農場鮮奶有限公司

营业中

休息中

在openrice看到這間食店，一直計劃到這裏，今天終於成行了。因是無車一族，不想坐公車左轉右轉，又想省時，選擇搭的士由粉嶺直達，約$80，20分鐘到達。 大約9時到達，已有幾枱遊人在吃早餐，大多是自駕到來，電單車和單車友，我們是的士友，算是另類吧。用餐地方設計成黑白牛牛牆，小朋友很喜歡，有桌子，馬上坐下，然後點東西，餐牌貼在食店前，點餐後有個號碼牌，店員會送上食物。三個人點了:餐蛋出前一丁三碗($26X3)--餐肉煎得均勻，煎荷包蛋，蛋邊香脆，麵是出前一丁，是我吃過最用心做的餐蛋麵。牛奶500ml($15)--牛奶味濃，值得推介。薑汁撞奶($18)--撞奶入口有苦味，不知為何，也許是薑壞了，失敗之作。芒果布甸($18)--奶味香濃，芒果份量不少，芒果鮮甜。埋單$129。農場地方不大，養了一群山羊給遊客餵飼，另一邊還有一隻陸龜，一家大細假日到此一遊和品嚐美食，算是一個遊玩的好地方。逗留了約一小時多，離開時，想電召的士，但電召的士也不容易，最後步行約15分鐘到大路口，原本想坐巴士到川龍，幸運地有的士，大約車費$90到達下一站川龍飲茶。

平日少做運動既朋友...居然話去行山wor...實在係天大既"豈信‘’＜＜＜邊個會相信……o.O順得人既我當然無所謂啦...但原來真係有目的既＞＞＞鮮奶農場...呢度係行經雷公田必經之地黎...話明係鮮奶農場...當然係鮮奶出名啦...鮮奶真係出自呢個農場架...有哂packing條碼等...據聞出面係無得賣架...除左鮮奶...仲有燉奶同薑汁撞奶...雖然見唔到隻黑白乳牛...但鮮奶真係好香...又唔騷...燉奶好滑...有水水既感覺...薑汁即撞...夠哂薑味...如果唔係夏日炎炎...一定要外帶一d...返屋企慢慢嘆...原來除左鮮奶食品之外...仲有鮮奶製品...就係呢枝hand cream哪...不過packing說話made in USA...有d雪花味道...唔太杰好好推...又食又拎之後...朋友終於忍唔住出手又出口...一次又一次........>>>就係餵羊啦...估唔到羊仔細細咁鬼大力...逢勸各位家長帶小朋友黎餵羊時...小心會被拉倒啦...

今日去雷公田行山,的士私機好熱心推介我地去飲牛奶,可惜8點半未開,但原來開9點,只有假日才開放,話去行山觀鳥的友人行了30min,就要求返回去飲牛奶, 呢到有各種不同的奶制品,我地試了薑汁撞奶同雙皮奶,當然唔少得鮮奶,熱薑汁奶好滑.夠薑味,凍雙皮夠甜有奶味,新鮮牛奶夠凍,奶味超濃,好解渴飲完牛奶,其實可買草喂羊咩咩,3元一束,就可喂可愛的小羊 現在還追加一隻大龜,同樣可愛總結,店鋪路程遠,但貼近大自然,有得飲新鮮牛奶又有得喂羊,有得食,有得玩,算是都市人減壓一大熱點

趁天氣仲涼涼地，放假同家人去了行山，順便（其實係專程）去試呢間牛奶，可能是星期六，又撞正有本地團，剛去到排長龍啊...好彩不久後那個本地團走了，剛好有位可以坐下來慢慢品嚐這燉奶的甜度剛剛好,又香又滑又重牛奶味,係我最愛.這個奶其實有分全脂及脫脂, 感覺脫脂較健康,所以就選了這個了,,牛奶味真的很重很好味.如果行山經過，不防一試！

上開大帽山，老公專登同我來食薑汁撞奶來到後，環境舒適，尚有羊羊餵草1）試了薑汁撞奶，食入口，滑到不得了。清清的薑味，不太甜。正2）鮮奶芒果布丁，香濃芒果味，入口滑滑3）走前，一定買了二盒奶回家，但要一小時內雪回呀

搵女婿睇人品要係麻雀枱睇牌品。搵男朋友就要叫佢揸車帶你黎睇下佢「車」牌品。加速入避車處。倒車走位上邊。等對頭車。等等等等。絕對係考驗。不過入到黎又真係風景唔錯。抵既。天口未算極熱。帶獅子仔出黎散下步。影下相。咁黎到梗係要食下野。要左個鮮奶燉蛋白。表面平滑冇火山。中間也冇過火變蜂巢。夠滑。甜度亦都適中。鮮奶亦都係必要既。香滑之餘飲完個口會有食左牛奶糖既感覺。過癮！

it's a sunny sunday so we arranged some outdoor activities and came here for a little break. there wasn't much people at late 4pm, coz i think it's about its closing time.we got a steamed milk pudding and luncheon egg noodles.the milk pudding came as very watery, i had a little hestitate if it's really in shape at the beginning. it did, and just because it's smooth like silk! we're impressed! very strong goat smell so i could tell it's very fresh, but my man couldn't stand it!the luncheon and eg

行山行甲龍經過此處小歇一會。簡單的格局，大排檔式的自助服務，排隊到counter買嘢食，買嘢飲。食物供應當然是以牛奶及牛奶製作的食品作主打，也有簡單的快餐小吃如：公仔麵、茶葉蛋等。很多人開車到此買牛奶或稍作停留，在元朗市區亦見有麵飽店標明以此出品的牛奶製作麵飽，可想而知這裏的牛奶在此區也算有點知名度。對住外面的青綠一片，嘆盒牛奶或吃點簡單的小吃，人生一樂也。喜歡的還可買些青草餵場內飼養的幾隻羊咩咩。點了薑汁撞奶，即叫即撞，熱呼呼的。薑味很香，味濃，但不會太辣。不會太甜，而質感挺幼滑的喔。真的很想encore!! 全脂鮮奶，很rich，有鮮味，香氣不算太出，比不上北海道的鮮奶，但總比超市找到的好味和新鮮。

之前聽朋友來過，今日突然心血來潮四圍去下，於是就去左農場鮮奶有限公司～間鋪其實都幾入既，如果唔係行山或者駕車應該都幾難入去幾經辛苦終於入到去，因為入去條路係單程路，又同時係星期日，好多車，都幾危險～真係要小心啲個門口就無寫農場鮮奶有限公司幾隻字，但見到牛牛石就知到左了於是我地去左排隊買野食，今日唔算好多人，我同男朋友２個人叫左一個餐蛋麵，一個熱薑汁撞奶，一個芒果布甸同一盒奶～好快咁就比左熱薑汁撞奶，芒果布甸同奶我。薑汁撞奶：奶味同薑味幾濃，最緊要食落幾滑。係香港來講算比較少食到呢種味道/18蚊芒果布甸：食落芒果味都係重既，又係滑滑，幾好食/18蚊餐蛋麵：其實就真係一個普通餐蛋麵，但午餐肉圓圓咁有兩塊，煎得幾脆，加上半生熟既煎蛋，係幾爽既！　飲埋盒奶(/15蚊)岩岩好，我同男朋友２人飽晒/26蚊最後臨走時睇下停車位旁邊有羊羊睇～如果行完行食個芒果布甸真係幾正架！

適逢今年農曆年為羊年，加上親愛的女友想去喝牛奶，於是便一起到元朗喝喝牛奶，探棎住在元朗農場的羊咩咩，兼且親親大自然。去年在下獨自曾到過農場鮮奶，如今有著親愛的女友在一起，實屬開心的。到達的時候，依然人多要排隊，環境也與之前的一樣，沒有異樣。鮮牛奶味道貫徹如一，香濃味道也濃郁，質感也是之前喝過般濃稠，有一種 creamy 和幼滑的感覺。兩盒五百毫升的牛奶，在下與女友各自飲用一盒，非常滿足。餐蛋麵依然是必點主食，也是為今天的午餐。午餐肉共有兩塊，圓圓的午餐肉，依舊煎得香脆，內裡軟糯，煎蛋雖為全熟，但也是煎得香口呢！薑汁撞奶。親愛的女友對於這個十分喜愛，原因就是因為凝固了香濃牛奶，加上薑汁，使味道有著薑汁和牛奶的雙重的口感，有著牛奶和薑的香味，滋味萬分。魚肉燒賣。在市區都可以吃到燒賣，在這裡也可以品嚐得到。一碗共有八粒，讓咱們可以共同分享。燒賣的軟腍，加上醬油就特別鹹香，落得太多的話就變得太鹹了，幸幸未至鹹呢！咱們臨走之前，還探望一下兩隻山羊，牠們很乖巧靈俐，也在等待人們餵牠們吃東西呢！

朋友推界大帽山甲龍村雷公田上有一間農場...出產牛奶好正的...今日去睇下....屯門揸車去都好快去到......先叫牛奶飲落真的香滑有奶味...直得推界......再來一碗餐蛋麵始時如地食一碗餐蛋麵的確與別不同的....老實話..他的午餐肉的確大塊和煎得脆脆香香....正...一丁麵也煮得彈牙...直得一推.....別外環有薑汁撞奶..设有影相.也相當香滑.....大家有時間不防來走一走吸一口新鮮空氣丫...............

踏入一月，見網上有不少朋友都在分享他們往元朗摘士多啤梨的經歷，看著那些又紅又大粒的士多啤梨，弄得我也心癢癢好想去玩。平日不多機會入元朗，花了一定的時間和金錢入到去光是摘士多啤梨好像不太划算，就「順道」一訪之前一直也想去的農場鮮奶有限公司。由西鐵錦上路站轉乘72號小巴至雷公田總站，車程約十五分鐘；下車後沿著一條小徑一直走，途經大欖郊野公園燒烤場，大概十分鐘便到達。那狹窄的小路其實是車路來的，眼見有一定數量的車輛進出，大家行走時要注意安全。是日我們中午一時多去到，遊人挺多的，我倆隨便找個位子就快快買東西去。農場鮮奶(全脂500ml) $15平日也有喝牛奶的習慣，不過因怕長胖的關係，自己多是選低脂或脫脂那種。這兒若想喝低脂脫脂的就要買大盒裝，1000ml兩個人分喝有點為難，還是買了全脂小盒裝的。紅白包裝的它看起來好醒神，急不及待啜一口，奶味濃郁香滑，醇而不羶，個人最欣賞它不會太甜，仍能嚐到天然的那種味道。餐蛋出前一丁 $25下單後不消一會便從四眼哥哥手上接過一碗香噴噴又熱騰騰的餐蛋麵，兩塊煎得金黃色的午餐肉放在半生熟的煎蛋上，午餐肉厚薄適中，香脆可口，味道絕非那些又鹹胡椒味又重的廉價餐肉可媲

據說請人不果，只能在周末假期開放，人人都衝住來，由村口入來一直都是單線雙程，如果駕車來的朋友要預上塞對頭車、倒車、塞對頭車再倒車，分分鐘成個鐘先入到去，場內都要派2個職員控制交通，熱鬧過龍。車龍長，人龍都長，以往只限周末供應的食品取消，3,4點時份其他都陸續沽清，想食就要早來500ml 鮮奶，味道的確幾濃郁又順滑，如果想要脫脂低脂就只剩下1L裝，這周末天氣很熱，喝上一盒凍鮮奶正好降降溫，另外郊遊三寶的餐蛋麵幾乎人人都點，正所謂山長水又遠，總覺得好味d。餐肉keep住一批批煎，都夠香口脆身，麵底是紅叮，補充鹽份的好機會。想要小食的可以叫茶葉蛋或者燒賣，燒賣質地唔會太淋，夠彈牙，茶葉蛋都易剝又入味，連蛋黃都有微啡，一家人share 這小食小食的下午茶，然後可以買草餵下羊都係一個不錯的周末節目

辛辛苦苦行完甲龍林徑之後, 最最最最開心的莫過於在終點完成之後, 在你正前方出現的就是農場鮮奶有限公司。只有幾步之遙, 是不是令人興奮莫名呢! 講多無謂, 馬上入去坐下舒展一下小腿, 也要買點好吃的來填填肚子!人家的名字叫做 農場鮮奶有限公司, 不可能不買盒牛奶飲的。雖然小妹本來都有點擔心全脂牛奶不知道會不會很騷臭, 結果証明我是多慮了。入口香滑不濃不杰, 香滑順喉, 倒也容易接受。味道也沒有一般超市品牌來得甜, 更覺得天然呢。全脂牛奶有500ml 紙盒裝和1000ml 紙盒裝。若還是嫌多, 堂食還是可以揀杯裝的。但少了這個紅白紙盒, 感覺就是風味大減對不對? 包裝果然是很重要呀! 如果想要低脂甚至是脫脂牛奶的話, 就只有買1000ml 裝囉。飢腸轆轆, 當然不是一盒牛奶就可以解決。來一碗人人讚口不絕的餐蛋麵吧! 本來以為餐蛋麵是普通不過的食物, 不會有太大的驚喜, 事實証明這裡的餐蛋麵真的是不hea貨! 單單看那兩片餐肉吧, 煎得極是香脆可口, 不花點心思可是煎不出的。雖然不算厚切, 但也做得到外脆內軟的。底下的蛋煎得比較熟, 不過不要緊, 因為它很有蛋味! 難道是真正的農場雞蛋嗎?

自去年起，已計劃了錦上路趴走路線，位處偏僻雷公田的農場鮮奶有限公司乃行程之一。誰知，此行波波重重。第一次因天氣惡劣取消，第二次因友人家中有事取消，是日，兩位趴友又因身體抱恙而臨陣退出。小妹不欲好事多磨，決定孤身踏上趴趴旅程，享受一個人漫遊時光…… 星期六的大清早，由西灣河家中出發，不消1.5小時，就到了錦上路西鐵站。在站外，轉乘72開往雷公田石崗軍營的小巴。落車後，沿著大水渠旁的小路直行約十五分鐘，公廁前轉右，就見到農場鮮奶有限公司的門口。仍不到十點，遊客不多，男老闆熱情地和小妹打招呼。閒談間，始知道因人手短缺，這裏現時只於星期六日或公眾假期開放營業。若不想吃閉門羹，去前，最好致電查詢一下，以免白走一場。長途跋涉來到，飢腸轆轆，小妹馬上到櫃枱買了一份豐富的早餐，然後搵位坐下，邊欣賞四周風景，邊靜候店員送上早餐。 不久，男老闆親自送上餐肉蛋出前一丁麵$25和香濃奶茶$14。香濃奶茶以鮮奶炮製，入口既香又滑，奶味茶香比例適中，順喉幼滑非常，且毫不甜膩，絕非坊間茶記可以媲美也﹗餐肉蛋出前一丁麵十級棒， 如斯價錢，用料卻絕不馬虎，實屬難得﹗店家採用出前一丁麵，已經誠意十足了。麵淥得恰