酒鍋 (天文臺道) (已結業)

台式火鍋店今晚有朋友升職請食飯，6條友，諗起打邊爐，當然朋友升職不能放過，於是搵間較為高檔嘅火鍋店，有人建議位於尖沙咀的-酒鍋，呢間係一間比較台式的火鍋店，如果一早用OpenRice Booking就會有八折，但因為我哋臨時決定所以冇折。店舖裝潢都算特別，我哋叫咗一個五格嘅火鍋湯底，有龍蝦湯、麻辣燙、牛蘿蔔牛腩湯底、沙嗲湯底和中間的木瓜火焰蝦湯底。嘗試五種湯底之後，本人認為都係是兩種好啦，因為分左太多種湯底，每隔嘅範圍都太細。未打邊爐前先叫咗一個象拔蚌刺身，新鮮度還可以，但價格真的偏貴，下次食象拔蚌刺身真的無需在呢度食。另外叫了很多火鍋料，包括火鍋不少得的牛肉，花甲，桶蠔，桶蠔質素一般。因為有朋友唔食牛，所以叫咗一碟豬肉，同普通的豬肉不同應該是豬頸肉，呢個就非常好味，另外亦叫咗豬肺，第一次打邊爐食豬肺，口感味道都唔錯。其他火鍋材料，例如豬肉丸牛肉丸、翠玉玩、響鈴、生根、午餐肉同其他配料就沒有什麼特色啦。