郁香園牛丸麵 (已搬遷) 新店位置

以前啲手打牛丸同牛筋丸最好食，雲吞都唔錯，其他就麻麻喇 ~ 但依家同以前比真係差天共地，家陣係劣評。湯底啖到無味，以前唯一好食既手打丸都變左普通貨色，又貴又唔好食又污糟 ﹗係咪轉左手呢？今日居然仲要比我預到啲咁既事，好好好唔衞生呀 ﹗士別三日、刮目相看 ~ Black list，以後唔會再黎 ~黑椒牛筋丸麵走蔥，湯底啖到近乎無味，依間舖頭枱上面係唔會提供豉油的，要向店員索取。咁費事問佢地攞，唯有勁落無味辣油同醋搭救。牛丸已唔係以前彈牙手打靚貨，好似變得普通，同其他麵檔差不多。蠔油生菜，烚得略為過火，變黃變老，不爽不嫰。

星期日, 岩岩去睇完醫生, 諗住食返碗河粉就返屋企食藥, 點知老闆娘話"今天是最後一天了" 我以為自己聽錯, 一向佢地都生意唔錯, 原來都係加租的問題, 希望不久的將來在紅磡某地方又會見到呢d熟悉的面孔, 熟悉的美食.

上次黎食河粉既時候，發現隔隣碗麵好香、好吸引，咁就決定比多次機會佢，再試多次﹗牛筋丸雲吞麵，啲湯底今日終於正常番喇，好香蝦籽同冬菜味，好好飲，足料餚出黎既湯，飲完唔會覺口渴。依度既牛丸爽滑彈牙，牛筋丸雖無牛丸咁滑，但比起牛丸就牛味更濃、更爽、更有趙口。雲吞呎吋傳統一口，一啖一粒，非常好。蝦、瘦肉同肥豬肉比例幾好，係厭唔夠香，且偏咸。麵煮得剛好，爽口。總括黎講，今次係滿意既。

又係好耐無黎喇，咁快就年幾兩年，突然想食勁好味既牛丸同黑椒牛筋丸。最緊要啲野好食，就算依度舖面咁細、又勁逼夾，唔緊要啦，但今次好失望，就算呀姐服務殷勤，都無法。係佢變左？我變左？我黑仔？定佢黑仔呢 ~魚蛋牛丸河，湯底淡得可憐，近乎無味，要勁落豉油，慘 ﹗河粉基本上無味，只有啖啖既麵粉味，加埋個超清啖既湯底，完全唔知點形容。魚蛋只係普通的潮州魚蛋，口感較鞋、腍、唔彈呀，無咩魚肉香味，差。做得最好係牛丸，一睇就知係手打，外皮平滑，彈牙爽口，牛味香濃，好好味 ﹗

之前都食過郁香園, 可能因為唔太好牛丸, 覺得一般啦, 牛丸係好好味, 但仲覺得好大碗, 食唔完。前日再去醫肚, 叫左4寶粉。湯底好好咪, 墨魚丸超正, 各樣丸都BEYOND AVERAGE! 但係, 碗粉就細左好多囉, 我一個女仔,細食, 都覺得唔夠.PS阿姐D潮州口音好鬼正!

牛丸不是自己最愛的食物，所以對其要求不會太高，只要符合少許彈牙、有牛味、牛筋丸口感要粗獷、黑椒牛丸要有辣香，而「郁香園牛丸麵」完全符合以上要求。點了碗「牛筋丸黑椒牛丸麵」($18.00)及一杯「黑豆漿」($6.00)，湯底夠清，麵底夠爽夠彈，合格。牛筋丸外表及口感同樣粗獷，有紋有路，只帶少許彈牙，有牛味。而黑椒牛丸有辣香，辣度適中，不會蓋過牛味，不錯。唯獨體積上有點小，雖然可以一口一粒，但就失去了大大粒的澎湃感覺。「黑豆漿」味道淡淡的，豆味不濃郁但已足夠，甜度剛好亦夠冰凍，比汽水來得更解渴。

久未吃過她的牛丸。今日重遇，依舊是好吃得緊....吃的依然是雙丸，牛丸配搭牛根丸。在小弟而言，這裡的牛丸不是算做最好，論到牛味及質地彈牙，相比起從前的樂園還是稍遜一籌。不過若說到牛根丸，這裡的水準卻是從來不落後於人....不要看它樣子皺皺的，貌不驚人，牛味卻是挺夠，而且足料得很，小粒牛根及冬菜是完完全全的感受得到，咬頭十足，是珍味...想吃點菜，但不想又是吃菜心或通菜，於是轉而叫碗紫菜湯。雖然味很普通，但總算有菜吃又有湯喝，很豐富....坐在店中吃着，忽然想起心儀已久的自製燒賣小店就在旁邊。於是着太座吃慢一些，自己則推門而出，到那小店再買料加餸回來，還是繼續的吃....

二月十一‧陰陰涼 年來在這個社區活動，亦趁機吃了不少區內的食肆，最後才來這裡。嚴格來說，不是第一次來，但以前來不覺這裡的牛丸做得好，而比較之下，那時會覺得樂園的做得比這裡好好多。但是日來吃，卻覺得這裡牛丸很不錯，並不是這裡進步，而是其他地方退步而已。 二時來吃，人客也不少，就在一旁坐下。要了碗黑椒牛丸麵，另外一碗牛筋丸併豬肚丸，加碟油菜，一次過吃勻幾款丸。 黑椒牛丸吃起來口感彈牙，是手唧的功夫。打得很滑身，沒有什麼質感，始終在香港要求有手打牛丸，太苛求。味道調得不錯，有牛肉味之餘，也有黑椒的香味；牛筋丸更會我口味，吃起來也是同樣彈牙之餘，口感更豐富。味道也好，加入了冬菜的，覺得比黑椒牛丸更美味；比較起兩款牛丸，豬肚丸就明顯給比下去了，無論在口感及味道都遜一籌。 芥蘭也青翠新鮮，爽脆甜美，不錯。埋單47蚊，也可說是吃得滿意的。

紅磡的第二站, (我的第二站, 其他人的第三、四站), 是另一間麵檔. 今餐沒有吃麵, 只吃丸, 不同的丸放在檯上, 有點眼花撩亂, 一時分不出這是什麼什麼丸. 有牛肉丸, 豬肚丸, 牛筋丸等等, 簡單一句, 全部勝在夠爽口彈牙, 牛筋丸是我的最愛, 實實正正, 有口感. 不過, 肉丸湯底有好多芽菜, 不知為何呢? 豬肚丸, 是黑椒丸, 黑椒味非常重. 食落每種丸, 都非常大粒實正, 但味道上, 相比下, 始終喜歡大埔的 振興 同 尖咀的 德發. 亦可能是沒有用麵相配之故, 淨食"湯"丸始終非我之好.呢餐掃得仲快, 等 Team 1 人馬 係 三河屋 回來歸隊, 甜品我來也......

夜晚黎左食個麵, 咁岩經過叫左黑椒牛丸牛筋丸河粉有兩粒牛丸三粒牛筋丸黑椒牛丸唔太夠黑椒味. 可能迎合d 唔係好食得黑椒但又想食既朋友牛丸唔係一層層既, 好似魚蛋咁入面實一實既. 不過都幾彈牛筋丸果然唔錯. 入面好多汁. 可能係d 脂肪o個d 油黎. 仲有d 白色既筋咁.不過牛筋丸有朕牛"蘇"味, 都接受到, 起碼唔駛吐出黎.但d 丸比樂園既細粒.值得一讚係d 河粉. 唔會一夾就斷開. 冇榮記o個d 咁彈牙, 不過keep 到唔斷已經好好. 碗底最後仲剩返1,2條湯雖然知道有味精, 但飲落幾清, 仲好大朕芫茜味.另外加碟腐乳通菜, 只需$7.仲落左好多腐乳添...

聽完電台節目就打算試下呢度既手打牛丸…一般我去食麵首選都係雲吞麵，牛筋河or牛雜粗，牛丸真係打邊爐先會食~今次兩個都點左牛筋丸拼牛丸，我要左米粉，男友要左麵~阿姐問起，咪要碟芥蘭囉~兩碗都算細，不過唔緊要，我都唔當呢個係正餐^^唔知點解呢，男友就有四粒牛丸，一粒牛筋丸我就三粒牛筋兩粒牛肉丸…好隋意呢…坦白講，真係唔算好出色~食得出佢係手打既，不過牛味真係好濃？可能我唔係牛丸既fans，所以都唔覺好驚喜，好好食~反而男友讚個麵煮得好食，彈牙~我就覺得個湯好香，因為冬菜好味~我諗唔會特登返黎食，因為黃埔已經有正斗~同埋，始終都係牛筋河同牛雜粗岩我口味d~埋單 $43還可以啦

今天上班俾谷了一肚子氣，不過誰叫你是打工的那個人呢！拿薪水，包受氣費，還是很化算的了～不過心情差差的，最好就是去吃點好東西減肥甚麼的，算了吧！！晚上八點多，小小的店子還是顯得空蕩蕩的隨意坐下，沒多想就要了牛丸拼牛根丸麵，十八大元在阿姐的慫恿之下，要多了碟生菜，七元不夠一分鐘就丸麵就上枱了！果然是快狠準梘水麵一條條近乎透明的樣子好誘人，很久沒看過這麼漂亮的梘水麵了也沒有重厚的梘水味，但爽口依然主角牛丸頗彈牙，ｓｉｚｅ偏小卻很對我的胃口牛味很足，讚；牛根丸的口感也一流，似乎比牛丸更有嚼頭呢下次再試別的丸丸似乎樣樣都好吸引！

同事講我知呢度有間幾好味既牛丸店 , 我其實都期待左幾耐...今日晚餐時間終於去左食 鋪頭小小的...但入面好多人呢 岩岩住底 , 呀姐就追問我地要點什麼了..親愛的叫左碗黑椒牛拼魚片頭河($18) , 我見佢單雙同價 , 就點左個牛筋丸拼魚餃米 , 再加多碟菜心我的先來 , 湯幾清 , 好快親愛的那碗都來了 , 偷了一粒黑牛食 , 呵呵 , 好味呀有少少黑椒味...但河粉不是我杯荼 , 再食自己既牛筋丸...還是覺得黑牛好一點魚皮餃就普普的.. 但整體來說都不錯可以再去食

難得的偷閒.... 走去食了個下午荼....之前我個肥肥外賣了呢間野的牛丸丸回來俾我試,食過都不錯啊!哈哈~今天終於找到個機會來試下喇!一入店內,先按肥肥的order外買了半斤的牛根丸,原來...唔係得好多粒啊!(心想..都有點兒貴啊!)反正都來了,就坐下來啦!點了我最喜歡的墨魚丸河.....轉眼...我碗墨魚丸河就來了喇!....哇.....好香啊!....試了一啖湯,很清,也很有鮮味....試下0的河....都好滑!(唔怪之得個個人都食河粉啦!)最後...當然係試下我0的墨魚丸啊!一咬下去,就食到馬啼的清甜清爽!仲有粒粒墨魚粒的口感!最緊要係冇個0的怪怪的粉味係0的墨魚丸裡面!整體來說就好食啊!環境都衛生!好想快0的又去再食過!咁硬係要同個肥肥一齊去啊!

而家香港九龍新界間間麵鋪都話自已係咩“大王” 或者“尊家”….. 有幾好食大家心裡有數。其實做人同食嘢都係一樣……兩個字………“簡單”就是美! 唔雖要複雜同咁多估怪動作。 而家d食市真係太“Commercial”化，想搵間“簡單” 嘅麵鋪，食d原汁原味嘢真係好唔容易。 朋友知道我鍾意“食”……. 經介紹下得知有間好嘢……琴日放工一於走去試試…….. 我試咗碗“牛根丸米”。 牛丸係“bite size”，一睇就知係手打………丸裡面真係有“根” 嗰喎……. 咬落好有牛肉味同有“根”嘅咬口…. 呢個感覺好正。 湯底好清……應該都落咗d功夫同心基去做….. 一定無“師父！” “郁香園” ……. 好嘢!