達摩元祖麵屋 (已結業)

甲羅燒$68-麵屋元祖達摩(尖沙嘴)尖沙嘴新開拉麵店, 提供一系列串燒/燒海鮮跟拉麵, 而個人就覺得這裡的燒物比拉麵更爲出色! 燒海鮮雖然只有數款, 但甲羅燒確實做得不錯, 蟹肉跟蟹膏份量不少, 本身已熟, 只需燒至熱透即可,跟蛋黃醬混在一起吃滋味十足!!😋北海道牛乳拉麵拉麵有多款湯底選擇,如櫻花蝦豚骨, 黑蒜湯等等,而我就選了較特別的牛乳湯底 拉麵質感是可選擇粗幼, 感覺比出面拉麵店吃的清淡一點,不會帶油膩!!☺️

因為在尖沙咀附近收工，突然想吃拉麵，所以來到了達摩元祖麵屋試試。一進店內，播起了日文歌曲，十分有relax。我7點來到，未算太多人。我點了一碗玄端達摩，即是黑蒜油湯拉麵 $82，配了豚腩叉燒。黑蒜油湯底十分濃郁，幼麵十分彈牙。豚腩叉燒入口即溶，而且十分入味。溏心蛋煮得剛剛好，半熟的。我又點了一杯完熟芒果梳打$28，原來芒果梳打是一樽樽的。初初以為芒果梳打是黃色的，但原來是透明的。今天真得很滿足，下次會再來試試其他拉麵。

記得當年專登入大圍食佢地3.6牛乳拉麵，甜甜既牛乳湯底配上肩肉，一試難忘。尖沙咀開左分店選擇更多，我決定再黎一次😻.🔺燒帆立貝 $42/2件估唔到咁大件，而且好甜好多肉。自己燒感覺都幾好，每面燒到中間肉質變硬就食得。😋.🔺燒生蠔 $38Size比想像中大，肥美，加上檸檬汁，好味😍.今次都有食拉麵，我同朋友一人叫左一碗拉麵，turn out 都係覺得牛乳拉麵最好食，如果第一次食，建議食牛乳拉麵，又比較特別。

有一晚放工約左朋友尖沙咀行下街，行過一間拉麵店，門口有隻大大個達摩公仔，大家都想食拉麵，就決定一試啦。裡面裝飾都好有日式懷舊風，不同一般狹窄的拉麵店，要食完就趕住走。店內座位闊絡，我地二人都坐左張四人枱，Like Facebook仲送清酒生蠔一客，咁抵當然要like啦😂視乎你口味，可以揀麵類、肉類、走青。地方大，坐得舒服白桃梳打、達摩梳打（即檸檬味）清酒生蠔，蠔好鮮味唔腥。辛辣湯拉麵我揀左中等辣度，對我來說辣度剛好，好香口美味，湯汁唔會過咸過油，要讚一讚舊叉燒，油脂分佈剛好，切得厚夠大舊，咬落唔鞋，而且好入味。生蒜蓉令個湯汁更惹味。黑蒜油湯拉麵朋友點的，我飲左一口，湯汁都好香黑蒜味，拉麵掛湯汁一流，拉麵質地唔會過淋，不錯。整體食物服務都唔錯，可以再食。

拉麵開到成行成市，大都獨沽一味只售拉麵。無他，只因日本人就係將一項專長發揮到極致，然後就只做拿手的。不過可能我貪吃喇，平日食拉麵會梗係覺得唔夠，有多啲小食就好。估唔到本店係大埔的元祖摩達係尖沙咀的店竟然滿足到我的願望！首先當然要講拉麵，話曬係人地的拿手絕活。黑蒜油湯拉麵配豚腩叉燒黑蒜油係我最愛的口味，貪其香濃又不鹹。這裏的也絕不讓我失望！麵身比較彈牙，絕對是我喜歡的一種。半熟蛋❤️ 很幼細的蛋黃，香味充斥口腔，正正正！叉燒好炭燒的感覺，特別香口好吃！雞泡魚干雞泡魚魚生就咪搞喇，魚干就無所謂。味魚，有咬口，好好咬，送酒就最岩。清酒煮蜆稍鹹，不夠雞泡魚來得鮮味，但份量也不少。燒帆立貝很大的帆立貝呢！濃汁很甜，但仍吃到一點點的貝味，雖不算很爽口，但也有點質感。汁燒白鱔最愛的就是燒白鱔了！這裏的白鱔厚身肥美，油脂被燒融而令其香口之餘更有大量肉汁，太幸福了！如分量再大一點就更可以大啖大啖的品嘗，會更滿足！一次過滿足兩個願望的居酒拉麵屋

今日行行下尖沙咀既時候覺得有點肚餓，見到呢間拉麵店的裝修好特別，我和朋友望一望個餐牌，就二話不說入左去。服務員一見到我地，就好主動咁招呼我地坐下來，仲立即比左兩杯暖水我地飲，服務態度良好。我和我朋友都選擇了食白河達摩拉麵，湯底用上了北海道3.6牛乳，配上豚腩叉燒。當拉麵一上枱，香濃的牛乳味撲鼻而來，我地都急不及待嚐一口牛乳湯，味道十分濃郁。拉麵的麵身有彈性，加上厚厚的豚腩叉燒，份量適中，好美味。飲品方面，我同朋友選擇了蘋果茶（二人份）。五分鐘後，店員便遞上一大瓶蘋果茶，還準備了兩個冰杯。蘋果茶味道不錯，充滿甜甜的果味。我和朋友逗留了一個小時多，整體感覺良好。

非常多款式的拉麵和串燒配搭 CP挺高!午市套餐價錢更相宜 💁.🍜櫻花蝦味噌湯拉麵$78(豚角) +$20豬軟骨🍜知道湯底謈重要 但必須先說舊豚角叉燒超正呀 夠大夠厚夠肥  熬得夠軟淋入味 呢舊肉絕對係會令我想再黎🍖🍖🍖櫻花蝦味噌湯底挺合我口味🍤因為有蝦和味噌 所以不會只是蝦湯 (我受不了那蝦腥味) 微稠 但最後還是有口渴💦選了粗曲麵 麵底大份 食到最後亦不淋 ermm感覺麵條缺乏了韌度 但已經比一般粗麵好👍.另外點的豬軟骨亦非常大份🐷🐷有5大舊 肉同樣鬆軟 軟骨脆口 假如再熬到像膠質般黏嘴就好👏   .招財貓梳打(蜂蜜)$28第一次見的飲品 喜歡設計 帶了回家😂

今日胃食豬又揾好野食，今次的晚餐，來到尖沙咀，在附近看完戲，便去了寶勒巷的街食晚餐🥣經過一間外表裝修很有日本風味的餐廳，就被外表吸引了，一進去，感覺就像日本居酒屋一樣，無論座位，擺設！原來店內是食日本拉麵的。還要是元祖拉麵🍜真的特別👍🏻我們叫了黑蒜油拉麵🍜和北海道3.6牛乳湯拉麵，一些串燒和牛油炒金菇。黑蒜油拉麵的湯底很重黑蒜味，由於湯底使用豚骨來烹調的，再配上最後淋上黑蒜油，令這個味道更加特岀。卻又不會很油膩，而且拉麵還有分幼面和粗面之分，這個湯麵配上了粗面，粗面的麵質很彈牙有口感！再配上豚肩叉燒，叉燒的脂肪分布平均，肉質嫩滑，烹調的時間剛剛好，不會令肉汁有鬆散的口感！北海道3.6牛乳湯拉麵，湯底真的是用牛乳來煮成的，因為每一啖湯飲落就好像在飲牛乳一樣，這碗湯令人感覺很新鮮，因為每一啖拉麵都吸上了牛乳的味道，所以拉麵食落會令麵質更上一層樓。這碗麵配上了豬軟骨，豬軟骨有四件， 每一件都很大，而且肉質很鬆軟，豬軟骨也用水秘製醬汁來烹調，十分有風味！至於串燒，比較特別的有荔枝豚肉串燒，這種串燒是用豚肉來包住荔枝在內，一鹹一甜，令味道很新鮮。其他串燒，燒的時間剛剛好，再灑上海鹽來燒，令味道十

通常放工時間都會好肚餓，Happy Hour 又想有野食，好在係尖咀搵到間有拉麵店，有埋串燒小食。門口已有個鳥居⛩️⋯⋯ 幾得意，地方幾舒服。餐牌都好多選擇，唔似普通拉麵店咁齋。工作左成日要碗拉麵落肚係好合理，櫻花蝦湯夠靚又夠特色。朋友話要雞骨湯滋補一下。俗語話「有得揀先至係老闆」，拉麵可以麵身粗幼，配餸等。小食：朋友第一眼已欽點燒茄子🍆，有拉麵必然要有餃子，我梗係舉手要餃子🥟，呢度串燒好吸引，香噴噴豬肉燒蘆筍串拉麵🍜到啦，個湯真係好得，超夠味，豬軟骨夠大塊，正！餃子外脆，唔油。燒茄子香噴噴配上燒汁，一流口感。豬肉燒蘆筍串直頭香夾脆啦。

這家拉麵總店位於大埔，對我來說有點遠，最近聽說尖沙咀開了分店，那就方便多了。拉麵店最吸睛的當然是門口那大大的達摩，店裡裝潢日式，日式的佈置裝飾，座位挺多，位置算是闊落。食物方面除了拉麵外，還有其他菜式，浜燒海鮮、串燒、小食等，選擇眾多。主打的拉麵有9款，食客填紙，首先揀湯底，本身拉麵可揀選麵質（幼麵、粗曲麵），配料當然少不了叉燒，4款選擇（豚腩叉燒、豚肩叉燒、豬軟骨、豚角煮），可挑選要蒜，蔥花，筍，另外加錢追加麵底、額外配料等等，本身已有紫菜及半隻溏心蛋。日式咖喱湯拉麵：店員呈上來時，咖喱味撲鼻，忍不住先一呷那湯，咖喱湯底香濃，湯不會很浮上一層油，粗曲的麵條煙韌，有口感。溏心蛋流心的，熟透度剛好，而豚肩叉燒夠瘦，肥肉不多，最適合我這些不喜歡吃脂肪的人了！份量跟一般拉麵店一樣適中，加上其他小食，那就夠了。花魚一夜干：有半條或全條的選擇，本身很喜歡吃魚，所以就點了整條花魚，雖然魚烤過，魚骨烤得也是脆脆的，但魚肉仍能保持嫩滑juicy，味道也很夠。燒明太子：本身明太子醃製過，所以較鹹，餐廳很貼心，每口明太子附上薄薄的青瓜片，建議一併吃，有助減低鹹度。

繼續拉麵之旅，今次是新開張的達摩元祖麵，在寶勒巷的盡頭近漆咸道南。門面大大個達摩肖像很搶眼，店內約可容納30至40人。除了拉麵還有串燒和其他日本小食。北海道3.6牛乳湯拉麵是店長推介的人氣湯底，一端上來是奶白色，很有北海道白雪茫茫的感覺，選了幼麵，麵質是理想的湯拉麵，掛到湯，叉燒選了腩肉，脂肪比例平均，很好吃，最後湯底濃濃的牛乳味道，有淡淡的豚骨味，不過整體味道較淡，不似平時的拉麵湯。黑蒜油湯拉麵湯底濃烈得多，黑船味道重，又不會完全蓋過豬骨湯底，大量香蔥更惹味，選粗麵比較彈牙爽口，豚肩肉就較瘦。元祖達摩梳打其實是檸檬味碳酸梳打。招財貓梳打就是蜜糖味碳酸梳打，個包裝的招財貓很可愛。

今晚OT完，又係自己一個人孤獨食既時候，好似習慣左甘，一個人既時候，特別想食拉麵。我黎左呢間麵屋，門口都幾啱打卡。入去坐底，睇下有咩好食先。入左order紙，等食既時候，飲杯檸檬水先。北海道牛乳湯拉麵，先飲一啖牛乳湯底，濃味得黎唔油膩，唔錯。因為我要蒜容，加埋落去湯底，又幾夾喎。豬軟骨都夠淋身，亦都入味，軟骨爽口。麵條亦都軟硬適中，爽口彈牙，整體唔錯，不過可能我大食，我覺得個麵底少左D。麝香蜜瓜梳打，都幾得意架，飲落好香蜜瓜味，但有汽既，清新又解渴。

達摩 元祖拉麵・🍜在香港愈來愈多日本拉麵店但未必間間好食！今天到了達摩 元祖拉麵🍜除了拉麵之外還有大量日式特色食品～自家製元祖達摩黑啤($68)黑啤比較重麥味！但十分易入口，唔苦澀。而且大大杯，2個女仔share都夠哂呀北海道清酒刺身生蠔($78)生蠔十分新鮮，完全唔腥。加上清酒的清甜好夾，完全帶得出生蠔的鮮味。一口食哂好滿足，而且爽爽脆脆的海藻，口感一流。辛辣湯拉麵($82)湯底十分濃郁，唔會太辣。但有點兒不像日式拉麵了。叉燒薄薄一片好嫩，溏心蛋都做得好好，而粗麵十分掛湯，口感係我最愛的硬麵。食完一整碗都唔會口渴。櫻花蝦味噌湯拉麵($72)湯頭好重櫻花蝦的味道，沒太吃得出味噌的味道。豚角煮十分厚身，食落啖啖肉，夠哂滿足。口味唔會太重，推推推。甲羅燒(68)這不就是膽固醇的本人嗎？滿滿的蟹肉．蟹籽和鵪鶉蛋鋪在蟹膏上。而且客人可以自己享受一下烹調的感覺。超級creamy的蟹膏如有有一碗白米飯就好了。十分甘香，而且蟹肉的鮮味沒有被蓋掉。但還是少食一點比較好。串燒(牛舌$42 日本雞腎$38)火喉控制得剛好，而且調味也剛好。只是牛味不濃，但夠肥美。有機會再試試其他！

寶勒巷呢條街真係有好多美食選擇中西日韓也有但睇完餐牌後 我決定試下呢間因為呢間餐廳有曬我同朋友想食既食物不但有拉麵 仲有浜燒海產同串燒 價錢亦好大眾化無論係拉麵定其他小食 價錢都好親民我見浜燒海產價錢吾錯 所以試下佢呢個係甲羅燒 68蚊一隻燒兩分鐘用筷子搞一搞佢再燒多兩分鐘就可以食份量充足然後係燒凡立貝42蚊兩隻 size算大 呢個價錢都好合理可以叫做抵食因為好新鮮之後係日本生蠔呢隻來自日本既生蠔 都只係38蚊隻海水味適中 又吾算太濃 怕海水味既人又未必食到但記得要燒耐d先好食最後係北寄貝88蚊兩隻雖然好似貴左少少 但份量認真大隻之後叫左個牛肋條 極之有汁比大家睇一次凡立貝 生蠔 同北寄貝未上爐前既樣真係好大隻呢間野其實主打係拉麵不過比佢個價錢吸引左我食浜燒海產下次要試埋佢既拉麵

多年前因飲食生意關係，需要日日落寶勒巷，轉眼間已經5~6年無落去寶勒巷鳥.....今次朋友請食飯，提議去達摩元祖食拉麵，無所謂啦！都係果句，俾錢果位話事啦！多謝哂！我地兩個人都睇唔明個餐牌！咩叫鈴川達摩？咩叫松川達摩？RR地頭，原來旁邊係解釋！我中意濃味，所以叫日式咖哩湯拉麵，一定唔會淡味吧，朋友就點姬達摩，姬達摩分大中小辣，點中辣，但我第六感話我知，中辣係大辣！雖然係晚上8點幾繁忙時段，但上菜都好快，服務唔錯.先試試細細啖姬達摩湯底，嘩！果然大辣!可能我唔食得辣啦，嗜辣嘅食家一定大喜.我點嘅咖哩湯底果然夠濃，咖哩味濃郁，啱哂我口味！拉麵份量足，麵身煮得啱啱好，豚腩叉燒係驚喜，一塊叉燒有齊肥肉同豬肉，入口軟冧入味，佳品食到依家，朋友嗌辣鳥！蜜糖味招財貓梳打？又幾特別喎，點咗兩支，初初入口無咩蜜糖味，俾D梳打影響味感，蜜糖味慢慢先滲出，幾特別嘅口味.