酒鍋 (V Point) (已結業)

一入到餐廳就見就到落地大玻璃嘅無敵維港海景，但望返室內係中國風嘅裝潢、燈飾、枱櫈、餐具，錦盒紙巾盒、陶瓷醬料瓶。好似出面同入面係唔同時空咁，感覺幾夢幻。呢度嘅招牌鍋底係【酒火入鍋$328】。鍋分五格，中間係木瓜鍋，圍繞住嘅係番茄波士頓龍蝦鍋、清湯蘿蔔牛腩鍋、四川麻辣鍋、潮州沙嗲鍋，五款口味，啱晒一大班人～店員先喺酒上點火再倒入木瓜鍋，然後放入乾冰，一陣吞雲吐霧後變成帶清甜酒味嘅木瓜鍋。第二最愛係清湯蘿蔔牛腩鍋，啲牛腩好軟腍好有牛味；番茄波士頓龍蝦鍋番茄味淡咗啲，不過真係有半隻龍蝦，真材實料。飲品用燈泡形狀嘅玻璃杯裝住，幾得意～我飲【竹蔗茅根】，打邊爐降火必備。【頂級安格斯牛小排(大)$268】牛小排一片一片掛喺木架上，好似豬肉檔咁。牛小排肉質幾嫩滑，肉味濃郁。【海鮮拼盤$368】有蟶子、帶子、蝦同蜆。全部都幾巨型吓。蟶子味道好鮮甜，又爽口。帶子厚到好似兩粒疊埋一齊咁。蜆鮮甜之餘就食到少少海水鮮味，真係好新鮮。【7星報喜$88】手打丸都做到咁吸睛，七隻唔同顏色，有唔同味道，個名仲好好意頭，啱晒新年節慶。【蔬菜拼盤$68】用小木盒裝住嘅蔬菜拼盤，好精緻。蔬菜包括西蘭花、油麥菜、三色椰菜、羽

前幾日，豬太郎同朋友行完年宵，揀咗喺附近嘅酒鍋食晚餐，直上27樓就到，地方闊落，坐喺窗邊位仲望到海𠻹！夠晒寫意～#酒鍋佛跳牆 $488慶祝收爐，梗係要豪氣開心下！呢個湯底用鮑魚、海參、花膠等熬製而成，未齊人仲可以飲返啖湯，暖笠笠，鮮甜味美，用嚟打邊爐，火鍋料仲會愈煮越鮮！#黑毛豬豚腩肉玫瑰花拼盤 $268玫瑰花造型夠哂catchy，豬太郎貪心，將成朵玫瑰花放入鮮甜嘅湯底，好似花一樣散開。有外表有內涵，唔會太重肉臊味。#海鮮拼盤 $368一次過有齊蟶子﹑帶子﹑蜆同海蝦，款款都咁新鮮！最意想不到係海蝦唔止大隻，肉質爽口彈牙，唔係平時火爐店嘅雪藏蝦嚟㗎～#開心小企鵝 $88 #咪走雞 $88可愛嘅賣相又點捨得食呢？由墨魚丸變身成為小企鵝，建議要用勺舀住，因為滾得太耐都會無咗企鵝形態。#蜂巢豆腐 $38湯底咁甜一定要食！啲湯一滾放哂啲蜂巢豆腐入去，吸哂啲湯汁，回味無窮。#黑松露蝦蟹餃 $88之前食過一次，知道酒鍋嘅黑松露蝦餃味道好好，今次一樣唔可以放過！留意煮嘅時間唔好太耐，因為湯底濃味都會令到餃子失色。#蔬菜拼盤 $68掛住食肉都要嗌返盤菜～仲有豬太郎最愛嘅栗米，款式多，味道無咁單一，人多嘅

年初三唔嗌交唔打架，一於打「邊爐」。新年帶屋企人食餐好，食飽飽冇嘮嘈。 全場滿座好熱鬧，眺望維港夜景，真係好靚！有幾款「香港原創五格鍋」一次可以試齊五款湯底，good！有屋企人想食辣，我就想試「酒鍋」中最出名嘅「酒鍋」 ，所以揀左走火入鍋！ 獨特木瓜鍋、蕃茄波士頓龍蝦鍋、清湯蘿蔔牛腩、四川麻辣鍋、潮州沙嗲鍋，五鍋合一，夠特色。 店員先喺中間個木瓜鍋加酒，然後再點火，火光熊熊，飄來濃濃酒香，當然要手機食先，大家趕緊不停影呀影。 火就嚟熄之際，店員又加入乾冰，瞬間煙霧瀰漫，靚，又要狂影！ 先試湯底，有大而甜嘅木瓜同三隻蝦，酒味香濃，味道好！麻辣鍋睇顏色就知辣，試一口，嘩，麻味香濃但真係超辣，某屋企人大愛！打邊爐配肥牛，頂級安格斯牛小排油脂豐富，牛味出色，但片數唔多，有點貴。蔬菜拼盤有十種唔同嘅蔬菜，新鮮爽口顏色靚。開心小企鵝用黑白墨魚滑製成，肉質偏實。 杞子做嘴，紅蘿白做腳，可愛細緻。凸眼黑啤熊好神似，最特別，連肚上面個袋仔都有埋，好有心機！ 放湯前要狂影相，因為淥完之後會變左無臉熊，好攪笑。日本頂級黑毛豬豚腩肉個碟寫住招牌菜，真的嗎？ 夠大片，顏色鮮紅。新年假期冇加二加三收費，精緻嘅一餐

火鍋店開到成行成市，但大多都千篇一律，這次終於遇到一間頗具特色又高質的火鍋店。這間人氣火鍋店位於廿多樓高層，坐擁無敵大海景，景觀極佳。火鍋店走高檔路線，裝潢華麗雅緻富格調，又充滿古色古香的藝術氣息，環境一絕。招牌湯底名叫酒火入鍋，超有創意，店員會即席倒酒點火，形成火焰湯鍋，散發出陣陣酒香，然後更加入乾冰，營造仙景效果，好像一場表演。湯底足有五格咁多，可以吃均五款湯底，一次過滿足多人口味。五款湯底包括龍蝦蕃茄湯、牛肉蘿蔔湯、沙嗲湯、木瓜酒湯和麻辣湯，全部都好足料味道濃郁。尤以木瓜酒湯甚具特色，酒味香濃又帶有木瓜的清甜。龍蝦蕃茄湯底也很出色，意想不到是內有一隻巨型大龍蝦，真材實料，令湯底有極濃郁的龍蝦鮮味，美味得令人欲罷不能，食材輕輕一涮不用再沾醬料已經好夠味好美味！頂級安格斯牛小排好高質，賣相漂亮，牛肉新鮮，色澤紅潤，油花均勻密佈，肉質超嫩又不失嚼勁，即使涮久了仍能保持肉嫩，更重要是牛味好濃厚，不用沾醬已經美味十足，確是真材實料，我們眾人都讚嘆不絕。海鮮拼盤賣相精美，有大大隻的蟶子、帶子、蝦、花甲、蚌等，全部均鮮味十足，爽滑彈牙，美味得很。開心小企鵝和黑啤熊是自家製的墨魚丸，多色的熊仔更

新年第一餐，決定要帶屋企人食餐好既！😍去左銅鑼灣呢間好高人氣既特色餐廳打邊爐。係高層27樓，上到去見到咁靚既海景真係哇左一聲！可以望住咁靚既景一路打邊爐，真係一種享受呀🤗叫左個「酒火入鍋」湯底🥣，好特別！有五款不同既湯底，先係中間既木瓜湯加入酒點起火🔥好香既酒味完全索哂落蝦度！然後再放入乾冰，冒起超多既白煙！成枱都係煙😂好誇張好壯觀呀！ 木瓜鍋非常鮮甜，木瓜煮到好林好甜。另外四個湯底分別係蕃茄波士頓龍蝦🦞湯：有半隻起大既龍蝦，食落好新鮮彈牙，濃重既龍蝦湯加上蕃茄，好開胃！清湯蘿蔔牛腩湯，清甜牛腩湯，蘿蔔好好味，好清甜👍四川麻辣湯同沙嗲鍋，都非常濃郁重味，真係好難選擇呀！😽黎呢度當然要叫招牌菜:頂級安格斯牛小排🐮好正呀，牛小排好嫩肉重牛味。雪花紋分佈平均🤤日本頂級黑毛豬豚腩肉🐷肉質爽口煙韌，而帶點脂肪，食落好好味！正！海鮮拼盤:有蟶子，扇貝，大蝦及花甲,款款都夠新鮮無沙，好鮮甜彈牙😻放到好靚！黑松露蝦蟹餃，以墨魚汁外皮包著，黑松露味香濃，鮮味十足又爽口。蜂巢豆腐，如果食得辣，放係麻辣湯底度，真係超正，索哂個辣湯，好惹味！😽超可愛既黑熊啤同開心小企鵝🐧，真係唔忍心拋佢落熱鍋呀😻唔同

打邊爐打得多，對邊爐嘅要求都開始高，呢間餐廳裝潢地道又有格調，最加分係座位夠闊，打都打得舒服Ｄ～～酒鍋佛跳牆　$488湯底款色好多都好有特色，我地決定挑戰一下佛跳牆（人生從來未食過），湯底超～～～～～足料，撈極都有好多唔同嘅料豬骨同金華火腿令湯底好夠味，仲有海參花膠令成煲湯骨膠原滿瀉，最令我驚訝嘅係食到條條魚翅！！！仲有大大粒新鮮爽口嘅鮑魚！頂級安格斯牛小排(大) $268如果係三個女仔的話，要份細都已經好夠食，牛肉質素真心高，入口即融，牛味濃郁，加上足料到有甜味嘅湯底加持，牛肉都散發住陣陣甜味，肉紋理分明，有咬口但唔會難嚼！黑毛豬豚腩肉玫瑰花拼盤 $268視覺上滿分嘅豬豚腩肉油脂豐腴，但唔會肥膩；同牛肉唔同，可以品嚐到啖啖口感，而且毫無腥味肉味鮮甜，想感受份量就一定要叫呢個喇。海鮮拼盤 $368裡面有聖子﹑帶子﹑蜆同海蝦，帶子好有口感，亦都夠新鮮，海蝦一隻超大隻，所以一隻都已經好夠填肚，蝦肉一Ｄ都唔粉亦好彈牙，色澤鮮艷，絕對唔係雪藏蝦！開心小企鵝 $88+咪走雞 $88超可愛嘅賣相搞到我唔捨得食，小企鵝彈牙同濃味過咪走雞，有Ｄ墨魚丸嘅感覺，後者淥嘅時候要多加注意，因為好容易分離，但味

一家人去食團年飯當然要食好嘢啦！就算價錢畧貴也不是問題，只要大家覺得係享受和開心就好。今次阿仔特意揀選食火煱貪佢夠互動，一齊烚下烚下和這間食肆的火煱聽聞很有創意；值得一試。餐館位於銅鑼灣商廈高層，視野開揚；環境亦很舒適。就連豉油是以古色古香的茶壺盛著，真的難以想象。走火入魔煱底一個煱同時有木瓜海鮮， 蕃茄波士頓龍蝦， 四川麻辣， 清湯蘿蔔和冬陰公湯五種湯底。能一次過品嘗咁多囗味都係第一次。用玫瑰露酒洒在木瓜海鮮上造成火焰效果，大家看得入神之餘；服務員再把乾冰放上，隨著而來的一幕煙霧瀰漫呈現眼前，看到大家既開心又很驚訝 。木瓜食落依然清甜滋潤，而海蝦新鮮彈牙亦帶陣陣酒香。👍頂級安格斯小排(大)油脂分佈均勻，畧畧灼一下來吃入口卽溶；牛味濃。日本頂級黑毛豬豚腩海鮮拼盤有帶子，象拔蚌，蟶子和海虾。全部海鮮皆大大隻又新鮮，滋味非常。黑松露蝦蟹餃蝦和蟹兩種材料一齊做餃子已很小有，再用埋已混入了黑松露造成的皮來包；頓時覺得很名貴。七星報喜七種顏色的小丸子很花巧地呈現眼前，咬落彈牙。開心小企鵝和黑啤熊原來厨師精心的傑作以墨魚滑製成，買相很 cute。一隻隻小動物放在冰盤上大家卽時感覺到處身在冰天雪地中

每次要出街食飯，唔理係熱辣辣既夏天，定凍冰冰既冬天，火鍋都係我首選，今日就同朋友去左環境一流既酒鍋。一睇餐牌，見到個好特別既湯底，酒火入鍋吾駛諗即刻叫，對佢充滿好奇，一個鍋有5種唔同味道既湯底，夠晒方便，不過最特別係中間個湯底，倒d酒入去，然後就點火，隔左一陣，再放乾冰，效果好靚，仙氣十足。頂級安格斯牛小排一定叫，肉質好嫩，油脂均勻，淥一淥就食得，好正。 再叫賣相好靚既黑毛豬腩肉玫瑰花，賣相好靚，黑毛豬真係又香又淋，朋友好鐘意。食火鍋最鐘意蜂巢豆腐，吸晒湯底既精華，熱辣辣勁夠味。鵪春蛋福袋，啱晒新年食，感覺食左充滿福氣。再叫海鮮拼盤，有蟶子，大蜆， 帶子，花竹蝦，款款新鮮，吾駛點調味料，都已經好好食，鮮味十足。再有勁吸晴既七星報喜，七種吾同顏色既手打丸，禁好意頭，一定要叫。叫埋個什菌拼盤，有我鐘意鮮冬菇，金菇，仲有秀珍菇同雞脾菇， 份量都唔細，兩個人夠晒食。再飲埋Peach on the beach，好香桃味同菠蘿汁，好解渴。朋友杯Summer delight，芒果加菠蘿汁，酸酸甜甜，啱晒幫助消化。

前幾日見天氣仲係有點涼意，約埋幾位朋友黎到酒鍋烚吓烚吓。餐廳喺V Point 27樓，喺時代廣場行去2-3分鐘就到，好方便。一去到堂仲有幾位小姐幫手㩒lift，格局有點似酒店lobby，幾high class。上到餐廳見部分位置仲望到海景添！可惜今次坐嘅位望唔到，下次再黎要記得request海景位先得！酒火入鍋 $328舖名叫「酒鍋」，當然要試一試招牌湯底《酒火入鍋》啦。一共有5款湯底：-鮮蝦木瓜鍋-蕃茄波士頓龍蝦鍋-清湯蘿蔔牛腩鍋-四川麻辣鍋-潮州沙嗲鍋五款湯底各有特色，當中我最鍾意就係鮮蝦木瓜鍋同蕃茄龍蝦鍋。前者酒味濃郁，配以木瓜嘅香甜，基本上同大部份食材都夾。後者龍蝦味很鮮甜，亦有半隻龍蝦，比一般只有蕃茄味嘅湯底更勝一籌，有驚喜！五個湯底各有千秋，有辣有唔辣，一個《酒火入鍋》可以試晒，值回票價！海鮮拼盤 $368海鮮從來係打邊爐必點，呢個拼盤有齊帶子，蟶子，番薯蜆同海蝦，絕對岩晒海鮮控，海鮮亦算新鮮同大隻，食落夠爽口又無沙，襯落龍蝦蕃茄湯底令鮮味更為突出，而海鮮放係冰粒上可以保鮮，打到落尾都仲算鮮甜！日本頂級黑毛豬豚腩肉 $188通常打邊爐主打吃牛，但見到呢度嘅黑毛要豬擺盤寫住「

每到農歷年尾，就忙於搵地方食團年飯，今次揀返位於vpoint 27樓既酒鍋！呢到地方高雅，仲可以望住維景打邊爐！團年飯，當然不少得一煲靚湯！呢到有佛跳牆做湯底，梗係要試一試啦！價錢$488，以佛跳牆來講，呢個價錢絕對抵試，因為十分足料，雞，海參，花膠，鮑魚，仲有可以成“住”夾黎食嘅翅。店長還千叮萬囑要飲晒啲湯先好打邊爐，唔好唗左煲靚湯。飲哂就可以加湯打邊爐啦。生猛海中蝦$268份，活捉海蝦，蝦肉爽口結實，從門前的大缸已能見到非常生猛！貴妃蚌$348/6隻，有我手掌咁大隻！海鱲魚刺身$488白身魚肉，肉質爽口、鮮美，食落煙韌有咬口，淡淡甘甜，充斥著立魚香氣！牛魔王拼盤$698用上安格斯牛、韓牛、牛柳粒、手切肥牛，肉質鮮嫩，牛肉脂肪分布平均，質量很高！餐廳位於27樓，能望到靚靚維港景色，人均消費大概五百元，於銅鑼灣黃金地，食物質素高，呢餐團年飯大家都好滿意呢！

臨近年尾 為左避免多人 唔去吃傳統中菜 選左吃火鍋。呢間火鍋店 景色一流 但衛生要改善 檯面痴立立 一餐兩個鐘火鍋 完全無侍應問我們 需唔需要加湯 亦無來 汁骨碟 呢間唔係任吃火鍋 連基本嘢都做唔到 火鍋爐設計都有問題 打邊爐正常來講 要滾下滾下 先似樣 但係我叫左四味窩底 只有爐中間位置微微滾起 四味湯底 夠曬花巧 但全無特點 味道平庸 等個湯滾起 都要等20分鐘 好彩有個景望下 唯一優點係 其他配菜 OK

公司收爐飯，又係食好嘢嘅時候。今次揀咗位於登龍街嘅酒鍋！佔用vpoint全層地方，座位闊落，坐得舒適！一出門口就會望見三大個魚缸，見到咁生猛既海鮮，質素不會差吧！有12款醬料任調，重本xo醬，大大隻蝦米！酒窩佛跳牆$488用上一隻雞、花膠、大冬菇、海參、鮑魚、金華火腿、大量瘦肉、還有。。。。勁多魚翅！用料之豐富，自己買材料都唔止呢個價！打邊爐之前，當然每人先飲兩碗湯，膠質很重，正！重點飲完不會口渴，之後再加上湯打邊爐！牛魔王拼盤$698有安格斯牛、韓牛、牛柳粒、手切肥牛，肉質鮮嫩，牛味重，脂肪紋分布很平均，靚湯底當然要配上優質牛！黃金炸魚皮$68每片鮮炸魚皮都沾滿了鹹蛋黃，十分邪惡，非常惹味！黑松露蝦蟹餃$88手包水餃，粒粒飽滿足料，蝦肉彈牙！手機咁大既貴妃蚌$58只肉厚彈牙，非常新鮮！餐廳用料質量高之餘，仲可以飽覽整個維多利亞港既景色，人均消費五百多元，算不錯吧！

農曆年將近，朋友相約一起年夜飯，我們決定到銅鑼灣的酒鍋熱哄哄地吃一餐。餐廳位於二十七樓高層，落地窗外眺望無敵開揚維港景致。室內裝潢是時尚跳格的中國風，樓底挑高，空間感十足，坐在這裡吃火鍋，實在舒適開懷。我們先點了招牌湯底酒火入鍋，五格大鍋，五種不同口味湯底，中間是木瓜鍋、外圍分別是蕃茄波士頓龍蝦鍋、清湯蘿蔔牛腩鍋、四川麻辣鍋及潮州沙嗲鍋，每種湯底亦足料足味，最愛是滋潤養生的木瓜湯鍋，店員注酒起火，再放乾冰，冒起裊裊白煙混著淡淡酒香，令人看得心花怒放，胃口大開，切記不要錯過，熬煮過後綿密甜美的木瓜。即時混醬起筷，先吃頂級安格斯牛小排，放入清湯鍋內輕灼，送入口中，油潤軟腍，牛香濃厚，混著清湯倍加鮮甜。黑毛豬豚腩肉玫瑰花併盤，賣相美美的玫瑰花造型，放入麻辣湯內，對味對色，實在的咬口感，滲著麻辣的辛香，十分美味。新鮮亮澤的海鮮併盤，有蟶子、扇貝、海中蝦及花甲，最愛是滑溜鮮甜的蟶子，以及雪白彈牙的海蝦。黑松露蝦蟹餃，混上墨魚汁的外皮，其貌不揚的烏黑外表，內裡其實是鮮味十足。應節感滿點的鵪春蛋福袋，腐皮加上綿綿的鵪春蛋，口感豐厚。七星報喜，墨魚丸混上悅目的七彩顏色，彈彈的吃出愉悅心情。開心小企鵝及

之前見OpenRice有好多優惠，今日心郁郁就過左黎試😂😂😂和其他著名的火鍋店一樣，是有很配料送到枱上，非常貼心。比較特別的是他的豉油是用一個茶壺盛著，很有復古的氣息。我哋最後揀咗呢個唔識火鍋，一次過可以食同五種唔同嘅味道！當中有辣有沙嗲有清湯～～～食嘅時候真係有啲花多眼亂～最賞心悅目嘅係中間嘅火鍋係會到啲酒落去然後發出陣陣的火焰！火焰燒熟的海蝦，它的味道亦有陣陣的酒味 十分特別！配料方面，我哋少咗份蔬菜和雜菌～擺脫相當精美～而且份量也不少。當中的皇帝菜十分嫩口另外也要了一份10分花巧的七色丸～味道幾好～ 也不過令佢加分既係佢既擺設！！！另外我們也要一份餃子，他雖然顏色是黑色，但其實和普通或他沒有分別次， 淥熟後的皮是透明的～至於味道沒有很深刻的印象性愛響鈴和飲品也是不過不失，可以不叫～～

和暖冬天導致今個冬天食嘅火煱一隻手都數得晒。三五成群圍下爐嘻哈一輪本身都可以比邊爐更過引。不過今次來銅鑼灣食嘅火鍋除咗有維港影睇，最過癮係估唔到火鍋都可以有賀年食法。一見菜牌上嘅新春菜式就咁諗其他即試個新年鍋。魚游佛跳牆湯底除咗有雞、金華火火腿、魚翅、海參、花膠、冬菇，最有趣就係有兩條用 墨魚滑加蝦滑做成嘅鯉魚；佛跳牆上加入年年有餘兆頭，真係啱曬農曆年尾作尾牙一餐。除湯底外其實金豬報喜 及 流心芋茸墨魚丸兩賣相一樣見廚房嘅心思，豬仔做形萌到爆，製作成鯉魚狀既墨魚丸可愛得來又好意頭。就算賣相以外其它食材一樣新鮮鲜美先論個頭盤海膽怀，新鮮甜美嘅海膽下加上鮮味無比嘅吞拿魚蓉，真係冇諗過火鍋館都可以食到咁好味嘅海膽刺身。另一個牛柳粒前菜一樣好味， 啱曬個鍋未滾起前一眾分享。海鮮拼盤真係冇得，彈鮮蝦串起仲郁郁貢、魚片彈牙又滑又鮮味、帶子大粒又滑、最正聖子夠鮮甜。髦毛豬肉丸軟熟又大粒。安格斯牛肉唔點醬油最好味，牛肉味超香任何醬油都會浪費咗啲牛肉。其他配菜都好好味，不過可以講講個 肥媽墨汁腸 肉香味甜，Mama  魚麵烏冬咁粗又魚蛋咁彈牙。一個非常飽嘅晚餐加美味食才加維港景觀又座得舒適仲加入精美賣相