農

营业中

休息中

朋友搬咗去科學園嗰邊，呢日去探佢，佢帶我去咗呢間新式嘅粵菜餐廳食dinner。餐廳嘅環境幾好。我哋點咗好多嘢食，首先係一個小食雙拼，優檸檬鳳爪同埋滷水豆腐。檸檬鳳爪酸酸地，好開胃。滷水豆腐都幾入味。嚟呢度當然要食佢嘅招牌乳鴿，乳鴿皮脆肉嫩，正。呢個火雲叉燒非常特別，上菜嘅時候，侍應會喺叉燒下面點火，將啲叉燒燒到更香，而且亦都好啱打卡。呢個肉骨茶幾特別，佢係裝係茶壺入面，倒入茶杯細細啖咁樣飲。蝦仔小蠔幾香口。蔬菜方面，點咗田園炒花青苗。鍾意食好蠔我哋仲點埋艇仔泡飯，入面有好多蠔仔，好豐富。呢個點心整成盆栽咁嘅樣，煙煙韌韌，又靚又好食。仲有好可愛嘅甜品。