農米莊 (厚福街)

营业中

休息中

黎到厚福街呢個美食天堂，小編當然食好d，今次揀左呢間天然自家製雞湯底既餐廳，農米莊！ 進入店內，環境尚算舒服寛闊，燈光柔和，偏黃色，店內以卡位及方枱擺設，快餐店設計！之後小編點左兩款米線，呢款係店內招牌菜，懷舊藥膳雞湯米線，米線湯底濃郁鮮甜，內有杞子、紅棗、當歸、蟲草花等食材，絕對足料！另一款係喇沙雞湯米線，喇沙惹味香辣，雞肉鮮嫩，加上豆卜將湯汁吸哂，真係超好食！最後飲品方面，小編點左特飲，朱古力紅豆冰，朱古力味濃，可惜紅豆少左d，如果兩者能平衡點就好喇！整體來說，餐廳價錢正常，份量多，高質，大家不妨試下！