酒鍋 (天文臺道) (已結業)

避開了午餐高峰時間，1點半才去，可以一人獨霸六人枱。叫了黑松露野菌鍋，其實鍋內只找到雲耳和少少娃娃菜，幾條蘿蔔苗，不過湯底都有濃濃的菇味，但不覺得是松露味。加12蚊揀了馬來西亞魚麵，啖啖爽口魚肉，三個配菜點了毛肚，牛𦟌，墨汁腸，毛肚和牛𦟌都是煮好，但在湯底中滾熱後有另一種風味，另外兩個跟餐小菜麻辣鴨血和炸餃子味道也不錯，餐飲原本點了芝士奶蓋抹茶但沽清了，轉了黑糖珍珠奶茶，奶茶底很不錯，但珍珠不好吃。

打電話問有冇得order 定，話無。午市上菜極慢，埋單碌卡，攪左好耐，忍唔住行收銀等，個女侍應先問可唔可以俾現金，無碌到張卡，卡機壞左臨走又見到有台客未來又有晒餸，但又答得地唔可以order 定點知過2日check 信用卡單，碌左我3次，係3次！超過份！好彩有check 信用卡紀錄習慣打返去問佢，男侍應聽電話，我直頭背晒當日叫果啲野食，個男侍應話果日無返工，唔係太清楚，負責個女侍應又無返話今日星期六office 無開，星期一先退到錢俾我超過份！真係超級過份！真係極劣評！

台式火鍋店今晚有朋友升職請食飯，6條友，諗起打邊爐，當然朋友升職不能放過，於是搵間較為高檔嘅火鍋店，有人建議位於尖沙咀的-酒鍋，呢間係一間比較台式的火鍋店，如果一早用OpenRice Booking就會有八折，但因為我哋臨時決定所以冇折。店舖裝潢都算特別，我哋叫咗一個五格嘅火鍋湯底，有龍蝦湯、麻辣燙、牛蘿蔔牛腩湯底、沙嗲湯底和中間的木瓜火焰蝦湯底。嘗試五種湯底之後，本人認為都係是兩種好啦，因為分左太多種湯底，每隔嘅範圍都太細。未打邊爐前先叫咗一個象拔蚌刺身，新鮮度還可以，但價格真的偏貴，下次食象拔蚌刺身真的無需在呢度食。另外叫了很多火鍋料，包括火鍋不少得的牛肉，花甲，桶蠔，桶蠔質素一般。因為有朋友唔食牛，所以叫咗一碟豬肉，同普通的豬肉不同應該是豬頸肉，呢個就非常好味，另外亦叫咗豬肺，第一次打邊爐食豬肺，口感味道都唔錯。其他火鍋材料，例如豬肉丸牛肉丸、翠玉玩、響鈴、生根、午餐肉同其他配料就沒有什麼特色啦。

因為朋友介紹而家酒鍋既lunch高質左，所以今日突登同3個同事過左黎試。佢無加過價，對比起以前湯底，麵同埋餸既選擇的確多左好多，比以前更加吸引。而且而家每人都會有一份前菜，係兩塊鴨血同埋一個炸餃子。我地揀左勁耐，揀啲唔同既餸，咁可以交換黎試下。我揀左冬陰公湯，2個同事揀左滴雞精湯，另一個揀左以前我成日食既黑松露雜菌湯。我呢個食到一半先記得影，湯底香濃，好夠味，亦夠酸，係我鐘意既口味～～～而且入面有4隻蝦，好多豆卜，一啲都唔馬虎。同事既滴雞精湯底都夠味，唔似雞湯味，係淡淡既雞精味，幾特別，唔會腥。而且食得出佢叫既安格斯肥牛高質，重牛味，可惜唔係生牛肉另上，係本身就熟左放係面，係一大敗筆。黑松露雜菌無特別影同試，因為已經食過好多次啦！佢黑松露味都好夠，一啲都唔hea。問題來了，2個同事都叫左一樣既滴雞精湯底，但係一個係有味既（圖片個鍋）另一鍋係無味既。。。完全就係清湯。已經同左侍應講，佢地淨係話無錯單，滴雞精味係比較淡etc。但係問題就係我地叫左兩鍋，只得一鍋係清湯呢！但係佢地完全無跟進，之後都無理到我地，食到我其中一位同事一肚氣！麵食方面都無分開上，全部係個鍋到上，整到煲到最後啲麵全部索

酒鍋絕對係我地lunch regular會黎ge地方！一個月最少一次相隔無耐今日lunch又黎..湯底有多左唔多款喇上次黎食過臨時限定冬陰公湯底..今次已經轉正印左係常規點餐紙度lu跟餐送酒炸鬼同麻辣鴨血..跟返人頭就出幾多份量一碗過上~我地5個人5個餐今次我試新上ge 喇沙海鮮 ($88)唔係講笑...勁足料！跟湯底ge海鮮有蝦x2 蜆x？ 青口x1 墨魚仔x2全部新鮮大隻！另外仲有大量配菜配料自選3款..我揀左雞翼..鹵肉同鹽酥雞雞翼有3隻，正常發揮...鹵肉炆到好淋好入味..唯獨是個鹽酥雞...我有少少意見........重口味到一個點...d鹽多到...食完都仲有一大堆係個碗度...而且炸漿略厚..無下次極力推介！加$12都要食呢個魚面！食落唔似係面..你會以為自己食緊面條型魚條！一d都唔粉！好爽口好彈牙！每次黎都要加錢食！喇沙湯底微辣..淡淡ge耶奶味..好creamy所以豆卜一定要留到最後食..吸收哂d湯汁..超滿足餐飲個杯有d tricky...唔係成杯到底架

lunch想打邊爐，緊系去酒鍋啦最平68蚊可選1湯底，1面，3個配料，1個野飲而且最近仲多左d湯底同配料今日一於試下個喇沙海鮮湯一黎到 嘩 1d都唔少野有青口，有蝦，有蜆，有魷魚之後個湯底最正系已經跟左d菜同豆卜豆卜吸曬d湯既精華，勁濃味，超正而個湯底仲有淡淡既椰汁味，真系冇得輸每個湯仲會送油炸鬼同炸餃子配料我就選左雞翼，油麥菜同牛展雞翼有成三隻，不過系未熟既要放番落去煮一陣先，差d中伏油麥菜份量都唔少，吸曬湯好好味最後牛展後上唔記得左影相都有5-6舊，而且好林好惹味飲品我就最鐘意佢個芝士奶蓋綠茶出面就咁叫一杯都要廿幾蚊呢到免費跟餐就有！！抵呀

近排成日去食日本嘢食串燒食中餐突然間 覺得好耐冇去食火鍋所以晏晝就去同老公搵火鍋食最後揀咗天文台道8號2樓嘅酒窩上到去咁早嘅時間都仲唔係好多人見到好多人檯面上一個好細嘅鍋睇完嗰餐牌之後原來係一人一鍋有不同嘅湯底又有麻辣/豬骨濃湯我哋最後就揀咗鹽酥雞麻辣花膠嘅火鍋覺得好特別個花膠有成七八塊咁多花膠吸哂味辣得嚟好刺激鹽酥雞翼都係成碗滿曬啖啖肉埋單加埋一大概每人只需要75蚊 一定會再返去食多幾次試曬唔同嘅湯底

位於尖沙咀近尖東果邊，入到嚟發覺餐廳係火鍋店黎講都幾有格調，好彩預先book咗位，原來平日都幾full~呢度出名都係酒類嘅湯底，所以都叫咗個酒火入魔同另一個無酒嘅黑松露湯底～酒火入魔有4格湯底，有麻辣、番茄等湯底，4個都加咗酒係入面，都幾足料，味道偏濃，真係食到有酒味架～黑松露湯底一見到已經好濃郁，好香嘅黑松露味，就咁飲湯底可能會覺得咸咗啲～湯底有大量菇類，不過就索晒啲湯，味道偏咸，重口味咗啲～配料方面，所有食材都算新鮮，特別推介係手切牛肉，有咬口得嚟唔會好韌，唔會好肥！不過餐廳服務可以在加強啲，可能去果日都幾full所以好多時職員都無咩點理我哋～

酒鍋 今日一行10個人去打邊爐呀，朋友試過酒鍋，有好多款湯底揀，所以我地就去左試啦！裝修係懷舊風，湯底有十幾款，仲有5格款，最後我地一鍋叫左五格鍋-醉生夢鍋同椰子雞鍋拼四川麻辣鍋！仲加左個黑啤炸彈落個鍋到，幾特別！醉生夢鍋有龍蝦黑松露芝士、花膠黃油雞、肉骨茶、四川麻辣同沙爹鍋咁樣叫，可以一次過試到好多款湯底呀，不過最近都係鍾意辣，所以麻辣係首選😂😂 另外就係肉骨茶，因為無試過用佢做湯底打邊爐呀🤪掛架頂級安格斯牛頸脊（大）$238安格斯牛柳粒$128食材好新鮮，仲有好多款牛揀，啱哂我地呢d大食牛魔王呀！最後最最最欣賞既係甜品呀！一定要食！一定要食！一定要食！自家製椰子味同桃雪葩，食完辣野，再食真係好正！打完邊爐幾飽都要試呀！

今日落雨天，想打邊爐，一於去酒窩食番個一人一鍋lunchset都好平湯底加面加多三送同埋飲品最平都系68+1本身想食黑松露，但手殘畫錯左豬骨湯之後叫左公仔面，炸"狗"菜餃，滷肉，紫菜芝士蝦蟹餃，+多8蚊要多左份油麥菜豬骨湯都唔錯，清左少少，所以我溝左其他同事既湯底，加埋黑松露、酸辣同冬蔭公湯底集天下之大成，最出色我覺得系冬蔭公，好濃好正，如果配紅薯粉一流"狗"菜餃好食，炸到好好，另上又唔會林曬滷肉好大兜，有成6-7舊大大舊，層次分明，見到一層一層咁，食落又唔硬，好林紫菜芝士蝦蟹餃怪怪地，個質感古古怪怪，味道都麻麻，唔建議油麥菜佢都系另上，要食先落，唔驚老得濟，唔錯本身湯底其實都有d料，有菜，蕃茄，粟米野飲都有驚喜，我簡左芝士奶蓋綠茶，出面買淨系一杯都廿幾蚊整體野食質素都唔錯，有好多款湯底同面比你簡啦送都有唔少，廿幾三十款，簡簡下真系忍唔住要加送環境都唔錯，出面仲有個露台，適合食煙人士不過可能太多人食，食食下覺得好熱，冷氣有d唔夠

唔係因為公司係附近...都唔知原來走中上價路線ge酒鍋原來有lunch set2款前菜+自選1湯底 + 1主食 + 3餸 + 飲品/湯summer限定料同湯底揀，完部$68唔使加錢！個鍋未到先到前菜...有麻辣鴨血同油炸鬼..我地7個人..佢一大碗上..應該比哂7人份量個麻辣鴨血.....酸酸地.....why.....個鍋我揀左冬陰功湯底$68 ，主食+$12魚面，3料...炸魚皮+麻辣花膠+雞翼湯底高質!重冬陰功味!炸魚皮偏咸...唔新鮮..可以pass雞翼抵食..有3隻!麻辣花膠ok...夠辣夠淋個個湯底都好夠配菜..加分!呢個魚面要+$12架但係絕對值得！我覺得似食緊魚條肉多過食面！絕對唔係好“粉“好“面“feel個set包野飲or湯..唔好以為求其送..質素係出面20幾蚊杯個d!P.S. 有+1收費

素火煱得一個選擇，就係自制素餃加蕃茄火煱。一人一煱。夜晚有 d 貴，今次食中午。打去問個時話午餐去到三點，last order 2:30pm，坐幾耐就無限嘅。但見有 d 人三點幾入都仲點到午餐。個煱其實無太多配料，都係有 d 菜、菇、蕃茄、粟米。d 粟米好甜！但 d 湯咸左 d，加返 d 熱水就好好多啦。可以額外點配料，素料大約 8 蚊份。但係食得好飽，因為有大大桶米線😂😂 飲品點左奶蓋抹菜，算係唔錯。最後仲有牛奶奶凍做甜品。價得讚嘅係食物嘅裝飾擺設，好靚，有心思。 d乾冰令人未食先興奮😆

平時幫襯開晚餐，lunch心血來潮咪上去打個快邊爐。上菜速度好快抵讚。lunch set 包杯野飲，我叫咗奶蓋綠茶，偏甜。我叫咗黑松露野菌湯底，好清甜，飲完唔口渴。點咗客麻辣花膠，好入味。加多咗份魚皮但有啲冧。

叫左呢個五色湯底打邊爐，正如個名，有五款口味既湯底可以打邊爐都幾特別。面頭既係用蛋白打成既泡泡，仲灑左啲玫瑰乾花🌹🌷🌼🌸港女打卡一流，超特別。但原來係唔食得既🤣🤣，影完相侍應會幫手盛起。火鍋配料方面同一般火鍋店大同小異，不過價錢偏貴，除左打卡外，餐廳野食性價比低🤭🤐🤐

新鮮熱辣的晚餐～係琴晚ｈａｐｐｙ　ｆｒｉｄａｙ的ｈｏｔ　ｐｏｒｔ　ｄｉｎｎｅｒ！一行十人喺朋友既介紹下黎到呢間聽講成日ｆｕｌｌ　ｂｏｏｋｉｎｇ既餐廳打邊爐！我地點左幾個湯底－　酒火入鍋－　醉生夢鍋－　揚名四海但係因為有點距離既關係我只能夠影到眼前既揚名買海～呢個係佢地餐廳的特別配料一上台時真係比佢嚇一嚇～不過聽朋友講都幾好食的！好有口感，好味！係咪睇見都開心呢！今日有幾個主打必推～特別係鐘意食牛既朋友！牛魔王拼盤有本地牛同韓牛好　好　食！好夠牛味！連牛柳粒都一ｄ都唔鞋架！刺身拚盤主要係比ｄ唔係牛既朋友～刺身新鮮甜蝦又大好鮮甜海膽亦唔會有怪味！另外仲點多個海鮮拼盤個蟶子皇係無得輸架！！！！！另一個必推　－　頂級手切肥牛呢個真係堅好食～夠厚身，重牛味！＄３９８唔算少了～我地足足叫了三大盤！哈～仲有一個必食推介昆士蘭和牛肉放第一粒入口其實唔知係和牛只係覺得勁ｊｕｉｃｙ好重牛味！跟住同其他朋友講ｄ牛太好好食，真係好好食跟住先有朋友講返係和牛丸唔怪得知啦～我地足足叫左４碟！哈～餐廳環境：已經約緊朋友再去。。。