農米莊 (厚福街)

营业中

休息中

近幾年，新興藥膳米線，尖沙咀位置亦有不少米線龍頭，以米線黎講算貴，但如果以如此質量，可以一戰藥膳雞米線湯頭藥材味不算濃，但都特別，58來說都ok醉雞米線湯頭與藥膳湯頭有明顯分別，但以價錢黎講算貴，7x~8x值得一提是，雞件很濃雞味，非一般雞件，很黃不太肥。食米線無小食情況下，人均要到百多元一個人(因有加一)，有點兒...那個，另外，店中大部分人都點非米線食品，以碟頭飯似快餐店居多...是有甚麼喻意嗎...

第二次嚟農米莊，上次試過佢嘅藥膳雞米線表現唔錯，今次朋友聚會就再encore佢其實好多款湯米線可以揀，有時食厭咗雲南米線，轉吓口味都幾好我照舊揀咗藥膳雞米線，朋友揀咗椰子雞米線同麻辣雞米線。佢上菜超級快，落單後幾分鐘就已經有得食，抵讚但我哋食完第一啖、飲咗啖湯，都異口同聲咁話：上次好味啲，個湯底淡咗啲。不過雞同配料都好足，我超鍾意食蟲草花同杞子，佢米線又多，食完好飽肚，加上我又買咗野飲，所以無嗌小食希望下次嚟佢個湯底會有改善啦，始終湯底對一碗米線嚟講，真係好·重·要！

仲係過緊新年，有好多餐廳都未開番門，原本諗住同未來老婆大人出嚟行吓街食吓野，點知行咗好多間，想買嘅嘢買唔到，想食嘅嘢又未開門，行咗去厚福街，先至見到開咗門嘅餐廳，最後我哋揀咗食米線，新年食得太多蘿蔔糕同埋熱氣野，細心嘅未來老婆大人揀咗芫荽湯俾我清熱，入面有芫荽之外，仲有幾條生菜，豆卜，支竹，2隻冬菇同埋黃油雞，材料非常豐富一大碗，冬菇係乾冬菇主城，香味濃郁，還有雞味非常重，雞油分明，食落去非常滑。

經常都是一個人來，有時為求快都跟三五之己來，但人多就會有易落錯單情況出現，大家要睇睇枱上的單有冇入錯。卡位都好坐，都岩跟朋友傾吓計休息吓，由於我每次食都是大約下午5-6點時間，都沒有很多的人。食物方面都還好，本人愛吃魚都會叫魚食，不過就是炸完放回湯麵的，不想吃油炸的人要注意喔友人愛吃芫茜，應該愛芫莤的朋友也可以前來一試，我都試了一口芫西雞湯，芫茜非常之多外，還有一點點點的像是抺茶粉都東西在湯上，是增加了整個湯味

我同男朋友自從之前食過椰子雞就一直念念不忘😳聽朋友介紹就黎左試試佢🤤生滾椰子雞湯飯跟農米雞件($68)濃白既椰子湯底帶出濃濃既椰子香🥥,上面仲有椰絲, 香甜又細滑.😌湯飯啖啖都索晒椰子味,好舒服, 唔會over左. 每個湯飯同米線都配上香蔥,豆卜, 木耳, 支竹同香菇.農米雞件好嫩滑,一啲都唔”鞋”,唔油膩, 好好食🤩喇沙雞湯米線 ($57)叻沙湯相比之下較濃郁,配米線食就啱啱好跟餐加左2份香烤甜粟米🌽($8份) 一份有兩件 不過呢個就比較遜色 粟米唔算好甜 比我想像中味道要淡小食叫左花雕醉雞翼 五隻 ($38)隻隻雞翼都好肥大😆 好香花雕酒味,肉質比農米雞件既實, 但係都好好食啊😋

第一次在農米莊食椰子雞湯米線挺失望，本身看椰子雞湯米線的poster是有椰子條，但黎到只有椰子絲，湯有椰子味又如何，心諗真是貨不對板，不如叫椰絲雞湯米絲啦！本身是叫了走豆卜走腐皮少線，額外加了芝心丸，最後是沒有跟我的單上菜，甚至少比了芝心丸，好彩有個員工都醒目，幫我追返！

天氣稍涼諗住食翻啲熱野暖胃，路經厚福街入左呢間試下，見餐牌懷舊藥膳雞湯米線賣相不錯，一於試下，跟熱檸水，餐飲很快奉上，但水不太滾熱，兩片檸檬，到懷舊藥膳雞湯米線，足料，即試飲啖湯，湯底較淡、湯不夠熱……有待改善

做完運動有啲肚餓，梗係第一時間去揾食。就近近地行去隔離厚福街。厚福街雖然只是一條百多步嘅短街，但從街頭至街尾，卻聚集了數十間餐廳。目標餐廳已鎖定，就係一碗可以連湯都飲晒嘅米線餐廳"農米莊"。午飯時間，人比較多，可即入座，但要搭枱。食咩好呢? 見到餐牌上幅大圖"懷舊藥膳雞湯米線"，心想藥膳都應該幾補喎😂😂🤣🤣，就點了這款。實物與餐牌圖片一致，雞件、冬姑、杞子、蟲草花、豆卜、雲耳、芫茜全部都有齊。雞件好滑，件數唔算多，米線、湯底都好味，重點食完唔口喝。

經過了好多次，今次終於有機會入黎食了。 一入到餐廳最吸引我眼睛既係佢個餐牌有唔同既湯底， 其中我睇下個人氣湯底係椰子雞，我黎呢度食既目的都係因為呢個湯底！ 米線一黎到就聞到香香的椰子味，碗米線既面仲鋪上左一堆椰絲！ 湯底椰子既甜味十足！ 而且雞都好滑， 但雞皮頗厚，油脂都幾多，呢一點我唔太中意。 我朋友就食左個花膠雞米線，佢個湯底又冇我嗰個咁清甜，但係花膠味好重，成碗湯飲落去好有骨膠原嘅感覺，都係值得推薦嘅一碗。😁

OpenRice 食客需注意食農米莊雞湯米線，只要一次廚房及店負責人處理不當，就一世冇咗隻牙，仲有手尾跟， 食完一肚氣。農米莊三位老闆 ——　兩位劉先生同戴先生可否有擔戴呢？！今天下午兩點多到尖沙咀厚福街店用膳，點了叻沙雞湯米線，但只吃了半碗便咬著湯米線中的雞骨，弄崩了我的牙，故即時緊急約見牙醫診斷，我亦馬上向店內自稱老闆的男士作出投訴。我的痛楚加劇，一面頭都痛埋，牙醫確認情況嚴重，其中一隻大牙嚴重破裂，傷及神經。按醫生指示，需即時服用抗生素及重劑量特效止痛藥，重要我等完全消炎後剝牙，然後待傷口縫合後再植牙，唔單只費用不菲，重好影響我的生活和工作。今日我當場告知自稱老闆的男士，餐廳同事必須確保雞骨碎不能混雜於湯米線裏，但佢只輕描淡寫，笑著說餐廳沒位置分開上雞和米線，連道歉都無。因為餐廳處理不當，導致客人牙齒損傷、告訴嗰位老闆我即時約了牙醫。我不是要呃一餐數十元的米缐吃，我喺餐廳不停打電話去不同診所，先好彩約到。老闆還不著邊際，只反覆說下次光顧我可以要求分開將雞和 米線上菜，完全推卸責任。我心感不平，但餐廳負責人毫無歉意，我唔係想攪事，就結賬離去。看牙醫後，身邊人提點我，我的受傷乃完全由

可想而知我幾咁欣賞佢短短幾日又番來食😋不過今日唔再係夜媽媽來。今次試左店家最出名的椰子雞湯米線碗米線面頭仲有啲椰絲(坦白講我真係好憎椰絲😂)飲左啖湯「好甜」之後再濃郁椰子味都幾好飲！不過碗野其實係朋友order嘅留番俾佢啦😀😂。我自己就叫左重口味嘅🌿芫茜雞湯米線🐔來到望到成碗野綠色真係好正😍即刻飲啖湯「超濃郁芫茜味」我超級中意飲芫茜湯唯一係嫌佢咸左啲啲🤔不過可能係我中意湯底唔太咸如果比較上次黑蒜雞湯我就中意黑蒜💓。小食叫左黃金蛋🌶️🌶️🌶️真係好香好辣好好食🌋🤣另外是黑金雞翼坦白講我食唔出係咩味😅朋友就話係蠔油我就覺得唔止so far都ok好味但我下次會想再試下其他。#回頭率高#掛住黑蒜湯#三心兩意

營業時間：0700-0300正式「由朝開到晚🤣👍🏻」一間看來平平無奇的雞米線舖即使去到晚上11點多都仲不停有客人出出入入😯😯😯我問店員：上午7點食嘅野有無唔同？店員笑笑口話完全一樣我真係好驚訝😝心諗咁勁揪…。我揀左『健康之選』黑蒜雞湯米線因為我本身中意食黑蒜😁識得我嘅人都知我中意食怪味野例如好似納豆…😋。一開始食就梗係飲啖湯先黑蒜味未去到超級濃郁不過對大衆來講已經足夠如果太濃烈應該唔係人人受得到。米線就一般米線咁，無野好評😂配料仲有香菇，豆腐卜，幾條靚菜仲有就係主角：雞雞肉都幾滑又唔會有碎骨不過對我來講個湯先係主角😍。店主告訴我呢個黑蒜湯係原粒黑蒜打蓉去煮聽到都覺得好正💓好想飲多啖加上我飲落應該係無味精雞粉就唔知有無😅不過so far食完唔口渴。小食就叫左炸春捲同麻辣雙蛋前者我無乜興趣(夜晚食炸野有罪惡感)。後者我俾十個讚😂💓💓💓偏愛黃金蛋！但主要係個麻辣好香好好味不會超咸，夠麻夠辣我之後仲撈米線食😂(唔好同我講啲辣油好肥)😭諗起都好想再食！重點係食完唔口渴！！！！(比較好出名連鎖式米線舖嘅皮蛋)。#回頭率100巴仙#好肚餓#好想再食#我都覺得自己好誇張#下次試椰子雞湯#選擇困難症

天氣降溫，尖沙咀街頭風大，經過厚福街見到有 米線 即刻走入去避寒，入到去好溫暖。超值之選有$30+米線配$6-8餸，懶得揀見到麻辣雞湯米線 $49 有麻辣 就好吸引😍 當然麻辣湯底媲美唔到我最愛嘅麻辣米線店。不過還好，不過不失。雞件唔算多，可吃到嘅肉都唔算多，不過唔會好似某啲餐廳整得咁多油肥膩。另外仲有少量配料：豆卜、支竹、雲耳、冬菇凍飲+$8 叫咗杯凍檸茶少甜呢間標榜自己係「1碗可以連湯都飲晒嘅米線」，有花膠雞湯、藥膳雞湯、椰子雞湯、芫茜雞湯......都幾養生，每碗$100樓下

呢到都幾多人食 要排隊 我就叫左個椰子雞米線 椰子味甜 湯底幾好飲 雞肉嫩滑 幾好口感 仲有因為有friends一齊食叫左個黑金雞翼 秘製既黑金汁 味道唔錯 似沙嗲味既感覺 下次可以再黎食

厚福街出名多野食，9點幾過到去，間間餐廳都排哂隊，好多人食。。。見呢間食米線又有吾同湯底揀，就試下啦。。餐廳位置較迫，二人好快有位，不過就坐得不太舒服。食物就係米線，可以揀吾同湯底或者配料。。藥膳雞湯米線：入面配料算多，有幾件雞。每個人都話啲湯好好飲，但我覺得啲湯好淡，米線係暖吾夠熱。但啲雞幾好食，好滑。麻辣鴨血雞湯米線：呢個米線覺得好差😔鴨血完全無醃製過，無味。。一點都吾好食黃金皮蛋：呢個有點求其，個賣相有點差。呢間服務一般，食物都一般，無下次lu