辣吧 (已結業)

去酒吧通常都淨係飲酒，食下啲小食，好少人會去食正餐，但原來有啲吧嘅正餐食物都唔遜色於其他餐廳，辣吧就係其中一間我想推介！辣吧位於尖沙咀諾士佛臺，朋友們想快啲到，可以由美麗華嗰邊上樓梯/斜路，就會近啲！入去店內，見到啲裝潢都唔差，有啲古色feel，不話見佢電視有足球睇，岩晒啲睇波人士我同個朋友見上面餐牌個2-3人大鍋好似幾正，就膽粗粗叫左，點知黎到真係勁大鍋勁多餸😂2-3人份量，可以揀一款麵兩款海鮮三款肉四款菜，我地揀左土豆粉，花甲貴妃蚌，因為身體不適唔敢食麻辣，所以揀左燒烤味，但食落又幾好味，不過麻辣應該更加正！唔好睇佢炒埋一鍋，但味道同份量都係唔差！最後另外叫左串燒韮菜同埋豬天梯，呢兩個都好正，燒得剛剛好！最後 我都係忍唔住叫左杯cocktail 熱情奔放呢個味道相信好多人都接受到 幾易入口😋

麻辣海鮮夜✨媽媽一直都好想試下海鮮大咖作為一個孝順女當然要帶媽媽去食好西啦☺️甘啱見到辣吧做緊一週年慶祝活動😍只要食八款嘅海鮮大咖 就可以免費任食燒烤同熱鍋串串兩個鐘！勁抵食呀！一定吃得飽飽呀✨✨ 海鮮大咖 八款 $328一位呢個海鮮大咖係呢度嘅主打 勁吸睛每枱都有嗌架！海鮮包括有蟹、蝦、鮑魚、蟶子、扇貝、大蜆、魷魚筒、貴花蚌蟹勁多膏呀 啖啖肉👍🏻扇貝加上蒜蓉粉絲 同辣湯 無得輸呀😛海鮮份量真係好多 一定食得飽呀仲可以揀四款配菜 我揀左啲比較索汁嘅冬瓜、金菇、豆卜同白蘿蔔索唒麻辣湯 正到爆呀😛✨ 重慶燒烤有幾款串燒 我encore左幾次🙈包括有雞翼、台灣腸、排骨粒同羊肉雞翼係脆卜卜架 又不失肉汁😍羊肉串加埋孜然粉 好有蒙古風味喔✨ 成都熱鍋串串熱鍋串串有兩款醬汁揀包括係蒜蓉汁同埋平時嘅麻辣汁蒜蓉汁幾特別好香蒜蓉味同串串都幾夾👍🏻當中最喜歡有午餐肉、豬皮🙈豬皮索唒湯汁 又淋 真係超好食架🤤💁🏻‍♀️ 呢度嘅燒烤同熱鍋串串都上得好快絕對可以encore幾次 不過要記得食晒先可以再叫😛🍽 辣吧🔎 尖沙咀諾士佛臺1號1樓

答應左去尖沙嘴接朋友收工，佢話想去飲酒，但飲酒前都要食d野...去左諾士佛台行左個圈，見到呢排都好多人食既辣吧，就上來試下～見到餐廳裝修有特色，乾乾淨淨辣吧最有特色既係呢隻海鮮大咖，其他餐廳好少見！主打有八款或者六款海鮮，食得海鮮當然食夠八款佢啦有蒜蓉味，辣椒味。我呢款係蒜蓉味其實仲有配菜影唔到，有烏冬、豆卜..索曬d湯底好正先食貴妃旁，啖啖肉，鮮甜多汁蟹夠晒大隻多肉！一人有三隻蝦，人人食到笑哈哈蜆X n隻...食極仲有勝在無沙夠鮮甜聖子王勁大隻，要分幾啖食帶子仲要有粉絲配埋，加埋蒜蓉汁一流鮑魚一早已經洗乾淨，清除左多餘內臟！抵讚！魷魚爽口彈牙，咬落唔會煙銀鴨舌一串三隻，鄉道朋友即刻食咗影唔切相成餐飯食咗好耐，食到飽晒！咁豐富海鮮，一人只係三百幾蚊，抵！

記得剛剛開業嘅時候呢食過麻辣海鮮鍋，海鮮夠多又好食！今次見到有四川鍋，就試下。個鍋我哋叫咗蒜蓉味，今日唔想食辣，因為怕好熱氣！$488蚊二至三人餐，可選一款粉麵、兩款海鮮、三款肉類及四款蔬菜。粉麵揀咗重慶小麵，食落去都幾爽口，面質唔錯，係幼身嘅。撈埋啲蒜蓉味唔算好濃味但，係都幾香。海鮮就叫咗花甲及鮑魚，花甲份量有好多，而且幾鮮甜。鮑魚多新鮮但也肉質唔錯！鍋嘅份量都好多，但係就略覺得蒜蓉味唔夠，可能叫麻辣會惹味好多。叫咗鴨棍把同羊肉串🍢鴨棍把辣粉好惹味，都比較偏辣，而且食落脆脆地。餐廳服務唔錯，而且都坐得舒服，下次再嚟麻辣派對就更好了！

啱打卡，4人以下去食， 最好喺非繁忙時間去。有預約，不用等。9人去食，兩盆，分量是按人頭。不吃辣，兩盆都是蒜味。新鮮度一般，全部都不夠鮮味，蜆一點臭味和有沙；蟶子、蚌太熟有點韌；帶子、鮑魚不錯；蟹肉不霉，但很軟，有蟹膏但冇味；蝦正常。配了4款蔬菜在底，味道正常，但愈吃愈咸： 蘿蔔 冬瓜 金針菇 生菜 湯底很咸，也是愈食愈咸。任飲$68，單叫$38，有點貴，如果飲酒叫任飲就抵。串燒和串串分量很少，每次限叫10串，每款只可叫一串，但味道不錯，可惜任食但要限量地叫。食了2小時，所有食物都等很久，串燒和串串等不到第二轉，所以全枱也不夠飽。服務也一般，每次都叫幾次才真正理我們，應該是因為人手不夠。差不多$400一位，8個各叫了$38飲品一杯，$400有更多更好的選擇🤷

麻辣海鮮鍋🤤🤤🤤麻辣同海鮮都係我最愛！搵到尼間川菜吧簡單係幸福嘅事！揀左包6款海鮮嘅海鮮銅，湯底要左小麻辣！雖然鐘意食辣但都想食到海鮮嘅鮮味，事實亦證明左我無揀錯！6款海鮮有蟹，蝦，鮑魚，魷魚，扇貝同埋蜆。仲可以揀4款配菜，我地2個女仔食就揀左冬瓜，生菜，豆卜同土豆粉！海鮮一級新鮮鮮甜！蟹唔大隻但有豐富蟹膏！幸福感激增！蝦肉爽口無霉肉，鮑魚大隻唔韌，舖頭仲好細心已經清除左唔食得果部份🙈蜆都清晒啲沙，扇貝上面舖左蒜蓉粉絲，好香呀🤤🤤🤤配菜豆卜生菜同冬瓜索晒麻辣海鮮湯嘅精華！正到find唔到right word去形容！食到好滿足依然貪勝不知輸嗌多左個炸饅頭食！熱辣辣炸出黎點埋煉奶簡單係世界級美食！😍🤤😍超滿意嘅一餐🤩🤩

店內環境：寬落。平時都係去尖沙咀諾士佛臺度飲下酒happy hour 但真係幾少去諾士佛臺度食野，而四川菜相對上就更少。由於美麗華啲餐廳都食過晒，所以就上諾士佛臺睇下有無野食，之後就見到辣吧呢家四川菜。上到去就見到好多明星相，相信店主應該認識很多明星，的確店內環境很適合一群朋友談天說地。設計有趣： 餐排用竹製造，而且安全套濕紙巾反映設計有心思。 //全港首間海鮮大咖及正宗四川冒菜餐館，嚴選地道四川香料，自家麻辣醬，將地道傳統正宗冒菜帶給大家；首度登陸近年風靡中國的土豪海鮮宴，潮食海鮮大咖，視覺和味覺都煥然一新。//呢個係辣吧嘅餐廳介紹，大家可以參考下。食川菜其實唔一定要食辣，唔食得辣嘅朋友都可以食。呢款四川香鍋有四個口味。分別係蒜蓉味、孜然味、酸辣同麻辣。店員本身話麻辣最多人叫但由於朋友有啲唔舒服所以就叫左個孜然味。店員也表未干鍋味道像沒有湯的麻辣火鍋，感覺很過癮！熱炒十分美味，而且口味多種多樣，食材可任意搭配。蔬菜：很新鮮，而且份量很多，我和大胃王T小姐都食唔晒海鮮：推介飽魚，大隻鮮甜，聽店員話係日日都會系街市買的。小鍋大概有3－4隻左右。啤酒：1664嘅生啤本身就好飲，價錢都十分合

聽講呢度有一間有中國特色嘅bar 就黎體驗下 入到去 真係嘩嘩聲 用左中式紅燈籠同碗碟餐具 感覺好新奇 估吾到喺諾士佛台會有咁得意嘅體驗我地2個人 叫左個2至3人份量嘅四川香鍋 揀左孜然燒烤味 所以吾算辣 只係有a very small hint嘅辣 一上到枱驚左一驚 因為超大盤🤪🤪 結果都一路食一路吹水成2個鐘先搞得掂佢 入面有揀左牛肚 花膠 魚等等嘅餸 亦都好足料 連埋個醬汁 撈埋一齊 下面用個火一路加熱 好有風味飲品方面 我地2個人叫左3杯😂😂 喺呢個環境之下真係勁想狂飲野 一開始係桂花酸梅湯 呢個幾特別 好香 亦有特飲feel另外係笨啤梨青檸梳打 酸酸甜甜 不過不失最後share左杯1664啤酒 亦都發現左個四川香鍋係配啤酒先最perfect

之前男朋友陪我去深圳business trip既時候食過個蟹煲之後，一直都好想再食。有一日畀我搵到呢間辣吧，個海鮮大咖好吸引，即刻約個朋友一齊黎試試佢~$288六款海鮮，我朋友同我一樣都好中意好中意食海鮮同辣野，有蟹、鮑魚、扇貝、花甲、蝦同魷魚，再加埋白蘿蔔、土豆粉同冬瓜，全部都索哂個辣湯，超正！個辣涉辣得好過癮，但食完之後好似平時打完邊爐咁大陣味~本身好想試埋呢度個熱鍋串串，但睇到menu最少要order 30串，我同朋友兩個人食完個海鮮大咖，已經食唔落個串串，唯有下次再試。

朋友send左個食評俾我話帶我黎呢間餐廳，話d海鮮好似好正好好食，我一睇個名即刻同佢講我食唔到咁辣架喎，佢叫我睇真d~原來辣吧唔係淨係有辣野食喎，原來海鮮都可以揀用蒜蓉整喎~於是就跟佢黎試試~一入到去覺得成個裝修勁中國風，而且燈光較暗，都幾有氣氛!朋友目標清晰，就係要叫呢個海鮮大咖~係由師傅揀當季最新鮮既海產，有6款同8款揀，我地得兩丁友就叫6款試下~仲可以另外選四款配料，我地就選了生菜、薯條、土豆粉同金菇。店員先將一大個爐擺我地面前點火，跟住就將一大盆海鮮上檯啦!份量之巨真係令我好驚訝~尤其是用咁大個器皿裝住真係好有氣勢!今日既海鮮有鮑魚，膏蟹，大扇貝，大蝦，蜆同魷魚!鮑魚厚實夠鮮甜一d唔韌好有咬口~隻蟹係師傅斬開左再砌番原隻蟹形出黎，有膏之餘d肉仲好鮮甜大蝦亦預先剝左少少殼所以好容易食，貼心! 而扇貝係鋪咗粉絲同蒜蓉，就咁食已經好惹味，再擺係湯度吸下d精華，味道仲鮮!配菜方面想特別講下個薯條，本身我以為係普通薯仔切成既生薯條，但原來係波浪形果款炸薯條~就咁諗好似暗黑料理咁，但原來將薯條浸左湯個味道係出奇地夾，可能就係因為個湯底好濃味既關係，所以薯條索左d湯汁就咁好味!最後埋單有彩蛋

尖沙咀諾士佛臺一帶平台，盡是西式酒吧無獨有偶，在靠近美麗華的一商業大廈的一樓全層，是主打麻辣川菜的（辣吧），顏色深黑鮮紅，是象徵火紅紅的辣椒色。中國傳統特色-紅燈籠。麻辣熱鍋串串，分別有、黑豚肉、牛草肚、野生椒牛肉、雞柳等，全部蘸上秘製麻辣醬汁，十分惹味。四川麻辣香鍋$488，可選其中一款粉麵、兩款海鮮、三款肉類及四款蔬菜，店員將已煮好的鍋放上枱後再輕炒幾下，麻辣香氣撲鼻，令人按耐不住。燒四季豆，辣味突出，塗上一層孜然粉。因為果陣辣香太重，朋友們在炒飯上桌一刻時蜂擁而至，我只能拍下此唯美照。老乾媽川味炒飯$86，材料有臘腸粒、午餐肉粒及主角老乾媽辣醬，飯粒分明乾爽，香口惹味。魷魚絲烤大茄子。炸饅頭，金黃香脆。

尖沙咀諾士佛臺除左酒吧林立，都有唔少餐廳。「辣吧」主要食川菜，成個環境都配合返，擺左d酒酲、紅燈籠做裝飾，就連枱上濕紙巾、menu都夠哂心思！餐廳主打「海鮮大咖」，廚師每日都會精心挑選唔同時令海鮮，可以選擇6款/8款海鮮，款式多之餘，亦都非常新鮮。除左海鮮，仲可以自由單點，加入配料。湯底方面，小辣已經好夠辣。呢度上菜時間幾快，落完單唔洗等太耐，侍應就捧住大大鍋上菜。份量超多，大胃王都未必食得哂，加上食物新鮮、味道唔錯，「海鮮大咖」最近仲做緊優惠，性價比極高！開得係諾士佛臺，呢度都有唔少Cocktail選擇，唔鍾意飲酒都可以試下甜品。大陸餐廳好興食冰粉，呢度都可以order「救火玫瑰冰粉」，口感類似啫喱，不過煙韌d，加埋山楂碎，做飯後甜品一流！

今晚约朋友去尖沙咀辣吧食四川霸氣海鲜大咖。在大厦—楼全層，裝修红色為主好有中國風，地方寬敞和舒適。食材和香料選自四川雲南相當講究。用餐坐位舒適點了六款海鲜大咖。朋友想試原味所以選蒜茸口味。—大盤香噴噴疊到满滿海鲜上枱，相當有霸氣同朋友不停影相呃like，見到都好開心。六款時令海鲜，鲍魚，花甲，䯧蟹，蝦，元貝，鱿魚筒。底部自選四款食材，生菜，土豆粉，金針菇和白蘿蔔加香濃蒜茸湯一滾起好味到不得了。霸氣十足花甲鮮甜大大隻鮑魚一啲都晤韌元貝膏蟹熱鍋串串，可自選十款，每款三串配麻辣汁。—串接—串好味到停不到。牛肉，五花肉，海帶超入味。味蕾感到非常洶湧，即刻喝了—杯冰凍酸梅湯。

食川菜其實唔一定要食辣。呢款四川香鍋有四個口味，而我哋就揀咗唔辣嘅蒜蓉醬香味。揀完口味，仲可以自由配搭粉麵、海鮮、肉類同蔬菜。落完單，職員就放咗個鍋架喺枱面。放鍋之前，再係鍋底點上爐火，等鍋上面嘅食物可以保持溫度。等咗冇耐食物就嚟到，其實都比想像中大鍋。兩款海鮮分別揀咗花膠件同元貝。花膠件完全吸曬鍋底嘅蒜蓉醬香味，非常入味。而元貝食落都好爽口。三款肉類分別揀咗肥牛、五花肉同台灣一口蜜汁腸。 本來以為肥牛放得係鍋耐就會變得乾同硬，但又冇呢個情況發生，食到尾牛肉仍然肉質鮮嫩又唔會變硬。台灣蜜糖腸嘅蜜糖味好突出， 食落有好濃嘅蜜糖味，又同蒜香味都幾夾。四款蔬菜分別揀咗娃娃菜、秋葵、土豆同埋炒蛋， 而鍋內本身都有三色椒、蔥同埋芫茜作調味。 蔬菜都係完全吸收曬湯底嘅精華，非常入味。秋葵要早啲食，因為食到中途已經開始爛同散開，不過依然爽口。老司機餐廳仲有幾款富有中國特色嘅cocktail，當然要試下。老司機以廣東米酒為主酒，再加入檸檬汁同蜜糖等等。又估唔到呢度嘅Mango Smoothie都好好飲，打得夠細滑又加入咗好多鮮奶，飲落香甜又夠滑。

偶爾都會想食下啲辣野過口癮，今次就嚟到辣吧試下正宗辣味有幾辣。幾欣賞餐廳嘅裝修，好多打卡位，例如門口嘅大酒樽，好中國風。餐廳裝修到好似古代客棧咁，紅色燈籠好有氣氛。枱上面就印左古文字，餐飲menu係竹卷樣，好有特色。仲有餐廳嘅紙巾濕紙巾都特別設計過，係用心之作。終於入正題嘅四川香鍋。我地兩個人食，所以叫左488二人份，香鍋入面包一款粉麵，兩款海鮮，三款肉類，四款蔬菜。我地揀左：一款粉麵 - 土豆粉兩款海鮮 - 鮑魚 花膠件三款肉類 - 黑豚肉 豬頸肉 雞軟骨四款蔬菜 - 白蘿蔔 秋葵 炒蛋 蓮藕因為朋友食唔到太辣，所以叫左孜然燒烤味，少少辣，幾開胃。有真鮑魚同花膠，用孜然食法食都食到鮮味。除左海鮮之外，今次最鐘意係雞軟骨同秋葵，脆卜卜好好食。餐廳連鍋都係中國風救火玫瑰冰粉 $38食完辣野食啲涼陣陣嘅冰粉感覺好爽，入面有玫瑰，花生，山楂，好多料。埋單兩個人$579，食到好飽，最緊要係餐廳氣氛好好，適合傾計，都抵食嘅。