影片
更多
2017-08-26
182 浏览
最近總有某啲原因會黎荃灣，今日就搵食搵到去享和街，原來呢度好近荃灣廣場，發現呢度有間裝修別緻嘅火鍋小店。叫得做「辣度餐廳」，冇理由唔食辣啦，所以我地叫左個「青花椒麻辣鍋」（$78）。辣度黎講，我地揀左最小辣度，一隻辣椒。呷一口湯底，好香，有辣味但冇一般麻辣咁搶味，辣味係慢慢滲出來。湯底內有大量蔥、蒜頭、麻辣籽等等，綠色嘅麻辣湯底真係第一次食，味道上亦有驚喜。醬料方面，雖然要收每位$8價錢，但絕對係值得的。簡單幾樣配搭：豉油、麻油、蔥花、香茜及生蒜蓉，唔需要花巧，溝埋一齊點火鍋料，原來同個麻辣湯底味道好夾！即炸響鈴卷（$38）即炸熱辣辣，可以點沙律醬就咁食，脆卜卜；亦可以浸湯過兩三秒食，索左辣湯又係另一種滋味。仲有其他火鍋配料，包括：鳳城水餃（$35/4隻）+ 炸魚角 （$33/5粒）秀珍菇 （$26）手製墨魚滑 （$48）由於我地食辣湯底，所以盡量都叫啲魚蛋類製品，貪佢可以索到辣味，正！雪花肥牛（$98）打邊爐點可以唔食牛，呢碟雪花肥牛切得薄薄地，放湯淥一淥就食得，點埋咁自己調製嘅蒜蓉醬油，好match!呢度裝修別緻，店舖小小，但坐得舒服，幾適合人少少黎「淥一淥」呢！
叫得做「辣度餐廳」，冇理由唔食辣啦，所以我地叫左個「青花椒麻辣鍋」（$78）。辣度黎講，我地揀左最小辣度，一隻辣椒。
呷一口湯底，好香，有辣味但冇一般麻辣咁搶味，辣味係慢慢滲出來。湯底內有大量蔥、蒜頭、麻辣籽等等，綠色嘅麻辣湯底真係第一次食，味道上亦有驚喜。
醬料方面，雖然要收每位$8價錢，但絕對係值得的。簡單幾樣配搭：豉油、麻油、蔥花、香茜及生蒜蓉，唔需要花巧，溝埋一齊點火鍋料，原來同個麻辣湯底味道好夾！
即炸響鈴卷（$38）
即炸熱辣辣，可以點沙律醬就咁食，脆卜卜；亦可以浸湯過兩三秒食，索左辣湯又係另一種滋味。
仲有其他火鍋配料，包括：
鳳城水餃（$35/4隻）+ 炸魚角 （$33/5粒）
秀珍菇 （$26）
手製墨魚滑 （$48）
由於我地食辣湯底，所以盡量都叫啲魚蛋類製品，貪佢可以索到辣味，正！
雪花肥牛（$98）
打邊爐點可以唔食牛，呢碟雪花肥牛切得薄薄地，放湯淥一淥就食得，點埋咁自己調製嘅蒜蓉醬油，好match!
呢度裝修別緻，店舖小小，但坐得舒服，幾適合人少少黎「淥一淥」呢！
张贴
