農米莊 (厚福街)

营业中

休息中

今日去咗厚福街到揾食，呢到嘅餐廳選擇都好多。今日我就去咗「農米莊」到食午餐，佢主要以雞肉及湯米線為主，而湯底亦可以飲埋。之前有嚟過好幾次，椰子雞湯米線又係超正，個湯底好甜，好椰香。另外女士補身一流嘅選擇係藥膳雞湯，不過就中藥材味較濃，如果唔喜歡藥材味就可能會唔喜歡。今次我就揀咗芫茜雞湯米線。成個湯底青BB，芫茜味好香。但作為芫茜控，個人覺得可以芫茜味再濃啲。面頭嘅芫茜亦足夠嘅。平時都有嚟食開，不過今日呢碗米線，雞骨就比較多，肉較少，肉質嫩滑嘅。整體好味！