影片
港铁铜锣湾站 D2 出口
继续阅读
电话号码
36145181
开饭介绍
简约日式风格为设计主轴，浅木色的装潢配合巧妙的座位设计，既舒适又私密，特别适合与朋友悠闲地聚餐，享受静谧的美食时光。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
公众假期
12:00 - 15:00
18:00 - 23:00
公众假期前夕
12:00 - 15:00
18:00 - 23:00
以上资料只供参考，请与餐厅确认详情
有关奖赏计划
呢间位于铜锣湾澳门逸园中心嘅日本料理，老板系《鬼太郎》fans，所以店内装潢由墙身挂画到周边摆设都见到鬼太郎同妖怪角色，几有心思。环境几舒服，灯光柔和，带日式居酒屋嘅relax感觉，师傅同侍应都几nice，会主动介绍时令嘢食。车海老天妇罗 $176大大只车海老因产量较少，被视为虾类中的顶级食材，虾身大只，炸得挺身，肉质爽弹鲜甜，虾头炸得香脆唔油腻，配萝卜蓉同天妇罗汁几夹。鸡皮饺子 $58外皮用鸡皮包住，煎得脆口，馅料多汁，味道比一般饺子香浓，送酒唔错。安格斯牛小排 $58 牛小排肉汁丰富，肉质嫩滑，烧得啱啱好，多汁有咬口。自家制免治鸡肉棒 手打鸡肉混入软骨，烧到外脆内软，点埋兰王蛋黄更加滑溜。铁板牛舌 $98超级好食！牛舌厚身弹牙，用铁板上够热辣，洋葱煮到出晒甜味，同牛舌好夹。牛油果松叶蟹肉软壳蟹卷 $138几有惊喜！软壳蟹炸得酥脆，蟹肉鲜甜，加埋牛油果嘅滑同暖醋饭，口感丰富。酒津炒饭$128炒得干身，味道香口，可以自选猪牛鸡肉，加埋炒蛋同炸牛蒡，食到停唔到口。餐厅仲有自家制梅酒，用熟梅酿制，酸甜开胃，钟意饮梅酒嘅可以试吓。
继续阅读
要揾一间正宗地道的日式居酒屋,系香港绝对不是一件容易的事，一系就系劲贵。最近我发掘到一间叫酒津既居酒屋，居然唔贵又好食。踏入酒津,成个环境都好舒适 - 木质装潢、柔和灯光,散发著浓浓的日式风情。师傅都好nice，会介绍d野食烧吞拿鱼鲛吞拿鱼鲜嫩多汁, 烧完之后表面非常酥脆, 但入面仍然保持到鱼既鲜味，出奇地非常juicy!煮和牛尾牛肉软嫩入口即化, 个汤汁浓郁鲜美又暖胃，我特别钟意食入面旧萝卜，超级入味。铁板牛舌我同朋友一向都钟意食牛舌，钟意佢舍独特口感,既富有弹牙的Q韧,又不失肉质的厚实。今次用铁板整更加香口，浓郁既程度完全唔差过其他牛既部位。鸡皮饺子外皮酥脆，内馅饱满多汁，因为用左鸡皮做外皮，比起一般饺子香口得多。馅料鲜嫩多汁,好完美咁样融合了肉汁的鲜甜和饺子皮的酥脆，绝对系一个非常好既佐酒小食。牛油果松叶蟹肉软壳蟹卷松叶蟹肉鲜甜,软壳蟹Q弹爽口,再加上牛油果的香滑幼滑,口感丰富层次分明,每一啖都食得出食材自身既味道。埋单700几蚊，饱到上哂心口，我谂叫少一样都会非常饱，作为居酒屋而言真系非常抵食!!绝对会再黎~
继续阅读
为食花太郎 Fafafoodblog 酒津酒场 🍴牛油果软壳蟹卷138 蚊🥑蟹肉同蟹子做装饰 个饭仲有d暖 好衬热辣辣既软壳蟹 好味 🍴铁板牛舌98 蚊🐂牛舌粗身弹牙 厚身入味 洋葱 葱花 做点缀 入面软林 好正🍴鹅肝饭88 蚊🔥想讲呢个超好食 饭粒软林 鹅肝好软熟 d蒜片 烤到好香脆 味浓得好可怕又未㶶 d鹅肝捞埋饭超好食 🍴日式炸鸡 88 蚊🐥炸鸡个皮好薄脆 鸡肉大件弹牙 好食🍴太刀鱼119 蚊肉质弹牙 点d葱 酸汁就好正 🍴莲子鲷188 蚊🐟鲷鱼肉质厚实 个人觉得就甘食都好好味 但当然点d酸汁都好正#日本菜 #鲷鱼 #炸鸡 #寿司 #软壳蟹 #牛舌 #牛油果 #鹅肝 Score 平均分< 8/10>Taste 味道：👍🏻👍🏻👍🏻👍🏻Present 外观：👍🏻👍🏻👍🏻Decor&Hygiene 环境衞生：👍🏻👍🏻👍🏻👍🏻Value for $ 性价比：👍🏻👍🏻👍🏻👍🏻Service 服务：👍🏻👍🏻👍🏻👍🏻~~~~~~~~~~~~~#酒津 铜锣湾轩尼诗道525号澳门逸园中心7楼~~~~~~~~~#fafafoodblog #为食花太郎 #fafafoodblog铜锣湾====================
继续阅读
同朋友仔出街街食饭，有好多时都会三心两意，咩都想试下，所以我哋今次拣咗呢间餐厅，串烧、锅物、寿司、刺身一应俱全，一定揾到样啱食既❤️而且地方十分方便，就系铜锣湾SOGO隔离😌同埋我个人好钟意佢啲鬼太郎嘅装饰攞设😍连餐具都系，劲心心眼！🔶串烧: 鸡翼$28/鸡心$28 /黑豚鹌鹑蛋$38 /翠玉瓜$18 /鸡脚筋$38 /白鳝配金山寺味噌$68/牛舌$58串烧整体都好高水准，火侯嘅掌握同埋热度都好好👍🏻👍🏻👍🏻仲有三款唔同嘅粉可以自己落！🔺鸡翼皮脆肉嫩🔺鸡心大粒，好香嫩🔺 黑豚鹌鹑蛋，好香油脂嘅豚肉再加口爆嘅鹌鹑蛋，好正🔺 翠玉瓜多汁，good!🔺 鸡脚筋系烟韧，比较有咬口，要睇个人钟唔钟意！🔺 白鳝配金山寺味噌，个皮烧得好香，油脂好重油脂香，加埋味噌，食落好正！🔺牛舌厚嫩，good㗎！🔶辛口牛肠小窝$98个小窝入面有萝卜、蒟蒻、泡菜同牛肠，个牛肠好好食😋一啲都唔会韧，好重牛肠嘅油脂肪香，萝卜又好软腍入味，正！🔶鸡皮饺子$68一碟有五件，件件都好大件，外脆内嫩，必点之选！🔶目张$198呢个真系好推荐，好建议叫嚟食，其实$198可以食到目张，真系好crazy！今日透过师傅先知原来目张系属于深海鱼🐠佢食落肉质系比较结实，油脂都几丰富，但系就会比较淡味，搭配埋佢俾嘅酱汁，好fresh fresh😍重点仲要佢嚟嘅时候好有仪式感，𠮶阵干冰烟好正🤣🔶矶煮鲍鱼68x2佢真系一道好有诚意嘅矶煮鲍鱼，又大只，鲍鱼鲜甜软嫩❤️我想讲而家小店真系食一间少一间，今次呢间店舖，店员亲切有礼，舖头摆设好用心，我哋有机会真系要多啲支持，特别系呢啲好食，有实力嘅，唔可以俾佢消失！
继续阅读
「酒津」位于铜锣湾澳门逸园中心，就在SOGO旁边，位置得天独厚，其为一家日式居酒屋。食物质素高之余，现时优惠几吸引，分别有星期一至四及六晚市九折、星期日全日八折，以及指定酒精饮品买一送一，优惠且可同用。自家制梅酒 ($68 - 买一送一): 优惠$34/杯再九折，梅酒均为自家酿制，并不是采用一般嘅青梅，其以大量熟梅子，即话梅酿制而成，饮落去就好似食紧话梅咁，酸酸甜甜，味道香浓，生津解渴，特别之余，几好饮。即使冰块溶化，浓度都无减太多。另外，其冰块都有唔同造型咁Chill，我呢块系一朵大玫瑰花。甘鲷立鳞烧 ($178): 一般造法是以热油淋于鱼鳞表面，使鱼鳞立起来，如蜂巢般，卖相吸引，吃的便是其酥香，甘鲷肉质紧实细嫩，唔会一夹就散，鱼肉清甜美味，高质！A4和牛刺身 ($188): 牛肉刺身采用A4和牛，油脂比例较高，油香丰富，牛味香，拌匀蛋浆质感更加嫩滑。牛肉鹅肝卷 ($128): 一客共有四件，半熟灸烧牛肉裹著寿司饭及鹅肝，油香突出，层次丰富，几好食。炸双重芝士年糕 ($38): 系一般芝士年糕加上两款唔同嘅半溶芝士，Actually系三重芝士先岩，奶香丰富，芝味十足，口感非常软糯，简单令平凡变得不平凡，超好食！烧鸡肝、鸡心 ($28@): 串烧烤得唔错，两款都好好食，均带有丰富肉汁，质感软嫩，鸡肝亦略带颗粒感，巨香！
继续阅读
您可能会有兴趣的...