農場鮮奶有限公司

营业中

休息中

天時暑熱落車之後行入去真係流哂汗自己揸車就好好多去到咩到唔理叫左包奶同碗麵食先包奶幾好飲覺得都算有奶味碗麵雖然只係簡單既餐蛋麵但又出奇地好食wor之後追加凍燉奶、熱薑汁撞奶、芒果布甸凍燉奶唔錯夠滑又有牛奶味熱薑汁撞奶就麻麻地芒果布甸好好味!!果肉多味道好!!正!!食完野又可以餵下羊咩咩其實未黎過黎試下都唔錯

經過了星期六的覓食之旅後, 星期日不想再到市區大吃大喝了, 反而想簡單一點, 所以選擇了到郊外去, 目的地就是位於我們所住的元朗區內那間農場鮮奶有限公司.這個地方, 如果不是到Openrice的元朗區食肆去搜尋, 未必會留意它的存在, 因為它沒有進入過十大食肆的排行榜內, 亦無打進過最大升幅榜的頭十位. 但如果你集中搜尋元朗這個區的食店, 就會找到它的資料, 我初期都有些奇怪, 這個鄉郊地區的農場竟然會有60多個好評, 卻連一個哭臉的評價都沒有, 所以當天去看看它有何出色之處. 跟眾多曾經去過的食家一樣, 我們都是在大榮華酒樓附近乘搭72號往雷公田的專線小巴, 車程大慨要20分鐘左右, 在總站下車後, 沿着旁邊的引水道一直走就可以了, 途中經過了一些郊野公園的休憩地方, 沿路不時會有車經過, 他們全都是和我們一樣前去同一個地方, 所以大家來時要注意車輛啊! 大慨步行20分鐘左右, 便到達了這次的目的地 : 農場鮮奶有限公司了.這裏, 其實並不太像大家所認知農場的模樣, 地方不是很大, 進門口的右邊, 有個地方養了幾頭羊, 反而牛已經沒有了, 向前走就是有蓋的小食亭, 我和老婆找到一張枱

星期五得到朋友邀請到其屋企玩狗。加上朋友家很近農場，於是就車我地去。朋友話星期六日絕對不要來，因為人多得插針不入。加上路窄，星期六日係無法駕車入去。如果唔揸車，就要喺路口行廿分鐘先入到去，沿途無遮無掩，極晒。我估未行到三分一已經晒暈。星期五，人極少。揸車由大路入大概只要五分鐘。去到時，無人，我地可能係當天第一批客人。我地帶埋狗去，狗仔可自由行來行去。我地買咗兩碗芒果布甸、一碗燉奶 & 薑汁撞奶同兩隻茶葉蛋。我本身唔飲全脂奶及其製品，所以好難judge d 燉奶好唔好。不過同行嘅友人全都讚好，很滑很濃奶味。燉奶比撞奶好，撞奶太稀，而且薑味濃得帶苦。芒果布甸我就食，好食，味道唔太甜，面頭有粒粒芒果。布甸質地滑，而且不像酒樓那些下太多魚膠粉，這裡的芒果布甸不會過度充滿彈性。茶葉蛋較咸，好入味，而且蛋白好彈牙。食完之後，行咗去睇羊。都有六七隻喺度乘涼。到我地走嘅時候先至見到有人揸車入黎。

元朗一日遊ge重點農場鮮奶有限公司!!首先喺大榮華轉角位行前d,,馬會前面搭72號小巴,,$5.8之後搭到去總站落車,,車程大概20分鐘一路沿住引水道行行行就可以,,慢行20分鐘左右就見到78大石行到身水身汗,,拿拿聲坐下食下嘢啦梗係點咗一個芒果布甸$14一碗凍薑汁撞奶$14芒果布甸麻麻地啦,,芒果肉都唔少,,但冇咩驚喜而且$14好似貴咗少少凍薑汁撞奶好食!好濃奶香味,,薑味亦適中本身冇好鐘意食薑味嘢都覺得好唔錯!店旁邊見到一籃有機蔬菜唔知係咪有得買ga呢?之後仲有得餵羊仔臨走前買咗盒半公升鮮奶$12.5一邊去行返出去一邊飲降溫又真係幾好味wor,,平時冇好喜歡飲奶,,都覺得唔錯!

開左openrice account 都有一排啦~終於的起心肝寫我第一篇食評!請各位多多指教星期六長週返工過後, 照慣例由公司搭西鐵返元朗同豐哥哥食飯~今日痴起條筋, 決定唔再o係元朗市中心食啦!橫掂有車, 決定抄低農場鮮奶o既地址, 渣住本行車地圖, 慢慢摸入去!!!!本身以為自己係元朗友, 又有地圖,應該唔難搵到啦!點知.... 真係比d 村路考起.... o係車上一路行一路搵左成半個鐘有多!!先發覺原來一開始就錯左條路!!不停o係錦上路搵路牌入雷公田... 原來要去到荃錦公路過埋軍營就會見到好大個路牌入雷公田啦!!! 摸o左咁耐搞到鬼咁肚餓!所以一到埗就同豐哥哥每人整碗餐蛋麵!大大碗麵 + 兩塊餐肉 + 荷包蛋~圖形o既餐肉煎得香! 兩塊對我黎講太多啦! 所以分左半塊比豐哥哥~麵o既軟硬度剛剛好! 但份量對我黎講都係太大啦 (同埋我要留肚呀嘛!) 所以又係分左比豐哥哥啦!!其實食完碗麵之後, 我都飽左8成啦....不過一場黎到緊係要食佢d奶類產品啦!負責整甜品o既姐姐好細心, 等我地食完麵先整甜品比我地!我要左熱o既薑汁撞奶!即叫即撞! 上左檯之後都要等兩至三分鐘,比時間佢凝結!

2010年7月13日 元朗 ( 農場鮮奶有限公司 - 1 )今天與山友們前往行山，行程地點是雷公田至河背村。早上，天公仍屬造美，天陰而沒有下雨，從荃灣如心廣場出發，乘搭51號路線巴士，此路線巴士很疏落，半小時開出一班車，於石崗軍營巴士站下車，下車後，開始步行，向前行少許，有路口，路口前，有一路牌註明為雷公田村，此時轉左，步入引水道並排的小車路，沿小車路前行約15分鐘，遇上一棟平房式建築物，門前有一塊白色的大石，石上寫上門牌號碼 LUI KUNG TIN 78，此時已經抵達(農場鮮奶有限公司)門口，我們便在此停留了約15分鐘，大家亦在此品嚐這裡的名物了。凍薑汁撞奶(14元)：入口是凍凍的奶，雖然奶做得很幼滑，但感覺不到薑的辣味，而只是感到苦味，奶味更差點兒被那苦味蓋過，詢問店員掂解會咁苦，她說：就是這樣的，已落少薑了，再多會更苦。其他朋友吃過的也覺苦味，早知是這樣苦的奶，要燉奶還好了，我想也許不是即撞吧，雪久了變苦吧！凍薑汁苦奶，不吃也吧！唔推介，如要試吃，建議要吃即撞熱的，也許會有唔同嘅感覺。百份百純全脂鮮奶半公升(12.5元)：鮮奶盒子註明是祖國製造，用紙盒包裝，奶味濃郁，跟維記銀蓋

男朋友知我好想去試下,個日落大雨都照同我去叫左兩個餐蛋面,一杯牛奶,一個芒果布甸同一個燉奶布甸同燉奶都好滑好好味不過兩個餐蛋面就令人有d失望,有d咸,面o既軟硬度都唔好成本低但煮得麻麻o既頁面不值一試!會再去o既原因係個度風景真係好唔錯布甸同燉奶都好值得一試再試呀我同男朋友係坐小巴入去揸車可能反而冇咁方便,單程路,車車/人車爭路,都幾麻煩!

昨日朋友帶我去 "農場鮮奶". 呢個地方我都係第一次黎. 感覺好舒服. 因為實在太大自然...真係好好呀...我地食咗餐旦麵 - 啲麵煮得 arm arm 好唔太林. 薑汁撞奶 - 真係好有奶味. 真係好正.可以黎到呢個地方. 又寧靜又舒服又有羊仔睇. 真係好正呀...有機會我一定會再黎呀...

男友知我一直想到這裡吃個燉奶;那天為著要給我打氣,二人就亂打亂撞走到這裡。我們都愛吃燉奶和芒果布甸;第一次選了吃熱的燉奶,第二次選了吃凍的。但覺得凍的少了那滑溜香濃的感覺,還是建議大家吃熱的了。在第二次到訪時,男友還選擇了吃茶葉旦;雖然男友說味道很好,但我就覺得太重卤水味了。聽著蟬叫、感受著皮膚上太陽送上的溫暖感覺,更重要是男友對自己的支持和鼓勵,再加上甜品,力量回來了!

之前聽朋友嚟過"農場鮮奶有限公司"飲鮮奶,食吓野好似很開心！我早已想去試一下；但路途遙遠…唉！今日終於按捺不住要搭車入去試下先。在元朗大榮華附近搭72號緑色小巴到終站後,跟住引水道步行10mins就到達，不過我個囡囡瞓著覺,唯有抱著她慢慢行入去啦！沿路有不少村民教我怎樣行。到達發現此農場並不是很大的地方！不打緊我立即叫"芒果布甸"及"凍燉奶"，兩樣奶味十分重,很滑。"芒果布甸"很多芒果，食落去有一陣濃濃的奶香。我吃了幾啖之後，囡囡自己一個人吃了一碗"芒果布甸"，唔肯俾我再吃。這裡的服務十分好，因為我們想看羊咩咩。但是,d羊去到山岥下面吃草，老闆娘立刻叫工人姐姐趕d羊過來給我們餵草。囡囡見到羊羊十分興奮；這裡真係很適合一家大小的好地方。(如果有車階級，就真係很方便。我今次就自己一個人帶著囡囡去就比較遙遠及辛苦！)臨走前，我們再要多一個薑汁撞奶，呢個就不適合小朋友吃。薑味很濃，我本人就十分喜歡。

我係第一次同朋友一齊揸車黎到呢度,之前一路都唔知有呢個地方,喺呢度食嘢感覺都好特別,真係同大自然接觸.由於大肚餓嘅關係,我都係食公仔麵填飽個肚先算.未能食呢度出名嘅燉奶同薑汁撞釢.不過要提醒大家,新牌仔真係一定要小心,某幾段路十分之狹窄,點窄法?可留意本內容之照片博士評語: 值得一去譔寫日期: 2010-05-30

周日無聊,想著同家人到郊區走走,吸收下清新空氣,順便食d市區食唔到既特色食物在網上搜索到這一農場,有自榨的鮮奶,有自家產鮮奶做的燉奶和薑汁撞奶和各種奶制品等等奶制品方面,家人要了燉奶(hkd14)和薑汁撞奶(hkd14),老弟要了杯熱鮮奶(hkd7),我要了杯鮮奶咖啡(hkd11)全部既奶味都勁香燉奶比撞奶既質感稠,但我媽咪懷疑它有落粉撞奶既質感有點稀,但咁係正常既....因為它只係靠鮮奶同薑汁既特性凝固,但味道幾清下鮮奶咖啡咖啡味好淡,但鮮奶勁香,好似飲緊日式咖啡牛奶一樣的確,係第二度試唔到既新鮮牛奶味食完野,去農場旁睇羊仔,睇牛,雖然是日陰天,但看著牛羊悠閒吃草,心情卻是舒暢了....

同朋友去大自然地方走走，聽講呢度有新鮮牛奶，好吸引，我地由元朗大榮華搭72號小巴去，總站去總站，so easy!落左車就沿住條車路行，經過大欖郊野公園等等地方，沿住條河就一定唔會行錯!試左全脂牛奶、薑汁撞奶同燉奶!新鮮牛奶真係唔同d，個口感好rich!入口個味同普通牛奶差唔多，但尾尾有種唔同既口感!!薑汁撞奶，個人認為真係苦！果度個姨姨話一入口好苦，食落就唔苦，但我自己就真係覺得好苦，結果都係比晒朋友食XD燉奶好好味，好滑，勁鐘意呢個!!!有得泊車，出面仲有個area養左about 8隻羊，有一隻係白色，其他都係黑色！有得餵下佢地架XD果度都係半山度，幾個朋友坐係度傾一計，好舒服，遠離一下市區既繁忙，一樂也，食物又好味!

個排見到雜誌又講石崗呢個地方..就同朋友一齊過黎影下相=]又錦上路去石崗其實都幾遠下...等車+答車都差唔多大半個鐘所以我估唔係有心過黎影相同踏單車既人應該都唔會點過黎喇!呢個地方真係好難搵下..就算有地址都好難搵得到" 我地都係問左原居民先搵到" 由軍營到呢度都差唔多20mins咁辛苦先過到黎 緊係要勁食同飲奶la!!!我叫左薑汁撞奶..朋友就叫左燉奶同全脂奶一食到陣味就知肥死喇因為真係好大陣奶味! 而d奶味真係好特別..係出邊食唔到既薑汁撞奶我覺得薑味重左少少反而燉奶 奶味濃郁"" 不枉我地咁遠過黎!!d奶都好好味=] 唔同平時飲個d.. 唔係驚帶到番屋企會壞既話我真係有諗住買番盒番home食完又可以行去農場個邊睇羊: great!

5月9日,mother's day, 我們一家人開開心心入去試下農場燉奶同鮮奶去到,真係好suprise,我哋ge surprise係"職員真係好冇禮貌",事原係: 我哋開車入到農場，當日有好多車,所以有個哥哥仔係負責指引我哋點泊車,這位職員，唔知係返工返到好燥,我爸爸泊車,泊慢D,佢已經好不滿意,成塊面好似"穫"撈錦,講野又勞勞氣氣,好似想食左人,泊車泊得慢,做唔到你哥哥仔滿意,就要黑面,當日錦多車，車位又窄．如果唔小心撞到其他車，點算？泊慢ｄ是有錯的嘛？何以令到你 - 這位職員這麼不高興呢？今時今日錦ge服務態度係唔得,就算你d 食物有幾好食,但態度錦樣,叫d客人點食得開心?服務態度 + 產品質量是走在一起的! 缺一不可!