農米莊 (厚福街)

营业中

休息中

平時出去扮靚前/後，都喜歡去吃米線，近期大愛必定是農米莊的健康之選—黑蒜雞米線！黑蒜可吸收人體內的毒素，幫助排毒，湯的味道帶有黑蒜的甜味，每一口都感覺自己向著健康出發！米線都吸收了湯汁，呈淺啡色，不會湯還湯，麵還麵，其他配料都能吸收湯的精華，例如豆卜、腐竹和生菜。雞的質素都非常不錯！肉質嫩滑，雞皮的顏色鮮亮，不會太多肥膏。之前都試過藥膳雞米線，它比黑蒜較清淡，但配料都十分足！加入了養顏的杞子、蟲草花、紅棗等等，是愛美顏，又愛米線的女士必選：）中午餐比晚餐的價錢便宜一點，但份量是一樣多的！通常繁忙的時段就要搭枱喔。

和老公去尖沙咀血拼完，到厚福街找吃，見到這間「農米莊」，未試過，一於試一下吧！椰子雞湯雞肉米線 - 雞肉很嫩，又好吃；椰子雞湯的椰漿和湯也很濃，我喝了很多，配上米線，吃得好味，喝得舒服。必點！梅子豬軟骨飯 - 真的很開胃，甜甜酸酸的，還較酸，送飯一流！豬軟骨很淋，牙不好的都咬得開！如果我不是有更好味的雞湯米線，我也會搶更多來吃。由於我們是early dinner，六點多，人不多，只有兩三枱，吃得很舒服。值得一試！

懷舊藥膳雞湯米線($58)2碗米線都係3件雞脾位，2件雞胸位。每碗既雞件部位分配平均，唔會出現成碗都係雞胸/雞脾既情況，係好事。雞脾當然嫩滑，雞胸都唔鞋(不過都係雞脾好食)。湯底有好重既藥材味，喜歡，配料有蟲草花、紅棗、杞子等，$58而言都好足料，好食。(個人口味: 3.8/5)椰子雞湯米線($58)+1罐裝可樂($8)最面有少少椰子粉，湯底好甜，充滿椰子味，每啖米線配一羹湯，連湯一齊食，好飽。米線亦都係我鐘意食個款，偏幼，煮得腍身。但係椰子味太重，我個人就覺得同米線唔係好夾。如果係藥膳湯底，我可以俾4分。(個人口味:3.2/5)

🐔食雞時間好味到連湯都飲哂嘅米線老實說 經過農米莊好多次但都係第一次食 因為唔想排隊.黑蒜雞湯米線🖤$59聞落好香黑蒜味 但食落就唔太覺反而幾清香 飲到清雞湯嘅味道不論雞定冬菇都好滑 難怪甘多人叫.懷舊藥膳雞湯米線🐓$58個人覺得呢個好食好多😻👍🏻藥味唔會話太濃醇 飲落好舒服微微甘甜 有蟲草花 紅棗 杞子 川弓等男女都岩食 雞都好滑唔會油膩

睇完戲都十點了，離開the One搵啲輕食，就見到呢間嘢。四寶麵,貢丸好食！彈牙又足料，米線唔差，望落份量唔多正正啱我需要。 同行朋友要柚子豬軟骨，味道唔差，但真係較少舊，都係果句，啱今次需求埋單人均四十，咁就顯得上面堅抵吧？

冇食過其他分店, 第一次食呢間, 好難食。酸辣湯底冇酸味, 好似就咁浸鮮辣椒嘅湯味。醉雞米線隻雞色水好怪, 冇酒味, 亦冇味道可言, 唔講唔知食緊係雞, 湯底我估係雞湯, 但唔肯定, 因為真係唔知食緊咩。另外唔知點解醉雞米線要落蔥, 有啲九唔搭八。啲配料一係似縮咗水咁細細舊, 一係似唔覺意畢咗落你碗咁得個一粒。本來想轉烏冬, 但對面搭枱女士食完講咗句"似係唔靚嘅烏冬", 於是我照食米線, 不過都係屬於唔靚嘅米線。 米線口感, 就好似我阿媽訓過龍唔記得熄火, 煮咗15分鐘嘅米線一樣, 已經唔彈牙, 但又未至於發漲兼易碎, 夾到落口。蝦餅第一眼望落份量都幾多, 夾起就發現係幻覺。每塊好似廚師用銳利刀工輕輕一切, 一分為二, 食到空氣嘅口感, 味道平心而論算正常。朋友評價墨丸都不錯, 杞子蜜都足料不過稍嫌太甜。說實話, 真係未食過咁難食嘅米線, 不過亦聽見鄰桌食客表示已經係第二次嚟, 狀甚欣賞, 希望係小弟有眼不識泰山。冇圖, 返到屋企愈諗愈嬲。

係尖沙咀行街諗唔到食咩，經過見到依間米線主打d湯飲得，而我本身又好鍾意飲湯同食米線，成功吸引我入去食返碗😋😋😋椰子雞湯米線（$58）招牌之一，湯底香甜，有好香既椰子味，而且相信加左椰奶入去煮，湯底濃郁又細滑，配上香蔥、生藥，豆卜同木耳，相當之豐富。而米線入面既雞都好嫩滑，整體嚟講好好味😋而朋友就叫左懷舊藥膳雞湯米線（$58）藥膳湯湯底有好香藥材味，同椰子湯濃厚既口感唔同，依個湯底相對較清，飲落去好順口，飲完成碗都唔會覺得膩同滯，而且入面有蟲草、杞子同雲耳，飲落去非常清甜，香濃既中藥味感覺好養生🥰對於成日食米線既我嚟講，嚟嚟去去通常都係食麻辣酸辣湯底米線，而今次依間成功比到驚喜我，之後都會再嚟食👍🏻😋

想食嘅店舖未開門，行前幾步就見到呢間，比佢門口嘅宣傳海報吸引到，店舖主打靚湯底嘅米線，有多種味道:耶子、 藥膳、龍蝦……仲可以加餸，每款都係加幾蚊，睇到都流口水 另外可配熱飲加4蚊，凍飲加8蚊， 價錢也算相宜！店內環境清潔整齊，我們吃了兩個米線: 椰子雞湯米線和沙嗲雞湯米線，兩個都好好味 啲雞好嫩好滑，米線爽口， 除咗雞之外 ， 碗內還有木耳、豆卜、 生菜、冬菇等配菜，材料份量豐富又十足，個湯底好好飲，值得一試！！ 反而最簡單嘅飲品:檸檬水，啲檸檬唔靚，有啲難飲😵而另一杯飲品就落錯單😝

有一晚跟同事吃宵夜的時候見大門橫丁太多人就試吓看看附近其他店舖兼門口貼住湯都可以飲埋又有藥膳湯又有花膠湯諗住女孩子都要補一補就試吓個花膠雞湯米線點知是從那一次之後就愛上呢間餐廳第一次試左花膠湯底我鍾意個湯底夠甜個花膠好林而且唔係劣質花膠而且雞肉好滑唔係太多骨仲配上蟲草花感覺好滋補同事叫咗個椰子雞湯米線透視左兩啖湯底好重椰香另外叫咗一個太極鴛鴦皮蛋爆芝松露墨魚餅皮蛋透明嗰個會好食啲黑色嗰個一般墨魚餅硬左少少松露味一般呢間餐廳始終米線會比較好

去到農米莊差不多五點了，無諗過仲有下午茶，唔理咁多點咗先講。友人極力推薦椰子雞湯米線，碗麵來到有好香椰子味，先試吓個湯椰子味濃郁，而啲雞肉好滑喎，件數都唔少，仲有雲耳，最後連湯都飲埋一滴都無剩。朋友叫咗個懷舊藥膳雞湯米線，好香嘅中藥湯味道，有杞子、蟲草花、雲耳啦，雞件滑滑，一點雪味都無，真係好好食呀，下次我要食呢碗。最得意係嗰度嘅哥哥仔話仲係下午茶時間，價錢好似$45仲要加$4就有凍檸茶飲添，咁梗係叫哥哥仔快啲同我落單啦，真係好好人呀，必再來💪🏻

今日因爲工作嘅關係所以中午要係尖沙咀搵野食。之前經過米農莊，次次都要排隊，所以已經心思思想試食嘅喇今日難得門口冇人排隊，所以就一支公走左入去。米農莊主打米線，雖然餐廳已經幫你pre set 左米線的配撘，但都睇到我眼花撩亂❗️因爲真係好多選擇，而且價錢合理。當然你亦都可以選擇自由配撘。我眼見身邊唔少人都點左懷舊藥膳雞湯米線，所以我都跟隊揀左呢個🍜懷舊藥膳雞湯米線 $46米線黎到嘅第一件事當然就係試吓佢個湯好濃嘅藥材味❗️❗️（感覺好似好補身咁）而我飲晒個湯底都唔覺口渴，感覺冇落味精，真材實料。雞件部分不過不失，唔算好滑但起碼唔’鞋’口另外除左米線之外餐廳亦有碟頭飯供應但個人建議order 米線好似好味啲（因為我隔離枱啲人叫碟頭飯，賣相一般）

有少少我想搵嘢食但係已經係五點鐘嘅時間, 今晚有約咗人食宵夜, 所以都唔敢食太飽 ,咁我亂咁搵嘢食啦諗住咩都試下啦,行過咁啱見到一間米線電店, 突然之間見到一張圖寫住芫茜濃湯米線 配雞件, 眼神為之一亮。入到去就毫不考慮叫咗呢一款米線, 一上到嚟見到我都心心眼, 因為真係成碗湯都綠色,同埋上面放咗啲芫茜, 個心就以為一飲落去就係芫茜味啦 , 點知係有少少芫茜味嘅,但係個湯底我純粹係覺得普通雞湯底有啲蔥味芫茜味就欠奉啦。 而第一彈嘅芫茜麵喺邊度嚟呢?就係我連埋啲芫茜一齊食所以就有味。。如果你真係好鍾意食芫茜一心諗住試新嘢咁我就勸你唔好試喇, 你只會失望而回。。。

喺網路成日見到人推介呢間米線。上星期終於有機會嚟試下，我本身係好鍾意米線㗎。成日都周圍去食唔同舖頭嘅米線。呢間吸引我嘅地方係佢嘅湯底好真材實料，feel到佢用足料去"au"個湯底。 個湯底好濃沃，我直頭想飲曬佢碗湯!🤣🤪🤤而且另外再有幾塊雞， 成件事好滿足好滋補。可惜嘅係佢咁米線煮得過淋。如果硬返少少成碗嘢我會比100分!💪

行過厚福街搵野食嗰頭勁多野食 但係好多都唔平唯有依間睇落價廉物美一入去有個男人(老闆?!)好好笑容同招待嘩，雖然餐牌主要米線 但係配撘已經足以令你睇到眼花潦亂多數人揀藥膳雞件米線但係我就揀咗番茄龍利柳米線 ($59)成大條龍利柳起面勁足料😍湯底濃濃嘅番茄味😋仲有啲殘餘番茄食 好好味 好新鮮🍅米線份量勁多 所以食完勁飽而且米線滑身 微微有彈性 唔易斷 又好入味👍🏻所以幾飽都食矖!龍利柳好香 而且有肉地 吸入咗湯底更好味 雖然佢外面層粉厚咗少少佢仲附有支竹 豆卜 雲耳 生菜 同 冬菇-真係好抵食 又大碗又多料重要係好食🤤下次想試藥膳雞件米線 因為見佢真材實料有杞子 紅棗等 好似好養生咁🙈

好多飲食雜誌極度推介的米線舖咁啱今日行過因著呢間出名雞湯米線就走入去試下食，今次嗌左椰子雞米線同黑蒜雞米線，再家鎮店的黑金雞翼雖然碗米線🍜好足料，有四五件雞件，生菜、豆卜同冬菇，先不要說湯底，雞件完全欠雞味，冬菇酸酸的...豆卜同米線完全吸收唔到湯汁味，成碗麵好似將所有材料擺番埋一齊咁出名雞湯底的濃米莊，椰子雞湯只飲到椰子的甜味但無椰子湯的清香味，更加唔似有雞湯的成份，黑蒜就更加唔特別...黑金雞翼，聽到個名好特別咁，以為係d自家製有自己秘方烹調的雞翼，誰知味道同瑞士汁雞翼的味道不相伯仲，而且好稠，真心好難食，價錢仲要同譚仔的土匪雞翼同價，但口感完全係兩回事🤮