逸東軒

营业中

休息中

推薦帶子燒賣，帶子腸粉😋😋😋😋依家前同質素嚟講，性價比好好用餐體驗良好 枱同枱之間有空間感 本身諗住好難訂枱，可能係平日關係 經網上平台，一訂就成功下次再帶小朋友過嚟一齊食🥰🥰

超鍾意食點心既我，試過好多唔同酒店嘅點心一直好想食逸東軒，終於有機會去食今次係lunch時間去食雖然地點唔算好方便，但絕對值得一去👍🏻鮑魚酥好有驚喜，食完一隻仲想食多一隻叉燒包，好鬆軟好好食菜苗餃，蘿蔔絲酥都好好食反而對腸粉嘅興趣不太大整體而言所有食物都好滿意完全配得上米芝蓮一星餐廳但係唔知係唔係侍應嘅心情好似有啲差服務態度一般，好有茶餐廳嘅感覺雖然服務態度好差，但係都唔影響我嘅食慾，哈哈價錢唔貴，食物質素好好超好食嘅點心，一定會再去食

疫情後第一次光顧這餐廳，雖然從前經常有來，但還是有期待的，始終三年沒來過。午飯訂枱要分三時段，十一點，十二點四十五分和二點半，用餐時間一個半小時。坐下，因數年沒用貴賓卡，所以詢問穿黑色制服戴眼鏡男服務員是否大餐牌的食物才有折扣，態度漫不經意的點點頭。看點心餐牌時問多拿一份以便和友人同時參考，又是有點不太情願地拿過來。還有二十分鐘用餐時間，穿黑西裝高瘦男部長過來要問不要叫甜品，我說需要(十分鐘前我們已問拿了甜品餐牌)，便開始看有什麼選擇(也有十多種冷和熱的)，準備和友人商量想吃什麼。但這黑衣人就一直站在我身旁不願離開，一副'唔該你快啲啦，夠鐘喇'的模樣，就是要給你一點壓力快做決定。到埋單時，黑衣部長拿單過來，我問做了折扣沒有，他不耐煩地說沒有信用卡優惠。我解釋說是貴賓卡，他便說如果你有卡便幫你做可以做的優惠，態度一直冷漠輕佻。坦白說，此餐廳雖然是米芝蓮一星，但其實沒啥特別，價錢也相對比較昂貴，加上這級數的服務，對不起，我再幫襯的興趣真的不大。

朋友生日話想試逸東軒，於是訂左晚飯，星期四晚都幾多人食。 我都係第一次嚟，有新野試好雀躍😁我地叫左片皮鴨，叉燒併燒腩， 蝦膏唐生菜膽， 粉絲蟶子煲， 黃金炸豆腐，咕嚕肉，炒飯， 最後馬拉糕做甜品。 平時唔食菜既我，覺得唐生菜膽好好食💯可惜唔記得影相。食之前唔知原來係米芝蓮餐廳， 個人口味唔同，我只可以話不過不失，不過招牌菜蜜汁叉燒係好食既。下次有機會再試下佢地既點心， 似乎出名d.

本身都食過米之蓮餐廳，今次試下呢間中餐，叫左一個四人套餐，頭幾樣都尚算正常，其中有炸蠔同鮑魚，但最後炸雞同荷葉飯就只係酒樓級數，甜品擺盤亦是一盤，服務態度亦是一般，價錢就比酒樓貴三四倍，有少少失望

唔知我多講，大家都知逸東軒有幾出名❤️已經連續6年榮獲米芝蓮一星😎咁啱我係HSBC Restaurant Week見到有逸東軒DINNER SET🤣我就即時衝去訂位，終於都比我食到啦🙈✨優惠去到1/10/2023就完，大家都可以留意下有咩餐廳想食😍 ✨Dinner Set $498 - 燒味一品😋包括有招牌蜜汁叉燒🐷、脆皮素鵝、蒜泥拍青瓜🥒青瓜爽脆清甜，加埋蒜泥一齊食好香口😌脆皮素鵝炸得好香脆，內面包埋冬菇、紅蘿蔔增加口感🥰半肥瘦叉燒肉汁好足夠🐷，肉質軟腍，入口即溶，果然係招牌👍🏻 - 海皇豆腐羹🥣大量豆腐、蝦肉而成既羹🦐味道清淡，入口舒服，唔會有果種羹好厚重感🤤 - 豉油王蝦球🦐雖然聽落去好似好普通，但呢道菜有驚喜😍以煎炸方式處理蝦球，每一啖都食到彈牙新鮮蝦🍤加上外酥內嫩既蝦球都沾滿左豉油，提鮮一流😳 - 鮑汁花菇扣柚皮平時係坊間都好少中菜館用柚皮做菜，因為處理過程費時🙈柚皮煮得十分軟淋，好似有纖維感既薯蓉🤞花菇厚實肥大，吸收曬鮑汁精華😼鮑汁味道做得比較清淡，就算直接飲我都覺得👌 (當然我冇咁做到HAHA) - 花雕醉雞🐔雞肉帶有微微花雕酒香，肉質嫩滑😎但我覺得脂肪較多，份量偏少，有啲

話晒逸東軒都係米芝蓮一星，所以今年就諗住試吓佢嘅月餅，買了三盒逸月薈萃，$348一盒，買了$1044，裏面有六件迷你裝月餅，差唔多$70一隻，諗住自已食一盒，另外兩盒送人，今日滿心歡喜去拎月餅。回家一拎出嚟睇，嘩好大浸甲醛味，應該來自個木盒嘅油漆，即刻好驚囉，話晒都食落口。話晒米芝蓮一星，竟然咁小嘅細節都可以忽視，木盒裝嘅月餅之前都試過其他店，但從來冇試過會有甲醛味，太令人失望啦，而家都唔知啲月餅食唔食好。

偶爾在網上看到，打算試一下。價格真是太親民了！簡直是米芝蓮美食入門🫶🏻.「港幣$38+堂食手工點心於午市時段供應，並推出全新手工點心，包括合桃叉燒酥、蘿蔔絲酥餅及原隻鮑魚雞粒酥等超過30款點心選擇 ⋯」 — 取自官方網站.大家先睇睇圖片🤠環境衛生： 10/10 （在乾淨的環境下吃飯，闊落不擠迫，實在是太棒的體驗了）茶介包小碟 豆瓣醬， 如果想要更高級的茶也可以點。😋食物質素： 8.5/10 （最推薦鮑魚雞粒酥、流沙酥、椒鹽九肚魚；同場看到很多人點雪山叉燒包，下次也可以試一下！）😀服務態度： 10/10（完美的服務！）😗 性價比：9/10 （美好的體驗，好吃的午餐，不貴的價錢）🙂 餐後滿足感：9/10 （第一次去，是很推薦午市，下次想要在晚市吃片皮雞😋 ）

我最近去試咗佢哋嘅點心，逸東軒嘅點心選擇非常豐富。特別推介佢哋鮑魚酥，酥皮的質地輕盈脆脆的，吃起來不會過於油膩，而且保持了鮑魚的鮮美口感，鮑魚的風味和酥皮的口感相互襯托，絕對令人驚艷。另外叫左燒味雙拼，脆皮燒肉同叉燒都非常出色，肉質嫩滑多汁，外表帶有微微的焦香，瘦肉和油花分佈平均，有淡淡的甜味，讓人回味無窮。至於片皮雞兩食是他們的招牌菜之一，絕對值得一試。皮薄脆而不膩，色澤金黃誘人。一口咬下，皮脆肉嫩，雞肉鮮美多汁。整體而言，逸東軒嘅午市點心質素高，味道出色。服務態度友善，環境舒適。不過，由於逸東軒係一間熱門餐廳，中午時間人潮較多，最好提前預約。如果你鍾意傳統正宗嘅午市點心，逸東軒絕對係一個不容錯過嘅選擇！

1:星期日訂兩位飲茶，一張長枱，兩組客人，枱頭 兩位，台尾兩位，中間有兩個吉位，當作兩張枱 兩台客，和搭枱沒分別。(訂位只是給你一個位置 坐)失望2:坐下頭頂被冷氣風口吹正，向侍應提出，可否調節 一下，不要太大風，回覆中央冷氣，控制不了， 你地調一下位置坐，兩個人對坐，變排排坐，侍 應還要告知，原先的位置是放圓枱，現改了放長 枱。(無奈)2:酥皮义燒焗餐包~微暖(不是即焗)沒香味。 荀尖鮮蝦餃~上枱呆左，蝦餃皮破爛，一夾皮饀分 離。(蒸左好耐) 咸水角~皮厚又硬(似微波爐叮完再叮)。 春風得意腸~好似擺左好耐。 香荽牛肉球~墊底係金姑碎，牛肉無味，沒香荽味 (這款要等，夠熱，但無味)。已連續數個星期日，兩老去品嚐各米芝蓮的中式酒樓飲茶吃點心，這一間令人失望和無奈。

同朋友食飯又揀左呢間嘅weekday點心menu。食過兩次都依然咁有水準，暫時都唔覺得有邊樣伏。今次總共叫左6樣野😋筍尖鮮蝦餃、帶子蒸燒賣：皮薄餡靚就一定架啦。仲要38蚊一籠4件，簡直係超值！👍蒜茸鮮蝦春卷、春風得意脆皮腸粉：兩樣都唔膩，都有好彈牙嘅蝦肉🦐腸粉皮好薄，亦唔會整到春卷淋左，仲係非常脆口香荽牛肉球：今次叫埋個牛肉球試下。特別嘅係佢d 牛肉球比起出面嘅彈牙！🐮大推⭐️原隻鮑魚雞粒酥：鮑魚超腍，明顯用長時間炆過。鮑魚下面嘅係好脆口嘅雞粒酥，兩part個味好夾，一口咬落去可以同時食到鮑魚同個酥嘅香味溶為一體。雞粒餡個味有少少冬菇帶出個鮮味😋一直覺得佢餐廳環境舒適又雅致，服務人員都好細心，上菜時啲嘢食係夠熱，都係加分位。對我黎講係性價比好高！

連續多年嘅米芝蓮，一直都好想試，終於今日去左試！首先服務同埋環境都唔錯👍野食方面，蝦餃好味！皮薄多餡，不過有2隻串左皮，都可以接受既！炒腸粉同埋酥皮流沙包都好食🤤仲有叫咗蝦筒、灌湯餃同埋小籠包，味道都可以，但係未好大驚喜！

Eaton 逸東軒相信唔少朋友都食過 水準都頗穩定 2017年起已經榮獲米芝蓮一星🌟  砂鍋系列嘅菜式見枱枱都叫 香氣四溢☺️ 今次叫咗砂鍋薑蒽焗生蠔🦪 生蠔肥美 脆邊😋  燒味都十分出色 叉燒肥瘦均勻 燒肉化皮肉質彈牙😙 燒到脹卜卜嘅片皮鴨都見好多人叫 另外今次試咗鮮沙薑陳皮生煎雞 不過唔係好食到陳皮味 餐牌菜式選擇多 一定會再嚟😬  📸 1️⃣ 馳名燒味雙輝(蜜汁叉燒/脆皮燒腩仔) ($398) 2️⃣ 砂鍋薑蒽焗生蠔 ($308) 3️⃣ 蜜餞脆鱔 ($228) 4️⃣ 鮮沙薑陳皮生煎雞 ($298/半隻) 5️⃣ 芥未雲耳海蜇頭 ($138) 6️⃣ 鮑汁瑤柱荷葉飯 ($238)

A Flavorful Journey at Yat Tung Heen Hong Kong  ;     Hong Kong's culinary scene at Yat Tung Heen, a haven that celebrates the rich flavors of Chinese cuisine. With a menu that pays homage to traditional favorites and introduces innovative twists, this restaurant promises a delightful dining experience that embraces the essence of Chinese culinary heritage. Barbecued Pork with Honey Sauce  ;   The Barbecued Pork with Honey Sauce was a succulent indulgence that highlighted the mastery of Chinese

我昨天和家人一起來到佐敦的逸東軒飲茶，這家餐廳是一星米芝連餐廳，而且正好碰上了餐廳週，他們提供了優惠的午市套餐，我們當然抓緊機會來一嚐。首先，我們品嚐了江南美點的三道招牌點心。帶子蒸燒賣，這個鮮嫩多汁的帶子蒸燒賣可不是蓋的！每一口都散發著鮮美的海鮮風味，與燒賣皮的軟滑口感完美結合。燕窩瑶柱菜苗餃，這款菜苗餃真是別有一番風味，燕窩和瑤柱的組合在口中綻放出豐富的滋味。蒜蓉鮮蝦春卷，這道春卷不僅外皮酥脆金黃，內餡的鮮蝦與蒜蓉的香氣相互輝映，咬下去時的口感簡直令人陶醉。接下來是百花煎釀玉帶子，這道菜真是讓人驚艷！煎炸後的玉帶子變得外酥內嫩，而裡面的豐富海鮮餡料更是增添了層次感和美味。不得不說，這道菜的賣相和口感都是一級棒！我們還品嚐了芙蓉蛋白龍脷球，這個蓬鬆的芙蓉蛋白真是天衣無縫地包裹住了香嫩的龍脷球，入口後的細緻口感令人愉悅。當然還有油鹽水浸時蔬，這道時蔬保留了蔬菜的鮮甜口感，簡單的油鹽水浸泡卻能讓蔬菜散發出濃郁的風味，非常清爽可口。蒜香叉燒粒炒飯，這道炒飯的叉燒肉粒粒分明，每一口都帶來濃郁的叉燒香氣，再加上蒜香的調味，簡直是美味的代名詞！作為甜點，香滑豆腐花和馬拉糕都沒讓我們失望。豆腐花綿