逸東軒

营业中

休息中

呢間餐廳連續3年都拎左米芝蓮一星，今日就同幾個朋友來飲茶先。環境清優，枱與枱之間都隔得幾開，而家都好大下。蝦餃同燒賣：每次飲茶必叫既2樣點心，蝦餃皮簿，蝦肉很彈牙，而燒賣睇賣相白色甘，以為係魚肉燒賣，其實白色個層係帶子來架，味道就比平時既燒賣清d｡叉燒焗餐包：呢個叉燒包唔似平時焗既色，而係白色架，同埋唔係好大個，可以試更多點心，入面既叉燒唔會太鹹，配合埋餐包一齊食。好夾😁蒜蓉鮮蝦春卷：新鮮炸起，好脆，但就食唔到蒜蓉味。

慶祝首選梗係黃店啦，想試逸東軒既點心好耐，有個美麗既藉口喇☺️明明係平日既下午，雖然Book咗但都要等陣，全場full咗9成😳，可能因為佢仲做緊米芝連$38點心優惠·我哋係2人限聚令去食，所以坐得好舒服，枱同枱本身都唔算近，而家每枱坐2個感覺更闊👍🏼·2個人叫咗6個點心🤤🤤•香麻叉燒酥。好有驚喜，外脆內鬆軟，而且d叉燒都好好味，必食👍🏼•帶子蒸燒賣。成粒帶子係頂，入面仲有蝦，d蝦好彈牙，好味•脆皮流沙包。外皮感覺好似炸曼頭，但又唔會好油，入面有熱辣辣既奶皇流出嚟🤤🤤•筍尖鮮蝦餃。個皮都幾薄，入面仲有大大隻鮮蝦，彈牙好味•逸東小籠包。小籠包就正常，都多汁•香葱鮮蝦腸粉。皮唔會厚，一樣用好彈牙既鮮蝦👍🏼·有優惠去試真係好抵食👍🏼2個人計埋茶錢加一都係$340左右

聞名已久的逸東軒想食好耐，終於趁週年紀念去試吓，好彩朋友提醒要book位，朝早10點打去，已經得返12:30同埋2:30有位。朋友話逸東酒店無停車場(無FC)，比較近嘅停車場係油麻地多層停車場，不過去到年底就拆了😭到時可以泊邊去逸東😭講返餐廳，都用咗少少時間搵逸東軒入口，開頭以為門口係彌敦道，但原來唔係，要轉入傍邊的小路先係逸東軒入口，入到去搭𨋢落底層，唔好學我行樓梯😂轉極都未到嘅？餐廳環境好靚裝修係中國風，燈光比較暗但人好多，但又唔會好嘈。坐位舒適而且枱與枱中間非常闊，傾計都唔會怕隔離枱聽到。Waiter態度非常好，有禮之餘反應好快。一坐低覺得好凍，問waiter拎披肩佢極速就攞咗俾我先再做其他嘢，好貼心！當我地想貼糯米雞，waiter哥哥都詳細咁解釋佢地嘅糯米雞同傳統唔一樣，係煎嘅。唔想食煎嘢嘅我就改變主要了，好彩佢提一提。另外加水亦非常勤快主動，服務真的好令人滿意。食物質素好高，金沙脆豆腐非常驚喜，表面炸到脆卜卜的外層配上炸蒜，極之香口。一入口，裡面的豆腐好滑好似豆腐花咁，入口即溶，同外層脆口形成強烈對比！非常好食！推介！筍尖鮮蝦餃屬正常水平，皮不算太薄但也不算太厚，餡料豐富蝦仁

早一個星期打電話訂枱，早上11點去到都算多人等緊入去，入到去環境都大，枱同枱之間都隔得遠，所以感覺幾好，而且我地有梳化位坐，幾舒服酥皮叉燒焗餐包：見好多人推薦呢個，所以我地都叫嚟食！真係好好食！外脆內軟，甜甜地好食帶子蒸燒賣：唔錯！大大粒香蔥鮮蝦腸粉：正常水準，蝦都大粒脆皮流沙包：皮夠脆，我嗰舊真係有流沙，食嗰陣要小心，不過另一舊就冇咁流瑤桂帶子菜苗餃：唔錯，不過一夾就會漏汁，要小心我地3個人叫5樣嘢都已經夠飽，埋單三百零蚊，比想像中平不過感覺有少少催

早排試左呢間拎過米芝蓮一星嘅酒樓，雖然假日無$38優惠，但都一早爆滿，即日book要到下午茶時間先有位。由於係酒店餐廳，裝修都幾有氣派，枱與枱之間夠晒寬闊，坐得好舒服，茶壺座內有蠟燭keep住加熱，呢點抵讚。 🍽明爐蜜汁叉燒好多人推薦呢度嘅叉燒，價錢唔平但份量幾多，舊舊厚切，半肥瘦，邊位燒到焦脆，肉質鬆化，果然名不虛傳，不過有幾舊都幾多筋。🍽春風得意脆皮腸粉腸粉皮晶瑩透薄，夾起時唔會出現甩皮甩骨嘅情況，春卷擺左一陣仲脆，包住爽口大蝦，好食。 🍽XO醬炒蘿蔔糕整法同椒鹽豆腐有d似，蘿蔔糕細細粒好易入口，略嫌XO醬唔夠味。 🍽帶子蒸燒賣豬肉燒賣加埋帶子啖啖肉，用料新鮮。 🍽鮑汁鮮竹卷個醬汁太杰，餡料偏少，呢個麻麻地。🍽黃耳上素粉果薄薄嘅外皮包住黃耳、香菇同沙葛粒，清甜爽口。🍽蜂巢海鮮芋角整芋角好考功夫，而家唔係間間酒樓都做。呢度嘅蜂巢外層炸得酥脆，芋泥餡滿滿，而且質地幼滑，唔錯。🍽蝦醬牛崧炒飯(唔記得影添）雖然蝦醬味唔太明顯，但個飯底真係做到粒粒分明，連腌尖嘅阿爸都讚不絕口。

疫情下好耐冇同媽咪去飲茶，哩嗰星期開始限聚令改咗四人咁就約媽咪同家姐去試吓呢間米芝連一星啦。三個人叫左六個點心,雪山酥皮叉燒餐包好好食，叉燒腸粉皮薄餡靚,鳳爪好食，鹹水角一般,蝦餃好食,XO醬炒蘿白糕都係一般，店內工作人員服務好好而且枱與枱之間分隔好開，食得安心，唯一要改善嘅係reception 小姐如果有笑容客人第一感覺會開心D囉，唔係投訴係比D意見啫。埋單三個人六個點心500幾蚊😊

集團越大、地位越高，很多時候總會身不由己，避免招是非，甚至有些會見利忘義，不用說要盡公義的責任。難得逸東酒店在香港最艱難的時候，仍然無懼地在酒店外牆登出 “What does your revolution look like?” 的黑底白字海報，就算當初是無心插柳也好，仍能夠不避嫌地堅持下去。其後亦在政府魯莽地全面禁晚市堂食時，嘗試為辛勞的夜班「打工仔」提供一個「有瓦遮頭」的地方，不單單只是盡社會責任這樣簡單了。$38起可以吃到米芝蓮星級點心，而且這價錢還有十數款選擇，還真的非常多捧場客。吃這餐的時候本是第三波疫情前，還可以多於二人一枱，便早早一個月前安排此餐在難得的平日假期。著筆時剛好放寬二人一枱，看見逸東軒延長了$38起的點心優惠，實在難得，又想再來一趟了。酒店的中菜廳坐得舒適不在話下，這裡古典雅氣的裝潢也很是出色，不流於金銀的俗套。茶會用小小的蠟燭火熱著。我們點的是鐵觀音，綠茶葉清香淡雅而不澀。前菜是玉豆炒豆干，比現成的「頭」更有誠意。先來的竟然是脆皮流沙包，一個個工整地排開，其光滑的油面很是討好。一咬下去就是流心奶皇，鹹甜適中，絕對做到外脆內軟的豐富口感。接著來的是蒸點，相比

好耐冇出街食飯，今日約咗菲姐去飲茶。今次嚟逸東軒。點咗蝦餃同埋小籠包。聽聞呢度嘅叉燒好出名，點埋。好耐冇食過鴻圖窩伊麵，又點埋。小籠包用專屬匙羹盛載，保證唔會穿窿漏汁。好細心呀 🥰叉燒半肥瘦，又淋又滑 👍😋 真係好味到不得了 👍👍👍😋😋😋😍鴻圖伊麵，啲伊麵處理得好好，一啲都唔肥膩，啲湯冇乜油㗎👍 碟蟹肉好大碟呀 😃 但係嗰窩伊麵就相對地細份咗啲喇。兩個人啱啱好 🤣 職員嘅服務態度十分友善，非常醒目。一個小小嘅動作，佢哋已經知道我想點 👍👍👍 真係超級醒目 👍👍👍因為太肚餓，食物一送到，即刻開餐，唔記得相機食先 😛

今日週年紀念，一早訂了同男朋友黎食下午茶，因為男朋友喜歡食點心，我們睇完戲就行過嚟。點知櫃檯小姐話我們無訂，原來之前訂檯的落錯了日子，好彩櫃檯小姐幫我們安排了環境還是一樣好，又寬躺又乾淨又唔迫的感覺；服務也是好，細心有效率的服務$38一個點心真的好抵食，最重要是質素高先點了茶（香片），這邊茶葉質素高，好好飲，唔會苦澀1. 筍尖鮮蝦餃一籠4粒，精緻的，熱熱夾起都唔會爛的皮就知靚嘢，鮮蝦爽口配上爽口筍尖，皮又煙韌彈牙，必點點心！2. 帶子蒸燒賣這個男朋友必點，帶子香彈、配上脹卜卜足料的燒賣3. 蜜汁叉燒腸腸粉滑滑的口感，配上叉燒的口感，叉燒也是逸東軒的主角，所以好味喎；可以自行加豉油的分量4. 薑蔥牛柏葉薑蔥汁好惹味，爽口有咬口的牛柏葉又唔會硬，好入味，我們都大愛5. 豉汁蒸鳳爪入味腍身的鳳爪，好香好滑，必點推介 6. 金沙脆豆腐內軟外脆，脆皮唔會太厚身，熱辣辣的口感，外面更有咸蛋粒的香咸脆口，好好味

質素和價錢均有口皆碑，一直都想來；早前終可在weekdays的休假日前來品嚐。來之前當然先要看看友人的推介啦。最優惠價$38的有23款選擇，其次$48有9款，而$78就只有一款，當然還有一些粉麵飯啦；但一場來到，當然只打算叫點心及小吃啦！共叫了八款：筍尖鮮蝦餃、脆皮流沙包、蜂巢海鮮芋角、香麻叉燒酥、金沙脆豆腐、瑤柱帶子菜苗餃、招牌叉燒腸粉及Xo醬炒蘿蔔榚。蝦餃皮薄、蝦肉鮮爽；流沙包外層酥脆，流心奶皇濃郁香甜；脆豆腐外脆內軟、嫩滑可口；反而最後上的蘿蔔糕及腸粉水準比較一般，可以不點。每枱只限兩人，想吃的記得要預早訂位啦！#想㸃就點#另收加一服務費 #一位難求記得先訂位 #星期一至星期五#午餐時段 #逸東軒 地址: 佐敦彌敦道380號香港逸東酒店B2樓層電話: 27101093

飲茶嘅地方仲要係黃店真係好難得 仲要環境好舒服好靚超好食😋餐廳嘅服務都好好👍🏻 餐廳唔似其他中式酒樓 佢嘅燈完全唔會太光 反而係用比較柔和嘅燈 環境亦都唔太嘈 坐得好舒服 ☺️ 食物方面都認真唔錯 有米芝蓮一星嘅水準! 蜜汁叉燒好厚切 鬆軟得黎邊位又焦脆 好多汁 超級好食😍 帶子燒賣好特別 帶子好鮮味 燒賣入面嘅蝦肉同豬肉嘅令燒賣嘅質感唔錯😋 脆皮流沙包唔同普通嘅包 佢個包煎過所以好香口 出面炸過但入面都仲係流沙🤩瑤柱帶子菜苗餃入面啖啖肉!好足料🥰想再去試埋其他點心😁 There are not many “yellow” Chinese resto out there as far as I know, but this place is definitely one that I would highly recommend to you all! It’s a resto located in a hotel, with excellent environment and amazing food! Unlike typical Chinese restos that use

1. 春風得意腸粉（$38）呢個係蝦春卷外面包左一層腸粉皮，口感好好，蝦十分爽脆，初初以為中間位會好食d，點知原本頭尾先係正野，春卷皮摺位多d，口感係更加好食2. 帶子蒸燒賣（$38）um...呢個失望啦~~話說我係燒賣忠粉，咩燒賣我都有興趣食(除左醃春蛋燒賣)，但同時我又好有要求既。呢個真心not good，明明用靚料，但調味係死鹹，完全浪費晒帶子同蝦呢兩樣食材，食一粒要飲兩杯茶3. 海鮮芋角（$38）芋頭無法抗拒，外層超級酥脆，不過成舊食落會feel到芋蓉有d油，入面聲稱有包海鮮，不過我食唔出係d咩4. 瑤柱菜苗餃（$38）竟然菜苗餃先係我既最愛，個皮好彈牙好好食，入面超多菜，仲要有瑤柱絲同蝦粒，不過呢應該係人手包餡，粒粒既餡都有少少唔同，有粒勁多蝦，有粒又冇蝦但全部都係菜苗。4碟入面得呢碟食到食材鮮味，調味唔死！清淡派必食！5. 菊花（$28/茶位）菊花茶好清香，一定要試，茶位都唔平，但個茶真心值呢個價既

相信大家對逸東軒都唔陌生⭐️真正米豬蓮餐廳🐷🙈非常推介大家去食🙊服務又好👍🏻環境又舒適整體黎講絕對值得一試，因為限聚令同疫情關係，上次去係兩個人坐張四人枱，又闊落又舒服🕺🏼🥳服務好好

早兩天才預約，只有2:30pm 的時間，可坐90分鐘。唯有先吃些輕食啦!安排半圓型的梳化座位，一坐下已很舒服放鬆了。看見餐牌中的$38 點心種類，跟之前其他食評post 的有些不同，例如义燒便沒有優惠價了。於是叫咗兩種有义燒的點心:招牌义燒腸粉，可能是义燒碎，又是卷在腸粉中，义燒無特別軟淋的口感。腸粉皮算薄。蜂巢海鮮芋角，外皮鬆脆，芋蓉滑，但只有芋蓉，其他餡就無乜，吃不出有什麼海鮮在內。酥皮义燒焗餐飽，酥皮鬆化，义燒加醬，配酥皮相當惹味。XO醬炒蘿蔔糕，乾硬的蘿蔔粒，極少量的XO醬，吃了一兩粒便放棄了。瑤柱帶子菜苗餃，新鮮蒸出籠，菜多，味道不錯。帶子蒸燒賣，算是今次點的點心中最好味，橫切半隻帶子放在切肉粒和爽脆的原隻蝦仁上，彈牙又有肉味。雖是最後才吃到，飽飽地也要吃呢！

大鄉里仲未試過喺酒店食中菜/點心，前排知道逸東軒星期一至五10-5點做緊多款點心$38嘅promotion就即刻book位去食😚•🍁 香 麻 叉 燒 酥雖然平時飲茶必食流沙奶黃包，但係由於太想食呢個叉燒酥，所以就放棄咗流沙包😛叉燒酥嘅酥皮厚薄適中，酥皮食落超鬆化，入面嘅蜜汁叉燒餡份量十足，食完會令人好滿足🤤•🍁 蒜 茸 鮮 蝦 春 卷春卷炸得啱啱好，皮薄而脆，春卷皮與蝦肉中間有薄薄一層蒜茸醬，蒜味都幾突出😚•🍁 招 牌 叉 燒 腸 粉腸粉皮好透薄，比坊間嘅叉腸多一點韌性，食落唔會好麵粉，啲叉燒份量又係好多😍•🍁 筍 尖 鮮 蝦 餃鮮蝦大大粒，味道正常，餃皮實淨唔會一夾即散，但略嫌皮偏厚🤔•🍁 帶 子 蒸 燒 賣除咗面頭有薄薄嘅帶子點綴之外，燒賣仲好足料😆•🍁 瑤 柱 帶 子 菜 苗 餃菜苗餃皮比蝦餃薄，而且好透滑，味道靠瑤柱絲嘅咸香帶動😋•🍁 金 沙 脆 豆 腐雖然豆腐平好似好唔抵，但係唔個豆腐好有驚喜🤩薄脆嘅外皮包住嫩滑嘅豆腐，真正做到外脆內軟，加埋淡淡嘅鹹蛋黃味，係必食推介😍•2個人嗌咗7個點心，食完超飽，計埋$28一個茶位，每人$180都唔洗就食到酒店高質嘅點心都算好抵🥰