農米莊 (厚福街)

营业中

休息中

本人本身好鍾意食米線，亦都好鍾意飲湯。今次食嘅呢間農米莊幾好，叫左雞唐生菜做配菜。d雞湯好好飲，唔係味精湯，d雞都好嫩口。配菜都有幾多款式選擇，下次去可以試吓其他配搭！❤️

今次去到尖沙咀既農家莊食米線之前朋友都推介呢間既藥膳米線，今次專程拜訪試一試去😎😎藥膳雞湯米線 個湯有啲淡，有別於一般既米線湯底，但聞落好有藥材味 ，都算唔錯👍🏻👍🏻雞都幾滑 幾好味，唔鞋口🤤叫左兩個小食，分別係墨魚餅同麻辣鴨血呢個有別於其他墨魚餅 佢有層腐皮係面 多一種脆嘅口感 配泰式酸辣醬 係呢餐最驚喜之作😍😍😍😍麻辣鴨血就比較失色冇咩味 麻嘅感覺好少 辣既感覺都係得小小 好似用滾水煲完 再淋麻辣湯嘅感覺 有小失望 下次應該不會再試

從來無寫過食評，但今次真係太太太難食。所以寫下希望大家唔好中伏。叫左個自選麻辣米線小辣加鴨血，豆卜，越式春卷。首先個湯好似一碗滾水，完全無味既。原本諗住叫個麻辣汁加豆卜，就係想個豆卜吸左啲汁會好好食。但由於個湯係好似滾水咁，所以搞到個豆卜都係無味既。最過分係個米線，淋到就嚟入口即溶。我諗擺多一陣佢應該會變糊仔。以為係個別事件，點知試咗老公嗰碗一樣係噤。平時唔會食淨野，本來亦都好肚餓，但係呢碗野真係太難食，食咗一半就冇食了。成碗野係得個春卷叫正常。

放工後突然想食湯飯，就黎左呢度食。今晚食最普通雞湯飯，雞件香濃又夠黃皮，很適合做海南雞，不過就這樣配湯飯都不錯👍🏻朋友點豬軟骨米線，說是正常味道，不過不失，都算是抵食之選

其實除左譚仔之外，仲有其他米線可以選擇。之前去咗厚福街，搵好嘢食，想食得簡單啲，就黎咗呢間米線。選擇非常多，睇到心大心細，唔知要咩好。決定share下，咁就咩都可以試下。早小小過黎人唔算多嘅，始終尖沙咀選擇多。主打湯底係健康，黑蒜雞湯米線，59元，湯頭幾濃，有小小中藥味，味道不錯。椰子雞湯米線，58元，雞幾滑，椰子味有但唔濃，整體幾好。蟲草花牛展飯，53元，牛展剛好，唔會過腍，有口感。個湯飲落清清地，幾好，送飯係幾好。呢間輕食係唔錯，服務一般。

放lunch 去食農米庄見到有我最愛既芫茜 我當然就選擇左芫茜湯米線（農米雞件）好香好香好香 個湯真係好正～正到我連湯都飲埋～但我fd 話 佢地d飯唔得但個芫茜湯米線真係好掂～岩曬d愛茜人😋😋

呢款芫茜雞湯米線又小小驚訝 無諗過係將芫茜搞碎做湯底 喜歡芫茜味既朋友自然就會覺得好味，否則就會變成重口味啦😆番茄蛋雞湯米 好甜美 雞肉都不會硬身 鹽燒豬頸肉就麻麻地 無咩特別

今日去咗厚福街到揾食，呢到嘅餐廳選擇都好多。今日我就去咗「農米莊」到食午餐，佢主要以雞肉及湯米線為主，而湯底亦可以飲埋。之前有嚟過好幾次，椰子雞湯米線又係超正，個湯底好甜，好椰香。另外女士補身一流嘅選擇係藥膳雞湯，不過就中藥材味較濃，如果唔喜歡藥材味就可能會唔喜歡。今次我就揀咗芫茜雞湯米線。成個湯底青BB，芫茜味好香。但作為芫茜控，個人覺得可以芫茜味再濃啲。面頭嘅芫茜亦足夠嘅。平時都有嚟食開，不過今日呢碗米線，雞骨就比較多，肉較少，肉質嫩滑嘅。整體好味！

在openrice 找尖沙咀附近找到這間，印象中幾年前吃過旺角那間，所以想試一試。都頗多選擇，但沒多看，因為想吃椰子雞湯米線，價錢不太貴，尖沙咀來說差不多。雞大概和湯分開煮，雞沒有椰子味，但挺滑，份量也足夠。米線也沒有其他人說的碎的，也是正常的，可能看幸運程度。湯來說椰子味比較淡，本來預期會濃一點，所以最後沒飲完整碗。差點忘了說，豆卜「麻麻地」，如果是魚腐就好。總括而言，未試過可以一試，或者隔很久吃一次😂。不是差，但也沒有很好，可再改善，或試試其他。

從來唔會寫食評之前黎食都覺得好食 雞滑 湯好飲依排d朋友話佢愈黎愈難食唔信邪 俾多次機會佢叫左椰子雞湯底個湯無味 雞味無 椰子味都無最嬲係佢俾得個四舊雞我 有三舊都係骨無肉既問個侍應 佢話佢地廚房分好左每份幾多如果你想多d肉叫雞胸我碗野得三舊骨 一舊雞胸 咁算唔算係雞胸難食到一個點

剪完頭髮點幾2點..又未到TEATIME, 旦又想食少少野..介乎飽同唔飽中間...一心諗住去厚福街食烏冬. 但經過呢間門口見到寫住28蚊咋, 咁係唔係好餓既情況下, 食28蚊好過食6/70 蚊丫同埋又可試新野嘛.咁就入左去..入到黎就覺得...奶左野啦XDDDD算啦...咁都照試啦...叫左椰子雞湯米線.$46加4蚊有凍飲..雞件係幾件雞脾肉加幾件唔係雞脾肉.個湯係好味既,..不過除左個湯之外,, SORRY, 米線同雞都係冇味..佢地應該係分開整,......點餐時先兜上去...所以完全係唔入味....如果係咁既話.不如就咁出碗湯算... 呢個真係唔掂..加上我本身都唔係好餓, 食淨大半碗就走左.咁樣就浪費左50蚊....><

平日食太多重口味濃味既野食 有時候都會想轉一轉口味 食一啲比較清淡既野食 而農米莊就係其中一個選擇 餐廳主打 一碗可以連湯都飲哂既米線 藥膳雞湯米線($58)湯底比想像中淡 有淡淡既藥材味 入口比較甘甜 美中不足 豆卜比較硬 未能夠索哂湯既精華椰子雞湯米線($58)個人偏好椰子湯底 比較重椰奶香 味道清甜好容易就飲哂成碗湯 總結 兩碗米線都不過不失 不過兩碗米線既溫度唔夠熱 送上枱既時候只係微暖 但係如果以呢個價錢 又位於尖沙咀 已經唔錯

去揾朋友練習整頭之前，同佢去醫飽個肚仔先。朋友推介左佢公司附近既農米莊。佢叫左椰子雞湯米線，而我叫左藥膳雞湯米線。佢地尼度標榜係可以飲哂d湯。所以湯米線一黎到，我就急不及待試左一啖朋友碗麵既湯頭，非常清甜，有香香既椰子甜味😍之後我就開始食自己碗麵喇，相比下，我碗藥膳既米線湯頭就唔夠濃，得好少藥材味（可能隔離啖飯係香d）不過雞非常幼滑，有雞味。不過舊豆卜就係凍冰冰同硬掘掘，好明顯係岩岩就甘加洛去。由於個湯係成碗麵既靈魂，加上個個硬豆卜，就算個雞唔錯，都令我大打折扣了又或者下次試我朋友個湯底我會比較喜歡。總不能一碗麵就打沉其他湯麵架ma。醫飽肚仔後，就要收拾心情，認真練習了。

行行下尖沙咀見到佢有椰子雞湯就吸引左我入去食喇不過佢門口咩都寫$28但入到去就唔同價錢不過都預左🕶️佢真係好香椰子味同埋有椰子既甜味 我自己覺得唔錯既不過意外地個雞好滑係估唔到無諗過普通米線店既雞會滑所以係有加到分其實佢寫明係一碗連湯都可以飲曬既米線我覺得椰子雞依碗真係得既老公叫左酸辣米線我覺得好似太辣個味似泰式辣醬但我老公話唔覺仲話幾好食個個口味唔同平時我都唔算唔食得辣但唔知點解食左2啖都係好辣🤣我都係鐘意椰子雞多d

最近太忙，又冇時間煲湯，食餐正常既住家飯。日日速食唔食都覺得自己好唔健康。今日比我見到呢間，用藥膳既湯飯同粉，標住連湯都可以飲灑。講真，陣味我唔鍾意，因為係真成碗都係藥膳味，有紅棗妃子，食曬面色即刻好翻曬，仲有爺子湯底，陣味唔係溝出黎既味，最後都好放心飲曬