辣吧 (已結業)

記得剛剛開業嘅時候呢食過麻辣海鮮鍋，海鮮夠多又好食！今次見到有四川鍋，就試下。個鍋我哋叫咗蒜蓉味，今日唔想食辣，因為怕好熱氣！$488蚊二至三人餐，可選一款粉麵、兩款海鮮、三款肉類及四款蔬菜。粉麵揀咗重慶小麵，食落去都幾爽口，面質唔錯，係幼身嘅。撈埋啲蒜蓉味唔算好濃味但，係都幾香。海鮮就叫咗花甲及鮑魚，花甲份量有好多，而且幾鮮甜。鮑魚多新鮮但也肉質唔錯！鍋嘅份量都好多，但係就略覺得蒜蓉味唔夠，可能叫麻辣會惹味好多。叫咗鴨棍把同羊肉串🍢鴨棍把辣粉好惹味，都比較偏辣，而且食落脆脆地。餐廳服務唔錯，而且都坐得舒服，下次再嚟麻辣派對就更好了！