酒津

营业中

休息中

位於銅鑼灣的酒津，交通方便，環境充滿日本風。餐廳設有吧枱，普通座位及廂房。門口更有一部夾公仔機，我見到機入面的Labubu立即心心眼呢！🦀海鮮鍋～海鮮包括三文魚、蜆、帶子，蝦及蠔，新鮮味美，湯底清甜。其他蔬菜如冬粉、津白、冬菇、金菇，春菊及本菇等亦非常足料。🍡蘆筍及🥒秋葵串燒～兩者燒的火候控制得剛剛好！蔬菜類串燒很容易會燒焦，但師傅手勢一流，仍然吃到蔬菜的原味。🪹日本海膽刺身～海膽甘甜順滑，配紫菜同吃，口感一絕。🐟目光魚～類似九肚魚，香脆可口，非常惹味。配上岩鹽後，令肉質鮮味更提昇。🥢時令刺身拼盤～店長推介我們品嚐時令的春子鯛及梳子魚刺身！春子鯛魚身呈淡粉紅色，口感清爽甘甜，肉質比成年的鯛魚柔軟嫰滑。梳子魚肉質鮮味，脂肪含量適中！兩道刺身均新鮮無比。

呢間日式居酒屋真是一個隱藏嘅美食寶藏！氣氛熱鬧又夠地道，燒物尤其出色。環境熱鬧，服務親切，啱晒同朋友嚟飲酒吹水。價錢大眾化，$50-$100之間有好多選擇，性價比唔錯！地雞雜炊 ($88)呢碗地雞雜炊暖胃又夠味！雞湯底好濃，米飯煮到軟腍入味，仲有啲雞肉碎同蔬菜，簡單但好滿足。加咗少少蔥花同芝麻，香氣即刻提升鵝肝飯 ($88)鵝肝飯係驚喜之選！鵝肝煎得外脆內軟，入口即化，配上醬油同少少芥末，濃香得黎唔會太膩。飯粒粒分明，吸晒醬汁，食完真係好滿足！安格斯牛小排 ($58)安格斯牛小排燒得啱啱好，肉質嫩滑，帶點油香。醬汁甜甜鹹鹹，配埋炭燒香氣，58蚊真心抵食！份量唔大，但質素高，啱晒點來試味。雞翼 ($28)雞翼燒得外皮香脆，肉汁鎖得好，咬落好Juicy！調味簡單，鹽燒風味突出雞肉，恰到好處好好味🤤免治雞肉棒（自家製）($48)自家製免治雞肉棒真是一個亮點！雞肉搓得細膩，口感彈牙，燒烤後外層微焦，配埋日本雞蛋豉油😍雞頸 ($28)雞頸燒得香口，咬落有啲嚼勁，油脂同調味平衡得好好。份量啱啱好，鍾意食燒物嘅朋友會中意呢個獨特嘅選擇。白鱔配金山寺味噌串 ($68)白鱔串配金山寺味噌係意想不到嘅好味

最近真係好熱，約朋友都唔想行太遠，今日就約左個fd 係銅鑼灣地鐵站行一分鐘就到既居酒屋，聽講幾特別的。 店鋪裝修係鬼太郎主題，有好多佢既小飾物，甚至餐具都有佢地既影子。 首先叫左個刺身，叫左赤貝，吞拿魚，珍寶牡丹蝦，三文魚刺身。肉質非常新鮮彈牙，個人特別中意佢既牡丹蝦，真係鮮甜彈牙的，仲可以叫店員炸埋個蝦頭，可以吃到脆蝦，仲有唔少既蝦膏，正呀。 前菜叫左個雞皮餃子，雞皮吃落香脆，吃唔出好重既脂肪，入面既餡料比較腍同埋肉汁都多，幾好。 串燒叫左牛小排，雞肉棒，雞肉，黑豚腩，翠肉瓜。中意佢既調味，只係薄薄甘用左烤料，食得出食物本身既香味。最中意雞肉串，烤到剛剛好表面焦香，入面嫩滑多汁，好正。 最後叫左個牛肉湯烏冬，牛肉份量都幾多，鳥冬都幾彈牙，唔錯的。當然居酒屋一定要叫番杯生啤，依度Orion 做緊優惠，先19蚊炸！ 整體黎講都幾驚喜，裝修一流，氣氛都好正，好中意依度又可以吹水野吃又正既店鋪，一定再黎！

放工約朋友食飯輕鬆下近公司去左間位於銅鑼灣樓上居酒屋餐廳裝潢以木系為主亦設有吧枱座位可以欣賞到師傅製作過程牆身掛滿鬼太郎既壁畫連店員既制服都係鬼太郎😂滿滿日式風情好有氣氛呀餐廳依加仲做緊優惠‼️HK$19 有得飲沖繩生啤星期一至日做緊優惠 午市訂枱用餐85折⚠️ 星期一至四晚市訂枱用餐9折⚠️油甘魚壽司 HK$56 2件口感幼滑細膩，食落淡淡甘甜。👍帆立貝柱壽司 HK$116 2件帆立貝柱超級厚肉鮮甜，勁正呀！牛肉鵝肝卷 HK$128我都係第一次食呢個配搭！牛肉軟腍配搭鵝肝陣陣油香、綿密口感，原來咁夾🤤！👍松葉蟹膏甲羅燒 HK$98店員將松葉蟹蟹膏、蟹肉、蟹籽加原隻鵪鶉蛋係蟹蓋內一邊攪一邊燒。唔需要加調味料已經好鮮味，蟹味濃郁，咀嚼時亦食到蟹籽既口感，配多士一齊食，好味到舐舐脷😝。雞皮餃子58鵝肝多士 HK$78鵝肝口感細緻綿密，入口即化，油份沾上脆卜卜既多士，超過邪惡呀😆。燒豆腐 HK$38豆腐煎到外脆內嫰，豆味好香濃，仲加左小小辣醬調味。雞皮餃子 HK$58我同朋友都鍾意食香口野，外皮炸到金黃酥脆，餡料飽滿，軟嫩多汁，岩哂我地😂。👍安格斯牛小排 HK$58油花分佈均勻，肉質柔軟，我鍾意食

銅鑼灣酒津酒場是一間充滿日式風情的居酒屋，菜式精緻，食材新鮮，能讓食客感受濃厚的日本飲食文化。牛油果沙律：牛油果香滑綿密，搭配爽口的蔬菜及特調醬汁，清新可口，是一道健康又美味的開胃菜。三文魚籽海膽豆腐：滑溜的豆腐配上甘甜濃郁的海膽，搭配爆汁的三文魚籽，口感層次豐富，令人驚艷。特盛碎蔥吞拿魚腩卷：油脂豐富的吞拿魚腩搭配爽脆蔥花，入口即化，魚鮮味濃厚，壽司飯的醋香恰到好處，令人回味無窮。松葉蟹膏甲羅燒：蟹膏鮮香濃郁，經炙烤後更添甘甜風味，入口滑順，是喜愛濃厚海洋味道的必試之選。雞腳筋串燒：外皮微焦帶點炭香，口感爽脆，配上適量調味，展現出日式串燒的獨特風味。海膽醬玉子燒：細緻的蛋香與濃郁海膽醬相輔相成，入口柔軟滑嫩，完美地將玉子燒昇華至更高層次。安格斯牛肉烏冬：嫩滑的牛肉與彈牙的烏冬完美搭配，湯底濃厚，讓人一試難忘。炸芝士年糕：外皮酥脆，芝士與年糕融為一體，香濃而不膩，是令人驚喜的甜點選擇。總結，餐廳食物水準極高，每一道菜都展現出細膩的烹調技術和用心選材，是喜愛日式料理的愛好者不可錯過的選擇。

店鋪每日都有唔同既是日精選。兵庫縣黃金武士蠔($48)，蠔形狀呈圓形，新鮮飽滿，加入左三文魚籽和店家辣椒醬，混入一齊食，辣辣地幾開胃。赤貝刺身($58)，赤貝切成花既形狀，賣相吸引，口感非常爽口。牡丹蝦刺身($88)，蝦肉顏色光澤，size都幾大隻，黏黏既口感，肉質新鮮。松葉蟹肉蟹膏甲羅燒($98)，將蟹肉、蟹膏、蟹籽、鵪鶉蛋、蔥粒加熱並攪拌，蟹膏味濃，而且粒粒蟹籽好有咬口，麵包是軟熟的，如果烘至多士咁脆口，口感更好。汁煮和牛尾($188)，湯汁濃郁牛味，應該用長時間熬製出來，牛尾既肉和骨容易分離，肉質軟淋，又帶d肥膏，食落好香口，蘿白入味軟淋。牛舌($58)，厚切，食落有口感，爽口兼有少少彈牙，灑上鹽粒和黑椒粒好香口。雞頸($28)，同樣有鹽和黑椒粒，口感煙煙韌韌，頸部位帶有油脂香味。左口魚邊壽司($48)，整片左口魚邊都充滿住油脂，入口即溶口感，價錢較貴一點，但好食。特上魚生卷($98)，共有4件魚生卷，餡料應該放入左四款魚生，頂層再加上海膽，可以一口食到幾款魚，實在好滿足。鵝肝飯($88)，size係迷你裝，師傅已經將醬汁加入飯中，飯粒食落唔會乾而且仲幾好味，鵝肝超厚身，表面平平

呢排想食日本嘢咁啱出開銅鑼灣喺OpenRice見到呢一間0負評小店即刻去試試佢我哋叫咗個刺身盛 勁足料呢個價錢可以試到好多款唔同嘅刺身我覺得很可以！師傅有介紹由白身魚開始食即係食咗油甘魚同埋深海池魚先咬落去嘅時候feel到啲魚係好新鮮帆立貝同蝦都好甜好好味而食海膽最驚佢苦 但呢度啲海膽唔苦 好香濃creamy！果然食刺身都係要正正經經去返啲日本餐廳食平時食放題嗰啲真係搞唔掂我地想食魚師傅就推介左我地食汁煮蜜金鯛魚頭果然冇推介錯雖然係魚頭，但都好多肉好滑我極度欣賞佢個蘿蔔超入味，好好食平時叫魚頭都未必必有咁多配菜呢個抵讚另外仲叫咗2個串燒同燒明太子飯團一個係豬腩肉，一個係牛小排牛小排燒到好靚入面仲有少少紅紅地 肉質嫩滑唔韌豬腩肉都好香❤️如果鍾意食飯焦燒飯團會好啱食師傅燒到表面好脆！加埋明太子鹹香 一流！我哋喺餐廳食嗰陣都見到有兩台熟客都係等師傅推介食啲乜嘢感覺都幾溫馨 係小店嘅人情味🩷總括嚟講呢間餐廳唔算平但食物質素有保證開喺銅鑼灣呢啲地段呢個價錢算係好合理

螢光魷魚漬：十分鮮味以及有彈性。入口充滿酒香，酸度啱啱好，非常開胃既前菜。魚生卷：壽司飯非常出色，有空氣感而唔會覺得酸，食落有淡淡既醬油魚。魚生有切粒既三文魚，油甘魚，配埋海膽同魚子作點綴。有份量亦有誠意，十分滿足。壽司： 點左帶子同三文魚壽司試試，魚生頗新鮮，飯粒分明。燒油甘魚鮫：大力推介，必點。賣相好靚，燒得非常完美。外層焦脆，內層卻保留到水分同油分，魚肉亦十分軟滑。份量都唔細，性價比高。甲羅燒：現上現燒，熟度由你控制。蟹肉及蟹膏非常鮮味，配埋烤面包食，非常匹配。燒五花腩串：豬肉味濃，腩位本身多油分，但食落都唔會太膩，熟度岩岩好。燒雞翼：亦都保留到水分及油香，唔會太乾，外皮香脆，唔需過度調味，味道已唔錯。燒雞腎：有彈性，味道香濃。細粒少少一口一粒，口感會更好。燒安格斯牛肉：牛味濃郁，大細適中，咬落去滿滿油脂香，熟度亦控制到5成熟左右，色香味俱全。黑松露蕎麥麵：黑松露味道濃烈，配上蟹肉及魚子有提鮮之效，蕎麥麵硬度適中，配搭上佳。抹茶雪糕鯛魚燒：抹茶味雪糕濃郁，配上有紅豆蓉嘅鯛魚燒，有冰火感覺，甜度適中。上碟要盡快食，食慢少少雪糕就會溶哂總結：環境舒適，刺身食材新鮮上盛。燒物多為水準之

銅鑼灣一間主打串燒嘅居酒屋，店內裝潢充滿動漫鬼太郎嘅身影- *免治雞肉棒（自家製）* ：口感細膩，炭火燒至表面微焦，雞肉嫩滑- *牛舌* ：烤至微焦，口感彈牙富嚼勁，肉汁豐富，- *安格斯牛小排* ：肉質軟嫩，油脂分佈均勻，- *兵庫縣黃金武士蠔* ：蠔肉飽滿，鮮味十足，滑嫩帶濃郁海水味- *芝士松葉蟹會飯團* ：飯團香脆，內裡蟹肉鮮甜，芝士融化增添濃郁口感。 - *甘鯛立麟燒* ：魚皮脆薄如麟，肉細嫩帶鮮甜- *汁煮魔鬼魚翅* ：燉煮入味，魚翅口感Q彈，醬汁濃郁- *鯛魚燒伴雪糕* ：外皮金黃酥脆，紅豆餡甜而不膩，搭配雪糕冰涼細膩，冷熱交錯口感特別。 - *日本鮮奶布甸* ：口感滑順濃郁，奶香幼滑，甜度適中

重點放最前：要先訂座，有折扣優惠😝 銅鑼灣D2出口1分鐘這棟大廈超多居酒屋🤣每次都貪新鮮要試新的結論是，每家都有自己特色，很難比高低，都是一遍就對😎 喜歡嚐鮮的酒鬼應該很喜歡這家，因為他們甚至有自家釀制的酒!還有熱情的職員，詳細推介各款菜品 <是日精選> 黑板menu上的，不保證每天都有，要碰運氣～✿ 炸沢蟹 $78 | 魷魚鬚 $98 | 金目雕 $238必試沢蟹! 下單後才從玻璃缸運到廚房，超級新鮮🙈火候一流，鬆脆香噴噴，色澤鮮豔乾爽加上這個迷你可愛尺寸，太打卡了吧🤣 <前菜>✿ 磯煮鮑魚 $68 | 海膽豆腐 $88近期吃過最出色的磯煮鮑魚!😍醬油和酒香甜味突出，鹹度適中，肉質爽彈不韌 <手握壽司 >✿ 左口魚邊 $48 | 蟹肉 $38 | 吞拿魚 $28魚生分量很慷慨，飯粒也超好吃，煙韌不鬆散😋 佈置很有feel (有不少鬼太郎的飾物😜好像還有包廂可預訂門面也不放過，設置了夾公仔機和打卡牆😂 🍴加一服務費：✔️

成個vibe好舒服 帶點居酒屋的輕鬆感 而且店員都好熱情好客 都有好多熟客捧場📍竹簽南蠻漬第一次食呢款料理 魚經過油炸後再用南蠻醋浸 食落酸酸甜甜 好清新📍帆立貝刺身貝肉切得厚薄適中 入口時能感受到貝肉的清甜和細膩的口感 沒有絲毫腥味📍特盛碎蔥吞拿魚腩卷滿滿的吞拿魚腩加埋碎蔥鋪在壽司卷上 完全係吞拿魚山咁 魚腩的脂肪分佈均勻 入口即化📍牛肉鵝肝卷牛肉經過煎烤 帶著微焦的香而鵝肝則滑嫩濃郁帶滿滿油香本身以為兩者比較濃味嘅嘢放埋一齊會好撞但入口時兩者的味道融合得很好搭配埋特製的醬汁更加突顯肉嘅鮮甜同減低油膩感📍鐵板牛舌牛舌係厚切食落啖啖肉 口感軟中帶韌 加埋秘製嘅燒汁 食落更加突顯牛肉嘅鮮味同更juicy📍甘鯛立麟燒這道甘鯛的烤法好特別 魚鱗經過高溫烘烤變得酥脆 同魚肉的細嫩形成強烈的對比外層金黃酥脆 內裡白嫩細膩📍兵庫縣 黃金武士蠔這款蠔大細適中蠔肉飽滿 入口帶有濃郁的奶香和鮮甜的海味加埋三文魚籽 味道更加清新📍免治雞肉棒雞肉口感紮實咬落好爽口 搭配埋蛋黃醬汁食食落咸甜咸甜咁 好岩送酒📍自家浸梅酒入口時甜味和微酸的梅味很平衡 味道有啲似平時嘅梅酒再加上話梅嘅獨特酸甜味喝完口會留有梅子的回

留港消費支持小店，今晚去咗呢間日式居酒屋，細細間但氣氛幾好，見到侍應同其他客人有講有笑，相信呢度都有好多熟客。 食物方面呢度嘅選擇都好豐富，我哋特登揀啲平時少食嘅嘢，譬如有一個日式小炒王，見到幾得意，將海鮮同埋啲雞內臟炒埋一齊，有啲青豆同翠玉瓜，少少辣味幾啱送酒。去居酒屋一定要試佢哋嘅燒飯團，因為最考功夫，我哋揀明太子口味，燒得幾香脆，加埋明太子個鹹味剛剛好。刺身方面嗌咗帶子同埋油甘魚，帶子爽滑唔立口，都幾大粒！我自己好鍾意金鯛立鱗燒，個皮炸得剛剛好，啲魚keep到夠嫩滑，另外我朋友就覺得牛舌好正，超厚切同埋完全冇腥味，難得！a4和牛他他就最啱鍾意食牛嘅人，夠新鮮仲要用蘭王蛋，收$188幾抵食。最黐線嘅係呢度嘅Orion生啤收$19一杯，真係飲多啲都唔緊要。晚市仲要有九折喎，兩個人食咁多嘢埋單每人三百幾蚊，喺香港食日本嘢其實都唔一定要好破費！

店鋪十分舒適，店員服務非常親切友善。見好多熟客，就知依間居酒屋優質兼扺食！食過覺得真心係一間值得支持的好店，堅持用優質食材，嘗試定最抵食嘅價錢！職員主動介紹炙燒A5和牛壽司做緊優惠，29蚊一份，咁抵一定要食！品嚐過後，實在是一道令我驚艷的燒A5和牛壽司。一上枱見到大大塊和牛配鷄蛋醬油囗水已經出晒黎，店員再先問期望幾成熟，係我地面前炙燒，夠晒動感。店員解釋啲筋位要燒得多啲，令佢食落軟身。燒過的香味引人入勝，隨著每一口，濃郁的牛油脂在口中融化，帶來極致的豐富感，讓人忍唔住想再來一口。塊牛肉邊仲要燒到有啲脆脆地，超正！如果唔係想試多啲其他菜式，應該會叫多十件～另外，我地點左特上刺身拼盤，一次過試晒多種刺身。一個字，鮮！最好味係蝦，大大條，甜味鮮明，肉質厚身彈牙！帶子，北寄貝，鯛魚，鯖魚等等讓我感受到海鮮的自然鮮味，而拖羅，三文魚和海膽則給予我的舌頭濃郁魚香，依盤刺身真係極大享受。鰻魚壽司則是下單後即刻燒而成的，厚實的鰻魚肉質軟嫩，搭配燒烤過的香氣，食到回味無窮，中意鰻魚的朋友別錯過。前排去完日本，當地食的鰻魚都冇咁好味！深海池魚壽司也十分新鮮，我估其他壽司刺身同樣新鮮，下次要試下！依度仲有不

呢日同屋企人去左銅鑼灣呢間日本餐廳食dinner。首先，我地點左松葉蟹膏甲羅燒，係全晚嘅驚喜之一！蟹膏濃郁香滑，經過火烤之後更加突出咗香味，食完真係回味無窮。另外仲點左鵝肝飯，鵝肝煎得外脆內嫩，配埋微甜嘅醬汁同白飯，味道濃郁但唔會過膩，真係滿足感爆棚。壽司方面，點左吞拿魚腩壽司，真係冇得輸！魚腩油脂分布得啱啱好，入口即溶，仲帶住一陣海洋嘅鮮味，海膽壽司真係一大亮點，海膽新鮮得嚟冇一絲腥味，而且非常肥美。三文魚壽司魚肉新鮮滑嫩，帶住少少油脂嘅甘香，真係百食不厭。甜品方面，綢魚燒配雪糕係一個創意之選。綢魚燒外脆內嫩，配埋少少焦糖味，雪糕又帶出咗清新同甜美，呢個組合真係幾特別。最後飲返杯沖繩啤酒，清爽解膩，為呢餐完美收結。啤酒嗰種微微嘅麥香加埋輕盈嘅氣泡，真係啱晒呢餐豐盛嘅日料。

今晚同朋友去左Sogo旁邊的逸園中心7/F有間日式居酒居食晚餐，店內裝修似足日本的居酒屋🏮。見到有個沖繩的Orion beer做緊優惠，$19杯330ml，真心抵飲🍺👍🏻。跟住黎個蟹籽沙律食下先😋，特上魚生卷🫰🏻，魚生新鮮，海膽好濃厚，又正又抵食。再來今日主角時令燒物😋蓮子鯛，我上網查過又叫黃鯛🤟🏻，都幾大條，燒到魚皮焦香脆口，而且肉體又結實，魚油都幾多，高級享受，超好食👍🏻👍🏻👍🏻，旁邊有柚子酸汁，亦係好夾👍🏻強烈推介🫰🏻。之後係串燒（牛舌、雞頸、雞翼）水準都唔錯。另外這個鹽燒雞皮，好脆卜卜，送啤酒好正🍺。免治雞肉串又係好啱我胃口，一來燒得香又能保持肉汁，二係點生蛋+醬汁，口感又滑又有蛋香，感覺真係極致，我好鍾意❤️。魚湯茶漬飯又係一種簡單得黎但又口感分明的日本美食，先係熱湯，鯛魚湯好清但又好香，湯淋落魚生片另到佢半生熟，口感又好了得，岩岩加入湯的飯，仍然保持原粒，好好食。所以真係好佩服日本人的烹調方式👍🏻👍🏻👍🏻。最後來個新鮮燒菠蘿🍍又係好多汁，但係熱辣辣的，我覺得全晚的食飯都係高水準。👍🏻👍🏻👍🏻