農場鮮奶有限公司

营业中

休息中

夏日炎炎正好眠,但一早已經約了友人遠足由荃灣出發,過了中午才到這歇腳點,大家都很累,點了燉奶,薑汁撞奶和芒果布甸互相分享燉奶口感幼滑,女士們多吃應能達美容之效薑汁撞奶,即叫即撞,店員叮囑要待兩分鐘後,薑汁撞奶就會凝固,果真過了兩分鐘後就完成, 吃進口中薑味濃郁但薑的辣味令我們在炎夏中熱上加熱最後是芒果布甸,雖然我們三人分享了這小小的布甸但每人皆有不少芒果肉,用料充足,而且更充滿芒果香味

見係星期五，人小小，入元朗睇羊羊，點知可能因為太熱啦，所以o的羊羊都返左入去間屋度休息！咁就不如去食野啦！雖然今日無咩人，但係o的燒賣又無話蒸到淋左，好！所以一上檯就忍唔住食到得返兩粒先記得影相！哈哈哈跟住就係餐肉煎蛋出前一丁* 蛋同出前一丁就唔多講啦，講下塊午餐肉啦，真係切得幾厚，唔會好似其他茶餐廳咁切到薄薄的！讚！牛奶呢！農場牛奶果然係唔同o的，又唔會話有酥味，有不會過濃，連我這果不喜歡飲奶o既人都讚，有時間就去試下啦！最後，本身想食鮮奶芒果布丁o加，不過老闆娘話今日o的芒果唔靚所以無買唔整布丁，我覺得好好呀，證明佢地唔會求其整o的野比客人食，讚！

(800)農場鮮奶在Open Rice搜尋，一向都在前列的位置，並且有3.7分，可見這裡的食物，肯定有一定水準，來這裡似乎又不容易。其實來這裡，除了乘坐51號大巴前來之外；也可以在元朗市區，也有72號專線小巴前來，在雷公田路口下車便可，但亦要行上20分鐘或以上。如果是自已駕小車前來，從雷公田路口的引水道車路也可直達，不過遇上對頭車，就要左閃右避了。這天Johnny 又越過高山又越過谷，從荃灣越山而來，再次行經雷公田，路過農場鮮奶的門前，想起這裡好味的食物，當然又被這裡的食物吸引了入去。今次仍然要了鮮奶及薑汁撞奶，還試了鮮奶芒果布甸。農場鮮奶(13元)，舊日養牛的農場，這裡已經沒有了，上次店員曾提及過，鮮奶已經不是這裡生產的，農場已經搬到國內了，其實那裡生產也不重要，最緊要是保持好質素就夠了；鮮奶是選擇了500ML細盒裝的全脂鮮奶，紅白色包裝設計仍然依舊，其實此品牌鮮奶，市區內也有得賣，雖然如此，來到這裡，喜愛鮮奶的我，當然又會再飲的，今次飲落味道仍然OK，雖然奶的質感不是很濃，奶味仍然感到很香。熱薑汁撞奶(15元)，上次吃過這裡的冰凍薑汁撞奶，雖然感覺很滑，但並不喜歡帶著苦味的薑汁撞奶

聽朋友講雷公田有羊睇又有新鮮牛奶飲，今次專程山長水遠黎到一試，女朋友見到幾隻羊仔好開心，同D小朋友一齊拎D草去謂羊。之後當然係要自己醫肚啦，其實都唔少人，全部永都FULL，不過D人都係飲杯奶，好快就走，所以等左幾分鐘就有位。不過落完單就等左好一陣先有得食，事關唔夠人手。最搶手既係佢既新解牛奶，有杯裝同盒裝，我地買完之後盒裝即刻無晒貨，只係得番杯裝置雖然牛鮮唔算太貴但一D都唔平，不過飲落去真係好唔同，奶味好濃仲勁過北海道3.6牛乳，好香，飲完會好想飲多杯。去到唔可以唔試!而餐蛋麵就係一碗普遍既餐蛋麵，但足料得黎亦無話太焦太油，都算健康。

朋友揸車帶我週圍遊, 外出吸下新鮮空氣, 人都開心啲精神啲, 輕輕鬆鬆過週末。 朋友最愛鮮奶, 所以專登入去食過下午茶, 有時想試就去試, 對自己好一點!環境之前星期日去過一次, 好多人, 排晒隊。今日星期六5:00pm多, 就唔多人, 清清靜靜, 很舒服!食物兩個人買了500ml 紙盒裝鮮奶($14)及一碗熱燉奶($16)朋友話鮮奶一般, 沒有特別, 鮮奶味不是太香濃。燉奶夠晒熱, 白雪雪, 好吸引。入口真是好滑好香, 又不太甜, 剛剛好, 真係比起糖水舖的燉奶正好多!下次想試試薑汁撞奶

行山經過呢到，都一定會坐低飲杯野睇下羊順便洗洗腳洗洗面農場鮮奶500ml($13)味道同平時飲既差唔多薑汁撞奶($15)偏實，可以做得更好呢(車厘茄係自己帶去啦)行到累，同朋友坐低食下野，睇下羊仔，環境同風味搭夠!

食完熱狗, 再出發到此日天朗氣清郊遊之目的地~~之前曾黎過一次, 但都是幾年前的事了, 入口處仍記起在那, 但對於一直向前走很不確定, 因為記起某處是禁止進入的, 星期日下午很多人, 某些位亦是單線行駛的, 多車的時候真的很麻煩呢, 大家都需要多些忍讓~~~一直去到某一處有road block及大量警察駐場, 以為會被抄牌, 原來只是提醒只可前去農場鮮奶, 再前去就禁止進入了~~食飽看看羊及周圍走走, 呼吸新鮮空氣, 很好的周日節目~~~

星期日一早出來走走, 獨自出車走走熟識下香港既路.朋友介紹話這條路線都幾好行, 所以一早就來走走最重要目的都係為左來這間香港既農場飲下佢地既牛奶.要左個雪菜肉碎烏冬加牛奶...對此店既牛奶充滿期待既話可能會有點令人失望.牛奶味道唔算香濃, 味道仲有點偏淡就似飲緊低脂牛奶一樣.反而個雪菜肉碎烏冬又做得幾出色, 烏冬麵質煙韌滑身又有嚼口, 雪菜亦不會過咸加上醃過既肉碎十分配合.環境都好舒服, 特別一早來時人比較少都算幾清靜.有時間仲可以俾錢買扎草去鍡下D羊仔都幾開心.]

某日即興想舒展身心, 郊遊一下, 呼吸一口新鮮的空氣, 遠離人煙, 便走來石崗軍營那邊。 落小巴後沿甲龍村的路牌那邊直走, 只一條路, 不難找到, 沿途風光明媚, 中途會經過大欖燒烤場, 天朗氣清, 綠樹林蔭, 滿有郊遊的感覺, 勾起不少小學旅行時的情景, 感觸良多。 大約走了十分鐘, 離遠看到一塊乳牛形狀的石頭, 終於到步了。 趕及在收鋪時來到, 匆匆點了兩款甜品。 本身雖不愛喝牛奶, 但偏偏又是奶類製品的超級支持者, 特別是甜食中的布甸、奶凍。 芒果布甸($15)色澤偏淡, 跟那些鮮色得似接近橙黃相較, 踏實自然很多, 心理上總覺沒含太多的香味劑。 表面帶些小氣孔, 不是完全的順滑, 但實又輕柔, 有點像奶凍, 滑溜卻實在, 魚膠粉份量不過多, 夾雜著清甜多汁的芒果粒, 份外引人。燉奶($15): 表面的奶已凝結成一塊薄膜, 微微的漿著雙唇, 完全突現奶的原味, 加上本身出產已夠純淨天然, 絕無添加, 難怪每口都是那麼醇厚細膩, 入口幾近是直滑入喉中。沒有薑味的點綴下, 更嚐出獨特的鮮香, 滿載一份清新的氣息。 即使吃至中後, 也不會有出水的問題, 甜味控制得不俗, 不會予人膩

放假行山，健康又舒服，可以遠離市區。行完山，在郊區食野好舒服，雖然落左一陣大雨，天氣很涼快。還要試試＂農場鮮奶＂這盒奶比起平時係超市買到的更好飲，有香濃奶味，滑滑的。還買左一碗麵，餐蛋公仔麵。

綠蔭裡，草坡上，飲完茶，登完高，我們就朝上村的方向慢慢地下山。路途上，想起了一個我想帶太太及家人去遊玩休息的地方。就在大帽山石崗方向的山腳，石崗軍營附近的一條村莊，是行山人士同車友的歇腳亭。我們來到了甲龍村的農場鮮奶。我們來，為的不是食，是次為的是探訪這裡的小山羊，飲同食都是其次。但，既然這裡有一個涼亭小食部可供人小休，又有鮮奶奶茶咖啡以及公仔麵供應，看完羊羊，我們就坐低嘆返杯野飲。太太本想食雙皮奶，但23元1litre的鮮奶也的確是有無窮既吸引力既。於是便叫了一盒享用。好多人都懷疑，既然是農場新鮮出品，為何還要用盒裝好呢? 我看見農場的大閘打開，新鮮的一盆盆包裝好的鮮牛奶從裡面推出，是新鮮嗎，香港本地製嗎??? 若是大家過份執著的說，可能會令大家失望了，因為 "農場鮮奶 " 的 "農場" ，根本不在香港。雖如此，本地的小品牌鮮奶也是值得我們去支持，這一盒 "新鮮" 牛奶，味道的確比起其他的本地品牌來得香濃。濃得黎，比十字牌香；甜甜地，沒有維記的過甜；奶香滑，比起牛奶公司的更滑。這樣一比，此奶產量不多，卻是本地品牌中的最好`，的確是值得一試。

不知是否太注重「農場」二字，在來這兒之前，我們曾有幻想過這兒會看到牛，看到有人濟奶的過程，看到綠油油的草地，但原來是想太多了。千辛萬苦才來到的鮮奶「農場」比心目中的農場細十分多，眼看有很多地方也是私人重地不外放，只是看到一個戶外但有蓋的地方小食亭，放了數張白色的膠卓椅，有幾隻羊可供餵飼，還有的就只是幾個車位吧。好吧，那我們只好試試看它的食物有什麼吸引力可以令這麼多人好評。其實小弟最近兩年在家經常飲奶，當中最喜歡香港牌子暫時是十字牌，因為它的奶味比較濃而且比較來說微微杰一點點，可以在口中last 多一兩秒。而這兒的，個人感覺不是想像中的好，它的奶味比較多款牌子的也薄弱，也不會杰身的，單飲來說沒有什麼過人之處。這兒的燉奶同樣的奶味為輕，不夠吸引力。芒果布甸比較好，可能它不是完全依靠奶的濃道，吃下去夠香也夠滑的。這兒的薑汁撞奶可說是有驚喜的，兩者也不算重，好的是薑汁和奶味道平衡，奶味不知因為薑還是用了其他奶製作而有所提升，放了一段時間待成形後依然夠熱，加上軟滑得有點呈水狀，是不可多得的佳品。公仔麵，賣樣不錯，所有的也是恰到好處，我想大家吃的原因也是為了風味吧。最後，我們也花了點時間餵羊，這兒

參加本地一天團, 去到石崗一地兩點就嚟咗呢到. 落車行入去要成10分鐘, 本來食完飯行吓山都幾好, 不過太多私家車出出入入, 攪到成日都要靠邊站, 呢日都好多人, 我地排成10分鐘先買到. 我地買咗 : 全脂鮮奶 - 奶味唔重, 飲完個口又唔會黐納納. 薑汁撞奶 - 薑味, 甜味啱啱好, 又滑, 都係揀呢個最好呢個賣牛奶既農場無牛只有羊咩咩, 如果順道既話不妨試吓薑汁撞奶.

曾經經過但沒入去試. 一直都想試. 剛好見到Citysuper 超市有得賣這款牛奶, $16. 比同size的維記or 牛奶公司貴兩蚊.味道好淡, 普通貨式, 不會有下次. 幸好沒有山長水遠入去.

農場鮮奶餐廳,久仰大名,總是不知道在哪裡, 那天從大帽山經石崗軍營返元朗, 無意中見到指示牌,心想, 怎可錯過機會, 馬上進去試試。燉奶，淡淡的奶香，不夠滑, 也不太甜，不過我倒是喜歡這個甜度。餐蛋丁，這裡很出名，麻油香噴噴，餐肉又香又脆，麵軟硬剛好,不過湯底比較咸。這裡與石崗軍營相臨，空氣相當好, 假期來這裡鬆一鬆, 實在舒服。