影片
更多
2021-03-19
224 浏览
相約了好耐無見既閏密飯聚是次選餐廳既重任就交左比佢😗因為我地平日都超級忙，難得一聚當然要豪豪佢，慰勞吓自己～酒鍋位於美食林立既銅鑼灣登龍街Vpoint當日放工後，急不及待早早去左攞位先平日時間入座率都有八成左右，超多人等左15分鐘後，撞正岩岩有客人離座，仲要係靠窗海景位🥰🥰開心開心📸整張大合照先，Cheers！酒鍋既整體食物質素都好好，等我逐個為大家介紹下😎✌🏻⭐️酒火入鍋 ( $328 )首先講下個鍋底先由於我同老死都心大心細唔知揀咩好，但又咩湯都想試下喎咁就一於嗌個有唔同湯底既鍋啦😋當時見店員推介呢個鍋既時候，發覺個名都幾特別，期待感都幾高而呢個鍋分別有五個唔同既湯底：1️⃣獨特木瓜鍋半個雕好左既木瓜入面放住三隻海蝦🦐原本既湯係清湯黎既而酒火入鍋既「酒火」就係呢個moment出現啦！侍應會將酒於另外既器皿先用火槍點火，再倒入鍋中然後就會出現左係鍋中心有大團既火光燒呀燒呀～侍應仲好貼心咁比我地影完相先至整熄成個湯底都滲透住獨特既酒香就算白灼任何野都好好食！2️⃣蕃茄波士頓龍蝦鍋蕃茄湯底相信係每人打邊爐都必點既最大賣點係，真係有半隻大大隻既🦞龍蝦架！龍蝦肉就算煮左咁耐都好彈牙，讚！3️⃣清湯蘿蔔牛腩
是次選餐廳既重任就交左比佢😗
因為我地平日都超級忙，難得一聚當然要豪豪佢，慰勞吓自己～
酒鍋位於美食林立既銅鑼灣登龍街Vpoint
當日放工後，急不及待早早去左攞位先
平日時間入座率都有八成左右，超多人
等左15分鐘後，撞正岩岩有客人離座，仲要係靠窗海景位🥰🥰開心開心
📸整張大合照先，Cheers！
酒鍋既整體食物質素都好好，等我逐個為大家介紹下😎✌🏻
⭐️酒火入鍋 ( $328 )
首先講下個鍋底先
由於我同老死都心大心細唔知揀咩好，但又咩湯都想試下喎
咁就一於嗌個有唔同湯底既鍋啦😋
當時見店員推介呢個鍋既時候，發覺個名都幾特別，期待感都幾高
而呢個鍋分別有五個唔同既湯底：
1️⃣獨特木瓜鍋
半個雕好左既木瓜入面放住三隻海蝦🦐
原本既湯係清湯黎既
而酒火入鍋既「酒火」就係呢個moment出現啦！
侍應會將酒於另外既器皿先用火槍點火，再倒入鍋中
然後就會出現左係鍋中心有大團既火光燒呀燒呀～
侍應仲好貼心咁比我地影完相先至整熄
成個湯底都滲透住獨特既酒香
就算白灼任何野都好好食！
2️⃣蕃茄波士頓龍蝦鍋
蕃茄湯底相信係每人打邊爐都必點既
最大賣點係，真係有半隻大大隻既🦞龍蝦架！
龍蝦肉就算煮左咁耐都好彈牙，讚！
3️⃣清湯蘿蔔牛腩鍋
唔好以為清湯蘿蔔牛腩鍋個湯底會好單調
我偷偷地飲左一啖湯仔，有好濃既牛腩香
而且仲有幾舊炆得好林既牛腩食
4️⃣四川麻辣鍋
打邊爐點少得麻辣湯底🌶
佢個湯底麻度同辣度都調得岩岩好
岩哂鐘意唔受得太嗆辣既我
5️⃣潮洲沙嗲鍋
沙嗲味香濃，超惹味！
🐧開心小企鵝( $ 88 )
睇個樣唔知大家估唔到係咩黎既呢？
係🦑墨魚丸呀！
杞子用作企鵝既鼻，蘿蔔片則用作腳仔
煮熟後既墨丸有獨特墨汁既鮮香，而且超級彈牙，推介！
💫七星報喜 ( $ 78 )
手打墨丸配上唔同食材，每粒都係唔同味道
色彩繽紛，賣相好吸引
🧆黑松露蝦蟹餃 ($ 60 )
入口有超香既黑松露味，蝦肉打得起膠結實，正～
🥩頂級安格斯牛小排( 小 ) ($ 188 )
大家望唔望到雪花分布得幾平均呀🥺
超耐無食過咁高質既牛
而且牛味濃到一個點，食完真係有種齒頰留香既感覺
連老死咁高要求都大讚
記得一定要點黎試下！
🐖黑毛豬豚腩肉玫瑰花拼盤 ( $ 268 )
豬豚腩肉部位肉質纖維較細，肌肉間既脂肪就較多
每啖食落都有豐富既油香
🥬蔬菜拼盤 ( $ 68 )
食左咁多肉，當然都要嗌翻啲菜
拼盤擺放得好靚，而且好新鮮
最中意個南瓜、油麥菜同粟米
我地一路就係對住個咁正既海景打邊爐😎
好Chill 好嘆🌃
叫左4杯野飲，杯杯都唔錯
呢杯係Peach on the beach，有香香既白桃汁mix埋菠蘿，幾fresh
是日飯聚超級滿意，辛苦唒好友搵左間咁高質既餐廳
價錢黎講係銅鑼灣算係中高檔，質素同價錢給絕對成正比
推薦比各位邊爐達人一試呀🙌🏻👍🏻
张贴
