郁香園牛丸麵 (已搬遷) 新店位置

早陣子見飲食男女的的士大哥介紹，今天到紅磡找朋友仔吃lunch，火速去試。人是貪心的，所以一氣過叫了兩個雙拼，試齊雜誌介紹的手打丸，兩個雙拼分別是牛根丸拼黑椒牛丸麵及墨魚丸拼黑椒豬肚丸河。但貪心的人通常都是沒有福的，因為要了四款丸，每樣只能試一粒，而且顏色差不多，所以我也分不清那一粒是牛根、那一粒是黑椒牛丸、那一款是豬肚。我唯一搞得清的就是墨魚丸(白色的嗎~~)，內裡有點點墨魚粒和馬蹄粒，很有咬口。其實四款丸都很彈牙，但因分不清其他三款丸，所以評語只能寫初步感覺良好。要試真各丸食味，唯有等下次。但這裡的粉麵和湯底都不太行，河粉很淋、没有味，湯底太鹹。所以下次來，我會吃淨丸。另有自磨黑豆漿，不太甜和有豆味，合我口胃。

呢度位置算唔多就腳，但水準確着實不賴...牛丸形狀呈不規則圓，明顯係用手唧嘅，夠爽口，有肉味，不俗；牛根丸比牛丸更佳，有口感，足料(可食到小嚿牛根粒)，掂...好少鋪頭D芥蘭可以淥得咁爽口...比樂園多一份心機，少好多份味精

係網上睇到食評講得咁好，前日諗住去試下啦。坐低叫咗碗牛筋丸河(原先想食米線，但佢無。)加油菜。丸唔錯，明顯見到一粒粒既牛筋係度，又夠彈牙，河粉煮過頭太"林"，湯底亦無乜特別，成碗野都太油，菜亦灼過頭，黃晒。下次去都係食淨丸算。

可能是食過樂園的漿爆牛丸, 所以覺得郁香園只屬一般, 不算很彈牙, 湯底的缺點也很明顯。下次會試下撈麵和其他花款的牛丸, 畢竟不能一次定好壞呢!

幫屋企人到附近做野，睇食評見ok所以過左黎在牛丸牛根丸之間選了牛根丸，但係又想食墨魚丸=v=貪心既我，最後點了墨丸牛根丸米。雙拼跟單叫一款都是hk$15，幾抵食的。一碗有3粒牛根丸及2粒墨魚丸，湯底幾清甜，但略油。先食一口牛根丸，好彈牙，好有肉味，仲食到有細細粒既牛根在內，好味道>v<墨魚丸，有馬啼增加口感，但大細不一，左邊那一粒是右邊既3倍=0=，還咬到有小小既墨魚，不會是粉粉的，比其他麵鋪叫好得多了。hk$15，真係幾抵食，味道都唔錯，食得過的^o^阿姐臨走前仲講左句多謝，唔錯

29/4(六) 2:30pm2點零鐘黎到,店子有8成滿,尚算光猛整潔.要左個牛丸墨丸雲吞河$20,通菜$5.牛丸墨丸雲吞河用公雞碗盛上,更添懷舊感覺.牛丸墨丸size偏細,2款均算彈牙!牛丸其牛味談不上特出,墨丸內加了馬碲粒增加口感!2粒雲吞的骰,豬肉餡鮮味十足!河粉則一般貨色.阿姐頗親切有善!下次會試試其餘多款的丸類!

朋友話呢道d雲吞河好味, 但我地一陣又要去食飯, 所以我地唸住一碗河粉2份食。入到去見到原本招牌牛丸好味, 但係老闆叫我地試下牛筋丸, 於是我地叫左雲吞河加牛丸加牛筋丸($15碗,$5加1個"食送"), 湯底好鮮味；雲吞係一啖一隻, 用豬肉做餡(無大蝦掛帥), 但幾鮮味；牛丸好彈牙又爽口；牛筋丸無牛丸咁彈牙但有鮮味。

今日過開呢頭做o野.做完o野其實都唔係肚餓.但見d食家個個都話正咪試下囉~呢度地方細細都幾整齊.同埋麵係老細自己煮番.同埋經常都係笑容滿面.咁叫o左個牛丸麵.麵爽, 湯清甜.牛丸有5粒,其中兩粒係牛筋丸(好彈呀~)相比其餘果3粒就差d但都好好食.講真15蚊真係邊度搵呀?下次有機會都要o黎食多次~

本有目標食店,但路經此店發覺極吸引,所以只叫碗淨牛丸留肚。淨牛丸$18有8粒,自稱手打,咬落非常彈牙,牛丸內有氣泡,增加了彈牙程度,原來只有手打o既牛丸先有呢種效果。個人覺得跟元朗勝利牛丸不惶多讓,但係就大粒好多.湯底用左牛骨,豬骨,大地魚,胡椒,烚牛丸水(一D都唔晒)等煮成,超級鮮甜!買淨牛丸都係$56斤,買番屋企打邊爐最o岩!

非常好食, 又抵！其實除了牛丸/豬肉丸, 墨魚丸同魚餃都好吃的！最緊要係湯底好味, 無味精但好夠味, 連碟油菜都好好食~魚皮都不俗！本身唔係咁鐘意太辣的辣椒油, 所以喜歡這裡又香又不辛辣的自製辣椒油, 仲買左樽$18返屋企~

無論牛根丸，黑椒牛丸，牛丸都好味，豬肉丸都好好味，次次都想食曬，15蚊碗雙丸河，終於揀左粗丸黑椒河，加多5蚊3粒雲吞，河粉都好滑。食完都唔覺好多味精，寫完今晚無約人都買碗外賣先~~

一食就兩碗。牛丸好重肉味，黑椒丸亦好香口，而且夠大粒，亦彈牙，一般可以講的都唔錯，唔會差過德發。湯底無乜特別，但只計丸也值得推介。

呢度牛丸的確幾爽口,但係牛肉味就不及海防道德發牛丸,而牛根丸就幾好味,比牛肉丸好!環境比德發好好多,但食緊時發覺居然有"小昆虫"度爬行!呢樣真係要改善下!!

嚟呢度我最愛吃粗丸米加枝忌廉,每次都唔係好捨得咁快吃完碗牛丸米,因太好味,同埋每次見到老闆好用心機咁整碗麵,我亦會慢慢享用!不要浪費他的心機呀!

試過買d自己返屋企淥放煲個陣明顯比其他牛丸彈