農

营业中

休息中

《農》可以稱得上係科學園穩世美食既餐廳😋星期六去完朋友新居，之後佢帶我去Farm Restaurant食飯🍛，絕對值得推介。氣鍋雞$78氣鍋雞湯濃郁無比🐣由鮮雞燉制而成，啖啖鮮雞味道😋，雖然份量唔多，但係全部精粹所在。👏🏻火焰叉燒$238半肥瘦叉燒非常有層次🥩上枱後用燒酒點火加熱✨散發酒香，增加香味，非常好味😋。爆汁乳鴿$68名付其實既爆汁乳鴿🐣，肉汁juicy，每啖都充滿肉香，而表皮非常香脆👍🏻。蜑家水果粟$78齋睇名絕對估唔到尼款菜式係避風塘粟米🌽條，甜甜既栗米配搭辣辣既避風塘口味，平衡甜和辣，非常出色。👏🏻烈焰菠蘿炒飯$128非一般菠蘿🍍炒飯，上枱後將外款點火加熱🔥，保持炒飯熱度，十分好味。✨貓山榴槤$42貓山榴槤布甸榴槤味濃郁，啱晒鐘意食榴連既朋友😋，私心推介👏🏻。熊仔芝士蛋糕🍰$38可愛既熊仔布甸配搭芝士蛋糕，大人細路都啱食。✨整體餐廳食物水準非常高👍🏻而且款式有創意，值得推介。

難得一日放早，來到科學園chill下，比呢度一家特色餐廳吸引住，有個「農」字，感覺特別新鮮，給人的感覺好似come from the farm .前菜有很多特色的選擇。😊例如有檸檬鳳爪同埋美極鴨舌，唔係好多地方有得食鴨舌，所以你都特登揀咗鴨舌嚟食，整得好入味。越食越肚餓😂入到黎，好多野都好整齊！坐位好舒服，有卡位雅座。我哋點咗個「求其芥蘭」，我覺得一啲都唔求其，好多薑汁，抽得好夠火喉👍🏼最重要係一啲苦味都冇呀♥️叫咗「鐵板聖子」聖子非常肥美新鮮🫶🏻同埋叫咗火雲叉燒，呢個餸簡直係打卡之選，食得又睇得， 入口啖啖肉 而且非常嫰滑，原來係用黑毛豬肉來做，唔怪得知咁好味😋整得咁出色。烈焰菠蘿炒飯，原個菠蘿上，有火焰的加持，特別零舍好味😳菠蘿肉非常新鮮甜，炒飯粒粒分明，難得一見嘅菠蘿炒飯。出邊好多時都會炒到好濕，呢度唔會👍🏼呢間一定要encore

最近比我發掘到科學園有間主打農家菜既餐廳，仲以特色農家菜同玩味點心為人氣菜式，見到都心郁郁想去試下🤤爆汁乳鴿外脆內軟，咬落爆哂汁好juicy💦美極鴨舌+檸檬鳳爪鴨舌：帶點咸香之餘好爽口，真係食到停唔到口😋鳳爪：清新既檸檬配涼浸浸既口感，好開胃🤩田園盆栽好有創意😍盆栽上有蕃薯、南瓜同啤梨，每款都各有不同，蕃薯外皮係用左酥皮，內裏仲分左兩層，有紫薯同蕃薯蓉🍠南瓜係炸芝士，而啤梨係炸奶黃，兩款外皮香脆之餘仲好美味😙盆栽上既泥土就係Oreo 餅碎，咸咸甜甜好正❤️燉湯 - 氣鍋雞估唔到燉湯會用茶壺載裝🫖好特別，入面既椰子雞湯好濃郁鮮甜，飲落仲唔油膩添，值得一試👍🏻火雲叉燒上菜時店員會點火🔥將叉燒燒得香口啲，叉燒外脆內軟，仲要係半肥瘦tim🤤再配埋豬油好邪惡😈 蜑家水果粟類似避風塘既做法，辣嘅程度比想像中高，但好惹味香口😝粟米已切左一小舊，食落幾甜同好juicy，越食越停唔到口🤭避風塘軟殼蟹軟殼蟹夠哂惹味，外脆內滑，少少辣帶出地道風味，十分推介👍🏻👍🏻烈焰菠蘿炒飯用火燒燒成個菠蘿好有啄頭，一打開好香菠蘿味🍍入面既瑤柱菠蘿蛋白炒飯炒得幾乾身，再配埋酸甜既菠蘿粒，好有口感🤤 熊仔藍莓芝士蛋糕熊仔好Q好

科學園呢間摩登農家菜做緊開業1️⃣週年優惠，所以同幾個同事過黎嘆下新派口味，餐廳廚師團隊係由曾經奪星既利苑酒家出身，再融合Farm to table概念，有唔少食材都係由本地生產直送🤗就算今日落大雨都好方便，不過就冇得試下户外位置，享受人工湖邊美景🏞門面就係英文名Farm Restaurant，裝修都比較繽紛，採取咗唔少本土文化元素，例如階磚紋印紙同埋像素風壁畫等等，最吸晴既係下午茶三層架上面既可愛造型包點😍主要係用QR Code落單📱午市就梗係有點心、小菜、涼菜、燒味同甜品等等，款式方面好全面，而且唔少都係有獨創特色.陳醋雲耳 $48 8/10開胃涼菜既陳醋酸度十足，口感比木耳薄，食落更加爽脆🤣.滷水豆腐 $42 7/10另一款開胃菜，滷得幾入味又唔會過鹹，仲可以保留到豆香😉🐦爆汁乳鴿 $68 8/10用咗精心培育既自家穀飼BB鴿，每隻乳鴿燒之前都要先用滷水入味，呢度既重點就係用咗本地百年品牌廖孖記既腐乳皇同十幾種藥材粉去熬製，食落肉質特別嫩滑仲帶些許藥材香😊外皮唔算脆，不過入面肉汁就滿瀉咁正🎍田園盤栽 $48 7.5/10像真度十足既盤栽，Orea餅碎泥土上面有用本地食材整既南瓜角、紫

朋友搬咗去科學園嗰邊，呢日去探佢，佢帶我去咗呢間新式嘅粵菜餐廳食dinner。餐廳嘅環境幾好。我哋點咗好多嘢食，首先係一個小食雙拼，優檸檬鳳爪同埋滷水豆腐。檸檬鳳爪酸酸地，好開胃。滷水豆腐都幾入味。嚟呢度當然要食佢嘅招牌乳鴿，乳鴿皮脆肉嫩，正。呢個火雲叉燒非常特別，上菜嘅時候，侍應會喺叉燒下面點火，將啲叉燒燒到更香，而且亦都好啱打卡。呢個肉骨茶幾特別，佢係裝係茶壺入面，倒入茶杯細細啖咁樣飲。蝦仔小蠔幾香口。蔬菜方面，點咗田園炒花青苗。鍾意食好蠔我哋仲點埋艇仔泡飯，入面有好多蠔仔，好豐富。呢個點心整成盆栽咁嘅樣，煙煙韌韌，又靚又好食。仲有好可愛嘅甜品。

平日都好少會入嚟科學園，今日入到嚟就試咗一間好特別既中菜餐廳，菜式全部都好精緻極具創意餐廳室外既環境好悠閒，好適合一家人放假嚟食個飯但剛好今日晚餐時間嚟到，而且落大雨，欣賞唔到呢到室外咁舒服既景色不過好彩室內亦都有富有中國特色的壁畫，配合呢間咁有質素既粵菜餐廳▪️檸檬鳳爪作為前菜，呢道菜係絕對發揮到佢既作用好清新既檸檬配以涼涼地既口感，係開胃之選🍋▪️美極鴨舌份量作為前菜嚟講都算幾豐富，帶點咸香既鴨舌令人停唔到口▪️燉湯-氣鍋雞上菜嘅時候見到呢個茶壺，真係有啲聯想唔到原來入邊係呢個咁濃郁嘅雞湯濃濃嘅雞味而不油膩，係今餐最出色嘅小菜之一▪️乳鴿一開二嘅香噴噴乳鴿，味道鮮嫩可口，值得一試▪️火雲叉燒絕對係打卡必備小菜上菜時配以鐵板，利用火焰將叉燒既香味帶出，同時亦燒出叉燒既香甜▪️農仔荷葉飯呢個荷葉飯上菜時覺得非常之香 絕對係驚喜之作 入邊嘅鮮蝦同雞肉份量好夠 值得推介嘅抵食之選▪️避風塘軟殼蟹惹味、香脆既避風塘軟殼蟹都算係今晚所食小菜當中較為難忘既一道，脆炸既軟殼蟹外脆內滑，少少辣帶出地道風味▪️求其芥蘭不過不失既小菜，份量一啲唔求其▪️田園盆栽鴛鴦酥薯：芋泥蛋黃餡南瓜角：南瓜吉士餡拉絲啤梨

咁岩去左白石角探朋友，諗住食埋晚餐先番屋企，之後朋友就介紹左農俾我地試下特色中菜，果然係無介紹錯。首先一入餐廳，環境係新派中菜的格局，播著耳熟能詳的華語歌曲，感覺已經唔錯，不過估唔到食物先令我地覺得有驚喜!首先前菜揀左檸檬鳳爪同埋滷水豆腐，前者係無骨鳳爪，所以食落比較方便，另外加左醋加檸檬，味道比較清新，係一道開胃的前菜。至於後者望落好似其貌不揚，不過豆腐都餣得入味而滷水汁唔會死鹹，同時都夠晒滑嫰。至於炸乳鴿都炸得唔錯，至少夠晒油分而肉唔會過鞋。之後就黎田園盤裁，呢道菜一上枱已經充滿驚喜，當中其實有三款前菜，其中一款係扮蕃薯，為求營造迫真效果，所以佢特登用上類似平時食開皮蛋酥的皮，內裏的餡再分為兩層，包括味道比較濃郁的紫薯以及入口質感比較滑的蕃薯蓉，無論造型同埋味道的細緻程度都做得好好。至於其餘兩款係炸芝士同埋炸奶黃，外皮脆脆地而味道都不俗，而「泥土」就係Oreo 餅碎，可見得出呢道菜幾花心思!其後就係燉湯，見佢用茶壺已經覺得特別，原來係椰子雞湯，味道夠晒鮮甜，基本上椰子同雞肉本身都係絕配，再用燉的方法令氣鍋雞湯更加入味。同時間都上左山寨叉燒，呢道菜又係好有諗頭，驟眼望落好似係叉燒，但

╭ 👨🏻‍🌾 農 ╮⚐ #沙田美食#FarmToTable慨念嘅西餐廳多的是，反而中菜館就鮮有聽聞。不過近排「農壚」咁hit，本地農場百花齊放，localize嘅食肆想要奉行呢個餐飲概念亦唔難，買菜撐返本地亦係postive braning。被一道 #貓山王榴槤 甜品吸引而來，最後發現原來餐廳由利苑的廚師團隊班底主理，菜式以摩登農家菜同新派點心為主，同時喺沙頭角有自家農場，本地直送部份蔬果，都算係Farm To Table！分別？係有分別！自家種植有QC，亦保證食材新鮮，就好似個 #蜑家水果粟，就係自家農場種植嘅北海道白粟米，甜度高配辣椒乾同蒜頭炒香上碟，辣勁中有甜！而餐廳招牌嘅爆汁乳鴿係有啲料到，滷水汁加咗廖孖記腐乳咸香醇厚，完全唔駛淮鹽已經好夠味，重點係火候剛好鮮嫩又juicy！另一王牌係西班牙黑毛豬製嘅 #火雲叉燒，上枱時淋上花雕酒再點火，醉香彌漫亦稍稍提升叉燒嘅風味，建議真係要趁熱食！識食仲可以追加個 #豬油撈飯，應該都幾不得了！湯品 #氣鍋雞 都可以一試，雞湯極濃郁到好似雞白湯拉麵咁有少少漿口。另外 #烈焰菠蘿炒飯 同火雲叉燒異曲同工，都係點火製造烈焰效果，好IGtable！

入科學園唔係踩單車滑水 而係食中菜幾個新屋苑落成後 開多左餐廳都未試過❦ 乳鴿 ❦一份兩半 皮脆唔油膩 貼心提供膠手套 方便唔會整油對手❦ 田園盤栽❦聽菜名以為只係一盤葉 原來係蔬果造型手工點心 -鴛鴦酥薯：芋泥蛋黃餡-南瓜角：南瓜吉士餡-拉絲啤梨： 食唔出😂 ❦ 氣鍋雞燉湯 ❦功夫小茶壺入面有一半係雞同椰子肉燉到材料幾出味❦ 滷水豆腐 ❦好鍾意食滑捋捋豆腐 滷水偏清淡❦ 陳醋雲耳 ❦平時食涼拌雲耳青瓜 第一次試陳醋版 雲耳爽口 酸醋夠開胃❦ 山寨叉燒 ❦係牛肉而唔係豬肉 生熟度啱啱好❦卜卜花甲 ❦新鮮滾熱辣花甲 附有5分鐘漏斗計時 大概焗煮10分鐘後先蜆蓋全開 ❦ 田園炒花青苗 ❦混合幾款蔬菜同菇 其中一款從未食過 似四季豆嘅迷你秋葵❦ 烈焰菠蘿炒飯 ❦原隻菠蘿填滿炒飯 火餡好有氣勢菠蘿粒份量多又鮮甜 ❦ 熊仔藍莓芝士蛋糕❦諗過試椰香拉絲 最後轉蛋糕因為隻彈彈下奶凍熊仔太得意可愛動物點心好啱小朋友 下次得閒飲茶

老實說科學園出品良好的餐廳不多，這是附近極少數好吃又不貴的一家裝潢十分有格調，燈光柔和舒適侍應非常忙碌，不過也相當有效率小食雙拼 檸檬鳳爪，陳醋雲耳開胃的玩意，爽脆的鳳爪，味道偏酸帶點鹹味，相當有趣乳鴿 口感脆嫩！外皮既脆又薄，肉質軟稔多汁，高質田園盤栽 這個其實是甜品點心，以酥皮包裹着糯米糍，餡料已奶黃跟番薯醬為主，口感像酥皮紫薯糯米糍，下面的（泥）其實是Oreo餅碎，非常有特色燉湯 肉骨茶這個肉骨茶除了充滿馬來亞色藥材風味之外，還帶點胡椒的辣味，非常出色山寨叉燒其實這叉燒是牛肉，入口鬆軟得很，味道像極了普通叉燒，絕對上得到大台吥仔小蠔基本就是芝士蛋焗蠔，蚵仔煎的中菜版本田園炒花青苗簡單以蒜蓉炒青苗，入口爽脆， 這種花青苗外表像青椒， 入口像瓜類般爽脆，脆脆綠綠的很健康烈焰菠蘿炒飯差點被眼前的景象嚇到， 原來是把簡單的菠蘿跟炒飯以火把外皮烘燒， 由於燒過的菠蘿味道特別鮮甜， 水份也是意外地，加上飯粒分明，比我吃過的泰式菠蘿炒飯更香更好吃貓山王榴槤基本就是榴槤布甸， 最令人驚喜的是他竟然有真實的貓山王榴槤肉，非常鮮甜，正！椰香拉絲這是蛋散的薄脆版，經過條配定外皮比較薄，爽脆得像薯片，甜

有🐶，所以要求室外座位，33度的天氣，當然無人坐，幾張大枱唔曬，唔比坐，話有人book左，食完都未見有人然後，安排坐曬住的細枱。。。要求傘移入啲，唔比。。。所以結果係有sofa位都無得坐，睇住sofa坐😄阿姐仲叫我晒住食，無問題喎💁🏻‍♂️（影果時已唔晒）食物性價比差，選擇少，菠蘿炒飯難食，飯噪得好地地放咗入去菠蘿出水濕晒。。出下火咁就貴幾十蚊🥶其他，叫個點心咁，就一般般，無期望無失望乳鴿熱熱辣辣系ok的涼菜就可以無視了

後悔無參考食評就入黎試，原來呢間係大伏。兩人入黎食lunch，唔叫set散叫，睇隔離枱野食都feel到打卡感強，心入面仲同自己講咁多人食應該唔太差，點知真係錯了。叫左個signature 乳鴿係正常既，好彩有呢個，因為唔係成餐都無野食，其他都驚訝地難食。間野用qr code掃碼手機自己叫，叫左個雲吞麵，上到黎係水餃上海麵，我反映番qr code order時無相，應該寫番係上海麵（因為一般香港叫雲吞麵正常只會係一種麵） 佢既回覆：「我地開店一開始到宜家都係用呢隻麵！ 」跟住就走左啦。首先佢個回覆並唔係回答緊我問題，只係狡辯？ If it means anything, it only means you are wrong from the very beginning. 另一個鹽焗蟶子，無野好講，全部有沙既，完全食唔到，入到咁既貨好心就唔好出比客啦。如果想減肥既話推薦大家食呢間，因為你最後只會飲兩杯水落肚就走人，絕食之讀👍🏻

有舊同學在科學園負責物管工作，一直對這餐廳讚不絕口，今天終於可以試試！“爆汁乳鴿”，果然名不虛傳，炸乳鴿的火候控制質相當好，鴿還嫩滑多汁，很有水準。“烈焰菠蘿炒飯”，菠蘿下半截塗了臘一樣的燃料，上桌時用火點著，先來一場大龍鳳 ... 始終是大龍鳳，不可能改變菠蘿殼內炒飯的質數 ，但這炒飯實在也炒得很好， 熱、乾、香，一個字「正」！“火雲叉燒”，又玩放火，全部肥叉，吃下去，也可以。還有這三小碟特色點心 ... “三色黑魚子燒賣”，肉餡還juicy，味道不錯。“牛油果蝦春卷”，把牛油果蓉包在春捲皮內，確有不一樣的口感。“流心綠茶芝麻球”，流心餡做得不錯，夠香夠軟滑，外皮又炸得酥脆，值得推介！

呢個位置揸車入嚟都好方便，餐廳有室內室外，出面望海，環境優美。🍴冰鎮咕嚕肉上到黎冰鎮住d咕嚕肉表面脆哂，肉仲係熱既，完全做到外冷內熱，外脆內軟，好價得食！🍴蜆肉煎蛋餅蜆冇沙，好多蜆肉，好鮮甜美味。🍴乳鴿$28一隻乳鴿，開頭以為睇錯，但真係$28 隻乳鴿，肉質鮮嫩多汁，個皮有少少脆，非常之抵食！🍴避風塘炒軟殼蟹勁多香脆炸蒜係上面，炸出嚟唔會有油溢味，避風塘炒軟殼蟹，即係啖啖肉，唔需要損d殼。🍴醉蝦大大隻，有蝦糕，有酒香，肉質彈牙！食完一碗再叫多碗🍴小籠包黑色的小籠包，加上 金箔，非常之高級。味道同一般小籠包一樣味～🍴火焰菠蘿炒飯原隻菠蘿🍍，估唔到侍應點火，上演一個火燒菠蘿，好睇又好食。睇到哇哇聲。🍴黑魚子燒賣好高興既燒賣，外皮係綠色，好別緻，拎到碗入面先記得影。味道好好，有一粒完整的蝦。呢度係請家人食飯的一個好地方

來科學園探完朋友，順便看看有甚麼想吃的，迴轉一周，大都是茶餐廳類別，結果選了這間較特色的中餐館。看過門外的餐牌，我鍾情於貌似大雪茄的點心，而太太則喜歡樣子可愛的貓山榴槤甜品，二話不說便走了進去，可能距離午市時間仍有一小時，店內食客不多，地方寛闊而富香港特色的璧畫，色彩繽紛。在科學園，點餐也用上了新科技，以手機掃入QR code，食品分門別，方便有趣，很容易便下了單。土炮雪茄，其實是炸春卷，以煙灰碟盛著，三條土炮雪茄橫放在碟上，雪茄上還圈上招紙，幾可亂真，春卷皮是啡色的，包著蝦肉和蒜蓉，香脆微辣，十分可口，最令我動容的是一些細緻位，便是以Oreo 朱古力餅碎扮煙灰，佩服！佩服！BB雞是我們點的另一款點心，是小雞造形的叉燒包，樣子可愛，餡料也是與叉燒包無異，樣子吸引已是賣點。荷塘一口雞，以蒸籠及荷葉盛著雞塊，又加了蟲草花來蒸，此刻只想要一碗白飯，雖然不是甚麼驚喜菜式，但只是收$68，算抵食！貓山榴槤是太座來這食肆的主要目的，造型可愛，顏色亮麗，質感是奶凍，當中夾雜了真正貓山王果肉，太座相當滿意。玫瑰花糕，晶瑩剔透的玫瑰花糕是以魚膠粉造成，並加了清香的桂花，香氣襲人，造型賞心悅目，放傍的樹葉