郁香園牛丸麵 (已搬遷) 新店位置

呢間郁香園好近我屋企﹐所以我耐唔耐都會幫趁﹐呢度的牛丸真係非常唔錯﹐論味道﹐可能未必係頂班﹐但論口感﹐真係超一流﹐我覺得係香港最好的幾間之一。仲有好多其它丸類﹐雖然唔係全部都係自製﹐但其水準都唔差﹐各位朋友有興趣不妨試多幾樣﹐然後如果食唔晒你不妨試下掉一粒牛丸落地﹐睇下可以彈幾高? 我一直都好想試呢個TEST﹐但次次都食晒﹐無得試﹐希望各位朋友試完話我知結果。

之前勝利牛丸個篇提過既就係呢間.真正手唧牛丸(可以見到氣泡)好彈牙,爽口,同好有牛肉鮮味.係真正既靚牛丸.(其他丸都唔錯)最難得既係連麵都非常爽口,仲爽過麥奀記.成碗麵都咁出色,而且唔算貴,本人誠意推介!勝利牛丸?彈開啦!