農米莊 (厚福街)

营业中

休息中

厚福街出名多野食，9點幾過到去，間間餐廳都排哂隊，好多人食。。。見呢間食米線又有吾同湯底揀，就試下啦。。餐廳位置較迫，二人好快有位，不過就坐得不太舒服。食物就係米線，可以揀吾同湯底或者配料。。藥膳雞湯米線：入面配料算多，有幾件雞。每個人都話啲湯好好飲，但我覺得啲湯好淡，米線係暖吾夠熱。但啲雞幾好食，好滑。麻辣鴨血雞湯米線：呢個米線覺得好差😔鴨血完全無醃製過，無味。。一點都吾好食黃金皮蛋：呢個有點求其，個賣相有點差。呢間服務一般，食物都一般，無下次lu

今日去到指定要去嘅地方，個客原來冇開工，出到嚟摸門釘，改行程搵另外一個客，傾完仲好早，打算返公司，就去附近搵食再搭車，同個客掛住傾都冇食嘢，順便坐低休息一下，一入門口見到有幾個人都叫龍蝦米線，一於二仔底照跟，我慣常第一次去嘅地方，望吓隔離左右食乜，應該today’s special 或者出名先多人叫，通常跟住叫冇死，一碗米線有半隻龍蝦，雖然唔大隻，但係有好多蝦子，ok收貨唔怪得咁多人叫，有幾條生菜營養均衡

個日lunch唔想出去食 於是同事order外賣🥡。任佢揀 佢話想食呢間，之前食過覺得好味。但我係第一次食 亦覺得唔錯喎～.>~< 喇沙椰子雞米線🍜喇沙湯底幾濃郁下 味道唔錯～ 但相比之下雞唔算太入味 。不過雞皮薄滑 d肉都嫩滑 雞肉有四五塊 份量足夠 所以總體都唔錯。入面有小香菇 腐竹 豆卜 木耳 ➕兩三片生菜🥬 配料唔算多 但食落都夠飽～.分燙上嘅好處係 d米線唔會索曬d湯 亦唔會令到米線變得太淋。.可以提前order再規定某個時間送 ～

個日係尖沙咀行完驚安，行番去厚褔街個邊搵食 😝無意中發現呢間旺角都有分店嘅米線店🤣下午茶時間仲要唔洗排隊🥳當然要入去試下啦 🙆🏻‍♀️~黑蒜雞湯米線 💕店舖主打天然無味精雞湯底，咁當然要叫碗啦 😁黑蒜湯平時好少見，聞落好大蒜味 😂飲落反而冇咁重味，加埋雞湯好夾 👍🏻而且都真係冇味精 🤗飲完都唔覺口渴 🤭雞件份量都幾多，而且唔會話淨係得骨冇肉 👍🏻大大件+都幾厚肉 😊食落都算滑，但未去到好好食 😜米線份量唔算好多，但一般人都夠食 👌🏻加上配料都幾多，有冬菇/ 雲耳/豆卜 🤗~柚子豬軟骨米線（+$4 轉酸辣湯底）💕聽講呢間店嘅豬軟骨都幾出名😚身為粉絲嘅我當然要叫黎食啦 🥰加埋酸辣湯底，一次過滿足我2個要求🤩酸辣湯底比雞湯多左d酸菜，飲落好開胃 😝酸同辣調節得幾好 👍🏻豬軟骨份量足😚好香柚子味 🥰食落酸酸甜甜，而且炆到好淋又keep到軟骨嘅口感💕🥰係我中意嘅口感 ☺️食曬都覺得唔夠喉 🤭整體而言，湯底出色，天然冇味精 👍🏻但比起黑蒜湯，我更中意酸辣湯👍🏻豬軟骨更加係必試 😍🙆🏻‍♀️口感同味道都一流🤠份量足，而且環境都唔錯 +價錢抵食👌🏻行過可以試下 😎

我一向都係係茶記食早餐，呢一日我就要去尖沙咀做野，朝早都要食早餐。咁我就走入厚福街啦，好多餐廳係到。我就發現農米莊平時食開湯米既餐廳有賣埋早餐，仲要比茶記平！我就二話不說入去試下。嗌左肉丁麵，餐蛋，凍0茶。肉丁份量多，麵唔係爛食，所以佢做到肉丁麵有既效果，唔會食緊清湯麵。餐肉厚身幾好，太陽蛋就唔太陽所以算，重點係佢附送熱牛油餐包啊！即刻加分！我夾埋一齊食既。凍0茶一般。坐位又乾淨企理，感覺好好！佢有幾抵？平時尖沙咀食早餐都34起跳凍飲加3，佢31起跳加2蚊咋！！！我個人覺得如果係尖沙咀搵港式早餐不如入呢到。我最欣賞都係價錢合理。不過講下佢平時米線一兩句丫，佢話無味精湯，我係唔信既，同埋個次我食，湯底唔夠熱。就係咁多，哈哈。

2019年10月24日今日為左買大閘蟹出左尖沙咀。記得上次同同事食好正。今日出黎又食佢！又再食椰子雞。好食。但我見格離台個碗椰子雞有椰絲咁既野。但我冇。有小失望。同埋我覺得佢鋪頭有啲窄。如果啲位可以闊啲就好啦！第二次食。都幾好。可以飲番啲湯同唔會太咸。下次要試下蘇膳！我見好多人食黑蒜。但我又麻麻地。你地可以試下！我見好多人食飯！佢午餐都有好多飯既選擇。但我建意黎得都係食米線好啲！下次食再話比大家知！

十二點幾覺得肚餓喺尖沙咀唔知食咩好經過厚福街見到門口大大個字寫住「一碗亂湯都可以飲埋嘅米線」即刻走入去試一試見到淨係米線都已經相當多選擇我哋兩個人就點左芫荽雞湯米線椰子雞湯米線同埋啲小食芫荽雞湯米線（加玉子豆腐，豬頸肉）果然個湯頭非常清香濃郁嘅雞湯配上芫荽非常之夾（芫荽味其實唔算太重）雞件亦都算嫩滑性價比相當高⭐️⭐️⭐️⭐️⭐️（5⭐️為滿分）椰子雞湯米線呢個亦都非常好味清甜嘅椰子湯同雞湯混合奶白色嘅湯底令到雞件感覺上更加滑⭐️⭐️⭐️⭐️⭐️小食方面我地點左黃金皮蛋金黃色嘅皮蛋賣相一流之餘佢嘅醬汁亦都調得相當好十分惹味⭐️⭐️⭐️⭐️⭐️最後係爆芝黑松露燒大菇呢個就無之前d菜咁出色啦芝士同黑松露都夠多但係呢兩種野都冇乜味菇燒得唔夠香唔算難食但都唔算好食⭐️⭐️⭐️加咗小食加咗咁多餸最後買單兩個人都係$200到已尖沙咀地段來講性價比都算相當高鍾意食米線嘅朋友一定要一試

想食一碗原始味道既湯粉，就會諗起農米莊。平時都會食米線，但今日想揀返個湯飯食，所以揀左呢一款。湯底好鮮甜，湯飯既餸方面有雞肉，唔係一般車仔麵既雞柳，而係鮮嫩切雞。加埋蟲草花，好食！

營業時間：0700-0300正式「由朝開到晚🤣👍🏻」一間看來平平無奇的雞米線舖即使去到晚上11點多都仲不停有客人出出入入😯😯😯我問店員：上午7點食嘅野有無唔同？店員笑笑口話完全一樣我真係好驚訝😝心諗咁勁揪…。我揀左『健康之選』黑蒜雞湯米線因為我本身中意食黑蒜😁識得我嘅人都知我中意食怪味野例如好似納豆…😋。一開始食就梗係飲啖湯先黑蒜味未去到超級濃郁不過對大衆來講已經足夠如果太濃烈應該唔係人人受得到。米線就一般米線咁，無野好評😂配料仲有香菇，豆腐卜，幾條靚菜仲有就係主角：雞雞肉都幾滑又唔會有碎骨不過對我來講個湯先係主角😍。店主告訴我呢個黑蒜湯係原粒黑蒜打蓉去煮聽到都覺得好正💓好想飲多啖加上我飲落應該係無味精雞粉就唔知有無😅不過so far食完唔口渴。小食就叫左炸春捲同麻辣雙蛋前者我無乜興趣(夜晚食炸野有罪惡感)。後者我俾十個讚😂💓💓💓偏愛黃金蛋！但主要係個麻辣好香好好味不會超咸，夠麻夠辣我之後仲撈米線食😂(唔好同我講啲辣油好肥)😭諗起都好想再食！重點係食完唔口渴！！！！(比較好出名連鎖式米線舖嘅皮蛋)。#回頭率100巴仙#好肚餓#好想再食#我都覺得自己好誇張#下次試椰子雞湯#選擇困難症

懷舊藥膳雞湯米線👍46！！湯底可以喝的米線🥰尖沙咀厚福街真係好多嘢食😍此店正位於厚福街一碗可以喝的米線 是這家店的綽頭👍性質比高 大碗藥膳味道聞起來很濃，但是湯喝起來比較清談，藥膳味道不是很濃，雞件比較滑 肉質偏嫩 一口雞一口真的很爽，然後配合談談藥材味道 真係好好食 非常值得recall 🥰

尖沙咀一間望落好似得米線食既店, 因為同友人一齊就廢事咁簡擇, 原來入到都有飯食, 叫左兩樣野, 原來友人都唔係想食米線1 秘製醬油雞飯秘製醬油雞飯其實一D 都唔係秘製, 味道同甜豉油整既豉油雞差唔多味道, 食唔出有咩特別秘製, 不過雞好滑, 成個飯好快就食晒2 生滾椰子雞湯飯我仲分左友人一細碗生滾椰子雞湯飯, 湯好濃椰子味好出, 雞都滑, 配料有菜, 有菇仲有蔥, 唔係好豐富, 但不過不失。但可能因為烹煮時間唔可以太耐而令雞失去滑的口感, 雞肉有啲唔夠熟, 友人甚至有幾舊雞冇食, 但總括黎講椰子雞湯飯係好食, 濃郁湯送飯, 如果唔係舊唔熟嘅雞我會覺得呢個椰子雞湯飯值得推介

我是個不太喜歡吃“飯”的人，能吃“麵”就一定要吃“麵”，所以跟朋友出門都多數提議吃麵。友人說這家的米線很出色，就去試試看，果然很有特色。雖然我並不是芫茜狂人，但它那股特殊味兒我也挺喜歡的，這個芫茜湯底很芫茜之餘，還是有雞湯的鮮味，入口清新，令人難以忘懷。

在尖沙咀要尋找飽肚又便宜的小店實在不容易，大型連鎖店雖然便宜，但真的很厭倦那種千篇一律的餐牌，如果想吃有特色的，又會相對較貴，但今次竟然找到一間既有特色又便宜的米線🍜😍，為糧尾減少一點負擔🤑餐廳位於厚福街，地點方便；餐廳內環境還不錯，有卡位坐，座位之間亦不會太迫👍🏻餐廳食品亦不止聞名的米線，亦有飯、湯飯及特色小食，而米線湯底亦有多款選擇，亦有不同的配料今次來到當然要首先嚐試較有名氣的湯底😋👇🏻黑蒜雞湯米線 $58餸菜有雞、冬菇、豆卜、枝竹和時菜，雖然雞件有某份都比較老，但湯底做得十分出色，湯底濃郁，亦沒有平常在味精湯喝到的味精味，在有黑蒜味的同時亦有食出淡淡的甜味，而且這個米線根本不用額外加配料亦有足夠的餸菜，簡直是可以連湯都喝畢的米線😋下次亦會再來嚐嚐其他湯底🥰

成日都聽朋友介紹農米莊主打養生米線，而且湯底好多選擇，好多都好出色！今日係尖沙咀行完街，終於試左我既第一次今次要介紹既係椰汁雞湯米線一上枱見到佢呢碗濃白既湯底，即刻忍唔住飲左幾啖，好濃郁嘅椰子香味，好清甜好正，忍唔住飲完又飲，米線好入味，仲有少量豆卜同支竹，吸哂個湯！仲有，不得不讚下佢既雞，好滑好嫩！就算係雞胸都一啲都唔「鞋」，一見佢d黃油雞皮就知佢唔係雪藏雞農米莊入面仲有好多其他湯底，好多都好養生，將會黎好多次續一試哂佢地

農米莊@尖沙咀食物：椰子雞湯米線❤️❤️❤️椰子湯偏淡，雞滑但冇雞味。黑金雞翼❤️❤️❤️幾多汁，味道幾夾。玫瑰溏心雞蛋☠️☠️好恐怖，寧願佢就咁糖心蛋乜嘢醬料都冇，醬料同隻蛋完全唔夾，味道超奇怪。凍朱古力❤️❤️正常但好多奶，可以多少少朱古力粉。份量：正常，夠飽。環境：座位都唔錯，有兩排卡位，算坐得舒服。服務：好差，其實有一個插曲，有個偏肥嘅侍應，一路傾電話一路落單，全副精神係個電話度，落完食物最後落凍朱古力，佢話冇，之後繼續專心傾電話行咗去後邊。1分鐘左右我覺得好奇怪，朱古力只係需要用朱古力粉溝熱水溝淡奶攪勻，朱古力粉可以擺好耐，咁都冇？我再問另一個內地嘅侍應，佢答我有，落單之後我朋友以為我淨係問佢有冇幫我再補充一次，佢直接用比較差嘅語氣答佢咪落咗囉！雖然可能只係溝通上嘅錯誤，但侍應其實都有客戶服務係入面，如果真係需要咁專心傾電話，不如係入面傾晒成個電話先唔好一路同客講嘢一路傾電話。價格：約$70左右一個人，唔貴，但有好多主打椰子雞或花膠雞湯米線好食過佢，價錢又差唔多。