農場鮮奶有限公司

营业中

休息中

午飯到了附近的金壘用膳...順路到附近的農場鮮奶餐廳享用甜品。此處位置較偏僻，駕車人士由錦上路轉去荃錦公路時到對面的第一個巴士站轉入去，前面有一條單程路，約五分鐘便到。可能是復活節的關係，人多車多，而亦因單程路關係...本人駕車進去時因不停有車離開而被迫倒車多次...或許本人駕駛技術麻麻...我覺得還是健康一點步行入去較好。成個場地就好像被行山人士及駕車人士包圍了一樣，我們排了15分鐘隊，點了燉奶、薑汁撞奶和一杯凍的全脂鮮奶。我相信，如果行山人士行到攰，此處作為歇腳的地方，食物絕對不失為過，但專登駕車入嚟食的....我相信有點失望。說真的，澳x牛奶公司及義x的燉奶比它好吃，薑汁撞奶雖然很滑，但老遠走來吃的話是平值得...見仁見智吧﹗還好隔鄰有一塊草地養了多隻羊，可以買一些草餵牠們，假日呼吸新鮮空氣，不失為過。

之前係元朗士多買過"農場鮮奶有限公司"既盒裝牛奶,今次專登去睇下佢啲奶製品有幾好食西鐵係錦田站出,轉去坐雷田公既小巴,再沿住上面得一段路, 沿途經過幾個燒烤場同埋廁所,行15-20分鐘左右早餐都未食就黎農場開餐啦我見有唔少行山團住低食碗糖水;駕駛人開車過黎幫襯,我下次都要同一家大細親親大自然嗌左碗餐蛋麵,無諗過平時屋企,隨時自己都整到的即食麵 ,可以整到咁好食 ,切片圓形煎脆的午餐肉 ,太陽蛋煎得有水準,麵軟硬岩岩好 !!唔知係咪肚餓得濟,可能對住啲風景又特別好食~燉奶好幾滑!!雖然係凍,但有好香濃既奶味~好食過澳門出名嗰啲;芒果布甸啲芒果肉好甜,出面都未必食到~~薑汁撞奶: 薑汁唔太辣,岩啲鐘意奶味既朋友仔,店員都有提示要等幾分鐘先可以食,咪攪,不過愈食到中間,我覺得口感好怪好稀...

在search元朗食肆既時候, 無意中見到呢間, 排名頗高, 一於搵老公駕車落黎一試...其實都幾難搵, 在荃錦公路一個小路口轉入去, 幾乎miss左, 條路僅夠一架車過, 遇著對頭車便要讓路~下午兩點半黎到, 已經人山人海, 幸好泊好車後剛有人走, 唔駛等位, 有咩好食呢... 薑汁撞奶: 奶味唔算好濃 (我反而鍾意), 薑汁亦不太辣, 剛好, 上桌時要等一陣至好食, 風味更佳~ 魚肉燒賣: 雖然老細坦白話係交黎，但都幾彈牙... 雪菜肉碎烏冬:據聞淨係星期六日至供應，烏冬幾入味同幾滑... 鹵水雞翼: 最後幾隻, 整得好入味, 唔怪得咁好賣~鎮店之寶餐蛋丁, 雖然賣$22一碗咁貴都大把捧場客, 午餐肉煎到脆邊, 配上煮到岩岩好既丁麵同荷包蛋, 付鈔也值得~老細招呼都唔錯, 有講有笑, 不過位置實在太偏僻, 若果唔係行山或者駕車真係唔知有間咁既野...

經過大約兩個小時的路程，看看走走，走走看看，終於從甲龍林徑的起點來到終點，也是時候吃點什麼補充一下體力了。一場來到，這附近最佳，也幾乎是唯一的開餐選擇，當然是這間位於甲龍林徑雷公田入口對面的「農場鮮奶有限公司」啦！這間在 Openrice 中深受好評的「農場鮮奶有限公司」，自己一直希望前來一試，可惜始終地方較為偏遠，所以未有前來，直到這天，才終於一嚐素願，誰不知卻是有點失望。這裡的環境可真是十分不錯的，充滿鄉郊風情，強烈地帶給人遠離繁囂，寧靜悠閒的感覺。裡面飼養的數隻有老有嫩，有黑有白的山羊咩咩與體形龐大的龜龜，更令這裡的大自然氣息倍感濃厚。一早已知這裡售賣的食品款式不是太多，而且多數客人叫的都是這裡的招牌出品，好像鮮奶、燉奶、薑汁撞奶、芒果布甸與餐蛋麵等等，所以快速地前往售賣食品的地方叫來數樣招牌出品後，便把它們捧到附近的白色桌椅用餐區中，一嚐它們的味道。因為老婆仔不想喝鮮奶的關係，所以沒有叫來紙盒包裝的一公升或半公升盒原裝鮮奶，而改為一大杯從半公升紙盒鮮奶中倒出來的「杯裝鮮奶」（$7）。這杯裝鮮奶未如想像中好味，奶味不是太濃，質素只像普通的凍鮮奶，令自己稍感失望。薑汁撞奶（$15）

06/Nov. 2011 行山去食餐牛奶午餐星期日早上10:30於川龍起步, 先去荃錦坳交滙點, 這程主要在林間漫步,有高有低, 由於當日沒有太大風又入了林行起上嚟有些少冒汗, 到荃錦坳後選擇了甲龍古道去也, 整條甲龍古道全程向下微斜落坡, 路中間一道石頭路徑,似石階梯但每級高度很少, 全程約一小時, 13:30行畢大家都有點累, 但原來古道出口在農場鮮奶公司的前方,而甲龍林徑出口才是對正鮮奶公司門口, 太座話肚打鼓一定要食嘢才可以繼續行程, 如是者開大餐餐蛋公仔麵$22 味道很正常, 薑汁撞奶$15 薑汁味不及牛奶重,有奶香,質地比較稀身, 自己比較喜歡這種似乎剛凝固嘅質感, 可能因為這裡是賣奶的關係, 奶味重是必然的吧, 芒果布甸$13 其實除咗食到面頭的芒果粒粒嗰陣覺得稍有芒果味之外, 下面嘅布甸是沒有太重芒果味的只有顏色是黃的, 500ml full cream milk$13奶味重不重唔太清楚因為嗰刻只有這盒奶無從作比較,但起碼佢夠凍, 作為山間的路邊店它是很成功的了, 當14:00過後陸陸續續很多私家車到達, 將整個車場填得滿滿的,到我們走時已經是full house了,香

去元朗必去地方之就是這兒, (之前問我一些住元朗的朋友, 竟然有些人不過道有這兒地方? 真奇怪)其實路程不遠, 但這一天好熱好曬....辛辛苦苦終於行到了!一進到好多狗聲(寫了內有惡犬)枱就不多, 地方對我來說不大不少, 但環境舒適 (呢d環境昆蟲就一定有, 因為大自然~呵呵)雖然呢度D野食唔多但一肚餓, 食公仔麵就好好味之後甜品就係燉奶, 撞奶凍燉奶: 呢個我朋友食, 我試左一啖, 味道唔太特別, 但又幾滑, 感覺反而幾豐富喎...熱薑汁撞奶: 唔好見到好似水咁, 其實未完全凝固因為我朋友幫我掉左匙巾落去, 仲攪多幾下...我叫佢停手都叫唔切店員說: 千奇唔好攪牙...(已經太遲了, 哈哈)我朋友講: 下? 原來係咁架?...(激死我了T_T)結果都好似飲水咁食, 但我覺得味道對我黎講幾夠薑辣味(如果多D就好了), 苦就一定有架啦我見下面D食評叫凍好似OK, 第日我試多一次先最後在炎熱夏天下再飲凍的半公升牛奶, 爽, 好好味...(飲完覺得自己好健康...哈哈)如果可以, 我想買呢一D牛奶帶回家, 可惜當日有事做, 下次再來一定買之後咁一黎唔係只係食公仔麵, 飲牛奶, 食甜品就走咁簡

芒果布甸好好味仲好滑呀薑汁撞奶記住等2分鐘先好食呀燉奶，正本來唸住好難先搵到個入口，原來係咁容易，而且條路俾想像中好行！果度空氣清新，經常在污染中的城市人，如果想吸下清新空氣可以去呢個地方感受下！如果唔想有咁多對頭車就平日去啦

這天年初四, 沒有事幹就去了行山, 由荃灣出發, 以這農場為終點. 怎麼竟然盪失路, 好在入黑前找到路出來. 證明行山一定要帶地圖啊! 最後不知自己身在何處還是以僅餘積蓄打的到農場.我去到已過了18:00, 好在還未關門, 聽聞薑汁撞奶不太行, 就要了一盒細牛奶和凍燉奶. 合共$27.隨意找個位坐, 這裡範圍雖少但沒有人清潔.凍燉奶不重奶味, 反而覺得較甜. 滑度還可以, 但就較實, 還是澳牛的較好牛奶味道不夠蒙牛的濃. 飲落還是像超市買的, 不覺得有什麼新鮮的感覺.山長水遠來食其實不太值得, 有車會好一點, 因為由大路走進去都要8-10min.

見到呢間餐廳的評價不錯，我地一家人今日一於過來試試...可能是因為期望太高，大家食完都覺得有點失望。呢度0既食物正如其他食家所講的，餐牌一目了然~ 我地很快便選好了心水食物~我地6個大人，1個小朋友，order 了幾碗餐蛋一丁、雪菜肉絲撈烏東、1000ml 盒裝奶，兩客mango 布丁、一客薑汁撞奶、一客燉奶。先講下牛奶~ 我地要左係全脂果隻，一心以為會好香濃，點知一飲落去，大家都覺得比起平時飲的牛奶淡...有點失望! 另外，因為我地係買一大盒大家飲，所以買的時候我地問可唔可比6個膠杯我地...點知...店員一句話:「最多比4個!」...嘩! 我地有老人家、有小朋友，大家都想一起分享試下...叫1000ml一起飲都不過份吧...而且我們每人也要了麵...不過都無辦法...佢地唔比就係唔比...如果要多兩個膠杯，就只好買多一盒~ 這樣的服務太差了! 至於碗餐蛋一丁，其實無咩特別，講真，一丁麵係好難整得唔好食的...呢度的同自己在家煮的無咩分別! $22一碗麵雖然唔係貴，但亦都唔算得係抵食~ 反而係個雪菜肉絲撈烏東就幾好味! 烏東質地好好，雪菜肉絲亦整得好味! 甜品呢? mango 布丁好

是日假期, 聽聞在某個行山路徑的出入口有間鮮奶農場, 趁假日與友人相約郊遊一番, 我們跟開飯指引,在西鐵錦田站搭小巴去,曼在總站落車沿路入都見到有人揸住個鮮奶盒行出嚟,當日天氣少少熱但未係好熱嗰種,最適宜這種輕度帶氧運動,入到去都已經見好多人下,不過大家都係食完就走那種,所以無須企係度等位, 我們三個人要咗三個撞奶, 由於新鮮做出來剛剛凝固質感是非常幼滑有薑味但不辣,再來一個芒果布丁一樣”掂”,下次再來試”公仔麵”食完重可以親親大自己同d羊咩玩樂一下,好節目

揸車入開元朗，想搵地方tea一tea，見呢間嘢食評一面倒全部笑臉，即時用GPS搵路驅車進發，其實都幾難搵，終於入到去，見啲車排晒隊，坐底即刻排隊買嘢食。雞翼竟然賣晒，失望. 再叫餐蛋麵, 薑汁撞奶, 茶葉蛋, 芒果布甸, 燉奶, 鮮奶. 餐蛋麵無咩驚喜, 隻蛋太熟. 個燉奶就超好食, 好滑, 好香, 夠熱, 未食過咁好食既燉奶. 其他食物就中規中矩啦. 價錢好平, 值得一試, 不過一定要揸車入去.

是日係小妹既生日,襯冇落雨就入左黎行下玩下,講野食之前講少少題外話,要去呢個農場就係錦上路落車,一出到去原來係個跳蚤市場黎!我好鐘意行呢d鋪仔,所以都幾驚喜之後過去搭小巴入雷公田,點知搭錯方向兜左去元朗,但係小巴司機都好好人冇收多我地一次錢,落車仲教我地點行!果度其實都多人開車入去,不過依然靜靜地好舒服~地方話大唔大,話細唔細,可能果日又涼,真係超級正好休閒既感覺去到就要左餐蛋麵,肉丁麵,一盒細奶,燉奶同埋魯水雞翼(wings weekend先有)講左燉奶同牛奶先,我覺得兩樣都好好味!燉奶味道夠~~very good牛奶就唔係好重奶味 飲完會澀口果種,而係淡淡地~人人口味唔同啦,但係我好鐘意呢種!熱野等2,3mins之後都黎埋,兩個麵都其實沒有什麼特別,而且頗貴$22一碗,雞翼更是不濟!!冇魯水味,一味得個咸字,保溫功夫亦欠奉 $8兩隻不便宜食飽緊係餵羊~~白色果隻大佬實在太惡..唔想比佢食玩左一陣就走~但係好滿足!!!!nice!!但係overall黎講都真係幾好~值得去下

首先不厭其煩講多一次點樣去呢個比較荒無既地方先... 72 號小巴站就0係元朗大榮華向前行小小個投注站果度 (唔駛過馬路), 小巴係去雷公田既, 總站亦係落車既地方. 市區既朋友其實可以坐西鐵去到錦上路一樣等到架小巴. 當然有可能冇位上啦. 落車後沿住條大水坑一路行入去, 記住小心車輛, 因為都幾多車出入同埋條路係單程既! 行大概 15-20 分鐘左右, 過左一個有公廁既大 BBQ 場之後, 農場鮮奶就0係大家既右手面. 門口既"乳牛石"十分易認, 好難會錯過. 星期日同女友早上 10 點半0係元朗坐小巴入去, 可能都算比較早既關係, 都係得幾枱客, 我地坐底冇耐就開始多人喇... 同女友一人一個餐蛋丁, 好味! 老實講, 未食早餐就入去, 仲要行差不多半個鐘頭, 應該食乜野都好食既! 哈哈~ 兩塊餐肉都算厚, 半生熟蛋~ 出前一丁麵底, 煮得0岩0岩好夠彈牙~ 再加一盒凍鮮奶, 實在係星期日一大享受呢! 食完個麵之後我地再叫左燉奶同埋芒果牛奶布丁! 個芒果布丁好多芒果粒! 好香奶味~ 正正正正正! 其實仲有茶葉蛋想試, 不過我地決定下次再黎先試 食完野當然係要買札草去餵下 d 羊

特登去元朗，為咗食吓你...錦田西鐵站搭72號小巴，雷公田總站落車，司機叔叔話沿住引水道行15分鐘就到~ 沿路有花有樹，空氣清新，經過幾個公共燒烤場，見到乳牛紋GE大石就係終點~!一入去就聞到陣陣羊咩咩GE臭臭... 原來可以買草餵羊，2蚊一扎，都幾好玩。講返野食先︰餐蛋麵︰餐肉煎得幾香，漏黃太陽蛋，一丁麵軟硬適中，湯淡咗少少...全脂奶︰大盒奶(1L)先有得揀"全脂/低脂/脫脂"，我地要細盒(500ML)，只有全脂~ 普普通通，唔係特別香濃...薑汁撞奶︰即叫即撞，拎返埋位要放幾分鐘等佢凝固，入口奶香薑香，一D都唔會甜~但又唔係好滑...想試埋芒果布甸，可惜賣晒~講真呢...食物就冇乜特別...貴唔貴就見仁見智... 當作周末親親大自然節目其實都唔錯~

趁著回暖的周末~與大比來一趟久違的郊外遊~到大榮華同街的小巴站搭72號小巴~總站落車~再向引水道的方向一直一直走進去~但這是一車闊的路而已~要人車同行~小心小心~不時遇到對頭車的情況~這下子就覺得用腳步走也有好處~不用倒車再走~路上還有2,3個燒烤場~環境很好~走了約10分鐘~就見到黑白乳牛色的大石~那就是農場鮮奶的入口~一股羊臊味湧出來~~左方是小賣亭的地方~約10張戶外膠圓檯~維持住八九成滿的狀況~因用餐時間短~不會出現等位搭檯等情況~不少外藉單車手~愛狗之人也到此一遊~只在weekend供應的有珍珠雞~雞翼和雪菜肉碎撈烏冬~~最後我倆就點了一個餐蛋麵~一個撈烏冬~一盒500ml全脂奶~一碗熱薑汁撞奶~撈烏冬即取~但餐蛋麵就取號碼牌等吃雪菜碎肉撈烏冬[$22] : 大概我是在場20個餐蛋麵的唯一撈烏冬~看似無啥特別簡單手作~餐蛋麵也是呢~但自家的味道就是不同~~雪菜沖洗了一段時間吧~只隱約透出少許咸甜味~但肉碎經過醬汁炒過~加入雪菜又是配合~烏冬是平常家常吃的~但煮的時間控制得宜~自然好吃餐蛋麵[$22] : 到來前不禁一問~廿二蚊的餐蛋麵~是否真的值?結論是值得的~圓罐裝的餐肉煎