影片
港铁铜锣湾站 D2 出口
继续阅读
电话号码
36145181
开饭介绍
简约日式风格为设计主轴，浅木色的装潢配合巧妙的座位设计，既舒适又私密，特别适合与朋友悠闲地聚餐，享受静谧的美食时光。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
以上资料只供参考，请与餐厅确认详情
有关奖赏计划
今日嚟到呢间楼上居酒屋，装修好靓，贴满鬼太郎嘅装饰，真系有feel 🤌🏻白见贝 🐚✨即系象拔蚌刺身，摆盘好靓好有心思✨味道浓厚鲜甜，口感爽脆利落，轻轻点小小豉油同 wasabi已经好够味，加埋青柠汁就更加清新 🍋 鸡皮饺子 🥟 ✨新鲜炸起，鸡皮表面炸得香脆，一咬开肉汁流出，加埋酸酸地嘅饺子汁，非常过瘾🤪矶煮鲍鱼 🍶✨$68一只真系 CP 值好高，食落阵阵日式酱油同昆布甜味，肉质柔嫩🥰牛油果沙律 🥗✨牛油果切粒加上沙律酱，上面铺上满满嘅蟹籽，下面就系淋上和风沙律汁嘅沙律菜，够晒健康烧明太子饭团 🍙✨呢个真系非常有惊喜！✨明太子酱烧完之后好重咸香✨饭团外围烧得刚刚好，咬落劲香劲脆，有种食紧煲仔饭饭焦嘅感觉，入面嘅饭粒带点软.，口感够晒丰富✨店员仲主动帮我哋2个人切一半方便share，真系细心！😋.串烧 🍢✨白鳝配金山寺味噌串🐟：鱼肉鲜甜，鱼皮烧得微微焦香香脆，上面加上小小酸姜同咸香味噌，味道丰富✨鸡软骨🐓：烧到皮面非常香脆，但咬开质地又唔会好干身，系我食过最好味嘅鸡软骨✨安格斯牛小排🥩：熟度刚好，肉味浓郁✨牛舌🐮：牛舌 size 都几大块，烧完后油脂香口，咬落肉质爽弹唔会韧，加上小小黑椒作调味，食呢一串真系享受.呢度Menu 仲有香港好少见嘅提灯串烧，可惜今次无晒，下次一定要同朋友再嚟食！
继续阅读
同朋友食生日饭朋友介绍呢间位于铜锣湾嘅居酒屋餐厅摆设了好多鬼太郎公仔仲有好多清酒樽同贴纸在墙上整个vibes好日式居酒屋feel好适合朋友聚会//一夜干 $198//店员介绍一定要试一夜干一夜干即系烧马友鱼肉经风干后仍可以带出油脂香入口肉质口感仍然新鲜以日式烧烤技术又带出了咸香鲜味用来佐酒边食边饮边吹水 真系一流 //铁板牛舌 $98// 用铁板放上牛舌保持温度牛舌口感超级软淋 牛舌味好出加埋洋葱一起吃 加上了一份甜 //鸡颈x2 $56////鸡翼x2 $56////黑豚腩 $38//几串串烧都相当出色师傅控制火喉时间做得刚刚好入口有炭火味 鸡颈肉有咬口鸡翼烧至外皮金黄脆口但仍然Keep到鸡肉嫩滑锁住肉汁黑豚腩半肥瘦 烧至外层微焦洒上少少盐 口感满分 //松露油鲷鱼薄切 $158//鲷鱼以松露油及海盐调味鲷鱼切得非常薄入口鱼肉鲜嫩爽口松露油香气浓郁个鱼油加松露油味真系超突出 口感好丰富食完仲闻到阵阵松露味不用再点酱料 直接食就已经系无敌 //特上鱼生卷 $98//以新鲜鱼生做成嘅寿司卷包住三文鱼、吞拿鱼同牛油果顶层铺有海胆同三文鱼子食材新鲜 入口食到晒几种鱼既鲜味 //地鸡杂炊 $88//唔食粥既我表示呢个地鸡杂炊真系好出色 一定要试亦都会因为呢个粥而再黎过米粒充分吸收鸡肉精华地鸡鸡肉新解嫩滑搭配香菇香葱等配料仲要最正系加埋日本温泉蛋整个粥都香气四溢食完就是暖笠笠的幸福感
继续阅读
铜锣湾食饭好多时都贵，但今次真系揾到宝啦 呢间出名性价比极高嘅居酒屋，早有耳闻，今日终于嚟试。用亲民价钱享受到高质料理，确实难得，是闹市中的一股清泉。😊 入到去感觉好舒服，有日本居酒屋嘅氛围。餐牌选择多，有刺身、寿司、卷物、串烧、炸物等，价钱喺铜锣湾嚟讲都算吸引，令人选择困难。 鹅肝多士 $78 鹅肝煎得外微脆内软滑，油脂感十足，配上甜酱汁同香脆多士，油润甘香渗落多士，口感味道平衡得好好。 甘鲷立鳞烧 $198呢个必试嘅焦点菜式，连鱼鳞一齐炸，鱼鳞炸到香脆卜卜声，而鱼肉依然保持鲜甜嫩滑。双重口感加埋鱼鲜味，值得一试！ 海胆酱玉子烧 $88 玉子烧够厚实，滑溜湿润，上枱时热辣辣。面头咸香嘅海胆酱提升咗蛋嘅甜味，吊味功力一流，食落舒服满足。 烧牛舌（两串） $58 串烧必嗌烧牛舌，呢个价钱食到咁高质素嘅牛舌，真系惊喜。牛舌厚度足，烧到外焦脆内嫩滑，牛味浓郁，黑椒调味啱啱好。😋 明太子长芋 $38 日本淮山烧过后微脆带粉糯，口感得意，铺满咸香明太子酱，清爽又咸鲜，味道层次丰富，性价比高。 生蚝（两只） $48 生蚝够新鲜，肉质爽滑带鲜甜，滴少少柠檬汁已经好开胃。作为头盘或过场菜式都相当适合。🦪 牛油果软壳蟹卷（六件） $138 馅料丰富，包括软壳蟹、牛油果同蟹柳。牛油果香浓Creamy，软壳蟹炸得脆口唔油腻，口感丰富，味道非常夹。 星期日至四啤酒激赏 $19一杯 呢段时间期间生啤只需$19一杯，喺铜锣湾呢个价钱好吸引。食串烧配冰冻啤酒，真系一大享受。🍺 呢间铜锣湾居酒屋嘅体验超出预期，由头盘到卷物都保持高水准，有啲菜式甚至惊艳。最重要系价钱亲民，性价比非常高。喺铜锣湾想食到高质料理又唔想大出血，呢间真系值得推荐。下次一定会再嚟！👍
继续阅读
位于铜锣湾嘅🏮楼上居酒屋🌟酒津酒场🌟，午市做繄85折优惠，晚市9折，加埋💥激抵$19日本生啤🍺同埋指定🍶清酒/Highball/自家制酿酒🥃买一送一，性价比爆晒表💥！🐟深海池鱼刺身 $168餐厅推介嘅每日鲜鱼之一，肥美而爽身嘅深海池鱼，鲜甜可口劲美味，果然冇介绍错！🍣特上鱼生卷 $98包含多款刺身嘅太卷，上面配搭海胆同埋三文鱼籽，提升鲜味！🧈海胆酱玉子烧 $88玉子烧够嫩身，海胆酱带来香郁嘅鲜味，水准之作！🍢鸡翼 $28/串｜🍢宫崎黑豚腩 $28/串餐厅嘅串烧都好值得推荐，调味同火候匀拿捏准确！鸡翼做到皮香肉嫩，而豚腩就富油香！🍢免治鸡肉棒 $48｜🥒翠玉瓜 $18酱香浓郁嘅免治鸡肉棒，滋味十足！翠玉瓜入口即爆汁！🍤杂锦天妇罗 $148三只虾加野菜嘅杂锦天妇罗，天妇罗虾大大只，洋葱天妇罗都好正，外脆内甜！🥑牛油果沙律 $68｜🫛枝豆 $28牛油果同埋沙律菜都好新鲜，加埋枝豆，系佐酒嘅恩物！🍺Orion 生啤 330ml $19真系激抵，无咩可能唔嗌！
继续阅读
今日嚟到好多人推介嘅楼上居酒屋酒津。完全系满分体验，天花板嘅质素，只系劲平民嘅价钱~上嚟感觉已经超有特色，满满鬼太郎设计，无论环境、装修定摆盘都落足心思。一黎已经有个Gimmick嘅体验🤣人生第一次生啪醉酒白饭鱼仔，几特别又几过瘾！滑嘟嘟嘅活鱼仔随住一杯清酒sip入口腔嘅感觉真系几难忘～1️⃣伊佐木刺身$228新鲜活鱼，味道鲜甜，配埋柚子豉油，简直一绝2️⃣鹅肝苹果脆片汉堡$68完全系必食推介Number one ！后悔冇嗌多球啊。照向鹅肝上边吐咗浓郁嘅酱汁，肉质软腍，鹅肝美浓。咬落游戏，渗晒落多士上面，留意番系$68咋！冇谂到呢个价钱竟然食到呢个超水准质素3️⃣赤虾刺身$28/只又一惊喜推介，呢度嘅刺身真系好得。睇相已经见到只虾几鲜嫩，虾胶感重，质地实净，大只又新鲜😍4️⃣特盛碎葱吞拿鱼腩卷（六件） $128上碟超澎湃，好似食紧吞拿鱼蓉爆丼咁。吞拿鱼同样鲜味，份量令人满足。加上三文鱼子迸发的Juicy口感口感，正到爆！5️⃣明太子长芋$38忍唔住同大家讲，呢度嘅串烧都系好得。师傅烧得劲有心机，淮山保留到爽中带腍嘅口感，完美地与烧明太子嘅香气融为一体6️⃣烧牛舌$48信我，一定要嗌！我已经形容唔到点解一嚿完美嘅烧牛舌可以卖到咁平。牛舌烧得焦脆得嚟，又有咬口，真系超正！会喺心入面留下世一牛舌的位置俾佢🥹7️⃣免治鸡肉鸡$48自家制鸡肉又比一般居酒屋更胜一筹。食到鸡肉系新鲜，自带鸡汁，蘸埋浓郁嘅兰王蛋黄酱汁，好味好味8️⃣烧大啡菇$38好经典嘅烧物，啡菇本身都几甜几多汁，再好有心思咁铺埋啲柴鱼片喺上面，味道就更丰富。9️⃣甲罗烧$98睇住蛋汁混和嘅蟹肉喺炉上慢慢煮熟真系好治愈，呢排天气冻，配住块多士食个甲罗烧绝对无得输，呢款甲罗烧绝不欺场，有好多好多嘅蟹肉丝同蟹膏，加上蟹籽、香葱同蛋汁就更加惹味。可以用咁平嘅价钱（最近仲做紧晚市9折！），食到咁高水准嘅闹市居酒屋，真系非常惊喜！一定会再嚟～
继续阅读
您可能会有兴趣的...