農米莊 (厚福街)

营业中

休息中

今日突然好凍❄️，就諗起農米莊嘅暖笠笠藥膳米線，餐廳主打健康養生湯底米線，聲稱無添加味精，係「一碗可以連湯都飲晒嘅米線」🍲，價錢行平民路線，試一試係咪咁堅先~————————————————👅椰子雞湯米線（$58）👍🏻見到係養顏首選，貪靚嘅J先生即刻order左🤣~上檯就聞到椰香味，配上椰絲嘅奶白色湯底飲落有啲似椰汁， 清甜帶點奶香👍🏻一碗六至八件雞，質地都OK唔鞋，J先生好彩就有雞髀肉，我就食雞翼👅懷舊藥膳雞湯米線（$58）👍標明養生之選，有蟲草花、枸杞、紅棗等中藥材👀，湯底係甘甘苦苦嘅藥膳味，配菜有冬菇、雲耳、炸支竹同豆卜同兩條生菜，都算多餸~ ————————————————🚩總結：有啖湯水滋潤下，食完唔會口渴😯，如果想食都值得再幫襯嘅————————————————🌟注意： 網上有指員工態度差，上次食未至於無禮貌，大概普通茶餐廳服務水準

天氣凍❄最岩梗係食碗🍜暖下肚,當然最好可以有埋碗熱湯飲下就最好啦🙊這餐廳正正滿足到我以上兩個願望👍餐廳的🍜米線湯底有好多款選擇😻當中包括: 黑蒜, 藥膳, 花膠, 麻辣/酸辣, 黃椒, 芫荽, 椰子雞最估唔到竟然有好豪華的龍蝦雞湯(真係有成隻龍蝦) 每款湯都會包農場雞件,仲會有 (椰子絲,冬菇,雲耳,支竹,豆卜,時蔬) 當然仲有好多配料可以追加,但小編唔逐一打配料出黎啦!因為真係好多配料可加🙊每款米線可以+$4 改選烏冬/拉麵椰子雞湯米線+腩肉由細到而加都好鐘意飲椰子雞湯,所以一見到餐牌有諗都唔諗就選了它🙈 果然真係冇選錯,一遞上米線已聞到好香濃的椰子雞湯味尤其椰子味好突出👍第一時間等唔切飲啖湯真係好好味,即刻成個人暖番哂😄我充滿能量了, 🐔件都好嫩滑雖然只係雞胸肉,但都唔會"鞋"口,仲好有鮮味😋 腩肉更加唔駛講佢層次好分明一層一層,仲好厚身表皮仲煎過食落好香口👍

食物ok,但員工態度唔多掂，第三次食，這感覺唔多好首先，入到去門口企左陣，冇人帶位或指位，咁好啦，咁自己搵坐；想落單搖左好耐手先有人，落完單又唔覆單，之後見佢放低張電腦單，有野錯的，搖手又係冇人理，咁行去佢面前同佢講：唔該，我唔係落呢樣呀，係XX呀，個員工好唔耐煩話：得啦，你坐返去啦即係落錯order我都冇怪你，仲提早話你知，但佢的語氣真係令人唔舒服，又唔係多客好忙

呢間係朋友係油麻地食過, 原來尖沙咀都有分店, 傳說佢唔係普通米線湯底咁簡單, 而係有椰子湯等養生湯底米線, 所以試下 柚子豬軟骨米線果然不錯! 好特別既柚子湯底味! (*´∀｀*)本身覺得好奇怪, 甜既柚子味點解會用泥做湯底, 但原來食落口酸酸地, 而且同啲麵無遺和感; 豬軟骨份量ok~ 唔係啲好硬既肉口感ok正常除左酸甜味湯底特出, 估唔到除左豬軟骨係仲有其他餸架! 仲有腐皮, 芽菜, 生菜, 唔錯唔錯~~成碗湯啲餸都好夠٩(^‿^)۶

近期非常流行食藥膳米線🍜 早前都試過荃灣嘅馬祖之後 喺油尖旺區亦都物色左另一間有得食藥膳米線嘅地方— 農米莊💁🏻‍♂️美味指數 😋: ⭐️⭐️⭐️⭐️環境指數 🏖: ⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)✨ 椰子雞湯米線 $58首先個湯底非常非常重椰子味🥥 佢入面嘅程度係連嗰啲豆卜 支竹等配菜都但有濃濃嘅椰子香🤤 至於米線方面佢嘅質感都算唔錯 份量中規中矩啦👍🏻 雞件都可以未至於好老好”鞋” 但比較都係雞骨 如果想食啖啖肉嘅你可能會覺得個雞有啲少😂🐓✨ 蕃茄蛋雞湯米線 $59有鑒於小編真係好鍾意食蕃茄味嘅嘢🍅🤩 呢一個湯底就真係啱晒‼️ 試飲呢一個湯底嘅時候就已經感覺到佢嘅蕃茄味好清新 完全係無添加🤤 佢嘅蛋亦都整得啱啱好 一啖湯配上雞蛋同埋米線 完全係冇得輸😋✅作為普通嘅米線舖其實佢都算唔錯👍🏻 佢嘅性價比都算係好高 而且喺油尖旺區都有分店😏 如果大家想食米線又唔想去大型連鎖店可以去呢間試吓💁🏻‍♂️

農米莊標榜自家湯底無落味精，係一碗可以連湯都飲晒嘅米線。今次試咗椰子雞湯米線，果然無呃人，湯底清甜不油膩，真係會唔覺意就飲曬啲湯！以前我食米線淨係會嗌麻辣，但原來唔辣嘅湯底同米線都可以咁夾㗎！閒日下午茶時段，米線加熱飲都係48蚊咋！

喺尖沙咀米線都有好多間第一次試吓食呢一間米線因為見佢都幾特別出咗個芫荽湯底我哋叫咗一碗芫荽湯底同埋蕃茄湯底兩碗湯湯底都好夠熱啲雞好滑同埋都好多件雞啖啖肉蕃茄滑蛋米線蛋都炒得好滑身而且番茄味亦都好濃烈芫荽湯底就唔算好重芫荽味但係都好香米線都好爽50幾蚊一碗米線都好抵食

餐厅位于厚福街头，店外贴了一些传媒报道和食物照片，他们声称要喝完最后一滴汤。除了米线，还有不少小食，种类不少，都是二十多三十元，价格也较贴地。今天早点吃晚饭，到达的时候比较早，餐厅内也没什么人，好容易就找到座位，不需花太多时间就下了单。不用两几钟，服务员已经把东西端到跟前。椰子鸡汤米线是其中一个招牌菜，奶白色的汤底，再配上椰丝，可以闻到很香的椰香。汤真是美味，应该没有添加味精，清就无比。只是其他配料较少，几块鸡、两块萝豆腐卜和两件冬茹。而且米线过腍，有点碎，口感一般般。米线的配料不太丰富，但汤真的不要浪费。

係尖沙咀處理少少野之後超級肚餓，求其係厚福街搵間餐廳坐低🤫🌟椰子雞湯米線連雞件 (5分滿分，推薦程度: 🌕🌕🌕🌕)未食已經聞到好香椰子味，飲落濃郁而帶甜，係可以放心飲而無罪惡感嘅湯底☺️米線質感正常，雞件算滑，但無咩特別，所以扣左少少分。另外都有其他配料(冬菇，支竹，生菜，豆卜)，算係幾豐富！總括嚟講，呢間舖嘅湯底幾特別，見到佢仲有藥膳湯底會想下次試，配料味道正常，價錢亦親民👍🏼唯一嫌棄嘅係因為加左隔板，所以環境幾逼，不過推薦附近返工嘅朋友可以放lunch一試🍜

厚福街雖然好多餐廳～但因為同朋友成10點先去呢到覓食，所以好多都截左單，見到呢間仲未截就一於去試下啦～我叫左個麻辣嫩鴨血雞湯米線，呢間餐廳標榜左係連碗湯都可以飲晒嘅米線，咁我就以為好好味，所以第一時間飲啖湯先～麻辣湯底唔夠濃唔夠辣但都有味嘅，不過不失啦，可能因為我期待太多～鴨血都正常，啲雞斬得太碎好多碎骨，只能說係一間正正常常嘅米線舖～別想太多🤣

今日做facial前衝去食返碗念念不忘嘅藥膳雞湯米線。係尖沙咀地鐵站行去時條路都好多人，擔心米線可能要排隊。好彩，去到大概630，可以大家未放工或未趕到嚟，入面得幾張枱有人，我就可以即刻入去食米線了！不過今次係有d失望！退步左！藥膳雞湯米線58蚊 佢個湯唔知係咪晚市太早，d湯其實係未煲好。佢個湯雖然有藥味，但係好曦嘅感覺，水水的。記憶中佢嘅清湯雞味係應該重味少少。不過佢啲米線係煮得好好嘅，個人比較喜歡彈牙嘅口感， 係出色嘅。熱情果特飲20蚊叫咗少甜都係好甜 ，飲咗兩啖就頂唔順放棄咗。順帶一提我懷疑個侍應係Hea我，冇幫我叫少甜。幫我落單嘅時候佢好似心情唔係咁好。

本身次次嚟都唔會揀呢個湯底，因為見到黃椒呢個字，以為係好似燈籠椒咁，淨係甜甜地但唔辣。但有一次問咗店員，佢話黃椒湯底味道有啲似泡椒咁，辣辣地嘅。聽佢咁講完，我就姑且試一試。自從試咗嗰次之後，我每一次嚟農米莊，最後都會忍唔住不停揀返呢個黃椒雞湯米線，因為真係好好食。佢味道係辣辣地嘅，但辣得黎仲有一種獨特嘅香味，係我喺其他地方從來都未試過嘅味道。再配埋好嫩滑嘅農米雞，我每次都真係覺得好好食，所以每次都係揀返呢個，仲每次都會飲好多湯。因為係午餐時段食，所以有午餐嘅優惠價，比起正價應該大概平$10左右，只係需要30幾蚊，相當抵食。

試過幾間農米莊 呢間d員工都算最無禮貌 十問九吾應 叫左個雞湯飯 個湯勁鹹 等左成30分鐘都未到 d野以前就幾好食既 但d態度就...我諗下次都吾會黎食佢個涼拌青瓜完全無味 好睇吾好食

本身個人比較喜歡食米線 今日下午放飯嘅時候諗緊食咩好🤔行到厚福街就見到呢一間主打雞湯米線 亦都表明冇味精🤩啲湯可以飲到尾 就俾佢吸引左入去試下！！我自己嗌左一碗黃椒雞湯雞件米線 中辣😋 由於喺街上面好少見到會有加入黃椒嘅湯底 所以揀左呢個🤗 而男朋友就嗌左一碗椰子雞湯米線～飲一下啖湯真係好鮮甜，而且雞味好清香！雖然黃椒嘅味道比較重 但係都唔影響雞湯本身嘅香味 而且黃椒嘅辣度比普通辣椒辣 所以建議食得辣嘅朋友先好嗌中辣啦 唔食得辣嘅最好嗌小辣🥵 唔食得辣嘅朋友唔使驚呢度仲有好多唔同嘅湯底都係唔辣㗎🤫例如好似我男朋友嘅嗰個椰子雞湯米線 完全係另一番風味~~一樣雞湯鮮甜 但係椰子嘅香味十分濃厚🤩 加入磨碎嘅椰絲令到碗湯清甜得來但係帶有少少creamy 但唔會流~~鍾意椰子嘅你一定唔可以錯過❣️至於雞件方面分量十足☺️ 每碗米線至少有六至八切件嘅size嘅雞件 所以絕對足夠一個人正常嘅食量 睇落去雞件骨嘅側邊帶有少鮮紅色 最初以為唔熟 但原來係啱啱好🧐 而且最值得讚嘅係雞件肉質鮮嫩😮一啲都唔鞋而且雞香味濃 食唔停口！！總括來講呢一間米線值得再次光顧 而且價錢便宜❤️ 湯嘅選擇亦多 食得辣同唔食得辣嘅

行過厚福街，見到林林總總既食市，有間主打連湯都可以飲既米線吸引左我視線，決定一試。於是我簡單叫左個麻辣雞湯米線。試左個湯底後，我後悔了後悔叫左麻辣湯，令到成個湯底有種格格不入既感覺。因為麻辣似係從現成既麻辣油啲落去。同雞湯本身都溝5埋。只要剔走辣油，基本上普通雞湯米線。而麻辣本身都係現成關係，麻同辣都流於門面，叫聊勝於無。所以我寧願下次叫個雞湯米線算。而米線偏淋身，應該係煮耐左失去口感所致。雞肉本身都嫩滑，因為係後加落湯，所以5怕肉質太「鞋」身。個雞湯係抵讚既，因為清清地又有雞味。飲落完全5覺有味精。不過，個人5覺得有咩吸引我翻食