達摩元祖麵屋 (已結業)

尖沙咀寶勒巷有新拉麵店，作為拉麵粉絲嘅我當然要試吓啦。一去到門口就見到有隻好大嘅不倒翁形狀既公仔，原來呢個就係店名”達摩”，佢有永不跌倒永不言敗嘅意思，幾有趣。店內嘅空間都比一般嘅拉麵店大，坐得幾舒服。呢度除咗拉麵之外都有唔同嘅小食，但係今次我哋就淨係食咗拉麵。呢度有九款拉麵選擇，麵款同配料都可以自己揀。女朋友要左一碗白河達摩，即係北海道3.6牛乳湯拉麵。同所有用咗3.6牛乳嘅食物一樣，奶味都十分濃郁，而且好滑。而且驚喜地加左少少黑松露醬同蟹子，香味鮮味提升。配合粗曲麵可以索到更多湯，叉燒都有四款選擇，怕肥嘅女朋友揀左豚肩肉，比較少脂肪，食落冇咁油膩，但因為厚切所以食落都好有質感。而我自己就揀咗玄端達摩，黑蒜油拉麵。呢個湯底相比牛乳湯更濃味，自己再加左蒜蓉仲香。我就要左幼麵，雖然就冇粗曲面咁索湯，但幼麵就順滑d。叉燒方面我就要左豚腩，多咗脂肪的確香好多，薄切加上表面燒過所以都唔會太油。由於我實在太肚餓，所以我另外加多咗一個面，好中意食蛋嘅女朋友亦都嫌跟餐半隻蛋唔夠多，再加左半隻。流心蛋蛋黃香，蛋白剛剛熟好嫩。另外我哋再另加左本菇，冇諗過原來本菇都好有心機咁用汁煮過，好入味，有驚喜。飲品

之前有個朋友介紹，大埔有間 【達摩元祖麵屋】既拉麵好好食，叫我有時間去試下wo，但最近佢又話我知尖沙咀都開左佢既分店。所以小弟決定搵日試一試下。【達摩元祖麵屋】坐落於寶勒巷較偏僻位置既地舖，平時唔行過果邊都唔會留意到，不過門口有個好大既達摩樣，都容易認得出入到佢有好多款拉麵選擇，朋友推介就黑蒜油同北海道3.6牛乳拉麵。我諗左好耐，千選萬選，決定食黑蒜油湯拉麵。黑蒜油湯拉麵一到，賣相幾好，湯都好濃郁好味，我最欣賞係佢塊豚腩叉燒，外面肥厚脂肪，內層就瘦瘦豬肉，加埋佢個溏心蛋，簡直係完美配搭麵條我則選擇幼麵，食落去爽口彈牙，絕對唔似普通貨。最後我飲哂成個拉麵湯，問我點解會飲得哂?因為真係好好味囉，如果有得加白飯，絕對係極完美一湯二食總結: 以拉麵店來講，佢個價錢係平同抵食，咁多款拉麵都係68蚊至98蚊，係尖沙咀算係數一數二平。咁既價錢有咁高質既拉麵，絕對係尖東果邊既霸王