辣度餐廳 (已結業)

荃灣一向有好多餐廳，尤其荃灣廣場附近，位置近西鐵站，位置方便，所以吸引好多人流，去完荃灣行街之後諗住食埋晚餐先返屋企，揀左間火鍋店食晚餐。餐廳有好多麻辣火鍋湯底選擇，如果唔食辣，都仲有選擇，特別推介呢一個水果火鍋湯底。水果鍋非常特別，材料用左哈蜜瓜、海帶、橙肉、白蘿蔔，帶點甜味，好有日式風味，而且越食越出味，甜甜地，真係好有日式風味。新鮮肥牛一睇啲肥牛就知道新鮮，而且肉質鮮嫩，未到好有牛肉味，脂肪比例尚算可以，入口都好滑薯粉薯粉要煮耐少少，如果唔係就會好硬，而且薯粉索晒湯底嘅味道，食物嘅精華同味道都入咗薯粉入邊，食落薯粉好彈牙好有口感。墨魚滑墨魚滑好新鮮，墨魚味好香，好彈牙，一定要點豬肉韭菜餃豬肉同韭菜嘅比例啱啱好，互相唔會搶咗對方嘅味道，鍾意韭菜嘅你一定唔可以錯過。貴妃苗第一次打邊爐有貴妃苗食，貴妃苗好清好甜而且好爽口，用嚟打邊爐簡直係一流。價錢非常之合理，好適合一班人過嚟打邊爐，性價比非常之高，值得推介。