農

营业中

休息中

呢間位於大埔科學園嘅點心餐廳農， 一直以嚟都係肥雞心中頭三位最好食又有創意嘅點心料理。前菜肥雞揀咗佢嘅鹵水鴨舌同埋 檸檬鳳爪， 鹵水鴨舌水準一如以往都係咁高， 滷汁非常之入味， 送酒一流。 而佢嘅檸檬鳳爪係酸酸甜甜， 食到停唔到口非常開胃。佢嘅紅燒乳鴿先滷後炸， 啲骨脆到係可以食埋， 鹹香可口。燉湯我揀咗氣鍋雞， 飲一啖都覺得非常之養生， 一啲都唔口渴。 佢嘅火魂叉燒又係一絕， 肥瘦適中， 配埋香甜嘅表皮，送飯一流。 佢嘅鐵板聖子， 新鮮可口， 仲要冇沙，呢啲海鮮一定要食季節時令。 飯類就嗌佢嘅籠仔荷葉飯，啖啖飯充滿荷葉香 ， 糯米香軟可口。 再食埋佢個熊仔甜品， 淨係造型都非常之可愛。 呢一餐食到肥雞捧住個肚走， 肥雞一定會再encore。

店舖環境寬敞舒適，裝修時尚，無論係情侶約會定一家大細嚟都好適合。前菜揀左美極鴨舌同陳醋雲耳，非常開胃。見附近食客都叫乳鴿就知係招牌菜，肉質鮮嫩多汁，用餐廳貼心準備既手套成隻食就最過癮。肉骨茶用茶壺上，特別得嚟又有保溫效果，開蓋一睇好足料呀！店員上火雲叉燒時特別講聲先點火，果然好知道打卡人士既心意，媽媽即刻拎手機影低留念。田園盤栽造型獨特精緻，每款咬開都有驚喜。小菜叫左鐵板聖子，大大隻，簡單用鹽煮已經帶出到食物鮮味。另外再叫左油渣椰苗，椰苗外國好常見，但香港唔係度度有得食，算係試下新野。農仔荷葉飯係今日VIP，飯粒乾身得嚟索晒荷葉香味，而且好多蝦同肉，食到好飽都忍唔住要清晒佢。最後上埋甜品，貓山王榴槤整得好靚，椰香拉絲就脆卜卜。餐廳既店員親切，上菜非常快手，今餐非常滿意！

我諗到中秋節係邊到同屋企人食飯做節了中菜夠應節 但又想特別d 一於去科學園又見得人 又好食.《檸檬鳳爪》《陳醋雲耳》兩道涼拌前菜都好開胃 酸酸地好醒神鳳爪脹卜卜大大隻 口感爽脆 雲耳薄身爽口《爆汁乳鴿》店家名物 用上自家穀飼乳鴿 肉質嫩滑話明爆汁 食個時小心彈到對面啊 食落仲帶藥材香添因為滷水用上腐乳皇同多種藥材製作㗎《田園盤栽》十足十真盤栽 泥土用Orea餅碎鋪成🪴上面放左南瓜酥、紫薯酥、啤梨酥 栩栩如生酥脆外層 綿密的內餡味道甜絲絲《火雲叉燒》一上碟叉燒就着火 難怪叫火雲叉燒一路燒一路就聞到香味 最緊要係加倍燒到焦脆🔥食叉燒就緊係食燶邊位啦再加埋特製醬汁 食落特別惹味《氣鍋雞》大推呢個湯 睇個名你真係唔知佢會用紫砂茶壺上🫖入面裝住奶白色香噴噴既椰子雞湯椰子味濃郁清甜🥥入面仲真係有雞食 入哂味軟腍腍《卜卜聖子》夠大隻 隻隻聖子都脹卜卜 勁鮮甜個底仲要有蒜蓉粉絲 索哂d汁《農仔荷葉飯》蒸完成個籠上 聞到荷葉香份量多到夠4-5人食 入面仲有蝦米同瘦肉粒《蜑家水果粟》有少少似避風塘炒水果粟 香辣火熱水果粟好少地方有 入口好甜 爽口爆汁 《貓山榴槤》中意食榴槤一定要叫呢個布丁 榴槤味好出質地

科學園摩登農家菜館 From Farm To Table農場直送乳鴿科學園越黎越多餐廳,呢間好出名,周末遊去食飯新式點心燒味,以精緻同味道感動食客農場直送新鮮食材,沙頭角有農場,穀飼 14 日的無激素 bb 乳鴿、地道生曬去殼蝦乾、新鮮蔬菜、蘿蔔入饌再用上本地食材醬油乳鴿香嫩肉鮮好有肉汁,燉湯香濃椰子味,雞味濃香,夠甜唔油膩~鮮嫩滷水豆腐,豆味香,質感嫩滑,滷香味久不散木耳爽脆,炒芥蘭夠脆綠,保留口感之餘賣相美荷葉飯,夠乾爽,飯粒入味,料頭豐富,口感很好點心造型可愛精美,咬開餡料都好多料最特別係牛肉叉燒,半熟既牛肉保留粉嫩肉澤,食起黎有叉燒香味但食起黎係帶焦糖味既叉燒味道,很有趣但好食既做法仲有甜品,芝士蛋糕飯,小炒,叉燒點心都好出色,份量唔多,但精緻~農地址：沙田白石角香港科學園第二期科技大道西 10 號浚湖樓地下 S041A 號舖電話：2609 1018 、6011 6196（WhatsApp）營業時間：11:30am - 10pm

由沙田或大學站轉車入科學園其實好快，入面呢間叫農既餐廳係高質中菜，但價錢唔貴，仲有靚靚室內、室外座位，非常值得一試！每人百零蚊已經可以！1.小食雙拼（滷水豆腐、陳醋雲耳）豆腐滑、雲耳爽口，酸酸地，好開胃！2.乳鴿 好香！皮脆肉嫩！3.田園盤栽 好可愛既點心造型，紫薯好味☺️4.肉骨茶好濃藥材味，帶點胡椒，好暖胃！5.山寨叉燒原來係牛肉！必吃！係我食過既叉燒之中，肉質最嫩但最唔肥膩既！齒頰留香！6.鐵板聖子擺盤似肥嘟嘟既聖子喺沙灘上曬太陽咁，好有意境！聖子鮮甜多汁！7.蜑家水果粟有避風塘炒蟹既感覺，好惹味！8.農仔荷葉飯必點！飯好有荷葉香！炒飯粒粒分明，但不乾身！有蝦、炆到好冧好入味既肥豬肉粒，有粽既味道😝好味！😋9.貓山王榴槤帶椰香同榴連味！10.椰香拉絲又甜又脆，食唔停口！😋

科學園入邊其實開咗好多唔同類型嘅餐廳之前嚟過呢度食晚餐發現呢間難得嘅中菜。入邊環境好闊落，仲有室外地方，如果天氣涼嘅話坐室外都好有氣氛。首先叫咗少少食前菜有雲耳同鳳爪呢兩樣都好開胃酸酸甜甜，之後仲要咗佢呢度嘅招牌主打火雲叉燒餐廳嘅賣相都比較精緻特別，店員會用火槍燒過叉燒栽培遇上秘製醬汁，香味濃郁。另外令人驚艷嘅就係火焰菠蘿炒飯，呢個賣相一流以真菠蘿上碟之後就會用火槍點着菠蘿形成火焰岩哂用嚟打卡影相，最緊要係個炒飯都好有菠蘿嘅線條味因為佢入邊係運用原隻真菠蘿而唔係普通嘅罐頭菠蘿，夠晒真材實料。仲有氣鍋雞，呢個以茶壺上菜嘅椰子雞湯，賣相超級特別。最特別又有呢個點心盆栽10分可愛佢係有南瓜紫薯同埋芝士口味，我見擺設充滿心思而嗰啲盆栽嘅Lai其實係Oreo真係玩得又食得，滿足唔同嘅視覺享受。呢間中菜10分推介。包你充滿驚喜，面味道高質。

呢間位於科學園嘅特色中菜，令我諗起舊公司，佢哋嘅種類都差唔多，菜式真係好特別好啱打卡📸必叫氣鍋雞🐣，烈焰菠蘿炒飯🍍，田園盆栽🪴爆汁乳鴿 佢同我舊公司極似嘅位置就係乳鴿，但係唔知點解覺得係必食，可能係呢間既重點菜，再加上本身枱面已經放咗手套，咁貼心嘅服務就係預咗你會叫，但呢個建議嚟到快啲食，如果唔係凍咗味道一定爭好遠檸檬鳳爪鳳爪平時多數食泰式嘅多，多數都係啦而佢呢個檸檬嘅就可以比平時食唔到辣嘅人都有得食，食落唔會好酸，但係又會食到檸檬味美極鴨舌好耐冇食過鴨舌，唔知由幾時開始勁鍾意食，佢呢個鴨舌配咗美極，美極真係萬能汁，食下食下同朋友就食晒成兜氣鍋雞開頭以為係將隻雞氣炸，點知原來佢係小茶壺🫖然後內有乾坤，好得意好特別。佢係椰子雞湯，味道好濃郁好好飲，入面仲有好多雞，無論係味道定係賣相都值💯田園盆栽開頭見個名幾得意，佢個賣相真係成個盆栽放喺你面前，但係入面嘅泥就變咗Oreo餅碎，而平時盆栽嘅花就係炸左既鹹水角朋友，個賣相都好靚，味道都唔錯。南瓜入面真係南瓜餡料，啤梨我就唔知，而番薯樣嗰個真係好香嘅番薯味，個樣同埋味道都值得加分，食完之後我仲食咗佢好多Oreo碎🙊🙊火雲叉燒特別在有別於平時嘅叉

假期就去科學園走一走，唞一唞，順便發掘一下呢個地方有特色嘅餐廳。今日就比我發現呢一間主打農家菜嘅餐廳，於是就同朋友一齊試吓。➺➺烈焰菠蘿炒飯（瑤柱菠蘿蛋白炒飯）$128用火燒菠蘿，保持炒飯溫度。炒飯填滿菠蘿中間，入口酸酸甜甜好開胃。➺➺爆汁乳鴿$68乳鴿上枱嘅時候熱辣辣，外脆內軟，而且一咬落去真係爆汁！➺➺田園盆栽$48外型十分討好，好有創意，盆栽上面有啤梨、南瓜同埋紫薯，擺喺度欣賞真係唔捨得食。食入口先知原來係創意手工點心，三款點心都係炸到外面鬆脆裏面煙韌。紫薯裏面嘅餡有紫薯同番薯、啤梨裏面就有奶黃，而南瓜就係炸芝士，好好食，原來盆栽上面嘅禮係用Oreo餅碎整嘅用點心夾住餅碎一齊食感覺好特別少少鹹香同點心嘅香甜入口好夾。➺➺滷水豆腐$42滷水味道清淡，豆腐香滑！➺➺陳醋雲耳$48陳醋夠晒開胃，雲耳爽口！➺➺山寨叉燒（牛肉）$168終於明白點解叫山寨叉燒，原來係牛肉扮叉燒！肉味香濃，而且生熟程度啱啱好，入口Juice一啲都唔乾。➺➺氣鍋雞$78功夫茶壺入面係椰子雞湯，足料，好香濃，好好飲，呢個湯記得要趁熱飲！➺➺砵仔小蠔$154呢一個菜非常花工序，有齊蒸、煎、焗、煮咁多種方法。蒸蛋滑嫩

就黎又中秋，又係一家人聚下食飯嘅時間，有朋友已經開始問有咩餐廳推薦，不過呢排好多人因為疫情反彈，又開始講番外賣，咁不如先講下外賣啦。講開中菜外賣，盆菜似乎係不二之選。當然，好多人話聽到盆菜就驚，我就唔同講法，簡單又容易預人數，最重要而家嘅盆菜食物通常都以名貴好食為主，就好似之前我介紹過嘅泰國盆菜，基本上係食過幾好先推，就好似今日推介呢間主打新派摩登農家菜的「農」。近期佢地推出左兩款有特色的話題盆菜，一個傳統盆菜一個全素盆菜，基本上滿足所有人不同需要，先講我當晚食嘅傳統盆菜，配搭豐富，材料有蠔皇花膠、慢煮鮑魚、金蠔、蠔汁北菇、大蝦、油雞、南乳豬手、燒鵝、燒腩仔、手打鯪魚球、陳皮魚蛋等等，最好食係蠔皇花膠，用上精選8頭鱈魚膠，食落感受到佢嘅質素保證，六頭嘅鮑魚以紹興花雕及女兒紅等凍浸入味，之前你食盆菜邊會食到入邊嘅鮑魚自己有與別不同嘅味道，你就知佢好，其他燒鵝油雞其實都好值得講，不過都係等你食完自己感受，最正係魚蛋來自興利祥記，果皮香氣好重又彈牙，加上兩大支傳統的盆菜汁，平時食盆菜一定唔夠汁，但今次竟然可以有剩，安排非常完美。當然佢設有不同人數的分量可選擇，有$1388/6位用、＄1688

上個星期，揀左間靚餐廳，同朋友食中菜🫣😋，我哋今次入咗科學園，真係好少過嚟呢邊，但係為咗美食 再遠我都會去啊😍-餐廳嘅裝修非常之精緻、而且佢分咗戶外同戶內 戶外仲要對住個湖邊 風景優美✨真係有種鳥語花香嘅感覺😍，而且座位非常之舒服💯❤️。前菜我哋點咗鴨舌$78 同埋陳醋雲耳$48😋，好鍾意個鴨舌啊 真係勁入味💯-跟住我哋仲叫咗好多嘢食，叫咗爆汁乳鴿$ 68，肉質非常鮮嫩，而且外皮脆👍🏻。而我哋叫咗燉湯，叫咗汽鍋雞 ，上枱時見到一個茶壺好得意，然後聞到陣陣嘅 椰子味🫶🏻，個湯好清甜 好養生啊💯-我哋仲叫咗個田園盆栽$48🫶🏻佢係一個甜品嘅點心嚟嘅，下面仲用咗Oreo餅碎裝飾，真係好精緻 打卡💯另外我哋仲叫咗鹽焗聖子，呢度餸一般般，而且仲有少少沙，味道偏淡 -我最鍾意食嘅菜就係蜑家水果粟$78💯，係用咗北海道嘅白粟米，真係非常之甜，用咗避風塘嘅煮法去炒，味道都幾辣下，好惹味呀✨-我哋仲叫咗個松露懶人雞，佢啲外皮好酥脆，而且黑松露超多，味道好夾，-再嚟叫咗烈焰菠蘿炒飯$128，好特別啊原隻菠蘿上，食之前仲有得視覺享受😎，點着火燒菠蘿🫶🏻 好特別啊 打卡必備❤️，而且個飯炒得好乾身 好好味 仲有大

科學園附近有啲咩好食？選擇唔算話特別多，但係食中菜我就會會揀農！！因為佢嘅小菜真係好有鑊氣，而且賣相好精緻🥰乳鴿bb細細隻，但係肉質好Juice，唔使點任何嘢都好夠味海蜇頭頭盤最特別嘅地方就係佢同出面唔同，冇落到好重味嘅醬汁，食落去爽口彈牙，並且味道鮮甜，鍾意食淡口味嘅人會比較合適辣椒炒福花呢一個係我每次嚟到必定會嗌嘅小菜，因為我非常之鍾意食辣，佢炒到入味之餘啱晒送飯！真係要講一聲食到停唔到口！！辣炒粟米呢個係另一個每次到必嗌嘅小菜，一睇就知我鍾意食香口野，佢呢一個係用白粟米炒，炒出嚟嘅口感都非常好，都係送飯必備！用嘅都係新鮮蒜蓉，唔怕口臭真係可以食埋榴槤奶凍鍾意食重口味嘅榴槤又點少得啊！！除咗賣相吸引之外，佢食落去好重榴槤味，加埋奶凍個感覺真係好滿足

聽聞科學園有好多隱世美食餐廳，所以趁放假同朋友揸車入去覓食，今次揀咗一間以創新有特色為主嘅中菜餐廳。🍲前菜前菜分別有檸檬鳳爪同滷水豆腐，鳳爪酸酸甜甜特別開胃，豆腐都不錯，如果滷水味再重味，就更加好。🍲爆汁乳鴿乳鴿肉汁鮮嫩，火候剛好，好Juicy，唔需要加鹽，都好夠味。🍲氣鍋雞氣鍋雞湯最有驚喜，竟然係用小茶壺裝住啲雞湯，再用茶杯飲湯，別有一番滋味，雞湯味道濃郁，忍唔住一杯又一杯。🍲田園盆栽點餐時見到呢個名，以為只係一個普通嘅沙律，點知上菜嘅時候，忍唔住哇左一聲，超級有創意，底層有Oreo碎當係泥土，上面再有番薯、南瓜同啤梨，每一款都各有特色，超級推介。🍲火雲叉燒未上菜前好期待呢個叉燒，睇個名就知一定係超級特別，估唔到最後原來係係叉燒下邊點火，即場用火燒叉燒，叉燒肉質鮮厚，有肥有瘦，入口即融嘅感覺。🍲烈焰菠蘿炒飯菠蘿炒飯用最新鮮嘅菠蘿，混合瑤柱同蛋白，菠蘿酸酸甜甜，超級開胃，炒飯火候都好十足。🍲避風塘軟殼蟹軟殼蟹超級推介，不過味道偏辣，食唔到辣嘅朋友可能會難入口，避風塘配合軟殼蟹，味道一流。🍲甜品見到個名咁得意，都忍唔住即刻點嚟試吓，芝士蛋糕不過不失，隔離放隻好得意嘅熊仔啫喱，增添不少創意

無諗過科學園會有咁精緻嘅中菜😆難怪受到咁多人捧場！去個日已經係平日但都客似雲來🤩所以一定要一試究竟！.1️⃣檸檬鳳爪⭐️⭐️⭐️⭐️(4/5)好似泰式鳳爪～唔單止去咗骨仲酸酸甜甜！作為前菜開胃一流🥳.2️⃣鹵水豆腐⭐️⭐️⭐️⭐️(4/5)豆腐好入味！而且好軟林～吸晒啲汁完全值得一試！.3️⃣爆汁乳鴿⭐️⭐️⭐️⭐️(4/5)名副其實咬落去真係會爆晒汁出嚟😆而且外皮好脆！仲好貼心咁幫我地一開為二🥰方便兩個人share.4️⃣田園盆栽⭐️⭐️⭐️⭐️(4/5)最鍾意同埋覺得係最特別嘅菜式！上面三款分別都係唔同味嘅點心！有炸奶皇、炸芝士同紫薯🤩外皮少少脆再加埋入面綿密嘅內餡完全一百分！.5️⃣氣鍋雞燉湯⭐️⭐️⭐️⭐️(4/5)飲落完全唔油膩！無味精！但又會有濃烈嘅椰子香味🤤真材實料先可以咁清甜～飲完唔會好似其他餐廳嘅湯款咁口渴.6️⃣火雲叉燒⭐️⭐️⭐️⭐️(4/5)超級吸睛🔥上碟之後就會有侍應姐姐幫手點火！除咗外表吸引 叉燒嘅油脂肥美程度啱啱好🥳下面仲會有一個隔隔開啲油！所以唔驚啖啖都會肥膩.7️⃣避風塘軟殼蟹⭐️⭐️⭐️⭐️(4/5)意料之外嘅惹味😆外脆內軟！就算時間擺耐咗再食都仲好香脆🤩.8️⃣烈焰菠蘿炒飯⭐️⭐️⭐️⭐️(4/5)又係非常值得點嘅菜式😚用咗成個菠蘿裝住瑤柱蛋

以前成日一放假就會踩單車去到科學園到食早餐或午餐，我好鐘意果到啲環境，有海濱長廊，坐係到望住果海真係好舒服，咁啱我今個假期都約左朋友在科科學園 {農}食晚餐。冷盤小食(美極鴨舌 及檸檬鳯爪)美極鴨舌真係好野味，好有美極味道。檸檬鳯爪好清新，有啲Feel似冇辣版的泰式鳯爪，好特別。爆汁乳鴿我眼見每一枱食客都必叫的菜式，我架唔執輸都叫左一隻，真係即叫即炸，而果乳鴿勁入味，咬落去啲乳鴿肉到都係爆汁好正。田園盆栽呢個甜品整得勁精緻，搞到我都唔捨得食，真係睇得又食得。松露懶人雞好貼心將啲雞肉起骨，而果外皮炸得好香脆，加埋啲黑松露好香。避風塘軟殼蟹呢個真係好野味，軟殼蟹炸得極香脆，加埋啲配科都炒得好香，餸飯一流。氣鍋雞飲落係椰子雞湯，果湯好清甜，同埋果湯一啲都唔油。烈焰波蘿炒飯待應一送上枱就將成果波蘿起火真係好得意，而果將一個瑤柱蛋白炒飯加埋新鮮波蘿去炒真係酸酸甜甜好好味。甜品我就叫左果熊仔藍苺芝士蛋糕，朋友就叫左果熊仔藍苺芝士蛋糕，果熊仔得意都我都唔捨得食佢呀。

有好知己就是好~因為我快生日，所以好友特地帶我食好嘢！這次有點驚喜，去到她工作的科學園，竟然品嘗了意想不到的中式美食！有特色已經美味！我們先點了兩個小食：檸檬鳳爪和滷水豆腐。檸檬鳳爪：清香而開胃，酸酸的感覺不會太重，而是很易入口。拌在鳳爪旁的菜也很涼和很爽口！滷水豆腐：這個最特別是...我和朋友都吃出來是有少少酒味，哈。滷水味雖然不重，但勝在豆腐軟滑。 接著，朋友極力推薦這裡的燉湯，她知道我喜歡新奇事物，所以點了這個氣鍋雞。初時以為是一大煲，單純的雞湯，但竟然是用紫紗茶壺上！！！除了這個特別，雞湯香濃，紫紗茶壺中有少許湯料，一口一口的雞湯讓一陣陣暖意上湧！大力推介！農仔荷葉飯：這荷葉飯的荷葉香味很重，份量十足，而且不會咸。有點似在吃稯子。哈哈！但我不停添食，因為除了有蝦肉，荷葉飯內還有不少肉粒！增加了口感。田園炒花青苗：OMG~~我真心第一次吃這品種的菜苖，不知道是甚麼菜苖(似超細小的青瓜)，問朋友都不能答到我，我們又不好意思詢問職員。這田園炒花青苗好爽口，而且很好送飯，調品做得很好，再來這會是必叫之一。避風塘軟殼蟹：這個可是我最推薦。避風塘風味十足，最重要是隻隻