道

营业中

休息中

食完呢碗拉麵隔咗差唔多一星期都仲好驚喜😍先講湯底，湯底我揀咗雞白湯，雞白湯唔似銀座篝個款咁creamy，而係濃得嚟真係食得出雞味，而朋友試左醬油湯底，個人覺得都不錯，店員話用左幾種不同醬油製成。麵質方面，麵質比較偏硬，份量都唔少。有需要可以同店店先溝通個人喜好。去到令我最驚喜嘅係叉燒😍😍😍叉燒有兩塊，店員指係用日本岩手嘅雞做成雞卷慢煮再用火槍燒一燒而成。肉質嫩滑而且油脂分布適中，唔講會以為係豬肉製成嘅油花感😋😋😋溏心蛋則正正常常服務方面，店員由坐低開始已經問以前有冇食過，每道菜式都會為我地介紹做法。價錢方面我個人覺得絕對對得住食物同服務質素！大推👍🏻👍🏻

小弟自問都幾熱愛拉麵，見拉麵group最近多咗人討論，最近又喺呢頭返工多，於是就去試試佢，結果其實麵都幾失望。😔第一、麵餅煮唔散，啲麵黐埋一舊好難食… 以一間拉麵鋪嚟講係好低級嘅錯誤❌；可能因為佢哋前身係做omakase所以見廚房煮麵器具不足，重點係師傅煮麵冇做瀝水過程，只用一個大煲煮啲麵，可能因為咁所以個煮麵水溫不足？第二、味玉(蛋)有過熟問題，蛋黃有一邊熟曬但係蛋白又水水地未夠凝固，而且隻蛋一入口有陣好強烈嘅酒味，除咗酒味好勁之外又唔夠入味🙁 可能師傅要再研究下點樣整好隻蛋第三、價錢太貴，作為一個成年男士碗麵真係唔夠飽… 本身得兩塊好薄嘅叉燒都算，替玉(加麵)竟然要$38!? 其實我懷疑過係咪張menu打錯價錢😂 講返重點，舖頭坐落屯門紅橋呢個小社區，照計鋪租唔會貴得去邊，但係你收人呢個價錢… 質素又唔係真係高，味道最多只係勉強過到合格線，整體嚟講體驗都幾差，下次應該唔會再幫襯🤕

餐牌只有3款拉麵第一款雞白湯拉麵第二款醬油雞清湯拉麵第三款濃醬油雞清湯拉麵連續2次去都係叫咗第一同第二款。第一款雞白湯拉麵湯底不濃稠，帶有清清地濃郁雞湯味，味道適中，唔會太鹹。拉麵屬幼中身，不過不失。可能係個人口味關係，有啲人鐘意好濃郁杰身湯底，但我最怕就係好濃稠杰身湯底拉麵，所以哩款湯底好中我口味，湯每次都會飲晒，而唔會口渴。第二款醬油雞清湯拉麵湯底好清好清，清到好似飲緊滴雞精咁，帶有少少醬油味，鐘意食得清少少嘅人會啱d。

屯門虹橋嘅道，一直都係做廚師發板嘅日式餐廳，最近賣埋拉麵，我終於抽到時間，過嚟食啦❤️我今次食白雞湯拉麵，湯底係煮咗好多個鐘嘅白雞湯。我飲咗一啖白雞湯，濃郁嘅湯底，好creamy😋拉麵軟硬適中，配合叉燒一齊食，真係大滿足😍當日見到其他人食醬油清雞湯拉麵，連湯底都飲晒，我相信自己好快會再嚟食呢碗拉麵🤗

知道 道 轉左拉麵店，趁着閒日得閒又唔洗排隊所以黎試一試餐廳有d 難搵，係後街，11:50左右黎到，未有人排隊住，門口寫到明，拉麵賣完即止。12點正開門，一共有三個店員，一個店員叫我地順住坐低。餐廳唔算好大，日式裝修 開放式設計，大約坐到十二個位。知道我哋第一次黎，細心介紹三款拉麵，問我地飲唔飲野。點左支玻璃樽既Asahi 烏龍茶，水就自助形式，係後面近角位斟Order 左二碗拉麵 之後見到一個店員準備叉燒、一個準備拉麵，一個準備其他野見到其中一個店員用火槍燒叉燒，雖然喺我面前燒，但味道唔算太大，接受到等左大約15分鐘左右，第一碗拉麵上枱 - 醬油雞清湯拉麵 - 店員表示醬油係自家調製嘅醬油加上熬咗20個鐘頭嘅雞清湯，而叉燒亦都唔係豬肉，係來自熊本嘅雞肉叉燒，面則係中華拉麵個種面質。要趁熱食，一啖湯一啖拉麵。味道扁清淡，冇一般豚骨湯底咁油膩，啱香港人口味。雞肉叉燒好滑，口感唔錯，亦都冇豚肉咁油膩，再配一隻半熟糖心蛋。5分鐘之後，濃醬油雞清湯拉麵亦都上枱，兩個拉麵嘅分別在於，呢個除咗有自家製醬油之外，亦都混合左日本其他醬油。味道比前個湯底濃郁，我更鍾意呢一個。兩款拉麵用咗唔同嘅碗去分別總

屯門呢排好似好多拉麵推介😗餐廳晚市主要做omakase，割烹料理，拉麵係近呢幾個月午市推出的。· 雞清湯拉麵 / $98根據師傅所講，湯底冇加任何味精，熬咗20小時，可以試咗原湯先，感覺雞嘅精華去晒碗湯度，然後再加黑胡椒，加咗味道層次唔同咗，好好味，碗湯最後差唔多飲晒。拉麵適中硬度（鍾意呢啲幼身拉麵），有啲韌度，同一蘭拉麵質感好似，叉燒唔係用豬肉，係用九州雞肉卷起做咗雞卷再切片。· 雞白湯拉麵 / $88同我想像中有出入，湯底creamy d，但會膩啲，每碗拉麵有味筍、蛋、紫菜做配料。個人更鍾意雞清湯，比較出色～不過餐廳好似係每日限定供應20碗，我1點左右到都食到。

繼奇蹟拉麵無做之後（但準備6月回歸.ᐟ‪‪‪.ᐟ‪‪‪)屯門又出現左一粒拉麵新星 — 道 @washizawak_kitchen_michi - ̗̀‎𖤐佢並唔係一間拉麵店 而係一間晚市主打割烹料理既廚師發辦但對午市限定既拉麵之用心同講究比唔少拉麵店過之而無不及我探訪當日有幸撞正最新改良版本面世( ˶'-'˶)更好彩既係 我地遲多5分鐘到就賣哂啦拉麵暫時只有兩款：雞清湯同雞白湯據說即將會推出濃醬油雞湯ˎ₍•ʚ•₎ˏ◦ 雞清湯拉麵首先欣賞師傅會好似omakase咁上菜時簡單介紹雞清湯用左12小時以上熬製而成係非常清澈既淡麗系湯頭面頭有一層雞油將鮮味再放大一飲的確係清甜但雞味濃 帶淡淡醬油鹹味叉燒用左日本香草雞 佢唔係慢煮雞胸就當叉燒佢用雞腿肉卷起醃製再切片 上菜前火炙逼出油香溏心蛋成粒都好軟嫩又入味 喜歡·͜-◦ 雞白湯拉麵而雞白湯係以大火經6小時煮出黎 再打成泡沫狀入口感覺更creamy更厚身而且骨膠原滿滿 食完個嘴唇都黏黏的(˙𐃷˙)同樣雞味都係天然地濃郁 飲落好舒服兩碗都可以輕鬆飲哂碗湯無負擔～麵條同清湯一樣係偏幼麵 煮得偏硬身一路食落去都唔會太淋～最後想一讚師傅會將麵條梳理好 更顯佢地

其實好期待每次來到這家店環境 餐點 服務 很多元素都令我很喜歡推出限定 特意中午時候避開人潮到來赤蝦米雞白湯拉麵依舊雞白湯做湯底 質地偏濃呈現奶白色混合蝦油 帶淡淡的蝦香時令小型赤米蝦 本身具有甜甜的蝦香蝦頭蝦殼炒香 加蝦身肉弄成肉球類似肉碎質地 有層次的蝦肉 帶點彈性配上幼麵 清爽感覺加倍配料中蔥絲都爽脆 味玉少許滷過 味道不算濃就算湯底偏厚都帶出清爽感就算海老類 都是淡妝的感覺期待下次的限定過幾日希望仲有望食多轉 我要流心蛋蛋病左都要沖入黎食 盲撐你哋

屯門新墟已經來了好幾次 都是因為拉麵這個地方好像和拉麵結下緣份主打廚師發辦 午餐時分推出拉麵雞白湯拉麵泡沫有少許保溫作用 油脂融化在湯表面浮現淡淡的奶泡 嚐出奶香味濃郁膠質才產生這種奶泡感麵條是黃麵 正常粗度 掛湯力弱 雞清湯拉麵湯底清澈可見 透徹著麵條醬油香微淡融合於湯內雞湯略帶醬油的鹹度 屬淡麗人家配搭細幼麵 和湯底挺搭雞肉叉燒自家製 後用火槍燒燙表面肉質挺嫩 卷雞的形狀 有少許雞油香味玉雖然偏熟 但嚐到濃郁的蛋香 喜愛麵條都會梳順 師傅很有耐心去整理

【下篇】燒穴子（海鰻），比一般鰻魚油脂量低，口感較輕盈，薄、香、脆，澆上青檸更能勾起鮮香；旁邊嘅長芋同芽蔥更係畫龍點晴，酸溜的滋味一解之前嘅肉膩，迎接接下來嘅菜式。即燒茄子，感受到茄子係有挑選過，稔軟無渣；表面澆上師傅特製雞肉味噌，甜香惹味，感覺似係道加入中華風味嘅新派日菜，食出魚香茄子嘅感覺，青出於藍又更勝於藍。掌心大嘅鮑魚，助手話嚟自北海道，但感覺更似南非鮑；無一般鮑魚咁重味，入口較清爽，先吃肉再吃肝，獨特嘅鮑香於口中蕩漾。特別欣賞每幾道濃味菜中場會加入一道帶酸嘅涼菜一解口中殘留嘅餘味。下一波為炸物：鰻魚 – 粉皮薄，口感鬆脆，蘸上海苔鹽，苔香使鰻魚味道更豐富。炸花竹蝦頭 – 能嘗到蝦頭膏嘅鮮，蝦殼炸得如薄片香脆。炸蝦 – 不愧為店招牌，蝦肉爽彈，非常新鮮，鮮甜味非常鮮明，正。炸沙甸 – 較濃味嘅一款，如肝臟嘅綿軟口感，以香葉包裹平衡獨有嘅魚味，中意食濃味魚嘅會欣賞。時蔬 - 日本紅薯、南瓜 細綿香甜；蘆筍脆嫩、甜味從中心釋出，同外國蘆筍好大分別，喜出望外。蟹飯拌入蟹膏蟹肉，調味恰到好處，酸中帶咸香，可惜真係食得太飽，食唔哂。日本珍珠蜆湯，清淡、不掩蓋蜆肉嘅鮮，中意濃味湯水嘅朋友話

【上篇】經朋友介紹下預約晚膳，餐廳由一位目測近七十嘅老師傅一手經營。約八百呎嘅舖面，裝修擺位精密而不覺狹小，反而有一種家居親切感；助手及樓面各一，樓面事先提及餐廳晚市只做一輪，$1600 另加一，用餐時間至少耗時三至四小時，六點開門，但最早七點半一同開始。七點三抵達，店員會先介紹酒水menu，等客人可以邊飲邊等；直至人客到齊，八點幾終於開始。以海膽茶碗蒸開展今日嘅晚宴，平常多以涼菜開首，添上冰凍海膽剛好令溫度平衡，唔會對胃部產生刺激；蒸蛋外表平和，內裡的配料卻非常豐富，冬菇、雞肉、蟹柳，再加上鮮甜海膽頓時生色不小。長芋削絲，與師傅自製酸汁、海苔、蔥花、山葵、順菜拌勻，入口酸甜黏滑，可口順喉，咕嚕一口嚥下，清涼感從下往上透徹心靡。來自長崎嘅生蠔，雖然肉較薄削、但肉質爽脆，口感清爽，頗適合作為開胃菜。刺身環節 —— 店員先介紹今日入手嘅食材，其中就包含來自鮪魚捕擭量居冠嘅和歌山嘅鮪魚。經燒製過嘅鰹魚，隱隱帶有一陣熏香，外焦內生、鮮明嘅色澤對比激起食慾；厚切結實質感配以醬油蘿蔔蓉提鮮，相當惹味。鯖魚刺身 生食絲毫不腥，入口脆嫩，與蔥蓉同食更鮮更香。兩種不同嘅海膽，雖然份量較少，但冰冰涼涼嘅軟

第5波疫情之前已想bk 但好難bk 第5波疫情下 易左好多好多 bk左午餐omakase 每人$1200再加一 埋單2人$2640 懷着期待的心情而去 但失望而回 本身知Menu係冇壽司 有天婦羅 五件天婦羅入邊有三件都係蔬菜 一件日本蕃薯 一件係一條日本葱 一件係蒜葱 ⋯⋯⋯⋯⋯⋯⋯⋯超無言 雖然炸左嘅日本蔥係好食 但千二蚊冇理由食呢啲野掛 今餐完全冇生蠔冇海膽 係失望的 因為個蔬菜天婦羅關係 唔會再有下次 值得一讚係佢嘅甜品 自家製抹茶牛奶布甸 好食 但佢嘅白桃雪芭就一般 比較甜 環境方面 舒服的 廁所方面 十分衛生

10月book定boxing day食既呢餐omakase，整體好味既，但係坐足4個鐘就真係大扣分，中間好多位都係等，雖然師傅好nice全程同食客乾杯左幾次，但始終溝通唔到爭d，介紹食法就有3位助廚/侍應，但見到佢哋咁忙都冇乜空間交流，少左d食omakase既精華🙊---🔸深海池魚左邊係背脊，右邊氣魚腩，先食背脊，後食魚腩，多啲油脂，可配辣葉~-🔸醋鯖花魚不用點汁已很入味😋-🔸藍鰭吞拿中拖羅可以配紫色紫蘇花，食完魚可用紫蘇葉包蘿蔔絲點豉油wasabi，清喉嚨😋-🔸北海道喜知次手釣，好鮮甜，勁滑，最好食既日式煮魚🤤骨都lun到一乾二淨🤣-🔸鰤魚，即野生巨型油甘魚當造 ，有油香鮮味，做汁燒迫啲相出嚟，配日本芋頭仔，口感黏囉，再食薑芽(食白色部分)&柚子容清喉~-🔸天婦羅🗨️6舊野食成個幾兩個鐘🥱🔹花竹蝦，長崎活車海老唔洗水養，用紙箱放木糠乾養，方便運輸😆重蝦味，鮮甜，介紹時生猛到自己跳左落鑊😂😂😂高溫快炸所以呈半生熟狀態，點白色海鹽，建議即食，後食蝦頭，好好鮮甜香脆😋🔹來自橫濱嘅海鰻師傅建議用手將抹茶海鹽均勻灑在炸物，淡淡的，沈多d鹽都仲得🤣🔹鹿兒島蕃薯 本身已經有調味，第一啖就咁食，第二啖

人稱負評王的我頭一次認為值得寫一篇正評。日本餐廳開到成行成市，卻質素參差，以師父發板為賣點的近年亦越開越多，惜很多毛還沒長齊的所謂"師父"也來分一杯羹，相信各位早已中伏不少，沒中過的話可參考我過往的食評。保證你身同感受。閒話至此，先入正題，此餐聽由日本老廚師主理，聽說早年原在尖沙咀已有不少棒場客，舊店結業數年後今再戰屯門，各路食家聞訊湧至，目前訂座已經要排到明年二月，口碑可想而知，由於是OMAKASE，每天的菜式都會因應季節及食材而產生變化，如你現在才預訂，想必跟我吃到的會有大不同。此店有別於其他OMAKASE，它的菜單提供刺身及熟食各佔一半，不像其他所謂的OMAKASE，隨便端幾片刺身壽師給你就草草了事，盡快要你吃完做下一輪生意，"道"是刺身及熟食各佔一半。刺身每天飛機到港，新鮮是必然的，卻，驚喜在於其熟食也是非常驚豔，有如在日本品嘗懷石料理。體會到師父想用理料帶出日本的最高精神 - "道"。日本人有很多"道"，如茶道、花道，甚至戰車道，但，"道"的最終理想是於此道上的精神及技藝昇華到極至。 "道"提供了兩個價錢選擇，差別在於食材及多3-4個菜，是次選了較為便宜的試試水溫，一試才知性

為左吃..可以去到幾盡..難得book到台..就算打風都風雨不改咁去到屯門吃「道」店鋪位置不多..得12個位度..師傅可以好專心咁招待每一位..唔好以為成晚無壽司既omakase吃唔飽…由7點吃到11點…好似係Omakase版既fine dining咁…飽到😅到食物啦，總體每樣都滿意，美中不足拖羅有d筋咯竟然！不過唔緊要既..其他彌補番..個白子好正吖..都少地方吃到..個蠔勁creamy..三頭鮑魚好鮮甜..天婦羅既蕃薯好吃..反而成晚我最鍾意係帶子漬物師傅自制既酸湯…成碗飲曬.好想再添..加埋拖羅蓉飯..甜品..😍😍😍😍師傅人又得意😍😍如果唔係咁遠..我應該會成日嚟