酒鍋 (天文臺道) (已結業)

夜晚十點幾都要等成個鐘先有得食，仲要有幾group人都肯一齊等，應該唔錯啩我估⋯但最後係大失所望！華麗特色裝潢其實係以本奪人，真正愛吃嘅人，到底著眼係做食物嘅用心，其次一定就係待客質素，我嗜辣亦追求運用香料層次嘅造詣，我喜歡講究用餐環境嘅舒適度，但更欣賞侍應真誠有禮嘅服務態度，所以⋯再會了酒鍋⋯

一月天氣真寒冷，今天只有九度，當然最應景就是吃火鍋啦，還要是辣才暖身呀。我兩晚上六時半去，先叫了兩杯凍飲準備好為後來的辣食作戰，Peach on the Beach ($58) ,有桃、菠籮、檸檬汁和青提子，味道清爽兼解喝。而 Summer Delight ($58) 就是菠蘿加芒果汁，由於比較稠身也很清甜解渴。聽說吃辣之前要先吃些不辣的食物打底，所以我們就叫了個清淡的酒鍋刺身聖誕樹 ($468)。樣子色彩鮮艷，刺身就像一棵聖誕樹，賣相吸引。最上層是海膽，下面是三文魚、油金魚、拖蘿和吞拿魚卷壽司。相當高質，魚生鮮甜又新鮮。再來是滴管麻辣小籠包 ($98)，每隻小籠包也是紅色外皮，上面都插着一枝小滴管，原來滴管內是麻辣汁唷！辣汁注入小籠包內一起吃，肉汁和辣汁一同揮發，既麻且辣，口感相當不錯，實在太有創意了！跟着就是酒鍋新推出的「四國辣妺」($328)，一聽名字已知玩味重。銅壼內有四隔，剛好放滿四國辣妹的湯底，分别有：港式酸辣湯、印度炸雞辣湯、墨西哥青椒牛腩辣湯和四川麻辣湯底。四款湯底材料可為份量十足，有牛腩、辣雞、豬腩肉和大條腩排骨，足夠三至四人分享。醬料 ($22/位) 也有很多選擇。

凍凍地就想食下辣暖下身，今晚同友人去辣一辣。這裡環境不錯，感覺比CWB店 casual一點，有outdoor位置，可以出去吹吹風。賣相如一，每款都好精美。醬料($22/位)有多種選擇，淨係蒜都有3款。四國辣妹 ($388套餐連流心麻辣墨魚丸) 見到紅卜卜就知道有幾辣，注意不可選辣度，唔食得辣就要叫定杯冰水先。港式酸辣湯: 五花肉、芽菜、豆卜、辣椒、肉碎、酸菜，湯底非常足科，即刻可以加個米線食。印度炸雞辣湯: 雞肉、薯仔、洋蔥、辣椒，雞肉嫩滑要快食，食到尾薯仔稔晒又入味。墨西哥青椒牛腩辣湯: 牛腩、青椒、雲耳、車厘茄、洋蔥，湯底好特別。四川麻辣: 豬皮、豆卜、芽菜，豬皮入晒味，堅辣。掛架頂級安格斯牛頸脊（小）($188)肉quality都係咁高，美味。流心麻辣墨魚丸(跟餐)，彈牙的墨丸中心真係有流心麻辣醬，鐘意佢有粒粒墨魚肉係入面，令到佢更有咬口。滴管麻辣小籠包 ($98) 好有玩味，紅色的小籠包上有plastic tub，可自行加辣，皮薄肉又多汁。魔鬼豬肉餃 ($88)橙色皮就知道有幾devil，餃子除左有豬肉，還有不少蝦肉，唔算好辣，適合初辣者，而且很惹味。紫菜響鈴 ($58)脆卜卜

Lately, the restaurant started to provide delivery service. The package is very nice. Other than food, it came with the pot and stove, which we need to pay deposit and return afterwards.The food was very good and fresh with huge varieties and excellent quality. The price was reasonable with its designated portion. We enjoyed a lot!

There is nothing special about this hot pot, service was extremely bad. Overpriced for what it is. The beef was not chewable, lamb was not fresh. The waiters were say lazy to add water into the pot, so that it was burnt from the right beginning. Definitely somewhere I do not want to go back

朋友聚會之酒鍋大約7點鐘到,入面9成full左.愛辣的我, 今晚一於食哂盡佢的辣鍋調味醬有成10幾款, 緊有一款岩你口味.好重料的XO醬, 每一啖都有蝦米仔!!叫左四國辣妹, 果然名不虛傳分別有四個國家的辣當中有港式, 印度, 墨西哥, 四川而湯底入面都有唔同的肉類。港式係酸辣湯。配上五花腩肉大大塊又厚身的五花腩, 真係垂涎三尺湯底好清甜~~~。印度炸雞辣湯。雞身好滑薯仔好入味湯有淡淡的辣味又唔會油。墨西哥青椒牛腩辣湯。呢個第一啖食落去, 完全係咳左幾聲無諗到會咁辣, 辣到喉嚨度牛腩炆到好淋, 又吸收左d辣味愈食愈滋味。四川麻辣。內有豬皮同豆卜兩個菜完全吸哂麻辣,辣得好過癮, 而且湯底唔多油 四個湯底當中分別由淡到濃味, 相當出色!!。掛架頂級安格斯牛頸脊。真係十級推..牛肉味重 又淋身, 食過牛頸脊真係返唔到轉頭賣相都相當架勢!! 。滴管麻辣小籠包。滴管用係小籠包度真係第一次見,小籠包熱辣辣, 皮又夠薄, 加埋小小麻辣汁。酒鍋刺身樹。 (帆立貝,日本牡丹蝦, 吞拿魚)刺身好肥美, 每咬一啖都食到甜同鮮,,好好味呀~~。流心麻辣墨魚丸。手打的墨魚丸, 口感夠彈牙。魔鬼豬肉餃。 大大粒皮

一開始已經比佢個店名混淆左, 到底係飲酒既地方, 定係 食火鍋既地方? 我諗大部份人都有咁既問題係個腦度, 直到去我上到店入面, 店內環境比我既感覺就係一個好西式既火鍋店, 呢個IDEA真係好特別呢度既位置都係大方舒適, 我地一行二人都可以被安排到四人桌, 邊食邊吹水真係一大樂事我地揀左既湯底叫做行酒江湖, 一鍋4種唔同既湯底, 有豬骨湯底, 海鮮湯底, 藥膳湯底同埋少辣既湯底所有湯底都係勁多材料係入面, 本身個湯底已經有好多野食!!!海鮮拼盤超大的一盤, 包羅萬有, 帶子, 蝦, 蜆, 等等既都有齊, 我覺得最正就係個帶子, 勁大粒原隻上!! 放入去海鮮湯底度煮, 成個鮮味即刻提升左幾度!! 就算佢熟左之後會縮細左, 都係比一般食開既大粒!! 正頂級安格斯牛頸脊超得意, 佢既牛頸脊係掛係度, 完全可以欣賞到佢雪花分佈得幾幾完美, 又方便易夾!! 其實唔係得個睇字哈哈, 味道真係無野講, 入口即溶之餘好重牛味!! 正鴨血鴨血比起豬血個口感會實淨D, 冇咁易散, 佢吸收左湯底既材料之後個味道真係不得了!! 好好味波菜估唔到連菜都可以咁高質, 食到我地9成飽架喇,..咁就諗住食幾條菜就算,

其實有時放工happy hour未必一定要去酒吧，而酒吧永遠都係食nuts或西式食物，想食到刺身就比較難，原來酒窩就可以解決這個難題，仲諗住上嚟呢度一定要打邊邊，但原來餐廳有個室外露台，外面有幾張枱，可以飲杯野之餘又可以叫小食，感覺都幾舒服，最緊要可以在室外呼吸，而不會影響其他人，真係一個放工放鬆的好去處👍🏿今次上嚟只是叫咗三樣食物，宮崎A5和牛刺身、芥茉牛柳粒和刺身三點，另外order一支紅酒，2位食已經好滿夠了！

今日同屋企人一行四人去試下呢間酒鍋未黎之前已經聽人講呢間好好味一坐低就滿心歡喜地叫左好多野食四個人好似有D誇張，因為唔係我落單，所以好多食物都唔知確實名稱，唔好見怪。最期待嘅火鍋，有五個湯底，最鍾意中間嘅龍蝦同鮮蝦湯底，好鮮甜，其他就無咩特別。呢個牛肉唔記得叫咩名，好貴，但幾好食。仲叫左小籠包，皮薄，都唔錯，不過原味最好食。埋單最後總共$2XXX，個人覺得唔係好抵食。

尖沙咀要搵高質素嘅打邊爐，所以就去咗酒窩因為呢一度嘅環境同埋食物都好高質素。我哋叫咗一個餐，由於係兩個人所以份量啱啱好。花雕醉雞，番茄牛尾，啤酒魚，清酒海鮮。每隻味都各有特色，特別鍾意番茄湯，特別鍾意番茄湯！好濃郁啊！海鮮拼盤都超新鮮，每一件都啖啖肉而且份量好足夠。蟶子皇真係我嘅最愛，平時係街市買價錢都唔平，呢一到唔單止爽口，仲有海鮮嘅鮮味。扇貝都好大粒，見到佢嘅新鮮程度就好似自己係屋企買材料打邊爐，真係超正。總會有少少配菜例如南瓜，娃娃菜油麥菜等等。紫菜響鈴都係一個佳作，好少餐廳會咁用心，享年入邊包住可以享受佢唔同嘅口感同埋都幾特別。另外仲會有醬汁係隔離不過湯底已經好好味所以我冇特登去點。你一隻野真係好得意，黑啤熊放左落去就好似比佢哋走去游水，味道都幾爽口彈牙。牛肉有牛嘅香味， 嫩滑新鮮，而且味道濃郁，每人都可以食到5-6塊啱啱好，除咗擺盤靚之外味道甚佳。有好多唔同嘅丸，店家都幾用心每一粒都有佢自己獨特嘅口味。鴨血真係食極都唔厭，打邊爐一定要有佢，放落去唔使好耐就食得，好鮮味。依家睇返都好想食，啱晒鍾意唔同口味既人又創新又新鮮，環境都好唔錯一大班人上嚟一定好開心。

自從一次朋友約過我到這打邊爐就愛上了一有空都會來未入黑已坐滿人我們點了套餐，份量跟款式好多，湯底係指定的四國豐味:包括麻辣，肉骨茶，椰子雞及沙嗲，各款湯底都很出色而湯底所用配料亦十分足且味道討好麻辣湯底，辣度十足肉骨茶夠正宗地道入味椰子雞好香濃沙嗲微辣但惹味當中有小食，香口美味香脆雞翼，豬頸肉，炸魚餅及墨魚膠釀油炸鬼，款款夠入味又滋味，好吃又不感覺膩還有海蝦及蕃薯蜆好新鮮，味鮮十足牛頸脊牛味濃又唔會有雪氣，入口口感適中日本黑毛豬腩肉入口不會韌，好鮮好甜好吃而鮮蝦水餃，菠菜皮韭菜餃，洋蔥豬肉蛋餃皮薄餡靚，當中的肉蝦好新鮮入味，而且皮厚度適中，不會令餡易流出還有其他配料如烏冬，蔬菜及雜菌拼盤，款款新鮮當然打邊爐點少得竹蔗水及紫貝天葵清一清熱氣！十分滿足的一晚～

凍冰冰最岩打邊爐啦！今次去左尖沙咀呢間台式火鍋，叫左個4格鍋，叫行走江湖😂呢到鍋底名好特別～4格有番茄，藥膳，魚湯底，好足料，另外叫左個海鮮拼盤，牛，羊，響聆又係必食，但呢到既響聆有埋紫菜，比較特別！4人每人食左4百幾，有點貴，間唔中一餐就幾好

一早就想黎食好耐，之前睇朋友share 出黎既相個個都影到好靚又話好食，今晚仲唔輪到我。打邊爐第一個趣味之處就係自己調味，哩度有超過10款調味俾你慢慢玩😂 乾蒜 芫茜走唔甩一定落！海鮮拼盤 $368超中意食海鮮，哩度既海鮮好新鮮，打邊爐一食就知冇得假。聖子同貝類都好大隻，仲好多汁！黑啤熊 $88哩碟熊仔真係得意到唔捨得食😂原來係墨汁丸，勁有創意。安格斯牛頸脊 $188哩話到明安格斯就梗係正啦，掛住喺度下面鋪滿冰真係食得有氣勢！牛頸脊好林，哩個牛部份原來係咁正既。7星報喜 $88色彩繽紛既丸充滿視覺享受之餘，味道都好味，紫色同粉紅色係甜既，擺落咸既湯原來係咁match 。鴨血 $68，即炸紫菜響鈴卷 $58鴨血我唔岩而朋友就話新鮮，紫菜響鈴好香脆，勁正！蔬菜拼盤 $58打邊爐點少得食菜，哩個拼盤有成7-8款菜，正！紫貝天葵 $26酸酸甜甜好開胃，健康有益，飲住食好爽！火鍋店有咁型格既裝修設計，配料同湯底都充滿創意，係一間好有質素既食店！

天氣開始轉涼又係時候去打邊爐，上網見到呢間餐廳個名幾過癮，啲圖睇落去都幾好食所以就揀咗呢間。上到去間餐廳裝修好有中國風，氣氛唔錯，出面亦都有露台可以俾人呼吸下新鮮空氣。我哋order左個湯底係行酒江湖，佢分別係四種湯底，一個花雕醉雞鍋，番茄牛尾鍋，啤酒魚鍋，清酒海鮮鍋。我個人最鍾意清酒海鮮鍋，入面有新鮮嘅蜆，成個湯底好似海鮮湯咁既味。個番茄牛尾鍋都非常出色，番茄味激濃，落所有配料都會變番茄味。我哋仲有叫海鮮拼盤，啲蟶子同啲貝極大隻，聖子啖啖肉，淥完都仲係好大舊冇乜點縮細，所有海鮮都非常新鮮。跟住就係掛架安格斯牛頸脊，一上枱已經搶晒風頭，啲牛頸脊掛喺個肉架上面，睇落非常新鮮，而食落去亦都非常有牛味，脂肪比例比肥牛少，肉味夠濃郁。肉方面我哋仲有叫咗頂級蒙古涮羊片，羊片只係有少少羶味，驚羶味既人都可以試下。配料方面叫左黑啤熊，七星報喜，鴨血，紫菜響鈴。個黑啤熊非常值得打卡留念，係熊樣既墨魚丸，不過落左鍋之後就面目全非。紫菜加係響鈴度令響鈴風味提升左一個層次，非常夾。

同朋友去 【滾】 ，今次去間可以靜靜地傾計地方～混醬先巨無霸芫茜鍋芫茜多得好誇張！鍋分咗4格，每格唔同湯底喇沙海鮮麻辣蘿蔔牛腩番茄薯仔豬骨未打邊爐之前記得飲返幾啖湯先放啲芫茜更香開心小企鵝， 造型好搞笑 ，其實係墨魚滑整成的鴨血配麻辣湯一流手打流心芫茜皮蛋牛肉丸蔬菜拼盤砌到勁靚，好多料！主角黎啦！！ 牛魔王拼盤！！！唔使多講，睇個樣都知道正啦七星報喜7種唔同口味手打丸，有驚喜紫菜響鈴竹蔗茅根 + 紫背天葵