 脷。然後仲有一隻溫泉蛋比你早餐前小食。然後職員就會幫你將啲生米同芋頭南瓜放入煲度，準備呢煲一間會吸收晒所有精華嘅粥。喺正式開始食海鮮之前，首先出場嘅係蟲草花蒸雞，啲雞件用花雕酒醃過，好滑好香。順帶一提，佢呢度嘅蔬菜係自助任攞，你可以攞唔同嘅蔬菜同啲食物一齊蒸，夠晒健康。因為上載圖片有限，我都唔能夠逐樣講下。所以就講啲我影得靚嘅海鮮啦！我地第一樣食嘅係蒸花甲，好鮮甜，完全冇沙，加埋啲蔬菜，好鮮甜。然後就係象拔蚌仔同鮑魚，呢兩樣都好好食，時間岩岩好，唔會又乾又硬。仲有呢隻大扇貝都好正，夠大粒又夠冧，好好味。最後就係重頭戲，龍蝦。每人半隻，真係時間岩岩好，鮮甜嫩滑，無得彈。淨係見到佢白雪雪又咁厚肉，都已經流晒口水。食完晒海鮮食埋粥，仲會有個腐竹薏米糖水俾你，糖水唔太甜，岩岩好，媽媽都食得。

天氣凍冰冰最中意就係打邊爐❄️有個住元朗嘅fd話想試依間仲話佢揸車兜我入去🤔(雖然其實係因為佢有三小時parking😂)咁梗係應承啦🤣-🦞人氣龍蝦海鮮餐 $268pp醉愛海鮮嘅我地梗係要叫海鮮餐🤣呢個餐有好多款海鮮🤤仲要款款都好新鮮👍🏻同埋佢唔係普通打邊爐 而係蒸鍋🤔蒸完鮮甜既汁落到去下面既粥底食埋個粥真係好正好鮮甜🤤-環境方面亦都估唔到有驚喜喎😮入面有水池養住D海鮮 感覺好乾淨好新鮮👍🏻絕對會有下次呀😝

原來新田都有餐廳，仲有好野食。今次就遠離人煙去試下蒸氣海鮮🙂咁岩撞正有life band😗一坐低就有每人一碗湯同溫泉蛋，今日係椰子雞湯，好鮮甜😋龍蝦海鮮餐$268@1以上係2人份量🙂海鮮幾新鮮，仲識郁🤭首先食帶子先，大大粒仲好厚肉，肉質彈牙幾鮮甜🤗鮑魚煙韌仲幾甜，加啲蔥花幾配👍🏻生蠔🦪大大粒，有蠔味🙂🙂龍蝦🦞見到店員係魚缸捉出嚟，夠哂生猛。蝦大隻，爽口🙂蜆同花甲都冇沙，不錯😗最後食埋個粥底同糖水，紅豆沙煲得好乜綿，放左啲米落去煲。有心機，好食😋

朋友介紹過呢度有一間餐廳，食海鮮非常之實惠，就嚟一探究竟啦！！一入去已經見到好多唔同嘅生猛海鮮，佢地一直同我say hello😆醬料方面，係自助形式，想攞啲乜嘢都適隨專便。溫泉蛋～ 熟嘅程度啱啱好 ，夠曬香滑。開始蒸嘅系列喇😍 個爐非常user friendly ，有幾個唔同嘅選項包括貝類、 蝦類、 禽畜類…… 唔需要自己set時間同估時間，而且非常準確。蒸蟲草雞～ 應該有用酒嚟醃過，酒味都幾重，由於係蒸嘅關係 ，非常之香滑 ，但肉質同時亦有咬口。帶子蒸完之後都非常之大粒 ，原汁原味， 係一個好開始！！鮑魚嚟啦！！ 佢係我嘅至愛 ，洗嘅時候要處理恰當，先至可以有香滑嘅效果，呢度做到喇！冇嘥到個食材！！啲蜆開曬口咁樣對住我笑哈哈 ，真係忍唔住要食曬佢落肚！Um.... 好甜呀！龍蝦係有膏㗎！今次發達啦！ 肉質都非常之彈牙！ 新鮮果然係唔同啲！！蒸完哂啲海鮮，就可以食粥啦！個粥好夠味，亦都好鮮甜，一啲調味料都冇落到！最後仲有埋甜品食添！係腐竹薏米糖水！ 好潤而且唔會太甜，真係完美嘅句號。不得不提既係佢星期六會有一隊band過嚟駐場， 等我下次嚟會一會佢地啦！！